冬蔭公公 (已結業)

再來安哥！冬蔭公公！今次存夠印花可以免費換泰式什錦拼盤！yes!燒蝦 好大隻 肉質爽口，不會霉，good！串燒雞肉 沙嗲汁味好濃郁，不過稍微鞋左少少。冰鎮鳳爪 沒有骨，好香酸辣味，可惜我食啦唔叻，不過都為過癮食左兩隻！真係好好味。春卷 好無咩特別，點泰式辣醬會野味D。最鍾意都係個蝦餅，平時就咁叫要四十幾蚊兩塊，今次免費，好開心！蝦餅有蝦味！(看似簡單要求，但唔係間間做到！)又厚肉，仲好彈牙！ 呢個串燒拼盤真係好好好正！

連城廣場的食肆平時來食飯總是人山人海，特別係冬蔭爺爺。所以一直未有機會食，今天終於不用等太耐就可以入座了。冬蔭功湯底好香好濃好夠味，辣度方面點了 BB 辣，酸酸地不太辣好開胃。本身配料有粟米粒、芽菜、花生及芫茜。另加了燒魷魚鬚，食落頗香口，不錯。

去沙田醫院探完病 去新城市食個快快晚餐就要趕返屋企做功課。連城都好多選擇 突然好想食肉骨茶 令我想起好友的家鄉 所以毫不猶豫揀左冬蔭公公。之前係將軍澳食過 覺得都不錯 而且唔洗加一架 好鬼抵。馬來肉骨茶湯飯熱辣辣上枱 已經飄著濃濃藥材味 當歸味都幾香 又有杞子。材料好豐富 有冬菇 大大粒。豆卜 索曬d湯 好入味。排骨好多件 幾有咬口 肉質幾彈牙。感覺冇咩味精 配埋白飯 又有湯飲 盛惠$68 都幾實惠。炸蝦餅口痕痕 忍不住叫多兩件炸蝦餅。炸得幾靚 而且蝦肉好彈牙 幾爽口 配埋泰式雞醬 好鬼惹味。食飽飽 好滿足。充滿力量返屋企同份功課搏殺😂

和老公去宜家買傢俬 順便食個午餐。連城廣場好多選擇 老公話想食惹味d 冬蔭公公係唔錯既選擇。等了十分鐘就有位。餐牌選擇都好多喎。新加坡 泰國 越南款式都有。因為早餐好遲先食 所以我們唔敢點太多。泰式什錦拼盤*燒蝦 都幾大隻 肉質唔錯 彈牙爽口。沙嗲串燒雞 雞肉燒得剛剛好 脆脆地 唔會太硬太鞋口 沙嗲汁好香花生味。酸辣鳳爪 冇骨架。我鐘意。酸酸辣辣好入味 而且有好多洋蔥撈埋一齊 yummy!豬頸肉 好好味 肉質幾嫩 而且燒得好香 加埋個酸辣汁 好惹味。炸蝦餅 好彈牙 而且熱辣辣 夠新鮮。春卷 入面的餡料有點咖哩味 幾特別 沾少少泰式雞醬更好。印度薄餅配咖哩汁*薄餅黎到我先知自己叫錯 原來想叫既係油酥餅 好彩呢種印度薄餅都冇令我失望。唔會太油膩 但亦充滿了牛油香。口感QQ。咖哩汁只是輕微的辣 椰香為主 岩曬唔辣得既朋友。同薄餅一齊食 好夾。辣豬肉碎生菜包*一上枱就聞到香香辣辣的味道。肉碎用辣椒 香葉 洋蔥一齊炒 好惹味。而且豬肉用半肥瘦 唔會太鞋口 包著新鮮生菜黎食。肉碎真是比較辣 但好正。P.S. 冇諗過唔洗加一 覺得好抵！

趁住出外勤, 我黎左呢間冬蔭公公野食個QUICK LUNCH, 估唔到有少少驚喜等左一陣就有位坐, 可能因為一個人啦, 上菜都好快, 見個黑人密密整密密整咁無停手叫左海鮮米線冬蔭湯底, 小辣, 個湯底做得幾好, 唔會過油辣度又適中, 海鮮滿佈成個碗!米線要彈一彈, 太碎而且粗幼不一, 唔似係中國式米線隻大蝦雖然唔係非常好食, 但都唔會好似出面D咁用梅左既蝦, 起碼仲有少少彈牙...青口就味道一般, 依然有D青口味真係估佢唔到!鮑魚片真係驚喜, 好好味! 都知佢用罐頭鮑嫁啦但都估唔到咁香濃既鮑魚味, 算係幾落本唔知係咪魷魚鬚平, 真係好鬼多魷魚, 成碗一半既餸都係魷魚黎, 唔係用白魷魚反而係紅紅地, 呢度要扣少少分成個湯底先抵讚, 順滑有鮮味, 辣味唔會蓋過個湯, 係冇期待之中有D驚喜, 算係幾唔錯不過$72一個麵就唔係好抵食, 始終冇野飲又盛咁...大+樂一半價錢有埋野飲啦

SORRY標題搞了個爛GAG, 但真是想不到其他標題...雖然有個泰國名, 但卻有好多越南菜吃, PHO, 撈檬都有得吃咖哩羊滕成$100個, 仲可以叫白飯或者油鬆餅問題來了, 油鬆餅居然是一大塊沒有切, 羊滕是非常硬身的, 實到難以咬入去, 咖哩汁好油膩這種小事就不值一提了最糟糕的是, 要碗沒有碗, 只有膠兜, 全部都要叫先有, 尤其是刀, 這羊滕硬到咁都沒有刀叉, 用筷子撕開是不可能的任務!串燒肉類幾鮮嫰而且夠滑, 醃得入味不過不是太咸那種, 感覺幾好不過泰式花生醬實在少, 可以改善下...

全層都係食，食同食！因為手上有免費手抓餅優惠劵，所以決定了食泰國嘢！這個免費的東西好鬆軟，唔會一舊硬實實的，好食！識食一定配咖哩！點了這個馬沙拉咖哩牛腩配飯，如果你無免費劵又想食上面嗰個手抓餅，可以選擇不配飯，配餅！未食過咁(傑)的咖哩，不過又出奇地好味，好足料，牛腩好入味好lum,飯係一粒粒，唔會爛飯。咖哩配個餅真係絕配！因為個餅比較淡無咩味，點個濃烈d的咖哩汁真係一流！

今日放工後, 本來約左同事去沙田新城市FOOD COURT食晚餐, 不過果邊相當多人, 我地搵來搵到都冇位, 於是過左黎連城呢邊搵位...間間都咁多人, 最終決定泰國野, 突然間好想食辣野~超級多人! 等左成10分鐘先有位...而家普通餐廳都要等位主要都係賣咖哩, 想食辣野我地即刻點左中辣既咖哩牛!面口就見到印度阿星, 拉茶由天花拉到地下, 拉出黎既奶茶超幼滑好飲! 本來想加少少糖, 原來唔使既, 佢地用煉奶所以令個茶底仲滑, 而且有甜品所以唔使落糖, 好飲過香港茶記D絲襪奶茶添!個瑪沙拉咖哩好油, 牛肉就係厚切肥牛, 煮得超級稔, 非常入味而且好辣, 因為要左中辣~ 越食就越熱~另外都落左好多青椒, 青椒幾爽口彈牙, 不過就完全唔入味, 好似用水煮熟掉入去咁...好多好大份既半份豬頸肉沙律, 不過可能係泰國菜, 所以好多生蔥同生洋蔥, 同埋佢地個沙律醬甜甜地, 所以個沙律都幾甜, 而豬頸肉就反而比較淡, 唔會好搶味同埋有D咬口咁, 另外仲有番茄仔, 我發現佢地好鐘意用番茄仔, 連咖哩都有~好冇食就見仁見智啦

是日，來到沙田閒逛，順道來到冬蔭公公吃個午餐。來到的時候，門口蠻多人輪侯，幸好我們只等了數分鐘就能入座。餐牌有各式小食，沙律，BBQ燒烤/串燒，泰式湯粉/米線, 撈檬粉，薄餅及東南亞特色主菜食物等。芒果乳酸 & 巨峰提子乳酸 兩杯乳酸均果味香濃，甜度適中，質地滑溜，加上微酸的味道，感覺清新，不錯！公公拼盤套餐 $136泰式什錦拼盆 ( 蝦餅，泰式春卷，豬頸肉，酸辣鳳爪，沙嗲串燒蝦2支，沙嗲串燒雞2支 )任選飲品兩杯 ( 包餐飲，汽水及特飲，鮮果乳酸 +$10 )有齊六款泰式小食，份量頗多，好不豐富！蝦餅爽口彈牙，泰式春卷香脆可口，餡料十足；沙嗲串燒雞肉質香滑，非常惹味！泰式馳名海南雞飯 包老火例湯 $62 轉脾+$8 海南雞賣相不俗，入口肉質嫩滑，醬汁亦能惹味，加上老火湯，整體蠻不錯！全日免收加一，不失為一個抵食之選。

餐廳幾多人排隊,不過想食d特別菜式,於是揀呢間。睇到餐牌幾多選擇,有咖喱薄餅,飯,米線,檬粉。叫左泰式拼盤,馬來亞肉骨茶,豬頸肉檬粉,黑珍珠椰汁冰。拼盤好快黎,都幾多不同類型小食,份量3-4人。有串燒雞,烤大蝦,炸蝦餅,豬頸肉,春卷,無骨鳳爪。豬頸肉同春卷份量都幾多。 而拼盤有3種醬,沙嗲醬當然最夾串燒,推介!春卷好多餡。另外,馬來亞肉骨茶望落去已好豐富,好多料,飲一啖都有肉骨茶藥材味。而且肉好入味,份量多。冬菇亦同平時食開既唔同,好香。再者,豬頸肉檬粉,估唔到份量咁多,豬頸肉厚薄處理得好好。而且配料好多,花生,酸菜好夾,撈埋一齊最正,呢度既撈汁亦好會好酸,青檸味唔會太重都可以平衡到味道。另外,黑珍珠棷汁冰好大杯,黑珍珠份量好多,起碼佔3/4。而且棷汁好純,冇溝水,很好。加上此餐廳用膠杯裝,方便拎走。

今日落沙田同朋友行街順便想試下D未食過既餐廳, 所以揀左冬蔭公公。揀左鮮魚湯檬粉配蘿蔔同魚皮餃。不過黎得泰國菜館都想試下泰式拼盤, 所以叫左個什錦盤同朋友share​d野都算黎得快, 等左一陣就上左拼盤.拼盤望落去都好豐富, 春卷 豬頸肉, 蝦餅呢d基本野都有齊。另外仲配左酸辣鳳爪 ,用黎做開胃菜一流, 加上佢唔太辣反而酸味重d, 所以我幾鍾意。既甜酸汁仲配左咖喱汁同另一款泰式汁, 三款汁都好出色, 好match . 咖喱汁夠濃味, 泰式汁夠惹味,酸辣汁夠傳統. 加豬頸肉燒得岩岩好, 咬落去唔會太韌, 外皮亦都夠脆. 蝦餅, 春卷亦算做不過不失。​跟手就上左魚餃米線, 望落成碗好清, 不過魚味好濃郁, 所以蘿蔔都好入味。而且魚皮餃塊皮夠薄, 夠多湯, 食落唔會太重粉味同好夾個魚湯。​最後叫左杯杞子紅棗茶, 細細杯不過好足料所以好夠味,飲到底仲好多料可以就咁舀黎食。呢間野整體水準都唔錯, 下次有機會都會再試下。

今日同fd行開沙田去搵下野食,又唔想食啲大路野就搵到呢間食東南亞野既鋪頭,之前試過將軍澳中心分店ok, 所以就揀呢間, 間野望落都好清潔衛生環境氣氛唔錯。咁岩之前去完馬來西亞食完當地既肉骨茶,見到呢到有得食於是想試下同當地既有咩唔同,就叫咗個黎試下,一到枱就驚訝緊, 望落好多料，唔似馬來西亞咁得啲肉，又豆卜又腐竹咁完全系吸哂啲肉骨茶落去。試一啖就覺得無馬來西亞既咁濃藥材味, 個味道算唔錯啲肉又好冧, 就算無牙既都食到 ,整體唔錯。飲品就點咗杯鹹青檸梳打黎試下, 杯野望落有兩舊野,鹹鹹地又唔會話太甜又有啲氣,唔鍾意甜既可以試下呢杯幾好味。  

今日想食東南亞野，就去左一間屋企附近一直都想去食嘅餐廳，冬陰公公。以為呢間餐廳會好貴添原來啲價錢都幾合理喎。 叫咗個羊膝咖喱飯，哇！好大個羊膝呀！又幾特別喎，啲咖喱同出邊食嗰啲咖喱好唔同，真係有放咗好多東南亞嘅香料落去煮，身為一個嘴刁嘅喎，平時對東南亞嘅嘢食都有一定嘅要求。呢個咖喱好香丁香嘅味，而且有一種好濃郁嘅馬拉式咖喱味道！搞到我好想去馬拉食美食！我好鍾意食佢嘅羊肉，因為唔會太老，煮咗咁耐仲會保留住羊肉嘅鮮味同埋水份，八角既香味已經滲入羊肉，估唔到一間普普通通嘅餐廳可以煮到咁上下嘅水準！我真係太幸福啦！跟住叫埋個炸軟殼蟹。 成個軟殼蟹好大隻，一食到中間仲有好多蟹膏bit曬出黎，好野味呀！比少少錢食到咁美味嘅海鮮，正呀！ ！ ！呢間野真係價廉物美，尤其是對我呢啲打工仔來講，月尾冇乜錢洗但想食好野，我一定會揀呢間！

天氣暖番少少就想食下東南亞野 叫左個拼盤同朋友share !大約$130 仲有兩杯飲品送個拼盤好好食 好多款本身好驚係個種叮熱左就算既串燒但好彩唔係 每款串燒都燒得好靚又香口又好食 中間個舊係炸蝦餅 好耐冇食過咁彈牙既炸蝦餅蝦肉彈牙 有好正既蝦味 而且炸得剛好配甜酸醬一流 另一最愛 豬頸肉朋友就覺得豬頸肉唔夠味不我就覺得味道剛剛好 豬頸肉仲係好彈牙 上而燒香左個層好正另外 拼盤既雞肉串燒都好正加埋沙da醬一齊食 好似食九龍城食既串燒咁 雞肉撈檬 好大份！撈檬加埋木台上既撈麵汁好正味道唔濃 好清新 夾埋拼盤食一流 芒果乳酪 酸酸甜甜既芒果加乳酪好似去左泰國咁好好飲

蝦餅, 春卷, 豬頸肉, 串燒蝦, 串燒雞炭燒豬頸肉外皮燒得金黃, 豬頸肉豐腴甘香, 最重要不太油膩食落還充滿肉汁, 春卷夠香脆，配蔬菜餡料，咬開化口後那迷人的脆度隨之而上，肉甜在咀嚼的過程中夾雜著肉肉的焦香, 好吃, 香脆可口蝦餅夠厚身大件有厚厚蝦膠先有啖啖彈牙口味, 串燒也頗有水準, 串燒蝦肉質結實有彈性, 點上泰式辣醬味道不錯