冬蔭公公 (已結業)

🐰🍴 兔兔好喜歡泰國菜，基本上泰國菜同日本菜差不多的喜愛程度。 朋友住在沙田唯有遷就食飯地點，不過位於Citylink一樓這間餐廳真係好難搵， 落巴士之後我搵左半個鐘先至搵到⋯保安和職員都唔知係邊⋯ 去到之後原來還要上一層，所以搵地方記得要睇路牌⋯ 泰國冬陰公湯芫茜蔥、粟米、花生、芽菜 加金菇@$9、魚皮餃@$12 BB辣 Total@$61 等了3分鐘都沒有就來到了，稱為最快的檬粉！ 湯粉熱力十足，冬陰公湯底餸菜充足可是香料不足。 如果講這個辣度應該比BB辣更低，所以食唔到辣都沒有關係可以照叫。 金菇分量充足，價格方面就俾譚仔相差了一半。 魚皮餃皮和肉有點分離，調味還好。最好味還是爽口的檬粉！ 燒牛筋丸@＄22 鹹香十足，想不到會配搭起甜酸辣有齊的醬汁，燒得夠香口。 馬來脆雪山@$46 非常有特色的甜品，價錢也適中。 整座雪山都是硬脆的，裏面包含着花生和糖，甜而不會膩。 超好味超好味超好味！！ 芒果乳酸@＄14 原價＄28因為叫了一個冬陰公粉所以半價， 乳酸的意思是益力多，芒果的味道配搭適中好好味， 特別是一開始有點沙冰的感覺。 人均@$143 冬蔭公公

叫咗佢哋嘅豬扒冬陰公湯底因為本身好鍾意食辣所以叫咗佢哋嘅大辣程度本身個冬陰公湯底都十分足料有晒花生同埋芫茜芽菜而且個豬扒都非常之淋食得出佢係少少炸過再放落湯底而且個冬陰公湯非常之夠味尤其佢嗰種蝦味非常之濃郁直情失到最尾係完全請晒成碗食到辣辣地最後都係忍唔住叫咗佢哋個紅豆椰汁冰估唔到個份量都非常之大杯幾扺飲椰汁非常之香配合埋煮到起晒沙嘅紅豆唔單止解辣有解渴又透心涼另外叫咗馬來沙嗲串燒70幾蚊有六串所以就叫左三串雞三串牛食得出佢哋係即叫即燒因為一擺落口係熱辣辣再加埋佢個沙嗲醬粒粒花生十分之過癮另外食埋佢哋攞個煎蛋薄餅呢款薄餅又係即叫即煎食泰國嘢一定要熱辣辣咁食用呢款薄餅再去點返嗰個冬陰公湯簡直係令人食到返尋味

入到黎因為朋友仲未到齊但係就非常之肚餓所以朋友來之前我就自己叫咗一份串燒食叫咗半份雞同半分牛牛肉望落去比較深色不過就燒得非常之好食雖然冇炭燒嗰種效果不過依然笑得外面卜卜趣而且咬落去牛肉唔會硬實實入面依然牛味都幾重而且仲有肉汁另外雞肉都十分之嫩滑個人來講我比較喜歡雞肉可能燒過之後雞油包住雞肉令佢更加之香另外不得不提佢個沙嗲醬完全令到啲串燒更加好食配合沙嗲醬一齊食十分之惹味朋友都到左之後就叫左個海南雞例牌一齊share食估唔到例牌嘅份量都非常之多另外有齊晒海南雞必點嘅三種醬汁其中嗰個黑豉油係我嘅最愛比較濃身的黑豉油食落口比較甜甜地但係配合滑滑嘅海南雞肉就十分之夾而且呢度更加唔會好孤寒咁比少少花生海南雞再配合埋啲脆口嘅花生更加妙筆新輝最後甜品叫咗佢哋最出名嘅香蕉薄餅熱辣辣嘅香蕉令到人覺得佢更加甜而且熱辣辣嘅薄餅再加上香甜嘅香蕉簡直好似食緊pancake咁個人十份喜歡呢份甜品

黎到沙田搵食的話,唔小人會諗起雞弼,但其實都有唔小抵食又好味既多國菜今次介紹呢間冬蔭公公既泰國菜,其實小弟都唔係第一次幫襯,所以今次真係要寫返編食評支持下,位於沙田呢間冬蔭公公其實晚晚都爆場,無他,因為大家都知食親泰國菜,郁下都4-5百,所以大家好似我呢類又鐘意食泰菜,但又想平既朋友,一定要黎試下,佢呢到主打係冬蔭湯粉麵好似車仔麵咁加送,湯底有BB辣,中辣同大辣,推介豬頸肉,加支竹,吸左湯之後非常好食,而其他野食方面亦都非常好味,沙嗲串燒牛好夠味道,其他仲有豬,雞大蝦提拱,岩哂唔同朋友口味,而真係要推介既係手抓餅配黃咖哩汁我每次黎都一定會點呢個,因為真係絕配,大家黎到一定要試下,一定唔會失望,飲品亦都好多款,除左有經典椰汁冰系列,今次點左巨峰乳酸飲品,絕對係解油膩精選,大家想食平價泰國菜,不訪考慮下冬蔭公公

其實都唔係第一次食冬蔭公公 間中都會心思思想食佢既油鬆餅話說happy Friday 唔知食咩好 結果又被油鬆餅吸引左去幫襯冬蔭公公星期五晚上人頭湧湧 冬蔭公公外企左唔少人等位 阿姐都話比較多人要等下 不過好彩唔算等得太耐 15分鐘左右就有位通常每次去食冬蔭公公 除左必點油鬆餅外 都會點冬陰公湯米線/檬粉 可以自己揀幾辣同揀餸 逐款計錢 好似食車仔麵咁今次依舊係BB辣 由於太貪心同為食 點左超多餸: 金菇, 牛柏葉, 魷魚鬚，同菜咁樣加法超大碗 基本上兩個女仔share都夠食冬陰公湯本身已經落左粟米粒同花生 口感 燒魷魚鬚好香好彈牙 反而牛柏葉就有d唔夠入味 但整體都好食小食就點左3串串燒牛 燒得都ok 沙嗲汁食得出有花生粒幾香 不過每3串只可以揀一款(豬 牛 雞) 如果可以每樣揀一串就好了到最後當然唔少得我既最愛油鬆餅啦 加錢要埋咖哩汁點 無得輸另外第一次飲半價既芒果乳酸飲品 酸酸甜甜都幾好味冬蔭公公真係好方便 當想食泰國菜又唔得閒去九龍城時 係最佳選擇

開放式的餐廳，地方偏窄，有bb車根本入唔到去，還是專注係佢既食物吧首選一定要試下佢既湯麵，冬蔭功湯底，可選不同程度的辣，具一定的水準，而豬扒是一般薄身果種，都唔錯，不會太靭或太霖，有咬口另一個推介要食的是海南雞，肉質滑而醬汁又正，最要讚的是雞油飯，比平時食開的更為濃烈最後是特飲，最喜歡泰國式的咖啡奶茶，不同平時的茶餐廳

東南亞美食大多都係椰味, 海南雞, 蝦餅出名, 餐廳做得出色一係就有新意特色, 一係就夠傳統今次響FOOD GALLERY 找來一間夠傳統風味的東南亞美食餐廳採用開放式設計, 空間感大之餘, 個人覺得可以看看客人點的菜式以作參考食物款式都幾多下, 有薄餅、串燒、米線、撈檬、咖哩飯等等......海南雞飯 (HKD68)碟飯其實都好大碟下, 餐湯味道清且香, 飯味香濃唔油, 加上有花生蘿蔔絲的配料, 不但令飯的色彩增加吸引, 花生脆口, 蘿蔔絲帶點酸酸的, 開胃之餘, 去除膩感, 令飯的口感豐富雞皮香滑, 雞肉嫩滑, 肉的份量不少, 且唔肥, 食落肉味亦白濃, 點上不同醬汁, 其味道層次更豐富不同, 令人更覺滋味見隔離台差不多個個也點, 好吸引, 自己也點了個 公公拼盆套餐 (HKD148) 包埋特飲, 個人覺得都算係抵套餐有蝦餅、泰式春卷、豬頸肉、酸辣鳳爪、沙嗲串燒蝦2支、沙嗲串燒雞2支, 餸菜多份量都好多之餘, 蝦餅厚身, 足料, 外面炸得香脆, 食落厚身, 彈牙春卷裡面包左好多唔同的蔬菜，但食落一點都不覺油膩, 皮薄餡多豬頸肉份量足, 燒得外皮脆脆, 肉質嫩, 鳳爪酸辣十分足夠,

第二次惠顧冬蔭公公 一如以往都是令我很滿意燒春雞表皮燒到金黃色 十分香脆，而肉質方面很鬆軟滑溜…本以為很難撕開，但實際上一撕即爛價錢亦很便宜，四十幾蚊便有半隻，抵食！！乳酸飲品公公真是做得不錯 感覺很真材實料，濃郁的香蕉味配上酸酸的乳酸，非常好飲公公拼盤亦是首選推介拼盤上有各種的小食 可以一次滿足想食多種類小食而食量又不大的人。食泰國食品，當然不少得它的醬料，又酸又辣，味道十分和味

在沙田返工這麼久，也好久沒有在收工後到區內食飯，這天約了剛巧又住沙田的朋友來個方便的晚餐，就去了就近火車站的連地廣場覓食。兩人都愛泰國菜，於是一去到就決定去冬蔭公公一試。點了一客泰式海南雞飯，一個冬蔭海鮮湯米線，還有炭燒豬頸肉。首先來了兩杯飲品，分別是馬來拉茶和巨峰提子乳酸。拉茶和港式奶茶味道相似，這杯奶味比較濃郁，而巨峰提子乳酸，加入了香甜的巨峰提子果醬還有乳酸製成，冰涼解渴。冬蔭海鮮湯米線: 冬蔭公湯很足料，海鮮很多，湯底酸而香，不會太辣。泰式海南雞飯: 雞肉嫩滑，不過雞皮比較厚，少少油膩，不敢多吃。炭燒豬頸肉: 肉質爽脆，不太油膩。

citylink一樓有好多唔同種類既食店，其中冬蔭公公都幾值得推介食物種類都算多，而且價錢好大眾，平時食泰國野一定唔止呢個價錢…四十幾蚊就有一碗大面我們兩人叫了一個冬蔭公湯底既薯粉再加幾樣配料。個湯底好夠味，唔會太酸太辣，但又好香濃，係成碗野既精華雞扒好大件，超滑，個質感冇俾個湯浸壞左我地另外仲叫左燒雞半隻，我估應該係皇牌，因為差唔多個個人都食緊隻燒雞不過隻雞又真係幾正，表皮搽左蜜糖燒 甜甜地，而且燒得恰到好處 仲係好juicy!呢隻特飲都係無得頂 好真材實料 有濃濃既芒果味 不過如果有埋粒粒果肉就更perfect啦！

今晚媽媽想泰菜， 搜尋了一下附近食肆， 找到冬蔭公公 ， 不過，這裡沒有咖喱蟹、炒菜等小菜， 卻座無無虛席， 是何解呢?去看去一下餐牌， 原來有泰式燒烤、特式粉麵、小食等， 價錢又ok喎， 就在這裡晚餐啦!晚餐不能沒澱粉質， 點了秘制泰式豬軟骨米線$68， 真的是豬軟骨，而不是只見肉沒軟骨的那種， 件件完整份量多， 醃得好夠味， 還有黏黏的口感啊！ 而米線又夠Q彈， 還包基本飲品， 超值!想試多幾款美食， 最好就是點個泰式什錦拼盤（包2杯特式飲品）$148， 有炸蝦餅、燒豬頸肉、白雲鳳爪、串燒雞、串燒海蝦、春卷。蝦餅鬆脆彈口， 豬頸肉也是爽身的一類， 若加多點燒烤味會更惹味。串燒雞好香口， 不油膩又保留了雞肉的柔軟口感。兩杯特飲， 媽媽的咸檸七與我的珍多椰汁冰，甜度凍度也剛剛好! 最適合怕飲凍飲的我。食完拼盤海蝦真的很不錯， 再來多幾串， 馬來串燒海中蝦$60/3支， 鮮味又爽彈， 而且蝦頭位置有好多膏啊！香蕉薄餅$32， 熟甜的香蕉味， 誘發甜品胃， 薄餅夠薄夠軟糯， 配以半溶的香蕉作餡料， 非常搭配。

講開食泰國菜，我諗好少人會想到沙田，甘岩去開沙田宜家睇傢私，又想食泰菜。呢間「公公」都有三間分店，之前未試過，但開到甘多間應該都有水準保証。餐廳走街坊價路線，一碗粉面6-70左右，係大商場入面來講，價錢都唔算貴。豬頸肉撈檬（$68）檬粉分量頗多，可惜餐廳提供既魚露味道偏淡，帶唔到成個酸辣味出來，豬頸肉唔錯，如果再肥少少會更加有咬口。泰式拼盤（$148）蝦餅兩舊，外脆內軟，蝦肉夠彈牙，配理泰式辣醬就零舍不同；春卷反而未夠脆，可能炸完一段時間；豬頸肉肥瘦適中，頗有咬口，非常入味；串燒蝦就無食到，但聞落就好香，好有蝦味，串燒雞本身肉汁多，沾上沙嗲汁，非常惹味；鳳爪辣味剛好，所有小食當中最開胃。黑珍珠椰汁冰椰汁非常濃，椰子迷大愛，非常足料，配上黑珍珠，飲椰汁既同時又可以食下珍珠，好過癮。

今日特別想食泰國野，上網搵下沙田有咩好野食啦，見到有間連鎖泰菜，價錢都係中價，食物都多款式簡。同理就幾就腳，一出火車站，搭扶手電梯上兩層就到，地點唔錯。餐廳係開放式，行街既人都會見到裏面食客。6點零去到，無book枱都可以即刻有，座位方面都算舒服，目測大部分都係以4 人枱為主。泰式海南雞飯（$68）海南雞飯飯主要精髓係個飯，而呢個飯好重椰香味，食落就有d失望，咸左少少，最值得一推係個雞，雞肉好滑口，另外因為無骨既緊係，可以一啖放入口食，配上餐廳提供3種醬汁，大大加分。例湯就普通青紅蘿蔔湯，未見驚喜。芒果乳酸芒果味濃，酸酸甜甜，甜度適中，非常開胃，適合配泰國辣野食。豬扒撈檬粉（$66）配料有四款，花生，酸蘿蔔，蔥花，炸炸既野（唔識講，哈哈），全部撈理一齊再加魚露，好正。但係個主角就好失望，有兩大塊豬扒，但係個豬扒好乾，好難咬開。 

連城廣場樓上有一層食肆層，中越泰台馬韓各國美食應有盡有。要上樓上旅遊中心報名既人一定會經過，一出地鐵站上兩層扶手電梯就到。到埗被人潮嚇一嚇，幸好人流流動快等左一陣就有位啦！愛清淡的人可以吃湯麵撈檬，愛濃味的人吃咖喱泰式小食。以往到訪例必點湯粉，今次下午茶當午餐食，點左馬沙拉咖喱牛腩飯。另外換了一份油鬆餅沾咖哩汁，一汁兩用。馬沙拉咖哩係印度菜，味道同中式馬來式咖哩大有不同。咖哩色澤比較深，可見椰汁比例不會多是正宗煮法。除左主角牛腩，仲配有半隻烚蛋和一大碗白飯。咖哩汁用上大量洋蔥蕃茄熬製，可見各種香料碎同香葉混入汁中，未食已經聞到濃郁的香料味～印度馬沙拉除左配牛之外，亦會配蔬菜羊等等，而今次配牛腩就最適合香港人口味。牛腩早已調味帶着像清湯腩的鮮，最正係牛腩入口即溶卻又能保持完整結實。脂肪則不多，個人認為肉質嫰唔乾身比有脂肪的牛腩更重牛味，空口食牛腩唔沾汁都好味～咖哩汁剛入口不能用辣來形容，逐漸令口腔發熱比較貼切。辣度未至於要飲水的程度，嘴唇不會發紅發痛，相信蔬菜的甘甜解辣有功。有汁剩再點一份招牌油鬆餅食。一大塊薄餅由印藉廚師係廚房拋好即煎，層層酥皮分明口感鬆脆。厲害的是油份非常少，麵粉亦唔

今日約左好朋友去沙田行街街食冬蔭公公。呢間係其他分店都食過，女仔嘛，係喜歡食米線，係掛住她嘅冬蔭功米線所以嗌呢間嘅。我當然嗌左冬蔭功海鮮米線，有三款辣度選擇，我選左中辣，其實都都辣，下次可以試大辣，講明先，我吾係食得辣嘅人，只係呢隻冬蔭功吾係好辣咋，所以大家都吾洗怕可以選中辣嫁。入面好多海鮮，有青口，尤魚，大蝦，鮑片等，配料有香葉，花生，粟米，龍蝦丸，蟹棒等。湯底好香濃，好惹味，全部料都好好食，特別要食鮑片，大蝦，蟹棒，因為吸晒冬蔭功，好正，而龍蝦丸一向我都喜歡，有兩三粒咁多，好味。飲品而家做緊特價，半價就有啦，即係13蚊一杯，我嗌左紅豆椰汁冰，好味道，好多紅豆，又吾會太甜，正正，真係又平又靚又正丫！