初見

營業中

休息中

呢日難得放自己一日假, 約左個朋友黎荃灣行街街~本身就打算晚餐食日式野, 行左一陣就俾呢間既門口既餐牌吸引左!裝潢好日式, 入到黎有種好舒服既感覺入面仲呢有呢面草牆, 用黎影相一流!時間尚早未有好多人, 不過過多半個鐘就幾乎坐滿哂人!細心留意天花, 原來仲掛左D樹枝添係時候入正題喇, Menu既選擇有好多呀好多都好想食!!我個主食就加左$35升級做套餐, 有刺身、湯同花茶刺身小碟好豐富好厚切既魚生真係唔夠喉呀! 兩啖食哂, 好想繼續食南瓜湯足料既南瓜湯, 仲好香花茶初見版石燒香草吉列牛肉拼溏心蛋配白飯呢個吉列牛好特別, 外面綠色既係香草, 第一次試呢個組合! 十分期待仲有溏心蛋, 超豐富~牛肉基本上係生既, 可以按需要煎到你想要既程度好食又好玩! 個牛肉質嫩滑, 容易入口, 非常驚喜呀!初見特選仙氣壽司拼盤名乎其實仙氣十足既壽司拼盤!好有排場既感覺有三文魚、帆立貝、吞拿魚、海膽、蟹子、油甘魚, 仲有甜蛋同一隻赤蝦! 非常新鮮既魚生, 我最鐘意係隻蝦! 好肥美!見到D相都想再食過..Overall食物質素高! 環境好舒適, 店員服務好下次一定要黎食多次!

喺荃灣收工，去到呢間評價唔錯嘅餐廳🍴每間店舖唔係太大，但有個細bar台，環境夠光猛又幾靚。餐廳有個人氣之選，決定試下，初見版石燒香草吉列牛肉拼溏心蛋跟餐，先講前菜有刺身同南瓜湯，刺身好快上到，溶雪唔錯，幾厚切，幾鮮甜。南瓜湯好濃，不過偏甜🤤主餐上到，幾大份😂連埋個石燒爐仔，影相一流，但牛扒偏瘦，而溏心蛋亦好高分，整體來講不過不失。另外帶子，黑松露意大利飯就好高分！擺盤唔錯，而且味道極香濃，鐘意菇嘅人一定要嗌，帶子就唔算大粒不過熟度ok。最尾嗌多個釀雞翼雙拼，小貴，但料夠，味道亦唔差👍🏻

今晚約左fd去左近公司嘅日本餐廳食。平時中午想食都見滿人，時間唔夠都無辦法等，今晚終於有得試下-南瓜濃湯湯有非常濃縮嘅味道同口感，口味清新又唔重味精，南瓜味極濃，重點口感勁滑，唔會結到一patpat。前菜刺身味道新鮮，滑口，三文魚肉唔會好實帶有小小肥位。吞拿魚超乎預期，入口即溶，魚味濃郁，唔腥菊花茶冇加糖，菊花夠多，偏淡口，但菊花味道非常清香，岩岩好用來做主菜同前菜嘅中和茶。日式叉燒豬骨拉麵通常岀邊嘅日式叉燒都係培根，但呢邊係日本比較常見嘅日式叉燒，燒面唔燒底，薄得來入味，拉麵麵質偏軟，荀亦唔會硬牛肉火鍋煲牛肉望落雖厚，但脂肪比例均勻，口感唔硬，牛味足夠，配上特製嘅牛肉汁送飯更入味。唯獨個日飯底落太多水，煮林左，但程度可接受。其他配菜好多，會先煮熟先至上枱，唔洗等就可以食。邪惡炸薯條炸薯條即叫即炸，條條都會有沾有溶咗嘅鹹蛋粉，一開始食落鹹蛋味唔重，但好似鹹蛋魚片咁，愈食愈嘢味。岩岩上，薯條外脆內軟，內裏口感似食薯蓉，凍左之都keep到脆感，薯蓉會冇咁稔，但都比平時食嘅薯條更溶。-整體來講，性價比驚人嘅高，兩個女女218食到勁飽，亦可以滿足想食少（份量）而精（款式）嘅朋友仔來食。

係海壩街見到間叫做初見嘅餐廳有d人排隊，於是走去睇吓究竟係乜嘢嘅餐廳。心想應該唔伏掛原來餐廳係可以俾人book位，我地無，咁岩walk in 都好快有得食。我地分別叫咗一客佢地鋪頭推薦嘅香草吉列牛，同埋一客麵豉湯牛肉火鍋。再跟餐配埋刺身，有埋麵豉湯同玄米茶，夠哂滿足。先講返個吉列牛，係由自己控制熟度，十分個性化，我雖然覺得自己廚藝了得，但無好嘅食材同配料，我幾勁都煮唔到一餐好送嘅。另外，個火鍋湯底夠濃又好食，煮出來嘅肥牛十分入味。

荃灣出名多野食...但偏偏就無咩日本菜...最近係福來村附近開左好多新日本料理，而我承認我好膚淺的因為個店名所以選擇呢度，人生若只如初見，除了志明與春嬌...就即刻諗到fish man lok個仔,,,其實好浪漫...小店的風格就係親切...呢度店員係有笑容的!裝潢都係暖色系...仲有草牆佈置，清新而且給人舒服感覺。因為有太多食物想食...所以小食...壽司...燒物全部都叫!大家極力推介的鹹蛋黃薯條...好邪惡啊!! 每條薯條都有鹹蛋黃...好有誠意...吾會好似街邊淋醬汁上去的瘋薯...味道方面我個人就好欣賞...但老公大人就覺得稍稍鹹D...但濃味人就一定中意!!會出煙嘅壽司...一上菜就成為全場焦點，D乾冰令賣相加分。呢個初見特選仙氣壽司真係好仙啊!!8件壽司我最愛牡丹蝦....真係大啖肉...好好食! 而貝類真係好新鮮啊!!重頭戲當然係石燒啦! 肉的質地同塾的程度可以由自己決定...我見到每抬都有叫呢個...一定要試下有咩吸引...其實我在日本有試過...想不到香港居然會有!而且肉的大小同味道都不錯~ 不用飛去日本都可以食到!!

今日bb嬲左我😢 但係都要食嘢 所以我就帶咗佢去食日本野氹番佢開心 見到呢間初見好似好好食咁跟住就就走左個黎， 見到lunch Menu啲嘢食都幾抵食，仲有poster寫住全日免加一 睇見poster入邊啲嘢食就覺得好吸引,諗住一人點一個丼仲可以share食😚Lunch set 跟湯同埋飲品 叫咗一杯茉莉花茶同埋柚子蜜 杯花茶黎到好靚，聞到陣陣既茉莉花香，個人幾滿意海王蟹刺身丼好靚，入面好多款刺身，吞拿魚茸，又有蟹肉又有蟹膏，仲有我最鍾意嘅海膽，味道好鮮甜 真係食完成個人都開心返晒，一路食嘅時候對面果個仲系咁夾走我啲海膽😤咁多樣刺身入面我最鍾意食應該係個凡立貝 夾住塊檸檬好得意 檸檬令凡立貝既鮮味更加突出蟹羔咁樣撈埋食超正壽司拼盤有七款唔同嘅壽司 仲有兩舊玉子，玉子都好鮮甜，壽司有三文魚、油金魚、吞拿魚、凡立貝、海膽、蟹子、重點系有超大隻赤蝦 最鍾意食赤蝦，決定留返隻大蝦蝦最後先食 比較好食嘅壽司我覺得係帆立貝海膽同埋隻大蝦 咁多款壽司都算係好食夾抵食最後兩個人加埋食咗大約180幾蚊呢個價錢食到好有日本風味既丼整體系好抵食😚

初見名字吸引！食物也有心思！ 三五知己共聚！圍下口沫飛花！暢談當年與情！笑聲此起彼落！留下絲絲印記！至今念念不忘！心坎必有回嚮！初見版石燒窩香草吉列牛肉拼溏心蛋，牛肉嫰及薄燒後口感滑嫩，特制醬汁好味，棒！配合烏冬，湯清甜，烏冬也好！初見芝士餃子釀雞翼，味道剛好，若芝士重此更味惹味！初見邪惡炸薯條厚切香口薯條，牛油加咸蛋黃，確是邪惡到吃完又想吃，那種吃感覺是很想吃，太誘人之邪惡！初见店，環境很有氣氛，舒服！下次，結婚週年已決意來些，初見、初遇、初識！

-今日同朋友仔去荃灣嗰頭4周行下，經過見到門外望到餐廳裝修主要以木🌳為主。偷望到食客嘅餐具仲係我最like的木製餐具🥄🥢，一於就揀呢間餐廳試試。All Day ☀️Breakfast🍳🍅🍄（$88）小妹叫咗 All Day Breakfast，德國腸 + 黑松露炒蛋🍳，呢個簡直係全日早餐☀️最經典嘅組合之一。德國腸香草味偏濃，黑松露更加帶出炒蛋嘅香味，正！！板燒雪花牛肉🐮配日式味素飯🍚（$98）之前試過好幾間石燒嘅牛，呢度都有得試，當然要叫嚟食下喇。份量都算好多，除咗牛肉🥩仲有姑🍄。又係自己係板上面慢慢燒🥩，可以自由控制幾成熟。呢個石熱呢期大熱吖。餐廳環境唔錯， 枱與枱之間都好闊落。 嘢食好味到會再返食。好滿足嘅一餐😚😋。每人平均都係$90多啲啲，都算經濟==========初見創作料理地址：荃灣海壩街22號華達樓地下F號舖

今次嚟到一間裝修好文青既小店，見到佢午餐個餐牌都幾抵50幾元打上就有嘢飲送，依間餐廳都幾fushion, 有日本嘢同西餐食，入到去已經聞到勁香，見到隔離左右啲人食緊板燒牛肉，好像好好食咁，就決定跟隊食有green wall 同木系既裝修風格，幾舒服上網見到人推薦食牛肉鍋，又跟人先😂😂旁邊見到有人食all day breakfast , 漢堡等我地叫左個牛肉鍋，68元，好抵食，一眼就見到，佢提供既牛肉唔少，入面仲有蛋，獅子狗，羅白，娃娃菜，金菇等，如果吉野家坐得咁唔舒服又多人，價錢一樣既話，可以唔洗諗，要幫襯依間，坐位，環境，食物質素已經贏哂另一個，叫左板燒牛肉 98元，仲有嘢飲，牛肉好香，份量都唔少，加埋佢個醬汁，好食！不過個板個火一段時間就燒完，店員都好細心咁問洗唔洗轉個另一個火俾我地！總括嚟講，依個價錢依個質素，好ok丫！

今日同男朋友喺荃灣覓食，行到佢以前就讀嘅小學附近，經過呢間「初見」，係門外窺視，見環境不俗同差唔多係lunch Time，就衝左入去啦🤣由於係lunch time，鋪內幾乎滿坐，十分墟冚🤩.先速閱一下餐牌，估唔到lunch set 都有好多選擇🙈一共有五大類，分別係拉麵烏冬類，意粉意大利飯類，漢堡類，鍋物類同壽司刺身類，實有一款啱心水🙆‍♀️ 所以我都要花d 時間細心咁睇餐牌，因為選擇困難症又發作啦🤣.板燒雪花牛肉配日式味素飯 （$98）+ 蘋果汽水 （$10）呢款板燒雪花牛肉飯真係好抵食呀❗️份量十足，約有10塊厚切雪花牛肉，旁邊仲有雜菌同南瓜片～雪花牛肉肉質軟腍牛肉味濃郁，肉汁豐富🥰最正嘅係呢種迷你鐵板爐仔，既有視覺效果，又可以享受自助燒嘅樂趣，可以自己控制牛肉既生熟程度🙈 而醬汁有海鹽，醬油同燒肉汁，沾一沾醬汁再配合味素飯食，大滿足呀💕蘋果汽水大大杯，飲落好清香既蘋果味，吾會過份甜膩😘.日式咖哩炸吉列豬扒配白飯，味噌湯+ 是日花茶 ($68)咖喱吉列豬扒擺款別緻，令我眼前一亮💕 足足有一個手掌般大嘅厚切吉列豬扒，外酥內嫩，夠香口，放喺格油網上仲可以辟走晒啲油添❗️食落唔會有油膩感😍 旁

尋日我帶左個朋友又去左探bb，咁探完bb之後，我地就去食d嘢。呢度我上次嚟食過，所以特登帶個朋友嚟又試吓。我哋叫咗個小食同意粉。呢個係初見邪惡炸薯條，炸得好金黃色。薯條好粗身，而且鹹蛋黃味好香，但係唔覺得鹹，好惹味。我哋仲叫咗個意粉可以升級價錢成為一個套餐，就包多一碗湯同埋刺身或者沙律。呢個係南瓜湯，味道香甜，好香南瓜味。呢個就係刺身，有兩件三文魚同埋吞拿魚，賣相都好新鮮，味道鮮甜。呢個係初見綠悠大蝦海鮮意粉，所以個樣都係綠油油嘅，面頭上面仲有啲蟹肉，好鮮味。意粉整得好入味，大蝦都好爽口。

比較少到荃灣區覓食， 是日品嚐一下日式創作料理。餐廳樓底高， 無壓迫感， 裝潢走小清新風格， 感覺很放鬆。 招牌菜是石燒吉列牛肉，石板上面保留少許牛脂， 用來煎吉列牛肉。由於加入了香草， 吉列外層呈現綠色，與鮮紅的牛肉形成強烈對比。熟牛扒可以蘸鹽或味噌醬，個人喜歡鹽燒。流心蛋中間呈啫喱狀， 相當吸引。 另點的玉子煙肉芝士和牛漢堡份量十足，裏面的和牛扒充滿肉汁，連包吃一點也不乾。感覺跟餐的粗薯條長度比坊間更長。裡面是厚厚的和牛扒、芝士、蕃茄、生菜、煎蛋、煙肉。套餐加$35可以升級有西湯/味噌湯，沙律/刺身，花茶/果茶/玄米茶。魚生品質不錯， 厚切肥美。菊花香氣撲鼻， 在水中盛開更顯嬌美。初見過後，期待再見。

人生若只如初見📖好有文青嘅感覺啊餐廳裝修成個綠洲咁🌴樓底夠高有空間感 都坐得幾舒服😌但真係唔想再食吉列牛啦 放過我😂.#初見特選仙氣壽司拼盤 $138壽司拼盤下面放咗乾冰 一上枱嗰時真係勁有仙氣🥰 要即刻相機食先📷 壽司拼盤有北海道帶子、三文魚🍣、吞拿魚、飛魚子、劍魚、赤貝、玉子、大赤蝦🦐、海膽好食嘅有帶子、赤蝦、玉子 👍🏻食材好鮮甜😋但海膽真係有啲苦澀 呢個係唯一麻麻哋.#雜錦海鮮什菜鍋配龍蝦湯 $88呢個鍋夠晒粥料‼️ 😎海鮮有花甲、蜆、大蝦🦐、三文魚、魷魚🦑 、青口海鮮全部都好新鮮 尤其是大蝦同三文魚 食得出鮮味👍🏻👅龍蝦湯入邊配晒 雜菜豆腐冬菇 配料份量都好多😋龍蝦湯底有少少淡 需要滾多一陣 先會完全入晒味但龍蝦味唔錯嘅☺️

同friend喺附近篤完波行左過海霸街個頭食晚餐，見到一間叫初見嘅餐廳睇個餐牌有西式又有日式食品而且價錢又唔喺貴仲唔收加一就入左去。餐廳入面嘅裝修好舒服完全無壓迫感👍🏻我叫左個香草石燒吉烈牛轉套餐都只係（$118+$35）就有個餐湯、刺身同餐飲。個吉烈牛上到枱見到都有十幾塊，以依個價黎講我覺得喺扺食。講番個吉烈牛，佢可以因應個人喜好自己去決定牛嘅成數，塊牛肉質素幾靚肉味幾濃又帶D脂肪出面個香草吉烈入口帶香草味又唔會搶左塊牛嘅肉味，因為塊牛有一定嘅質素所以就算煎到全熟都吾會靱，仲有入口即溶嘅感覺。可惜食曬成份先記得未影相😭因為實在太好食食到停唔到口之後後加左個軟殼蟹反卷（$58），佢個軟殼蟹食得出喺即叫即炸，入口十分之香脆又唔會覺得有油膩嘅感覺😋，唔似得出邊食嘅林啤啤又油膩。我個friend叫左個日式叉燒拉麵，因為無試到就唔作評論順帶一提佢D店員好窩心，見到出面有警察抄牌就提醒楂車嘅顧客楂走架車唔洗比人抄牌👍🏻👍🏻👍🏻抵讚

放假行過荃灣，睇吓附近有乜嘢好食。見到呢一間好似日式小店咁樣，都幾高評分，所以行去睇吓，雖然唔係好近地鐵站，不過嗰頭都有幾多餐廳，不過外貌協會就覺得呢一間己有文清feel😂😂😂Lunch set 幾抵食，有面豉湯同埋嘢飲，我哋就叫咗一個牛肉鍋配烏冬，同埋一個刺身飯。牛肉鍋都幾大煲，同埋個烏冬仲會跟咗麻醬，其實就咁撈嚟食都已經好好食！😍😍😍牛肉聚點麻醬都係超好食㗎！另外刺身飯都好吸引，尤其是係隻甜蝦！不得了！