冬蔭公公 (已結業)

三個女仔去晚飯，選擇了平價粉麵三人都叫了呢碗冬陰公海鮮米線，有三種辣度選擇，大辣、中辣同bb辣bb辣好適合唔食得辣但又想飲冬陰公既人士，比如我個湯底好好味，雖然唔辣，但仍有冬陰公既味道，好好味除左米線，重有其他海鮮包括大蝦、青口、鮑片、蟹柳同龍蝦丸預左係雪藏食物，不過冇雪藏味，亦冇好霉香蕉簿餅，熱辣辣，香蕉味唔會太濃烈，甜度適中左起係珍多椰汁冰，咸檸七，龍眼冰三杯都夠凍，甜度適中，解渴之選

本來覺得一個人食野有點苦悶，但吃了這間餐廳真的感到有些苦中有驚起。看到menu，好多野想食，但始終得一個胃，所以見到拼盤，立即order。另外還叫了開胃的黃咖喱豬扒及紅豆冰。咖喱豬扒先來，估不到這成為今天最好味的一樣﹗黃咖喱完全不辣，帶甜。豬扒是先炸過再放入咖喱，感覺不會肥膩，而且配合咖喱好巧巧味。咖喱豬附送的油鬆餅單吃略嫌唔夠鬆化，但沾咖喱汁吃就簡直是絕配。接著拼盤就來了，份量好勁呀﹗最好兩人以上才叫啦，我就打包一半回家。鳳爪是很辣的，所以不是我杯茶。我最愛當中的蝦餅，沒什麼炸粉及好彈牙哎。豬頸肉亦不錯 幾juicy. 仲有春卷 串燒雞 串燒蝦 全部都不過不失 而且我太飽 根本欣賞唔到。哈哈唯一後悔叫的就是紅豆冰，因為我看漏是‘椰汁’紅豆冰，而我對椰汁沒多大興趣，而這杯是很重椰汁的，所以椰汁迷先好叫呢杯呀。

去宜家買野 買左一個下午 累到咩咁。去連城搵食。越南 台灣 西式 泰國都有得揀 見到冬蔭公公個餐牌好多元化 等左十分鐘 就有位。兩個人 揀左拼盤套餐。同一碗湯檬粉。拼盤都幾大碟 有蝦餅。蝦餅幾彈牙爽口。沾上泰式雞醬好yummy. 串燒大蝦 稍為燒得乾左少少 但幾入味。串燒雞肉 雞肉醃得幾惹味 兩款串燒點沙爹醬 好配搭。沙爹醬甜甜地 好香花生味。酸辣鳳爪 嘩 都幾辣。但好開胃 酸酸辣辣而且無骨 岩曬懶人。豬頸肉都燒得唔錯 肉質都幾滑。春卷焰料好足 漲卜卜 炸到熱辣辣。拼盤份量都幾多 兩個人食夠曬。牛骨湯*鮮冬菇湯檬粉呢個湯清得黎好正。湯底好清既牛骨味 檬粉爽口 配上芽菜芫茜。清清地 配埋拼盤的煎炸美食 一流。咸青檸梳打叫左兩杯咸青檸梳打 夏天飲 岩曬。青檸配上咸青檸 咸咸酸酸好開胃。食飽飽 返屋企 有氣力執定屋擺新傢私。😂

本身堂食突然有事轉外賣只给一個中型碗，跟本不能裝晒一大碗湯粉，提出叫服務員幫忙，但她說“唔得”，因我知倒湯時會漏到枱上，最後粉已滿再加湯也漏了在枱上，又要追才给我飲品蓋，餐具也沒有给我，只懂叫我加錢比外賣盒。最後食一個沒有湯的粉。

叫左蜜糖雞全翼冬陰公湯麵 估唔到雞全翼咁核突，完全無蜜糖feel全程無食過佢，食哂麵， 拎左出黎研究，發現好雞全翼個邊位無左一忽  ，有好多瘀黑色 ，令我好無胃口想食佢

行街行到累，所以搵個地方落腳食下野醫下肚。叫左個冬陰公，啲冬陰公唔係太辣，適合唔太食得辣既人，味道唔錯，酸酸辣辣幾醒胃。跟住份木瓜沙津好清新，酸酸地 好開胃，沙律又夠新鮮。份咖哩薄餅就幾惹味，薄餅夠鬆軟，點埋咖哩食就真係幾正宗印度風味喎。仲有甜品必食個個塔，有啲椰絲加啲糖，甜度唔會太甜 岩岩好呀，正合我呢個正減肥既人。至於碟海南雞飯，雞件好滑溜，塊雞皮雖則罪惡感大但難以抗拒咁一塊吞晒落肚，加上雞油飯好香令我胃腩又大一圈了。

黎冬陰公公冇叫冬陰公湯，反而叫左海南雞飯。點解？因為好想食油飯，而個油飯冇令我失望。飯好乾身，有油香，色水ok，有雞味。即係有齊色香味。而主角海南雞比配角失色左少少，隻雞好瘦比較淡味，而自己又鐘意食肥雞。要點佢d汗先好d。送既例湯好好飲，驚喜！

香芧燒春雞$76燒得好香口(不過一半肉質嫩d，另一半肉質好實，似再番熱，令肉質過熟，而且一邊大d，一邊细d，不是原隻雞woo配上泰式醬汁，酸酸甜甜(好味)香芧味不算重，雞皮煮得香:木瓜乳酸$14味道清新(濃木瓜味，少左乳酸的味道)香蕉乳酸$14(乳酸味濃，變左香蕉味淡)

行完商場找地方食飯,朋友提議到商場樓上食店,去到全層都係很多選擇,看到這間名字特別再看餐牌種類多便坐下,點了跟店名一樣的冬蔭功湯一望碗冬蔭功湯已經知道好足料，不單止配料多，香料都好足，飲冬蔭功湯最鍾意多種香料加埋一齊複合既味道，呢個湯做到呢個味道之餘，酸辣亦都適中，都幾好木瓜沙律木瓜絲好清爽，再加上青瓜絲，味道好清新，仲有車厘茄喺個沙律度，更加juicy 同清甜，成個沙律令人非常開胃咖哩牛腩很香咖哩味，味道亦夠濃，牛腩都炆得夠林，大大舊，啖啖肉，還可選擇跟飯或薄餅在座每一個人都吃個飽飽，而且都讚味道好而且價錢不貴,下次一定再來試吓其它食物,因看到侍應拿着其它食物經過都相當吸引。

一去沙田就想到吃冬陰公公，他的冬陰公湯粉是必食，因為很濃郁，而且又辣又酸。但這次來卻令我有點點失望，湯淡了很多，無之前那麼惹味了，可能是水加多了沖淡。顏色看上去也不夠橙橙紅紅色這樣子短時期不會再來了，希望下次回來能回復水準。但星期六的下午不用等位是一大優勢。

泰國菜一向都係我favour，不過就比較少去連鎖鋪頭，因為感覺上好似無咁正宗。不過朋友試過冬蔭公公，話野食都幾好味。今日咁岩行過，又諗唔到食咩，就試下佢。試黃咖哩軟殼蟹，炸軟殼蟹既賣相好靚仔，好完整又唔燶，脆卜卜咁，想濃味啲，就夾多啲咖哩一齊食。咖哩以甜為主，配有香料味，用黎撈飯食就正。不過飯比較少，大食既男生可能要叫定多飯。飲品要左芒果乳酸，酸酸甜甜好開胃，亦都好透心涼，夏天飲就岩哂。食泰國菜就最鍾意食埋小食，串燒。今次就貪心啲，叫個公公拼盤，一次過試哂咁多款。拼盤有燒豬頸肉，蝦串燒，雞肉串燒，泰式鳳爪，蝦餅。 豬頸肉燒得剛好，又入味，內嫩外微焦。蝦肉彈牙，雞肉惹味，鳳爪唔太辣，但勝左口感卜卜脆，係新鮮貨色。估唔到又幾出色喎

餐廳地點方便，港鐵樓上商場，幾個餸一個甜品已經好夠飽肚呀。辣肉撈檬配料足，檬粉好爽，香料夠入味，加入魚露味道就更豐富，夏天食就一流啦。海南飯的醬汁美味，但雞就好夠滑身，飯有晒雞油香，雖然有罪惡感，但食左先講啦。木瓜沙律好有創意，健康之選之餘，食材新鮮，好夠青味。最驚喜係個賣相有新意，味道香脆，甜甜地似雪糕，食落又幾過癮，一定要試。

喺沙田做完野同班同事嚟咗呢度食返個下午茶，呢度嘅東南亞特色湯粉tea set價錢同普通正價差不多，38蚊一個餸，熱飲仲要加3蚊。我叫咗碗牛骨清湯雞絲麵，加多8蚊試埋個豬扒（結果嚟咗雞扒）。湯真係好清，淡淡然嘅咸味，加上啲香料尚算夠味，不過以越南/泰式湯底嚟講，似乎香味未足。雞絲份量不多，較鞋口。而雞扒煎得好香，都juicy嘅，但食落就好少少雪味，所以我一直都不太會在外餐時點雞扒。同事們點咗其他餐，包括海南雞飯、冬蔭功牛栢葉湯濛、魚湯雞扒湯濛。味道就不能品評，目測份量係下午茶嘅份量，但收正價。

沙田一田大減價，掃貨前當然要醫飽個肚先。連城廣場一出火車站就係，仲有唔少餐廳可供選擇，不過就以連鎖店居多。但連鎖都唔代表無正野架!今次就比我試到間好野—冬蔭公公。冬蔭公公係食泰國野，有麵食同飯類選擇。不過晚市通常都會想食多D，我就會揀埋小食。我份正餐係馬沙拉咖哩牛腩配油鬆餅。咖哩好香，味道濃郁，汁比較稠身，亦唔算辣。牛肉份量都好滿意，質感似係炆，有嫩滑既感覺。油鬆餅熱辣辣上枱，比起其他餐廳算係少好多油，睇落無油膩感，呢點很讚。將油鬆餅配以咖哩同牛肉一齊食，感覺十分滿足。我個人會鐘意加多D咖哩，感覺會無咁乾身又惹味D。由於咖哩都算係濃味食物，所以點左杯咸青檸梳打，酸酸咸咸的，唔止開胃，仲可以即時清新口腔，幾好幾好。由於我地三人同行既關係(表示人多多，可以叫下小食咁話)，仲叫左個公公拼盤，今次真係唔拼過都食唔哂 。泰式鳳爪酸比辣多，唔食得太辣既人都食到。最滿意既係佢既質感! 真係可以用爽脆黎形容，唔係淋身，GDGD 蝦餅既蝦味都好明顯，味道唔差、好香口，但彈牙就差咁D兩款串燒(海中蝦同雞肉)入味+燒得剛好。味道真係好抵讚，唔會過於濃味同咸，呢樣係好多串燒會出現既問題拼盤仲附有3款醬汁，

啱啱去冬蔭公公食咗個午餐。好彩早到，黎左之後唔過15分鐘，出邊就排晒長龍。真係遲咗少少都要等。叫咗個冬蔭米線黎食。個冬蔭米線都幾惹味喎！一擺低已經聞到好大陣冬蔭味，飲一飲個湯底都好濃冬蔭味。我揀左個中辣，個辣度岩岩好，好正呀！好鐘意呢個米線可以自己揀配料，雞絲同牛肉擺埋一齊真係超級好食，重點係個雞絲唔乾，好有水份，咬落去都好有彈性。估唔到餐廳既野都唔錯。叫左個串燒，雞肉串燒好重香茅味，呢隻串燒真係冇得頂！串燒好香，燒得岩岩好，串燒既沙爹汁係類似馬拉既沙爹汁咁，個味道好接近，好好味呀！以為佢泰國野出名，馬拉野都不遜色！仲叫左個木瓜乳酸，原來真係用新鮮木瓜整，好濃木瓜味，而且乳酸既味道岩岩好，唔會搶左木瓜味。今餐真係超幸福！下次再黎！