凡高廚房

營業中

休息中

今晚做下文青，來到這間叫凡高的餐廳。餐廳裡有不少畫作，吊燈、古舊的柱子、紅色的牆身，整個環境都非常復古呢。餐廳有不少選擇。我們叫了兩個set dinner，有湯有主菜有小食又有甜品很不錯。第一樣上的是這個蛋餅，很有趣，因為伴碟的醬是朱古力醬呢，味道奇異的搭！再來上了一個湯。甘荀湯，就是香濃的胡蘿蔔味，個人覺得很好飲！這個餐包的牛油和平時買的不同，是新鮮的，很香滑。套餐可以加$79元加白酒煮青口。青口的份量也頗多，很鮮甜。燒澳洲刺身級帶子及虎蝦伴鮮墨魚汁扁意粉。帶子粒粒都飽滿，而且好大粒，扁意粉煮得剛剛好，不會過「冧」。燒美國豬肋骨配燒烤醬，再配蒜蓉香草醬薯角。豬肋骨燒得很香很脆。醬汁惹味。薯角也是熱辣辣的。我們把這個清空了。甜品我覺得很不錯，朱古力慕絲非常香濃幼滑，上面的水果鮮鮮甜甜。飲品方面選擇實在太多，有足足四頁！我們左挑右挑才能挑到雪糕梳打。左邊是西柚，右邊是荔枝口味，要搞拌了才會好喝呢！

想要過一個悠閒既下午 凡高廚房真係個唔錯既選擇 當日約左朋友去食lunch 一到真係比個環境吸引 名副其實既凡高廚房 間餐廳成個氣氛都好藝術feel 因為周圍都係凡高既畫作 啲燈光同裝飾又同其他餐廳唔同 入到去個人會因為佢個環境覺得放鬆個酒架好特別 真係會想周圍影相個千秋雖然唔郁得 但用黎影相呃下like咁絕對得 後面個背景同個千秋好似融為一體咁 開頭睇就好似去左第二度咁當日同朋友叫左兩個餐 兩個都覺得好抵食 物超所值個沙律個入面既蘋果好爽口 啲沙律菜又唔會苦 作為開胃菜唔錯個凱撒沙律都唔錯 沙律菜幾新鮮呢兩個湯真係值得一讚 店員之後仲好細心咁問我地洗唔洗加胡椒粉 服務態度良好 雜菜湯好味 唔會好似落左勁多茄膏個陣假既味咁 個包係香草包 連牛油都有香草 食落好香口 比起其他餐廳既普通餐包又多左啲新意而呢個磨菇湯係由8種磨菇整成 所以係落足料 啲磨菇味好出好濃呢兩個main course由賣相睇已經好吸引 而味道當然同賣相一樣咁正啦 下個呢個係美國特級牛小排伴意大利南瓜飯 其實原本我唔食南瓜 但又好想試個牛小排 所以放膽一試 好彩都冇失望 啲牛小排一啲都唔肥 南瓜飯勁好味 甜甜地 加埋個

究竟凡高同餐廳有咩關係呢？點解用凡高呢個名？我估餐廳老細應該幾中意佢既作品餐廳内有唔少佢既作品，同裝修幾有藝術既氣氛，令人好舒服，好有韻味！一到門口己經覺得裝修好有心思，有啲花花草草既佈置，而入面就有唔同既畫作、擺設，餐廳俾人高級、寧靜、放鬆既感覺。對住櫃臺有一張桌球枱，職員話有興趣可以玩。仲有一個秋遷，雖然唔可以fing，但可以坐上去影相，效果幾靚！甘有咩食呢？都有唔少款既set dinner同散叫食物。以免麻煩，所以我地叫左晚餐，物都有！1.招牌澳洲和羊餐 $3982.地中海式火焰牛柳串燒 $298每個餐都有前菜、餐湯、餐包、主菜、飲品同甜品。前菜蛋餅，唔會好大舊，好香雜菌味，面頭有啲菇，挺滑的。三文魚卷上面有一只大蝦，幾爽口。煙三文魚唔會太咸，攤開都幾大塊，捲住入面既係酸酸地既雜菜，兩者夾住一齊食塊幾夾。呢個湯好值得推介，似乎都係呢度既招牌菜！真係落左好多既磨菇，因為飲落好香濃！平時飮既可能忌廉關係會杰杰地，但呢個係只為多磨菇而杰。磨菇唔係全部打到融晒，仲有啲一粒粒甘，有口感。喜歡磨菇忌廉湯既朋友一定要試！餐包上枱時熱既，值得讚牛油唔同平時食開既味道，好似加左香草或其他香料，令到

男友相約我到銅鑼灣區撐枱腳食晚餐~凡高廚房 。 店環境不錯, 掛上凡高的畫,好有情調。點了兩款晚款, 我點凡高頂級和羊餐$388, 男友點炭燒美國頂級Prime 牛肉眼餐$398。*** 送來免費小食開一開胃 蒜頭烤焗後好香甜與好脆口麵包條一齊食, 十分配合。******凡高頂級和羊餐前菜 【挪威三文魚酸雜菜卷】 以三文魚包住新鮮菜而汁帶少少酸, 同時配上蝦,十分開胃清新 。**【98% 野菌忌廉湯】 湯充滿濃濃野菌味, 入口有絲般的幼滑, 散發雜菌的芳香。**【招牌澳洲頂級和羊】 有三件和羊,建議熟成7成熟, 肉質口感柔嫩多汁,鮮嫩不膻, 美味可口,伴上薯角及什菜。**** 炭燒美國頂級Prime 牛肉眼餐 【歐陸式小食】 是冷盤的,以蝦及帶子配沙律菜,味道不錯,好清新。**【廚師精選餐湯】 是南瓜濃湯,入口濃稠的口感,具香甜南瓜濃厚味道。** 【炭燒美國頂級Prime 牛肉眼扒伴牛肉濃汁】 點了五成熟, 大大件又啖啖肉眼牛扒,肉味香濃而鬆嫩, 沾上牛肉濃汁很配合,伴上薯角。**兩份甜品也是【意式啤梨芝士蛋糕】 蛋糕面層是藍莓、紅莓、士多啤梨, 啤梨芝士蛋糕口感較輕柔,味道清怡不太

好耐都無同余爸爸出嚟二人世界, 一於搵間坐得舒服嘅餐廳食晚飯! 我地兩口子到左銅鑼灣凡高廚房食好西! 餐廳裝潢很有藝術氣色, 藝術可以陶冶性情, 係度食飯真係幾relax! 呢度嘅環境除左好啱情侶外, 也適合家庭/朋友聚餐! 老闆很健談風趣, 不時都會跟客人風花雪月~ 睇到menu上有我地最喜歡的生蠔, 當然不可錯過啦！ 於是點了珍寶生蠔拼盤C($268)~ 生蠔海水味濃, 新鮮爽口, 食得出是上價貨, 老闆笑言連自己都唔捨得食呀 ! 拼盤中仲有法國藍青口和太平洋虎蝦, 同樣鮮甜, 完全無雪味~ 我們也試左呢度嘅凡高頂級和羊餐($388)~ 頭盤係挪威三文魚酸雜菜卷, 味道清怡開胃~ 再來呢度嘅著名98%野菌忌廉湯, 真係即打的, 菇味非常濃郁, 入口還食到粒粒野菌, 余媽媽十分喜歡! 實是誠意之作! 餐包也絕不失禮, 係呢度嘅老闆提供秘製食譜給鳳香園製的, 十分香軟新鮮~ 主菜來了！ 招牌澳洲和羊配蒜蓉香草醬薯角真是令人垂涎~ 羊架肉質嫩滑, 完全不覺膻~ 但最令我驚喜的竟然是佢嘅配菜--- 蒜蓉香草醬薯角~ 原來呢度嘅薯仔製法一啲都唔簡單, 工序甚多, 集烚、炒、

Today is Easter Holiday, 女友Jessica放假又要帶她吃好嘢，健身的同事們說銅鑼湾的凡高廚房, 佈置很優雅，而且整個餐廳都是凡高的油畫和作品，一定令女友滿意了!  After that, we can go to watch Baby Boss together too !首先我們叫了兩客行政套餐，首先來的是Caesar Salad, 沙律又爽口又健康，我們都很注重健康的!We also order the seafood Platter, all the seafood is so Fresh and very yummy野菌忌廉湯是新鮮打磨的野菌和忌廉拌在一起，口感一流!  The Bread is also very very soft !我們叫了兩客Grilled Australia Rid Eye Steak  ，慢煮Steak so Juicy also 真的很香，真的很誘惑!  accompany with the Red Wine Sauce,  it is really very worth to eat once again再加上Red W

朋友生日，上網見呢間餐廳好有格調，就帶左佢黎呢間餐廳慶祝。上到去的確環境幾靚，座位都幾寬敞舒適。而且有油畫、小提琴同花等等既佈置，好有藝術氣息。枱上既擺設同蠟燭都好有情調。我同朋友分別叫左兩個set黎share，先黎左兩個頭盤煙三文魚包住蘋果同西芹成個波咁好得意，而且配搭幾新穎，軟淋淋既煙三文魚配上爽口既蘋果同西芹粒，令到口感多左個層次。最頂個隻大蝦幾新鮮彈牙。風乾火腿西哈蜜瓜:又係一個唔錯既配搭，清甜既哈蜜瓜加上濃郁既風乾火腿，食落好fresh而且提味雜菜湯同甘筍湯同好足料，雜菜湯酸酸甜甜好開胃。不我個人中意甘筍湯多d，飲落好creamy。餐包都烘到熱辣辣，唔錯肉眼扒好大塊，叫左8成熟，煎得岩岩好，肉質淋身而且juicy，點埋佢個汁同芥末好好味。豬肋骨好香bbq味，好入味，而且配菜薯仔好正，夠脆。同朋友一人一杯凍檸茶😆最後甜品加多左個焦糖燉蛋，好滑身，好重雲尼拿味。上面塊焦糖脆卜卜，正!雜莓慕絲，酸甜開胃，食完飯食就岩，唔會食濟兩個都食咁多野八百蚊都唔洗，都算幾抵。

今次同好姊妹去左講左好耐話想試既凡高餐廳😆😆😆成間舖都有好多名畫貼左係到，即刻成個感覺好有藝術氣息👍🏻餐廳暗暗地咁幾有情調嫁～見到有dinner set就一於試個set啦😎包咁多野食都係$398唔洗林😗😗頭盤有呢個應該係巴馬臣火腿同paparoni，好咸香但生生地我地就唔太識食啦🙈🙈呢個係三文魚酸雜菜卷，三文魚幾鮮甜，個卷酸酸地即刻開胃哂😋野飲到左😃叫左幾解渴既冰涼天地，即係雪碧+薄荷+jelly+雪糕😍😍雖然飲起黎似牙膏味😂😂另外杯spanish coffee就有球雪糕，coffee就似雀巢咖啡咁無咩特別啦～餐包幾香軟有啲香草味👍🏻個98%野菌忌廉湯好吸引😍😍😍雖然幾足料幾香濃菌味，但厭佢唔夠creamy同埋啲菇菌打得太碎啦～主菜係我最愛既招牌頂級和羊😍😍個羊好厚肉好juicy😋😋炭燒味幾重😙啲薯角甜甜地幾香脆👍🏻👍🏻好姊妹就試左另外個餐食黑松露鵝肝risotto😳😳好香呀！成件事好夾，鵝肝好肥味煎得好香🙈🙈🙈食埋個芝士餅同mousse就完美句號啦～

未入到餐廳，已經被佢門口嘅裝修感染，個人都藝術咗好多，睇店名，都估到內有好多梵高嘅作品。店員服務好好，好耐心解釋同推介我地菜式，唔會一味叫我地點d貴價菜，欣賞！店員推介我地招牌澳洲頂級和羊，於是點咗一客，再點咗炭燒澳洲和牛 (M7)配法國黑松露醬，套餐配98%野菌忌廉湯，前菜係煙三文魚沙律帶子塔，三文魚酸雜菜巷同普羅旺斯式炒田螺。甜品叫咗個心太軟同意式芝士餅。首先每一款菜，從佢地嘅配菜，餐包，擺位，都睇得出好有心思去處理每一個細節。野菌湯由野菌打出黎，飲落好有層次，唔係湯還湯菌還菌，哩點值得一讚，而且湯味好濃郁。M7和牛只叫三成熟，哩個係女友一貫食法，雖然煮到咁生，但和牛無咩血水，再配上黑松露醬，即時提升咗和牛味道，唔錯，和羊騷味唔重而且入味，兩款菜都處理得好好！其實想試埋佢地嘅海鮮，不過唔想眼闊肚窄，唯有下次幫襯時再試試。

沒想到今日既我晚餐竟然是以海鮮為主!今天與媽媽一起吃好西,便來到一間幾出名我cafe~ 一打開個menu 的時候,媽媽指著3-4人份量的698至尊海鮮拼盤,二話不說就order左... 果然是慷慨我媽媽等了around 15 minutes, 海鮮終於送上,我立刻拿了半隻龍蝦來吃! 龍蝦我肉質雖然鮮,但以這個價位來看,龍蝦的味道似乎沒有令我覺得物超所值...但是原來好戲在後頭,當我吃了一隻青口之後,根本不能夠停手hahaha~~那個青口滲入了清新的海水味，同一時間青口的鮮味也非常濃烈！！！我之後連續別了三隻先停手另外令我不斷讚好的是法國睡蟹!我很久沒有試過吃那麼香我凍蟹肉!!!而且蟹蓋上的膏不止是香,而且有種令人回味的感覺!另外我們也order了很出名的蘑菇湯~ 味道很特別,但我未不是蘑菇湯的愛好者...最後我們也order了一個主食, 吃得出意粉是煮得有心機,有控制過個火 不會煮得太久

98% 野菌忌廉湯🍄 $48 （跟餐價 $28）Cream of 98% wild mushroom soup·一個平平凡凡嘅湯，我真係忍唔出post，比人話都係嫁啦！·當店家推薦依個野菌忌廉湯時🍄，我承認我係一個平凡小人物，心諗，咪即係「忌廉湯」，但店家講到98%野菌時，我不期然期望咗一下，又當店家話好多人試完都讚不絕口時，🍎蘋果乾即刻決定～why not try?·我就好鬼衰🙈個湯一上時，我就用湯匙睇下係咪真係98%野菌🍄～有圖為證，有野比你睇🍄🍄唔知係咪用咗好多🍄，個湯質感係杰撻撻個隻，同平時飲開嘅好唔一樣！記得無錯，店家提過佢地係先炒過啲🍄，所以個湯係好大陣菇香～而且店家淨係放咗好少好少cream落去（所以唔好話佢湯唔滑身😂）依個湯其實就好個人嘅，睇下你鍾唔鍾意菇菌類，🍎我就好鍾意，所以依個湯就啱晒我，香味四溢嘅野菌🍄，只有極之微弱嘅忌廉作襯托，濃稠嘅湯，每一口都係🍄，純淨度咁高嘅湯，🍎係香港真係第一次飲！咁嘅材料，依個價錢，唔係嫌貴呀？A.O.P 新鮮虎蝦意大利粉🍤🍝 $88Spaghetti Prawn in Romance Sauce·凡高廚房提供咗2款lunch set

今次已經係第三次光顧凡高廚房了，但係今次係第一次食到佢既下午茶，食下午茶我就慣咗一定要叫tea set同埋一定要有啲花茶襯下，先夠詩情畫意。叫左個下去茶，我點解叫佢做鐵架下午茶，係因為每次叫呢啲下午茶都有三層，每一層都有唔同嘅特點：底層係鹹點、中間係一啲buffer、頂層就係甜點。果然係慢工出細貨，底層嘅雞扒漢堡包，裏面塊雞扒真係非常好食，又多汁，個包又唔係太硬，仲有d parmer ham 都幾好食，中間嗰層就係麵包為主，帶啲麵包有鵝肝醬同埋沙律醬點，感覺都幾清新。頂層嘅甜品分別有芝士蛋糕同埋朱古力慕絲，有少少甜得滯不過飲花茶就解到甜啦。值得一題！就係嗰啲花茶下面有一個火，真係暖住啲花茶，花茶就唔會變凍。而且佢個餐牌上面，每一隻花茶都有寫低佢哋嘅功用，我呢排成日都有幾聲咳，就叫咗桂花茶都幾清香。最後覺得唔夠飽，就叫咗個心太軟雪糕，心太軟焗得非常之好，裏面嘅濃烈朱古力會漏出黎，好有層次。雖然好肥但我都食晒，哈哈。埋單都不用400，兩個人不用追趕時間的，可以來享受一下環境氣氛。

周末同呀媽去食High Tea，都真係第一次。媽媽鍾意畫畫🎨所以專登帶呀媽黎呢間凡高廚房😱一入到黎，就勁多畫作放係牆上面，好正藝術呢家野，我真係.......哈哈可以打桌球添，正呀！好香既花茶，of coz係我呀媽選架啦Tea Set有一層甜點兩層咸點，由上至下分別係： 第一層意式奶凍丶芝士餅丶雲尼拿泡芙第二層法國鵝肝醬多士最底個層係煙燻三文魚吐司丶芝士火雞迷你燕麥包丶吞拿魚三文治丶意大利火腿脆棒 甜點主要都係交比我呀媽KO😆😆我自己最鍾意既就係個火雞燕麥包，雞肉好嫩滑，加上包身熱辣辣，好味道😋😋😋 法國鵝肝醬，肝味好濃好重，食落好香好滿足，都幾creamy架法式焗焦糖布甸、芒果慕絲、意大利芝士餅🍰一個大男人食一整份甜品，好似有D過份😂😂最愛焦糖布甸😍以凍食嘅方式呈現，令蛋香味道更加濃厚，食落特別有滿足感😋😋😋聽住輕快嘅音樂、寧靜嘅下午環境，可以將煩惱放低片刻🙏🙏PS. 服務員態度好好，比個👍佢

驚喜的晚餐，大少難得的訂位，同我食餐燭光晚餐，緊係要留個紀念啦！係銅鑼灣浦咗咁多年，都冇留意呢間咁特別嘅餐廳，老闆話佢地都開咗10年，不過之前就只招待會員，所以就唔係好多人知~呢度環境氣氛真係一流，兩個人輕輕鬆鬆食餐晚飯，真係好浪漫餐廳食物種類好多，選擇困難症嘅我，真係唔識揀，老闆推介佢地最出名嘅熟成牛扒，我聽朋友講得多，食就未食過，另外仲叫咗個羊架~熟成牛扒係將牛放入恆溫箱，keep 20至45日，作用係保持肉汁同埋令牛肉纖維更軟。先黎一個磨菇湯，老闆介紹係用8種菇菌打磨製成，真係好香菇菌味，香濃軟滑，從來都未試過呢種磨菇湯。之後黎一個前菜，蝦好新鮮爽甜，煙三文魚都好香。主角出場~熟成牛扒~我地叫6成熟，剛剛好，切開時已經知道唔會好難切，肉質係鬆軟嘅，放入口真係好多肉汁，就咁睇個賣相係完全估唔到，牛肉味好濃之餘，牛肉汁都超多，398一個set真係超值，自己買塊靚牛扒都要百幾二百蚊，仲要有熟成嘅技術再有專人烹調，真心覺得抵。另外我就叫咗個和羊架，羊架肉質好嫩滑，脂肪分佈都好平均，而且完全冇羊羶味，同和牛都好似，入口即溶，唔敢食羊嘅朋友真係要試下。最後有一個小小甜品，芝士蛋糕都好香，細細

頭盤我兩個都試左煙三文魚包住水早沙律，而三文魚上面有一隻蝦，而蝦的味道很新鮮帶點鮮味，煙三文魚有點咬口，入囗即溶。試埋我朋友啲凱撒沙律，我覺得可以多啲醬，因為乾左少少。相比起我中意三文魚頭盤多啲，特別啲 湯就係南瓜湯，有很重的南瓜味道，份量也不算少，並且在湯上層吱了一些忌廉。冇乜渣同埋多傑，飲完都飽飽地😛主菜薯角很好吃，感覺到有炸過外層五成熟的牛扒不會太un，肥膏和肉成正比，燒得岩岩好 容易咀嚼配上扒汁一流！龍蝦鮮味可口，好多蝦肉啊。咁大個女第一次咁大隻咁多肉！飯不會太冧帶硬，很喜歡這種口感，最重要個嘢菌味唔會好重，如果唔係我一定食唔哂😄甜品最好味就係焦糖燉蛋，上面的士多啤梨不會太酸而帶點甜。焦糖面層燒得剛好，蛋味浸味好出好重。冇得頂👍試左少少芝士蛋糕，感覺芝士出啲，唔係好甜。細細件唔洗怕肥xd整個感覺都好舒服，又夠靜。仲有好多位影相好靚👍