冬蔭公公 (已結業)

星期六午餐時間到沙田的冬蔭公公食午餐，超多人，等了超過半個鐘，前面等3-4人枱的走曬唔等，我在冬蔭公公等位，老公在連城廣場同層越棧等位，當冬蔭公公叫我入坐時，我即時打電話叫老公及小朋友過來...在門囗拿板叫位那位職員嬸嬸説：「你人齊未？人齊先可入。」我答：「行緊過尼！」職員：「係邊到行過尼？」我答：「由嗰邊越棧行緊過尼。」（越棧在同一層尾，與冬蔭公公距離約100米）職員：「等幾耐，我地有枱冇可能咁等你！」我答：「只不過是由越棧那邊行過來....」行過尼不用1分鐘，餐廳執枱都要啦，洗吾洗咁嘅態度👿説説食物1: 冬蔭公湯粉（BB辣）味道ok，冬蔭公湯不太辣，$40冬蔭公湯+粉，性價比一般2: 黃咖哩軟殼蟹飯，$86，黃咖哩好味，但軟殼蟹吾得，D炸粉太厚3: 魚片頭撈檬，$62，不推薦，檬勁乾及硬以上價錢再加一註：等二人枱還可，三、四人枱等好耐

冬蔭公公🤗算係喺沙田入面比較便宜既一間餐廳 所以就入去試試咯😁原本抱住係食普通連鎖店既質素入去 但食左之後 覺得真係好唔錯喔 幾好食🤣🤣🤣叫左個馬來脆雪山 因為係餐牌上面唯一一款甜既薄餅😁一到 我地o曬咀😮😮因為好大份😂❣️🤤食落更驚喜 好脆呀！仲要脆得黎又煙煙銀銀 入面既餡係椰絲。砂糖。花生粒 所以甜得黎都好matchhh而黎到冬蔭公公 當然要叫碗冬蔭公試試啦 係好唔錯 個湯底辣得黎好甜🤤而且個紅薯粉好煙銀 配埋個湯 超正😍😍😍😍😍*如果下午茶去 會更抵 因為有下午茶餐😗

由冬蔭公公初開業, 一直 Keep 住有幫襯, 憑藉其不變的水準, 大眾化的價錢，於商場內屹立不倒, 君不見連城廣場內其他食店不斷變遷, 這正好反證了冬蔭公公是有其一定實力!  今次幫襯, 點了金菇辣牛肉碎米線(冬蔭公湯底), 選了 BB 辣，所以吃來酸酸甜甜的很是開胃, 米線爽滑嫩口, 與肉碎及冬蔭公汁配合得天衣無逢, 味道一流!  之後再 order  馬來串燒海中蝦 3 條及炸魚皮, 追加的這兩道餸味道都不過爾爾，所以還是它的冬蔭公米線靠得住!

中午經過沙田見到 好好彩一個人吾洗等位午餐叫冬蔭功湯粉包2個餸叫左魚皮餃同魚腐 👍🏻個湯都吾錯 幾好味不過有少少咸 叫左米粉 😆粉量就算你好大食都夠飽👍🏻👍🏻👍🏻重點係呢杯凍既馬拉拉茶⭐️⭐️⭐️⭐️⭐️雖然要加錢不過好值得！香滑又吾太甜而且無冰令到佢淡哂味！大讚❤️❤️會為左杯茶再幫趁🕺🏻坐對面d人話海南雞飯都幾好味 下次要試下

早吃晚飯所以不用等位。點了以下食品: 馬沙拉牛腩飯軟殼蟹撈檬冬陰公湯馬沙拉牛腩飯-不知所謂，大x活做得更好。汁是交回來的，飯太乾。平時有衣食都吃不下去。軟殼蟹撈檬-尚可因為本身無需調味，但蟹是有點腥。用了半支碌冧去調味。冬陰公湯-只有辣味，蝦超腥。要維持生命可以一試，但這個價不如去大活大樂算吧。

尋日中午，同先生響連城廣場諗緊食咩好，最後決定食呢間冬蔭公公，因為我見到餐牌有我想試的肉骨茶😁😁入座後，侍應隨即遞上點心紙比我地劃單，款式好集中，可以唔駛左揀右揀👍，最後，我當然揀左肉骨茶湯飯啦，而我男人就揀了海南雞飯等侯時候唔駛好耐就有得食喇，我的肉骨茶湯飯比較簡單，只有一碗肉骨茶同一碟飯而先生的海南雞飯就有一碗迷你嘅湯肉骨茶食落唔錯，食後個口有種香味，很好，而且豆卜同腐竹很吸味，用湯送飯，味道恰恰好😙😙海南雞無骨，很滑，而且醬汁的味道也很好，好開胃，夏天食飯可以多個好地方喇🤗🤗**最後食完有驚喜，原來隻碟有冬蔭公公圖案，卡娃依呢😄😄

又係想搵平D嘢食嘅系列今次要介紹嘅係位於沙田連城廣場嘅冬陰公公每次經過沙田嗰間 成日都見到都幾多人食咁今次第一次黎食 食晚飯時段 座無虛席地方比較淺窄 枱與枱之間嘅距離都好近如果你一袋二袋嘅話其實會坐得非常之唔方便同放唔到野兩個人叫咗冬陰公海鮮米線丶青咖喱豬扒飯同蝦餅冬陰公海鮮米線嘅湯底冇我想像中咁正宗同濃亦都唔辣 所以有點失望米線幾粗身 份量亦都好多所以都幾飽肚海鮮配料一般般冇乜鮮味青咖喱豬扒飯都幾辣下味道還不錯 幾惹味豬扒亦都炸得香口至於蝦餅正常 沒有太大驚喜環境氣氛： ★★☆☆☆食物質素： ★★★☆☆服務態度： ★★★☆☆

其實喺沙田食lunch，真係冇乜選擇，呢間真係唔多人，於是走咗入去試下， 咁佢有泰式嘅粉麵食啦或者有飯嘅，粉就大概有50蚊至60蚊左右啦，而飯餐呢就60蚊到到75蚊左右啦。咁呀我哋叫咗兩嚿飯餐啦一個係海南雞飯一個係香葉肉碎飯啦， 講咗海南雞飯先（ 晚餐淨係包一碗湯包嘢飲）， 雞肉係結實嘅無雪味但口味偏淡， 而且d雞切得好大舊喇，而且都篇啦硬都係咬唔開， 而且有好多下欄，麻麻地； 蛋糕香葉炒肉碎飯就真係做得唔錯啦（包嘢飲）， 一上枱已經畀佢隻蛋吸引住， 而且啲肉碎同啲香葉味道好夾，又夠味，所以好好味， 送飯一流。 不過環境就好迫，坐得好唔舒服。

一個咖哩牛腩跟油鬆餅$78⋯竟然得一塊⋯寒酸到⋯⋯⋯雖免加一⋯但基本上所有價錢已經加左一既價錢，野食尚算可以，但其實配料都係唔配呢個價⋯其實好小打食評⋯但一塊餅真係挑起我發現呢間野又貴又寒酸既感覺⋯其實俾多塊就好好多⋯

食過唔少次依間食店。相隔甚久再次幫趁只因懷念佢嘅冬蔭公湯底。叫咗個雞扒bb辣薯粉。諗住雞扒唔會dry。點知都中伏。雞扒有陣羶味。可能啲雞食羊大。恐佈我就叫咗個豬扒bbb辣薯粉。薯粉分量都多同好煙靭加埋冬蔭公湯底真係好惹味豬扒就略嫌細塊囉(可能係下午茶)。又無咗我最鐘意嘅金菇揀飲品叫咗凍檸蜜同奶茶。夠大杯總結好似少咗好多嘢揀。無以前咁多選擇。餸嘅分量同質素都低咗。雖然湯底都keep到。但依然有啲失望。

星期日晚上的新城市非常多人，相信到任何餐廳都是要等位的，幸好這間也不是等了很久，等候十多分鐘後便可入座。<咖哩牛腩配油鬆餅>其實油鬆餅即是薄餅，跟平時在印度餐廳所見的相似。雖然只有一塊，但夠薄且大塊，鬆軟的容易撕開，不過如果有多幾塊薄餅就更好了。薄餅本沒甚麼味，點咖哩就最好。咖哩比較稠而醬汁很多，不算很辣，除炆得軟熟的牛腩，還有雞蛋和小蕃茄。另加了一些香料令咖哩味更濃。<軟殼蟹撈檬粉>這個的份量很大，以檬粉為多，建議多加點汁會更有味道。軟殼蟹很大隻，但可以炸得更脆。<冬陰功>喝了一口便要讚，果然是本店的招牌菜！冬陰功湯底調得剛好，酸酸辣辣又帶少許甜和香草味，還配了兩隻大頭蝦。值得推介。

上月在冬蔭公公吃過晚飯後，有贈卷油鬆餅一客送，今天來吃下午茶順便使用埋贈卷，還沒有吃午飯的我，就要一客迷你泰式南海雞飯，加$9要杯黑珍珠椰汁冰。油鬆餅暖暖又香脆，很不錯，免費更不錯！黑珍珠椰汁冰，很喜歡那滑唧唧的黑珍珠在口腔咀嚼感覺，我在飯後才享受黑珍珠椰汁冰，所以碎冰有時候溶化，甜味又剛剛好，但碎冰溶化又減底椰汁冰的幼滑感。0迷你泰式南海雞飯又不是很迷你，雞有肉味，夠熱油飯的味道也好好，但香氣不足，薑蓉沒有薑香又淡。味道濃郁的好味道老火餐湯只有一塊冬瓜，我都不知道老火餐湯用料，又沒有金舌頭，飲不出是什麼老火湯，餐牌只顯示老火湯，真係飲了什麼都不知道，我覺得餐廳有必要讓人客知道是日什麼餐湯奉客！今日又到冬蔭公公吃下午茶，今次的迷你泰式南海雞飯，南海雞擺得非常「求其」，視覺奇差，味覺都差埋添。薑蓉沒有薑香又淡，試吓泰式醬，又非常夠味道，但怕吃完勁口喝，泰式醬只少少淺嘗。冬瓜湯味道也偏鹹，加$9可以飲杯珍多冰，整體的迷你泰式南海雞飯比上次失色！消費滿$60會有一個印花，儲埋十幾個，可以免費換一碗價值$78冬蔭公海鮮米線，有大蝦、青口、蟹柳、龍蝦丸、鮑片、粟米、芽菜......都算豐富，還可

每次到冬蔭公公吃完東西結帳，都送一張油鬆餅贈券留待顧客下次惠顧使用。今晚又有一客免費油鬆餅，點選咗黃咖喱雞扒跟油鬆餅和豬頸肉、魷魚鬚鮮魚湯檬粉。油鬆餅不算很油可以接受到，的確幾鬆脆的餅，沾黃咖喱吃也不錯，雞扒肉質就煎過火了！魷魚鬚鮮魚湯檬粉比較一般，味道中規中矩。還有泰式蝦餅，兩杯半價特飲：黑珍珠椰汁冰&珍多冰。很香脆彈牙的泰式蝦餅，$48兩件，貴咗些！兩杯半價特飲用膠杯，也方便拎走，可以邊行邊飲了！

空間太窄，人好多。排左半個鐘，1點40幾分先入座，不如等食下午茶⋯沒有想像中好食啦，不過都算份量夠大。點左份手撕雞撈檬，雞肉係雞胸肉，有陣腥味。冬陰功湯夠濃，但米粉都係斷左的。

Meet my friend at Shatin statiom. this is on the second floor from MTR exit A2.the staff is friendlyThe food is not bad, in a quite big plate, although we didn't eat them all.The environment is good, enough space, with quite a little people.I will come back with coupons