初見

營業中

休息中

喺荃灣愉景新城附近海壩街嘅『初見創作料理』裝修格局好有森林feel ，咁我今天著咗件好休閒嘅蘑菇衫同佢真條好襯，構造成一幅美麗的Mushroom Forest圖畫，嘿嘿，靚靚心情入去前見到個推介，初見仙氣壽司拼盤似乎好吸引，但同行朋友唔係咁鍾意吃壽司，所以我諗住下次搵過有仙氣啲嘅人先來享用，今次就叫咗另一個睇來都唔錯嘅初見特選海皇蟹刺身配味噌湯，材料丰富，有最主要嘅蟹肉，海膽，蟹膏，蟹膏面仲有澄色蟹籽，而青葱下面藏有吞拿魚蓉，跟住仲有白色帶子，黄色玉子及蟹柳，構成另一幅美麗畫面。一個98蚊嘅餐可以有咁多享受，夫復何求？另一個餐就係呢個扇貝三文魚海鮮蕃茄煱配白飯，煱裡有扇貝，青口，三文魚，蝦，冬菇……配備嘅即日花茶係清肝明目，清熱解毒的菊花茶，好正而小食就係網上熱推嘅邪惡炸薯條想知幾邪惡?一於來試吓喇。

朋友聽日去參加揸馬10k，為咗鼓勵佢，我特登走咗去荃灣，揀咗間正嘅日本料理餐廳食好西。我就叫咗有「仙氣」嘅壽司拼盤，好新鮮嘅壽司，質量高，其實我真係有啲估唔到荃灣都有咁多好嘢食。朋友呢就叫咗雞翼雙併，即炸明太子雞翼同炸芝士餃子釀雞翼，再加佢至愛嘅特選牛肉烏冬，佢仲改咗地獄湯底。佢話雞翼好惹味，炸明太子雞翼就辣辣地，芝士餃子釀雞翼就好cheezy，佢一次過有兩種口味。烏冬就係爽口彈牙，牛肉軟滑。朋友話今晚要早啲瞓，希望佢聽日 賽果理想啦!

今日和朋友來這兒吃午餐 選了這一間名為「初見」嘅餐廳佢午餐有兩版lunch set Menu 有凍有熱 有西餐有拉麵有壽司 選擇範圍好大 適合啲鍾意試唔同新野嘅人我哋就揀咗D2 : 初見特上漢堡包配薯條 （$88) 同A5 初見四色刺身配味噌湯 （$88) 過咗一陣啲嘢就嚟啦 餐具放喺隔離自己攞 大部份係木製餐具 好靚薯條食得出係啱啱炸 配上番茄醬 好吃漢堡包好大塊 仲有煙肉啱啱煎好加芝士 漢堡扒好厚好juicy過多一陣個飯都嚟咗 四色刺身係三文魚 帶子 油甘魚同甜蝦 三文魚係比三文魚腩 好肥美 帶子鮮甜 油甘魚同甜蝦都食得出好新鮮 加埋一啲蟹柳絲一齊食 最後埋單$178兩個人, 原來呢度仲要冇收加一, CP值高 非常抵食!

今天同朋友到出荃灣，一直都知荃灣有很多美食！今次朋友再帶我到了一間在福來邨附近的日本料理😋一進店，環境很特別，像置身於樹林之中，枱椅主要用木來打造，襯托番自然的感覺。Weekend來也有午市套餐，幾抵食。有刺身類，烏冬，熟食也有。價錢由$5x至$1xx 也有。首先來的是海皇蟹刺身丼$98。裹面有蟹羔，呑拿魚蓉，海膽，玉子，帶子，蟹柳絲。蟹羔，呑拿魚蓉，海膽是用蟹殼來承載著，再配上壽司飯來食，味道很夾。另一個叫了四色刺身丼$88，有三文魚，油甘魚，帶子，甜蝦，玉子蟹柳！刺身非常厚切，味道新鮮。😍

平日夜晚黎到荃灣行下行下見到間幾靚既餐廳門面好光鮮 又好熱鬧本住平日都多人食 一定唔會差既心情就一於入去一試8:30都好多人 入面full晒 吧枱都full啱啱好有兩個位Menu 好有詩意 好鍾意睇小故事餐廳定期會update menu 呢期有呢個火鍋set發現 現場大部分人都係食緊石燒/鍋物而我同朋友就點左幾樣share食 其中一個upgrade to set dinner+25$轉既套餐有 前菜(刺身） 湯（西湯） 飲品（果茶）南瓜湯 好清新 唔會creamy 另一種感覺牛肉鍋 好足料牛肉唔肥有肉味鍋有菜有獅子狗卷有金菇冬菇芋絲白紅蘿蔔個湯唔會太咸 恰到好處牛肉有8片夠晒滿足卡邦尼意粉隻流心蛋超流心 蛋汁可以倒出黎添扁意粉夠掛汁 而且al dente 卡邦尼汁夠濃味 煙肉同菇都好足料實在太意外 好少日式西餐會煮得咁好食撈底啲仲有好多汁撈小食叫左雙拼雞翼 （明太子/芝士）雞翼炸得香口 明太子豐富芝士都唔差 但同明太子比 就相對比下去兩個人食咁多野都係$250性價比真係好高呢

同事吃了多次，極力推介這間小店。整條街有蠻多的食店，下次可以再去試不同的店。一行三人，沒有訂檯，店員1號指了我們去一張寫着“Reserved"的檯。店員2號在我們一坐下，馬上叫我們轉去另一張檯。朋友吃了刺身拼盤，覺得食材都很新鮮、賣相也美觀。只吃熟食的我，點了黑松露意大利飯，感覺足料，食得飽！結帳時，店員給了我們一pack利是，大概是去吃的那天很接近新年，很有心啊！新年快樂！祝大家收利是收到手軟！

位於荃灣名叫初見的日本親餐廳，好像以前去過台灣一些文菁cafe，裝修簡單而精緻，地方乾淨，枱同枱之間留有足夠空間。初見特選牛肉烏冬：用上高質素嘅牛肉，唔需要任何調味，只需要一個好清甜嘅牛肉湯底，已經帶出牛肉嘅鮮甜味,烏冬有口感，非常彈牙。初見特選海皇蟹刺身丼配味增湯：（吞拿魚蓉，蟹肉，蟹膏，海膽，帶子，蟹柳和玉子等）：海膽嘅鮮甜味在口裏面徘徊，吞拿魚蓉帶子亦都非常新鮮，蟹膏咸度適中，撈埋飯一齊食，非常可口。建議大家如果去就早些少，12點前一定會有位，因為之後會撞正午市。

熱辣辣既冬天，同個fd去到荃灣既南豐紗廠，結果失望而回，走左去尼到食日本野。 地方幾大，田園風既木桌木椅比人舒服既感覺。呢到既野食味道比較清淡。個人推介大蝦海鮮烏冬，午餐有飲品送。午餐時段既大蝦櫻花蝦什錦海鮮烏冬加咖哩汁賣相唔錯， 青口好鮮甜，個大蝦有先煮過，有香烤bbq味，68 蚊幾抵食，好多料，同埋加配個咖哩汁，我就張d面條擺入去汁到食，都唔錯。呢個係海皇蟹刺身丼我其實以為呢個丼有多d餡，點知都唔係好多，個飯唔夠送料。 但係食材新鮮，幾好味。個海膽好正，個蟹膏好香。 但真係少料左d.飲埋個味蹭湯同熱茶都唔夠喉。

星期六晚七點半入座，咁岩有一大枱走咗，淨係等左10分鐘。極力推薦 初見邪惡炸薯條（$40），鹹蛋黃成條薯條都係呀，又夠粗，建議問店員拎一小疊鹽粒，就已經吊晒啲鹹蛋黃味出嚟 唔使點茄汁同沙律醬都好夠味。初見版石燒香草吉列牛肉拼糖心蛋配白飯（$118），牛肉多筋，入口唔溶，但係呢個價來講已經唔錯。三文魚海膽丼（$118） 好：海膽新鮮，玉子好甜，三文魚OK新鮮可以好啲：海膽多少少三文魚少少少，魚生飯多少少醋筷子套有籤文新一年恭祝大家大吉大利，同食多啲油甘魚人均$140是不錯的

作為無飯夫婦，夜晚當然要去搵野食，路得圍大部份餐廳已經品嚐過，想試試新的，向前走，見到餐廳名挺有餐，即然初次見面就試一試吧！特選牛肉自家制豚骨拉麵，湯底濃郁，像需要時間淆製的湯底，牛肉大小適中，有牛香味，非普通貨，拉麵夠彈和滑，整體來講質量不錯。刺身質量也不錯，吃落覺得新鮮。老闆似乎很喜歡日本文化，餐廳裝修以簡單風為主，播著日本歌曲，其中一首是新世紀福音戰士主題曲，音樂不大聲，不會騷擾到食客。對客人很貼心！

路過見到有間裝修得幾特別嘅日式餐廳，外表同日式居酒屋有啲似，但內裡係充滿住文青feel，裝修簡簡單單，但好開揚，好闊落！樓底好高，好有空間感🤩🤩晚餐時間會多人少少，但都坐得好舒服😌一啲都吾覺逼～由於好懶，所以都係叫咗一個餐，貪佢乜都有齊曬吾洗點諗，價錢合理大眾化，餐嘅食物都多架！套餐包括：刺身/沙律小食選擇咗刺身。三文魚刺身冰凍新鮮，魚油味重，每件都係厚切上，讚！油甘魚吾腥，同樣好新鮮夠凍，用嚟做餐前小食一流。照燒汁豬軟骨拉麵🍜湯底係自家制豚肉湯，湯汁好香，帶有濃濃嘅豚肉味，一啖麵一啖湯咁食仲正😋豬軟骨好林好入味，肉質嫩滑，份量都吾少！拉麵彈牙幼滑，好爽又有口感！配埋半隻流心蛋真係完美😍另外仲會配埋餐飲同餐湯！成個套餐一個人食好夠好滿足～整體嚟講，性價比屬高，價錢夠大眾化，餐單設計多樣化，食物種類都多，上菜快！會再光顧😝😝👍🏻

初見創意日本料理係位於 荃灣 港鐵站附近 午餐嘅價錢介乎係 六十至九十蚊左右 就可以有交易 食到一餐高質嘅日式丼飯環境方面 鋪頭嘅內在環境係非常乾淨 並有一種日式同簡約嘅感覺 加上 煮食嘅地點一個開放式廚房 稍有差池都會畀我哋啲食客見到 係呢一個環境下食嘅刺身我非常有信心一落完單 啲員工就俾咗兩碗麵豉湯畀我哋飲 味道唔同坊間一般用粉開嘅麵豉湯 所以個麵豉湯味好出 一開始就開咗個胃 令我更加期待主菜嘅來臨餐牌上有好多種唔同嘅選擇 有一般日式便當亦都同舖頭嘅店名一樣 有好多唔同創意嘅料理 而最吸引到我嘅就係嗰種唔同款式嘅刺身丼飯 首先我就嗌咗 一份四色刺身丼 帶子蝦三文魚 吞拿魚 刺身 每一種都好新鮮 帶子刺身就好貼心咁 放多咗半塊檸檬片闢走腥味👍 睇下塊帶子 很想要吧😋有朋友就嗌咗一份 特選海皇蟹刺身丼 入面有好多名貴嘅刺身同材料 包括海膽蟹黃蟹膏蟹肉蟹柳 帶子同埋吞拿魚蓉 各樣嘅材料配搭起上嚟 簡直係一個 極上嘅滿足😋😋 丼飯真係好足料好好食 人均一百蚊以內可以食到呢個質素 真係超抵食！！

前兩日約咗朋友喺荃灣呢間小店食晚飯， 呢度地方唔算太大，但係裝修簡約，令人坐得舒服，沒有一般茶餐廳喧譁嘈雜嘅聲音。我哋選了一個牛肉雜菜火鍋， 火鍋湯底唔算太濃， 味道剛剛好。牛肉真係算唔錯，而且份量亦十足，應該有八片， 配上熱鍋熱辣辣！加25蚊套餐仲配上玫瑰花茶，花茶很清香，南瓜湯很入味，裏面仲有一些南瓜蓉， 仲有兩片小魚生刺身， 真係十分抵食。而我朋友嘅牛肉烏冬亦好夠水準， 除咗有紫菜、半熟蛋，牛肉亦很嫩滑，烏冬很爽口，湯底十分鮮甜。這間小店除咗樓底高，環境優雅之外，服務員亦很細心，值得一試！

同媽媽在附近行街，經過香車街街市附近見到原來有一排餐廳，仲間間都有人排隊好旺下。其中初見創作料理午市有西式同日式餐，價錢由$58-98免加一，仲有吉列牛，不過雖然寫供應時段為晚市，但原來午市都有得食呢媽媽叫左個初見四色刺身丼配味噌湯。刺身飯都幾大碗，女生自己一個未必食得哂啲飯。刺身份量多，全部都算新鮮，其中甜蝦最好味。飯就略嫌太濕而且冇乜醋味。附送嘅味噌湯味道不錯。我叫左個吉列牛，午市的話，連白飯同溏心蛋$118，牛嘅份量不少，兩個人share玩下絕對夠食。石板上有舊油脂畀你搽上去再放塊牛落去燒，不過個火比較細，每邊我都燒左大概一分鐘先食。我係見佢外層係香草比較特別先試，不過其實食唔出香草味。特別要讚溏心蛋味道很好，裡面蛋黃軟綿綿的，剛剛好！味道亦唔會過鹹。午市唔貴免加一，野食份量亦大，不失為附近上班族一個唔錯嘅選擇！

我同朋友12:15去到餐廳，本身只有1枱客（餐廳開12:00），但走既時候接近1:00，差不多滿坐😅都幾多上班族黎食。我叫左個海皇蟹刺身丼，因為睇相好似好吸引... 個飯好多刺身，帶子好鮮甜，我平時唔食吞拿魚，因為覺得好腥，但呢個吞拿魚蓉冇乜腥味，反而幾鮮甜，蟹膏同蟹肉都好正，好新鮮，送飯一流呀！朋友叫左個板燒雪花牛肉，有得自己燒真係幾好玩🤪中間既燒汁超好食，我點勁多😂我食左啲南瓜同菇，南瓜好甜，而聽朋友講，啲雪花牛肉夠厚，有口感，唔會un (但當然要自己燒得好啦😂）。喺餐廳坐得幾舒服，間餐廳空間夠大，唔使坐到好迫，侍應嘅態度都好好，我地嗌咗比較貴嘅套餐，但係每人都$100有找，最重要係食材都幾高質，性價比高！