初見

營業中

休息中

好耐冇黎荃灣搵食，今日想食日本野，友人知道有一間午市套餐好抵食，而且地方舒服，就黎食個Lunch。餐廳內外門面裝修已經好日系既感覺，從門口望估唔到內裡設計頗有特色，樓底好高，空間感十足，用色以木色為主，好和諧溫馨既感覺，座位亦唔算逼澀，果然地方舒服。食物選擇午市套餐選擇不少，有分五個類別，分別係壽司/刺身/丼、拉麵/烏冬、意粉/意大利飯、洋風/漢堡及鍋物類，價錢由$50-98不等，仲包飲品，價錢十分相宜！石燒香草吉列牛 $118吉列牛已經普遍，但香草吉列牛真係第一次見，特登前來試試！份量不少，有十七片咁多，仲配有溏心蛋。附有牛肉脂肪粒，先係石板上抹牛肉脂肪粒等燒香草吉列牛時冇咁易癡底，香草吉列牛都薄切，唔怕燒唔熟入面，試過燒得冇咁熟生啲，又試過燒全熟至兩邊微焦，個人口味中意後者多啲，面頭少少焦香，內裡肉質腍而帶咬口，比較可惜既係肉味不夠濃，以及香草味較薄弱。至於所配既溏心蛋，十分入味，熟度岩岩好，高分之作。午市套餐—日式豚肉叉燒牛角包配炸薯條 $58$58仲包飲品，豚肉有四大片，鬆軟口感，淋上左日式燒汁，仲有蒽花及沙律菜，口感豐富，牛角包好重牛油香味，食落仲甜甜地，同日式豚肉叉燒好夾，

可能是週末的關係，餐廳人流頗多，我們不需要等候，不過我們入座不久，外邊也開始有排隊的人。初見特選海皇蟹剌身丼配味噌湯   ($98)(蔥吞拿魚蓉、蟹肉、蟹膏、海胆、帶子、蟹柳、玉子) 刺身丼第一眼看下去，份量十足，整個蟹蓋堆滿了食材。刺身的質素很好，值得一提的是，吞拿魚蓉嫩滑；蟹肉味道清新；蟹膏微香；海胆無尿味；味道雖然未至於最佳，但以這個價錢而言，絕對是有驚喜！初見壽司拼盆配味噌湯 ($88)另外壽司拼盤，賣相本身已經幾吸引，壽司大大份，沒有冰冷雪藏的感覺，海胆沒有臭味；拖羅有融在口中的感覺；帶子和北寄貝都尚算嫩滑，驚喜不及刺身丼，但整體感覺不錯！以這個價錢而， 這間餐廳的食物，絕對是非常好，日後一定會再來。

海壩街呢邊一向多茶記、粉麵店，估唔到開左間日本野，行過就俾佢既日式敞門吸引住。進入店內映入眼簾既反而係清新自在既文青風，播住輕鬆既音樂，隨性既木桌椅，感覺幾chill餐牌選擇好多，由日式刺身丼、到西式意粉漢堡，甚至all day breakfast都有見openrice好多人推薦刺身丼決定試下，隨餐附送味噌湯，味道偏向淡味。刺身丼賣相無令人失望，配料豐富好比蓋飯，wasabi同醬油自由斟酌加上吞拿魚蓉應該係選用中拖，口感滑嫩易化，唔腥；蟹膏好鮮，蟹味濃郁。All day breakfast製作需時，等左十零分鐘新鮮熱辣上枱蕃茄新鮮爽甜，好juicy；腸仔口感紮實，又唔會過鹹。黑松露炒蛋同出面好唔同，睇顏色都知落足料，獨有既黑松露香味突出，又唔會蓋過蛋香，而且口感非常厚嫩，食落似蛋包飯既做法熱香餅偏向厚身，表面焦脆，內裡軟綿，帶淡淡麵粉香，配埋楓糖漿食，香甜可口。隨餐既即磨咖啡好香烘焙味，味道甘苦，不帶酸，係我中意既咖啡豆味道見大部分客人都揀刺身丼，意想不到西式早餐都有驚喜，我既感覺果然無錯

假日來到這間位於荃灣初見創作料理店舖裝修風格小清新以木、森林🌲系為主題﹗點了初見特選海皇蟹刺身丼配味噌湯$98:剌身丼配的味噌湯，不過不失，湯中有蔥花、海帶。特選海皇蟹刺身丼賣相相當吸引🤩，以西式餐盤去裝。蟹蓋上裝著蔥吞拿魚蓉、 海胆、蟹肉及蟹膏，旁邊還有帶子、 蟹柳、 玉子等😋，帶子刺身還夾住一塊檸檬🍋, 增添帶子鮮味﹗刺身相當新鮮， 蟹膏香口creamy，蟹肉條條分明特別將蟹膏蟹肉配埋壽司素飯，口感層次相當豐富🤤﹗不過友人略嫌飯量較少﹗跟餐配凍柚子蜜，清甜潤喉總括而言，食材很高質，性價比頗高👍﹗

鋪頭嘅設計走簡約風，主要用木做材料，配搭純色牆身同植物配搭，感覺柔和舒服。.海皇蟹刺身丼（$98）午市套餐價錢係$98唔收加一，包埋麵豉湯同飲品。刺身丼裏面有玉子，帶子，海膽，蟹柳，蟹羔，蟹子同吞拿魚蓉刺身，全部都非常新鮮，而且鋪頭解凍刺身嘅功夫做得唔錯，非常美味，物超所值。會再encore😋

今日放假嚟咗南豐紗廠呢邊打卡，行過嘅時候見到呢間好似Cafe嘅日本野，所以諗住去完過嚟食dinner六點幾嚟到都唔算多人，環境好舒服，裝修都好靚！因為我哋兩個都唔係好肚餓，所以叫唔到好多嘢！⭐️石燒香草吉列牛另外加$35可以升級做做套餐，有刺身、嘢飲、同湯。今日嘅湯係南瓜湯，估佢唔到咁高質，好香濃又夠滑，刺身新鮮，仲俾咗三個魚腩！吉列牛估佢唔到好好食！外皮炸得好酥脆，中間仍然係生，輕輕一煎就食得，另外用少少鹽做調味，就已經好好食！主要係因為牛肉肉質嫩滑，冇乜脂肪，好淋，唔會咬唔開！⭐️軟殼蟹反卷細細舊，做得好精緻，用咗原隻軟殼蟹去炸，所以分量十足！食親日本野一定要叫！

今日同朋友係荃灣見面傾計順便搵地方食飯。見到「初見」名字幾特別而且裝修都幾靚就入左去食個晚飯。仙氣壽司拼盤賣相相當精緻。壽司底下有輕煙飄出感覺很仙氣。壽司有七件：三文魚、吞拿魚、帆立貝、海膽、蟹子、北寄貝、油甘魚。另有赤蝦一隻和日式甜蛋兩件。各種魚生都很新鮮。我最喜歡的是吞拿魚因為味道鮮美入口即融。帆立貝亦不錯很肥美大件😋。香草吉列牛扒吉列牛扒已經流行左一段時間。平時很少吃因為怕熱氣。今次有朋友一起分享每人一半就剛剛好。牛扒大約有十二件，另外有隻糖心蛋一開二，白飯一碗。預先把油份掃在石板上，再放牛扒再上面燒至自己滿意的程度。牛扒色澤紅嫩新鮮。我地燒至大約8成熟，牛扒質地唔錯，都幾嫩滑，有牛味，口感唔錯！糖心蛋也做得唔錯不錯吃。因為沒有水提供，我地就加左$35轉餐，即係有魚生四片（三文魚吞拿魚各兩片），粟米忌廉湯，玫瑰花茶。玫瑰花茶味道清香，挺好喝的。食完冇耐就見到門口有人排隊，可見此餐廳吸引之處！

第1次食呢間，裝修還不錯，食物質素都可以，只是熱柚子蜜味道比較淡一點。黎到一間日式餐廳食意大利食物都比較大挑戰不過味道就果然唔錯。點了：什錦海鮮配自家製蕃茄汁炒意粉。海鮮都有蝦兩隻，另外有菇類，味道還不錯。蝦肉食落去都唔散，所以口感ok。蕃茄味還算好，唔會太濃太酸。意粉既口感唔錯，咀爵口感係有的，唔會林的。成碟賣相都可以的。柚子蜜同出面飲既都係一樣，沒有甚麼特別，只係比較淡一點。地方環境算不錯。總結還可以，嘗試一次就好了。

💁‍♀️荃灣性價比高日式小店🌸人生若只如初見🌸好有詩意☺門面非常日式，裝修以木系為主，都幾靚午餐 選擇好多全部$100以下，唔使加一🔸️特選海王蟹刺身丼🦀🍱（$98)➡️ 擺盤非常靚💟 蟹蓋上面裝住吞拿魚蓉、 海膽、蟹肉及蟹膏🥢 海膽鮮甜、蟹肉一條條分明、蟹膏好香， 吞拿魚蓉夾埋飯食好正💜 仲有厚切帶子刺身及玉子🍣🔸️ 四式刺身丼🍱（$88)➡️有三文魚、油甘魚、帶子、甜蝦、玉子及蟹柳😚 用料豐富味道新鮮午市仲包麵豉湯🥣及飲品🥃 非常抵食!

放假就同男人又黎"食在荃灣", 今次黎到海壩街呢間"初見"日本料理, 下午時候都幾多人, 在門口等咗一陣店員就安排入座。 餐廳有一幅草牆令人感覺好舒服, 係我鍾意既格局。午巿套餐主要分<壽司/刺身、 丼>, <拉麵/烏冬>, <意粉/意大利飯>, <洋風/漢堡>, <煱物>, 都幾多選擇💕 我地就揀咗一個丼同一個煱物。🔸板燒雪花牛肉配日式味素飯🔸⭐⭐⭐⭐店員上菜時會溫馨提示可以先落蔬菜類再燒牛肉, 跟既白飯會有飯素, 調味就有海鹽、 類似味噌醬汁同醬油, 我就比較鍾意重口味一點既味噌醬。 牛肉脂肪分佈都平均, 而且牛味濃郁, 燒完加埋有油焦香味配飯一流~🔸初見特選海皇刺身丼配味噌湯🔸⭐⭐⭐⭐(蔥吞拿魚蓉、 蟹肉、 蟹膏、 海胆、 帶子、 蟹柳、 玉子等)好豐富既一個丼飯, 一次過滿足哂所有願望, 刺身都好新鮮, 由其蟹膏配埋壽司飯真係好正。 帶子刺身會夾住一塊檸檬, 令帶子更加鮮味。見到牆上既餐點有香草吉列牛同海鮮火鍋好似幾吸引咁, 好想下次再黎試下晚飯。

在稍為遠離荃灣的市中心，有一家頗有文藝氣息的餐廳。餐廳樓底很高，而且有一幅佈滿綠油油的樹滕的牆和一些吊掛在天花版的樹滕，令整個環境尤如置身於綠野仙蹤裡。我和男友二人分別點了兩個晚餐。menu上的單點食物加$35就可轉套餐。跟餐有湯、刺身/沙律菜和水果茶/玄米茶。餐廳的人氣no.1菜式是初見版石燒香草吉列牛肉拼溏心蛋配白飯($118) 牛肉稍微烤一烤便可上碟。肉質十分嫩口完全沒有渣。配以特製醬汁來吃十分美味。以百多元的價錢有如此質素，性價比很高！初見特選仙氣壽司拼盤($138) 相比之下有點失色。壽司飯有點過酸，而且北寄貝及帶子有少許沙粒。但賣相十分吸引，看到已經令人垂涎三尺。個人覺的牛肉更出色！

見到這間日本餐廳風格清新，於是試試。香草吉列牛肉 $118店家附帶一小片牛脂肪作為油打底，以至不粘底，很細心。爐仔燒住塊石板，因為肉切得薄，所以很快就熟。牛肉份量雖小，但肉質不錯，加上吉列香草，感覺清新。溫泉蛋流心做得好好。仙氣壽司拼盤 $138仙氣這詞最近聽得不少，未想到食飯都遇到。其實係一個加左乾冰係底再加水產生煙霧的容器。壽司飯中規中矩，但魚片新鮮，甘甜。值得一提，餐廳樓底高，有開闊感覺。牆身植物墻也很有特色。適合情侶拍拖。

1️⃣煙三文魚明太籽炒意粉($85)正喎😚😚😚成個意粉份量唔少，煙三文魚除咗面頭上朵花花，仲有啲撈左落個意粉度😋😋粒粒明太子痴住條條意粉，食左覺得creamy 得黎更有口感同層次！😚我諗我下次再嚟呢度食都會嗌返呢個意粉🥰2️⃣初見版食燒香草吉列牛肉拼溏心蛋配白飯($118)個香草吉列牛肉賣相唔錯喎！鐵板上到嚟嘅時候發出誘人嘅「之之」聲，上邊擺咗啲肥牛膏，煎牛嘅時候更加香！😚我就鍾意煎得兩下，就夾起，不太熟，會嫩d，沾上佢配左個醬汁，都唔錯😝😝啊，佢嘅溏心蛋都正😄另外，煎嘅時候留意要小心俾d油彈親☺️3️⃣加$35轉set，包括刺身小碟、西湯及餐飲 刺身新鮮，是日餐湯係南瓜湯🎃都好濃郁，夠足料(或可選麵鼓湯），仲有餐飲我揀左用乾花沖嘅花茶☺️其他照片：

第一次見到呢間餐廳就已經覺得好有共鳴。因為呢一間餐廳的名字係叫”初見”, 我好鍾意一句說話”人生若只如初見”, 所以就被依間餐廳吸引左，我都想去試左好耐。因此今次我就約咗我個朋友同呢間餐廳來一個初始見面。喺裝修方面呢一間餐廳嘅感覺好似一啲台式咖啡店，但係這一間是日式料理店，這個環境讓你有一個好舒適嘅環境去享受一個午餐，加上每一張枱的距離都不會太擠迫，所以喺舒適度方面已經加分。我同朋友各自點了一份午餐，另外我們再加上一份小食大家分享，而每一份午餐都送一杯餐飲。我點的是月見牛肉味增鍋，而我朋友比較喜歡吃刺身，因此他點了赤蝦三文魚刺身丼。而我哋兩個點的飲品都是檸檬柚子蜜，而且我們再加上一份日式餃子，這是餐廳的推介。首先上場的是日式餃子，餃子吃起來不會太油，香煎得很不錯，加上秘製的醬汁，味道十分好，但系不要太貪心去點太多醬汁，如果不是就會餃子的味道都蓋過了。然之後到場的是朋友的三文魚刺身丼，這個刺身丼的質素完全跟價錢不對等，因為他的價錢只是$78一個午餐再加一杯飲料，而他的海鮮的份量和新鮮度都有海鮮的份量和新鮮度都有像日本直送海鮮的新鮮味道，不會太雪藏的感覺。而且份量真的滿豐盛。最後出場的是我

星期六都要去荃灣等老公收工 佢比個任務我就係負責搵餐廳記得之前經過一間餐廳 主打創作料理今次終於有機會一試 餐廳名本身就好特別 人生若只如初見 我試咗佢地嘅人氣No.1 石燒香草吉列牛 目測十二件被香草包圍嘅牛塊 綠色香草包圍外邊 異常吸睛 牛塊本身已經炸得酥脆 石板上置有舊肥肉 作榨油之用所以放上石板每邊燒5-7秒就食到牛塊經過石板快速加熱 肉汁被鎖緊 肉身軟腍 啱啱燒好嘅吉列牛熱辣辣 加埋隻溏心蛋 配上白飯一流 呢個套餐絕對性價比高只需要$118就可以食到咁高質嘅料理另外我地再點多個初見三色刺身丼配味噌湯香蔥三文魚腩蓉 油甘魚蓉 甜蝦 玉子 蟹籽 蟹柳 全部材料鋪滿醋飯之上 三文魚腩及油甘魚油脂分佈平均 嫩滑無筋甜蝦鮮甜爽口又大隻 三色刺身都表現出色而且份量多 兩個人一齊食都夠飽 餐廳全日不設加一 強烈推薦老闆開分店 香港需要更多性價比高而且用心做食物嘅餐廳