凡高廚房

營業中

休息中

之前公司開會好大班人，就揀一個地方包場，舒舒服服又可以做到公事，有PowerPoint嗰啲設施提供，所以就算係開會或者有meeting都可以來包個午餐或者晚餐。首先講下有咩食啦枱面有超多嘢食啊！香脆芝士蒜蓉法包-口感香脆又香西班牙蕃紅花牛尾濃湯-勁濃郁香味 裏面仲有好多牛尾可以食意式冷徹拼盤意式風味雜沙律法式凱撒沙律鵝肝醬伴黑魚子鵝肝醫非常香，而且有埋黑魚子更加鹹香十足墨西哥薄脆配肉醬莎莎汁黑松露炒蛋-炒蛋裏面滿是黑松露香味，又滑又好吃意色田螺焗薯蓉法式香脆芥末雞扒伴芥末焗雜燴菇菇焗伴西蘭花美式炸龍利魚柳至尊薄餅白菌煙肉芝士卡邦尼扁意粉芝士肉醬螺絲粉由於啲嘢食全部都幾正，而且我又懶得寫，所以就唔使咁多了，大家可以有圖有真相，可以試吓搞講座或者其他party活動！

凡高，好有藝術氣息嘅一間餐廳，到咗夜晚有live band睇，好適合放鬆心情慢慢地談心嘅地方，一邊欣賞凡高既作品，再上加聽住柔和既音樂調節心情，好relax。前菜有磨菇湯，仲可以選薯仔沙律配搭、磨菇湯濃郁，磨菇粒增加口感，好綿滑👍🏽美式香草野菌燒雞墨魚意粉：濃郁醬汁依附係每條意粉，再配搭埋燒雞，完美既配搭，好正啊🤤炭燒紐西蘭西冷牛扒巴馬臣芝士磨菇卷：佢嘅外表好似越南春卷嘅卷法，做法好考心機、牛肉用炭燒食落非常多汁。係我嘅字典裡面、每一塊牛扒必須配搭一杯紅酒，因為佢哋係perfect match ！原來食個l unch都可以咁嘆🤤甜品方面就試左cheese cake 🍰 同埋焦糖燉蛋，兩種甜品外觀都好靚，睇得出好有心機去整。顏色豐富，加上水果點綴，好睇又好食！Cheese cake芝味十足，配搭酸酸甜甜既士多啤梨醬，味道好夾。而燉蛋甜味適中，入口即融。加上一杯熱奶茶，熱檸檬茶，為呢一餐帶上完美句號，非常滿足既一餐☺

第一次黎依間餐廳！自己本身都幾中意畫，聽朋友介紹話依間餐廳用左印象派大師梵谷的畫做主題，見幾特別就來試試～餐廳門口都有佈置，紅磚牆上掛上著名的 “星夜”和餐廳LOGO。一入去有大大張桌球檯而我地的餐桌上亦有一些梵谷畫作小擺設～我覺得餐廳的店主真係好有心思。分享完個環境, 講番最重要的食物。我本身為個主題來，所以都沒有特別對食物有大期望，但就係咁反而有驚喜！！！午市餐牌包三道菜，價錢$78起，在同區都算合理。 頭盤蘑菇湯-未飲已經聞到菌香~ 個湯唔係行貨, 飲到有蘑菇碎, 配埋餐包一起吃~主菜來了! 我叫左 “意大利卡邦尼大蝦芝士焗通心粉”～個粉真係好多芝士好香! 中意CREAMY的朋友應該會好LIKE. 但係一個人食就可能會濟左少少，所以我同我個朋友share一人一半~~朋友中意食蕃茄, 選左餐牌上的另一個粉~ “加拿大帶子蕃茄墨魚汁意粉”.墨魚汁意粉軟硬度適中，帶子鮮甜，得一粒好想再食，粉入面仲有Ｄ蒜片同螺片，口感好豐富！ 食完主菜，侍應就為我們送上甜品—意大利奶涷～奶味非常之濃郁，為完美的一餐作結~~！

今日行開銅鑼灣朋友推介呢間餐廳於是就試一試。店內環境好有藝術氣息，呼應返餐廳名「凡高」，牆上掛滿梵高嘅畫作同藝術品，別有一番風味。我同朋友試咗精選午餐同限定午餐。限定午餐包頭盤、餐湯，而精選午餐就要加$10先有齊兩樣，精選個頭盤係蟹蓋薯仔沙律，味道不錯，餐湯係紅湯，有啲蟹絲，味道好濃郁。精選午餐叫咗美國護心肉牛柳粒伴薯菜，牛柳粒較有靭性，但唔會太熟，有豐富肉汁，表面烤到有點焦香。薯仔煮到好腍，入口即化。而限定午餐就跟而餐湯就跟蘑菇湯，好香濃，橄欖油配蘑菇味道好出。主菜揀咗燒美國豬肋骨，燒得肉質腍身而唔會靭，火喉控制得剛好，配上燒烤汁肉味更見出色，最後上埋甜品係creme brûlée 同埋朱古力忌廉，好啱女士口味。而且價錢合宜，係銅鑼灣呢個鬧市中，居然有間咁有氛圍嘅西餐廳，好值得一試。

呢間係以凡高為主題既餐廳。成個餐廳設計係跟住凡高既一幅畫，好特別！一入去就聽到播住法文歌，成件好有格調。每張台都有特色既小擺設，睇得出係裝修設計到落左好多心機。 入面有秋千可以打卡，同埋桌球可以玩下Lunch set 包沙律或餐湯，主菜，飲料同一份甜品。蜆肉忌廉湯十分足料，至少有10幾隻蜆肉。而個湯就好香濃，冇味精味，飲得出係真材實料。美式香草野菌燒雞墨魚意粉好creamy，岩曬我既口味。啲雞肉係另外煎過，好惹味！西冷牛扒巴馬臣芝士蘑菇卷牛肉帶微粉紅，本身就調味過，唔加醬味都已經好好味，肉味好濃。最後上左兩款甜品，擺盤好靚，味道就不過不失。兩個女仔share 黎食都ok，但牛肉份量如果可以多啲就更加好(肉食獸🤘🏻🤘🏻）。呢個價錢食到呢個質素同呢個環境都真係幾抵，下次會再黎！

昨晚給親戚慶生，373個好評是來這餐廳試吃的主因。裝飾須還可以，但內部有噏味。我們選擇貴族二人套餐及一人餐。3人全單共$1732。頭盤沙律賣相味道平庸。二人餐的沙律份量須小也不應用1個碟上。鵝肝菠蘿、pizza、risotto 、甜品味道還正常，只是很一般。主菜是羊及牛各一客。叫medium，但比rare 更生，只是僅僅沒血水滴出。須然我常吃medium rare 牛肉，但也啃不下。牛肉很tough, 咬不斷，咀嚼多下也不成，只有spat it out. 兩碟肉類皆要惟有翻煎。全餐唯一有水準是湯及麵包，兩者皆夠熱。服務方面，兩名侍應只有一名合格。當中一位像發夢，揮手也視而不見，連貴族套餐menu 都不熟。另一位則不錯。最後，飲用水是免費，很好。只是水有很重的水喉味，建議你們換個質素高的濾水器。總結，性價比低。373like 到底如何得來，莫非是一堆仿制畫？如此多likes 實在令人驚訝。

臨近情人節 男朋友帶左我黎呢間係銅鑼灣既凡高廚房預祝情人節一推開門就聽到有人彈結他同唱歌 氣氛好好啊 男朋友話原來真人演奏唔係日日有架 不過可以係bk位個時問下小店入面每個角落都洋溢着藝術氣息 細心睇下就會發現連枱面既花擺設都有插住畫筆 係另類既主題餐廳2個餐跟既頭盤小食都唔同跟餐既餐湯 叫左一個紅湯一個白湯 忌廉蘑菇湯就相對比較好飲 個餐包有?黑椒味就唔係個個都會鍾意食炭燒美國頂級prime牛肉眼我地最期待既today’s chef special終於岀現喇 由牛扒上既格仔坑紋去到擺盤都睇得餐廳岀落左唔少心思 令食物提升左個層次食落都無失望 厚切但係唔會覺得油膩 肉質細嫩 入口有濃濃既肉味 原來餐廳用左熟成作用令肉汁可以鎖緊係塊扒度澳洲鮮BB青口仔扁意大利粉 呢個既賣相又係好靚 青口圍住邊擺 意大利粉放係中間 上面就鋪滿配菜 雖然都係唔會食 但係就好加分青口煮到岩岩好開殼 肉都係白色 肉厚又鮮甜 新鮮得黎唔係得陣海水味 而係有埋淡淡既酒香 個扁意粉都入晒味 本身睇落無汁 以為會乾爭爭 真係估佢唔到玫瑰花茶 我哋跟餐加錢換左壺茶 成set野感覺好elegant兩款甜品都整到好精緻 好

餐湯同麵包s。 餐廳係磨菇忌廉湯 蘑菇畀攪拌機打得好碎 口感嫩滑 。 餐包表面有微脆 內裏柔軟 連埋一齊嘅牛油 擺設得非常靚海鮮拼盤 HKD58。 作為前菜不失為一個唔錯的選擇。 海鮮尚算新鮮刺身帶子蕃茄墨魚汁意粉 HKD128。 侍應奉出呢碟意粉 再喺隔離監視住你食 問你好唔好食😂。用叉卷出一小撮墨魚汁意粉 聞到茄膏嘅香味。高級西餐廳煮嘅都係大人口味嘅蕃茄意粉 我呢啲乳臭未除嘅細路比較偏向鍾意小朋友口味意粉。大人味道通常會偏酸同咸 茄膏比例較高 小朋友味道係偏酸甜 如果食開大人口味嘅就會覺得過甜。視覺華麗而令人胃口大開。 帶子甘甜柔軟 珍珠光澤中少少燒焦心太軟 HKD48。一款有內涵嘅甜品 加上賣相滿分 加上雪糕一熱一凍 上枱誘死人。心太軟唔會太甜膩 似係黑朱古力嗰種甜中帶甘 令我印象幾好。唯獨係唔算太流心燉蛋 HKD58。嗜甜如命嘅我仲叫埋焦糖燉蛋。鮮果加糖霜做表面簡單嘅裝飾 再加埋微苦回甘薄薄哋嘅焦糖脆面。焦糖麵同燉蛋一脆一軟係天作般嘅結合。可惜略嫌份量有啲少返工係一間比較寧靜嘅高級餐廳 而且要做咗會員先可以入席 當然佢哋可以walk in申請會員

天氣回暖了些，朋友要帶我去一間很有特色的餐廳吃午餐，還說會有驚喜。餐廳位於一座商廈的2樓，門面以磚牆和植物來佈置，門上還掛了一幅凡高的星夜仿繪畫，感覺上頗有格調。朋友這時告訴我此間餐廳的名字就是叫作凡高餐廳。我們走進餐廳，可是餐廳正在維修地板，莫非這就時 “驚喜”? 正考慮是否真的要在此處吃午餐時，朋友堅持說這間餐廳的食物很有水準，少少維修工程是絕對可以接受的，驚喜必會出現。坐下來，發現餐廳放了有很多以凡高作主題的擺設。以餐桌為例，就已放了一小樽凡高Vodka 和一幅小圖畫，連花瓶內都一支畫筆。此外，在牆上亦掛了很多凡高仿繪畫，例如星夜、向日葵和夜晚露天咖啡座等等。佈置很靚，實算是一個驚喜。幸好維修工程帶來的滋擾不太嚴重，沒有阻礙我們談話和進餐。我們選了兩份 set lunch，另加一個海鮮拼盤。【餐湯】是蘑菇湯，好香濃幼滑。【海鮮拼盤 $58】有蝦、螺、生蠔和青口，份量都好足，亦很新鮮，價錢合理，兩人一起share 來吃。【忌廉軟芝士菠菜魚柳配薯菜 $78】雪白的魚柳、黃澄澄的薯蓉、菜絲配襯得好靚，好似在碟子上繪畫一幅畫。魚肉很嫩滑，薯蓉的味道調得很香。【卡邦尼式大蝦芝士焗通粉 $8

凡高主題餐廳 非同凡響👏🏻👏🏻環境優美 佈滿凡高壁畫 好特別小編與男友order左貴族二人晚餐 $998興祝拍拖一週年現場有live music performance 好有情調1️⃣ Special Chef salad 🥗 有哈密瓜巴馬火腿 蝦 煙三文魚 蟹肉幾豐富2️⃣ 香煎法國鵝肝配菠蘿莎莎 鵝肝煎得好香 好大塊👏🏻👏🏻3️⃣ Funghi di Parma pizza 🍕 薄pizza 好多料 多蕃茄汁4️⃣ 98% 野菌忌廉湯 好濃 好有特式 5️⃣ 招牌澳洲頂級和羊和牛聽得多 小編都系第一次食和羊少少騷味 正 仲有網紋燒味🤗6️⃣ 煎勺草挪威三文魚煎得好滑 👌🏻👌🏻 好多薯蓉 7️⃣ 甜品 好有創意 有埋凡高嘅名

​一入到餐廳就見到張大桌球枱，地方寬敞，裝潢以歐洲風格為主，牆上掛了不少梵高名作作為裝飾，客人可以一邊欣賞名畫，一邊品嘗美食。店內更播放了優美的音樂，加上柔和的燈光，令我仿似置身於歐陸的世界中，感覺十分舒適，氣氛也特別好。餐廳所提供的午餐選擇有兩款—『精選午餐』同『Festival Lunch Set』，套餐已配是日甜品及咖啡或茶，另外只需要加$10就可以有是日頭盤或餐湯，而且加$58就食到海鮮拼盤，真係好抵！不過胃口細既我地今次就未有試到海鮮拼盤。首先黎左個野菌忌廉湯，呢個餐湯絕對要試下，未入口已經聞到香噴噴既野菌香氣，一入口就感受到蘑菇粒嘅鮮味，湯入面有唔少嘅蘑菇粒，絕對係真材實料，配埋小餐包更加好味。除此之外，仲有薯仔配沙律，新鮮沙律菜同薯仔配上特別醬汁，十分開胃！而加拿大海膽蘆筍忌廉汁意大利飯，鮮味十足，飯上有足料海膽，加上原粒大帶子，濃濃嘅忌廉汁包住每一粒飯，食得出真正意大利風味。另外，法式香脆芥末雞扒伴忌廉意粉十分有驚喜！味道特別的芥末醬跟忌廉汁非常配合，值得一試！加上肉質嫩滑雞扒，而雞皮超脆，好味道！最後，甜品係超濃郁朱古力慕絲，慕絲軟滑，甜而不膩，有新鮮士多啤梨同藍莓配

今日終於試咗呢間朋友極力推介嘅餐廳，聽到個名都知道呢間餐廳係圍繞着一位著名畫家－Van Gogh。👨‍🎨餐廳內裝修佈局主題係利用歐式風格🤗，一踏入店鋪就見到一張桌球檯及一室桃紅色既牆身，餐廳內隨處都見到梵高嘅著作🖼，擺設都好有心思，可以一邊欣賞名畫，一邊品嚐美食，充滿浪漫柔和既氣氛，最適合情侶或者一班朋友聚會。💑餐廳大廚好體貼👍🏻，會係餐牌上面講述每一道主菜嘅特色，可以比客人知道每一道主菜有乜材料同埋煮法，最後我就決定試下依個炭燒美國頂級prime牛肉眼套餐！😛前菜就係歐陸式小食－「三文魚大蝦沙律」，賣相十分吸引，真係令人忍唔住相機食先📸！隻蝦咬落去好爽，而且好新鮮，切開三文魚入面原來有好多青蘋果粒粒，食落去三文魚仲有啲香料味道，外酸內甜，好開胃嘅一道前菜！🤤再嚟餐湯－「特濃南瓜湯」，用南瓜蓉打製而成，所以南瓜味道極為鮮濃突出，真材實料，每一啖湯都充滿鮮南瓜既香甜，令人飲唔停口。😋😋一面飲湯一面點啲麵包，唔落牛油都好好味，而且啲麵包仲好熱，正！😚主菜終於嚟啦－「炭燒美國頂級牛肉眼伴牛肉濃汁」😍，好大塊嘅牛肉眼，賣相極為吸引😱！牛肉上面仲有一粒香草牛油點綴，令牛肉食起嚟更加滑嫩，更香口。

猶記得第一次嚟呢間餐廳應該係八年前，工作 上司請的晚宴， 當時覺得哪桌球枱及千秋很美， 今次再度光臨， 反而喜歡細看哪複印的名畫作及其他裝飾， 年紀改變， 著眼點亦改變了一點。當晚是星期三， 令人驚喜嘅係有位歌手自彈自唱， 結他配合磁性柔和嘅嗓音， 令人不期然想放慢腳步，好感受一下此情此景。 聽他的自我介紹，今晚係佢第一晚係凡高演唱， 亦將會佢固定星期三，四駐場。我們兩人分別點了法式牛扒餐，青口扁意粉餐，同是 4course set dinner， 有湯，前菜，主菜，甜品。 當然牛扒餐比較貴，428蚊,意粉套餐228,另外我亦加了48蚊朱古力心太軟。先上前菜，分別是意大利蛋餅，煙三文魚蘋果沙律。意大利蛋餅是一道意大利人一款簡單的家常菜，配料方面很隨意，一些雜菜、腸仔、火腿，甚至可放飯、通粉等，加上蛋液，牛奶，忌廉等焗制而成，香滑有蛋味。煙三文魚沙律就較常見，但加上切粒的蘋果，令人感覺清新除前菜外，湯亦有平貴分別，貴餐的湯係好飲d,大碟d...但平價的雜菜湯都唔錯。面包點欖油及醋，一向非我杯茶(牛油面包主意者)，但都好味,而且是健康點..終於到主菜，bb青口意粉，這個相當有驚喜，用橄欖油

今日是友人的生日，就襯去日本前同佢在香港慶祝下啦！ 我們去了一間主題餐廳，跟卡娃兒的主題不同，這兒是梵高主題的，適合放工後來吃飯傾計。餐廳有很多關於梵高的畫作作品。而且一個落地大玻璃窗，把銅鑼灣景色和梵高拉得近近的。現場有真人彈結他同唱歌，非常有氣氛，很適合生日或者周年紀念過來呢！ 而那歌者知我朋友生日，還唱了一首生日歌呢！ 歌者他只會星期三和星期四出現。我建議如果想揀有真人演奏嘅話，還是先打電話去問下。不一會，歌者又開始彈生日歌，原來是另一臺的客人生日呢！ 他們還點了火焰雪山做蛋糕，一邊有現場演奏的生日歌，一邊有整個著火的蛋糕許願，還受到全場拍掌的祝福，我們兩臺都是滿滿的開心呢！地中海式火焰牛柳配牛肉燒汁，伴蒜蓉香草醬薯角，$328小食 先上的小食是蛋塔。上放一些香菜，配上層層的蛋餅，很滿足。餐湯雜菜湯的雜菜是切成細粒而不是打蓉，一粒粒更有口感。味道清新。牛柳主角牛柳的出場方式太特別了。侍應捧上一個有紫藍色火嘅烤爐，把三件大大的牛柳放上去烤。其間不斷旋轉，烤了一會便放上已經放了在碟子上的配菜上。牛柳份量很大，很抵吃，尚算多肉汁。甜品甜品是芝士蛋糕，還有朱古力粉的字眼，十分漂亮。芝士柔

「凡高廚房」對小編而言並不陌生，前後也造訪過多次，單計午市飯局則算是初體驗。 始終銅鑼灣食肆多，一般餐廳的定價不能過於進取。觀乎餐廳的午市餐牌，一客三道菜的普通午餐定價由 $78 至 $128 不等，都算合理。想吃好一點，亦有相對優質的海鮮扒類供選擇，豐儉由人。「蘑菇湯」在每口湯汁中仍留有適量的蘑菇碎粒，雖然稍缺滑感，但更易突顯蘑菇的菌香。 「海鮮併盤」屬額外追加項目 ($58)，內含一只生蠔、兩隻加拿大翡翠螺、兩隻澳洲青口及三隻太平洋虎蝦。生蠔賣相一般，蠔身更帶少許「沙冰」的食感，未知是否「雪過籠」，評價負面。相反，加拿大翡翠螺味道清甜，食感彈爽。太平洋虎蝦亦屬不錯的選擇，蝦味鮮香。 好友點了一份「加拿大海膽蘆筍忌廉汁意大利飯」。單從外觀評價，全碟菜餚只有一小瓣海膽實在有欠大方。 相反，小編的「法式香脆芥末雞扒伴芥末忌廉意粉」則份量十足。這件大塊的雞扒早已被去骨，外皮很薄並呈吸引的金黃色。放刀切下，即時聽到雞皮清脆的斷烈聲；送口品嚐，那份清脆的聲音更為明顯，十分美味。在一般程況下，小編會去皮享用雞肉，但礙於這件香脆雞扒實在吸引，最終也抵受不住誘惑整件連皮吃得乾乾淨淨！至於芥