冚棒唥 (昌華商業大廈) (已結業)

冚棒唥，走文藝青年路線嘅 Cafe，門口有醒神嘅私家車造型的梳化，打卡一流。座位不多，但幾舒適。我們點了兩個主食。泰北酸酸腸飯堡 配 粗薯&雜菜沙律 $108 飯堡本身的味道較淡，但點酸辣汁之後就真係夠晒惹味！薯條炸得十分香脆可口。仲有啲沙律菜伴碟，夠晒新鮮！朋友叫咗一客煙三文魚他他烤酸麵包 配 雜菜沙律 $78 。朋友話三文魚都幾有咬口，加上好新鮮嘅蕃茄夾麵包真係夠晒夾。跟餐送美式咖啡或者熱茶。茶係低糖綠茶黎嘅，茶味濃厚。轉凍飲都只係加三蚊，算係幾抵。凍美式咖啡 $3凍茶 $3食物同環境都幾好，值得再來。

喺佐敦呢到開咗一間文青風格咖啡小店，仲有賣各類便餐。😉 裝橫簡約而不失玩味，適合閒時chill一chill。😚⁣⁣63度慢煮溫泉蛋卡邦尼意粉（$88）【好味度：7/10】⁣⁣⁣⁣滑捋捋嘅半熟溫泉蛋，鋪喺意粉上面，非常吸引。😍 每條意粉都沾滿carbonara sauce，令口感頗為濃厚，啖啖都好creamy。😛 而且意粉唔會太淋身，保留口感之餘唔會過硬。😮 配料有煙肉之餘又有好脆嘅煙肉碎，更加濃郁。😌⁣

早幾日經過佐敦見到間新cafe ， 個名幾特別，叫 冚棒唥！🥴 一睇就知係香港人開😂😂 一定要支持下啦！ 店裏的裝修以白綠色為主，店裡放了一座用真mini cooper🚘車頭改裝成的梳化！坐落分別 order 咗 泰北酸辣腸Rice Burger🍟🍔🥗同埋63度慢煮温泉蛋卡邦尼意大利粉🍝呢個意粉煮得不會太硬，帶點兒韌勁😋醬汁濃香不膩口，滿滿煙肉味👍👍👍💯😍😋🍴

忙裡偷閒的一天，沿途路過尼間感覺幾有文藝情懷的cafe shop，剛好見到做緊88折優惠，便想試下新鮮，入門口人流不多可能下午茶時間，內裡非常舒適悠閒，又特別多可以做打卡位的地方加分，服務不錯，會用心推介食物的特色。食物方面非常不錯，個温泉蛋煙肉卡邦尼意粉高質，芝士味濃郁但不會令你覺得好膩，煙肉提升意粉口感，加埋溫泉蛋相得益彰口感更飽滿，唔會令意粉同其他料嘅味道分開。朋友就叫左個飯堡併薯條，飯堡是店員推薦的，確實不錯，辣肉腸不太辣剛好，提升左飯堡味道較淡的問題，飯堡煎得幾香，不會太吸油咬下沒有太油的感覺，同埋不會一咬下即散的情況非常加分。飲品方面，店員推𤆬介的尼款冰火咖啡令我印象最深刻，因為系我飲過最特別的咖啡，店員一開始時就推薦要快飲，一飲時最上層系暖下層系凍，口感及味道不錯，不會太甜調味剛好，但隨著時間不同，味道都會有唔同，幸好咖啡沒有冰塊不然會影響風味，越往後，味道反而越濃郁，系令我最驚艷的一樣。

平時都好驚去食cafe,cafe通常又貴又唔好食食物嘅質素都幾差。今日就揀咗佐敦呢間新開嘅Cafe，希 望唔好中伏啦。我哋一開始因為實在太熱啦所以叫咗個藍梅士多啤梨奶昔。跟餐只需要半價咋都幾抵食，士多啤梨味同埋藍莓味估唔到都幾不錯，呢個奶昔creamy之餘仲好香果味。 食方面我叫咗個泰式牛油果沙律，牛油果嘅份量好多，加上佢哋嘅泰式醬汁非常之開胃，無論我定朋友都好鍾意。本身都想食佢哋嘅黑啤燒乳鴿可惜我哋太遲嚟啦已經賣晒唯有下次試吓啦。我哋就揀咗個豬肋骨意粉，個豬肋骨相當之入味，配埋意粉真係1秒都食完呀超正。

週末和閨蜜去行街食野,行行下見到新開嘅餐廳，仲要有折，我地立即決定行去睇下，行到西貢街發現有間裝飾别緻嘅café,舖內裝飾簡潔，啱哂下午茶聚好姊妹。我就叫咗個番茄乾菇意粉，因為我不嬲好怕用番茄醬煮嘅意粉，估唔到佢係用真係曬乾左嘅蕃茄乾，食落去比較蒜味重啲，意粉嘅口感偏硬非常之唔錯呢個我都幾鍾意食。黑啤乳鴿粗薯條沙拉，原隻上碟賣相已經相當之吸引，店員很細心幫幫切開四份，黑啤味道濃郁，淋喺乳鴿上真心覺得好滋味，肉仲好嫩，看得出用心製作。下次都會來。

唔知幾時有個習慣，要是來回旺角/尖沙咀，都係鍾意漫步形式，或者油尖旺區有時變得太快，可以欣賞下沿途景物又可發掘一些新趣味～今次係佐敦西貢街又俾我發現新食店，店名好得意，叫”冚棒唥”，店內外都走清新藝術風，睇埋餐牌，d嘢食又係幾得意，就入去試試la~✨泰北酸酸腸飯堡配粗薯&雜菜沙律🥗~ 飯堡以前係快餐店食過，但呢度既飯堡就特別得多，飯餅本身已用香蔥等材料調味，加埋洋蔥、蕃茄同青瓜，😋配合特色酸酸腸及特製酸辣汁，口感非常豐富！經調味過的粗薯條又係食到停唔到口～✨水牛芝士🧀蕃茄烤酸麵包配雜菜沙律～ 水牛芝士壓成扁身、連同蕃茄及沾有橄欖油的酸麵包一齊入口，😃fresh 以外多一重滋味，同平時食沙律感覺又唔同～✨黑朱古力～ 👉🏻黑朱控必飲！ 平時飲開既熱朱古力已經滿足唔到我要求，😍呢度既黑朱古力真正濃！香！滑！💯💥提一提，👀叫左主食、飲品係有半價優惠ga！

新開嘅餐廳，門面好光猛，好有文青風格；係比較新穎啲嘅餐廳。入到去餐廳唔算好大，但係環境都幾舒服，有個位好似吧檯咁可以望住出面食。晚餐我哋叫咗黯然銷魂飯寶，入面有蛋同叉燒，好有中國風味，個包面係飯做嘅，係飯漢堡；而且薯角都炸得幾脆。另外，叫咗日式麻醬秋葵雞肉沙律，呢個我覺得好好食，沙律菜好新鮮，而且雞肉煎得好香，個麻醬調味非常之夾，好清新引夠飽。餐廳幾多影相位，而且別具風格，食物價錢又唔貴，值得一試。

📍冚棒唥（佐敦）小編最近行街經過有一間類似畫廊嘅地方，行近啲睇下！原來唔係因為門口已經有一架車！發現原來呢一間鋪頭係食嘢㗎。 .✅摩卡咖啡擺上枱嘅時候已經感覺到呢一間鋪頭所做出嚟嘅咖啡已經唔係馬虎，飲埋落去香濃不特止，而且咖啡嘅香味仲保留住係個口度半個鐘.✅暗然銷魂飯堡佢哋好細心架菜多個肉簡直係健康之選啦,同埋佢個飯堡裏面都有少少菜㗎！.✅慢煮溫泉蛋卡邦尼意粉個煙肉食落口唔會太油膩，個汁有好濃郁嘅味道。最後值得一讚嘅就係員工亦都好誠懇聽人意見！好食指數：🐮🐮🐮🐮🐮🐮🐮7.5/10分地址：佐敦西貢街3-5號昌華商業大廈2號舖

黯然銷魂飯你應該就成日食，但黯然銷魂漢堡你又食過未？香港人嘅創意幾時都係咁值得欣賞嘅，呢間小小嘅 cafe 個名改得幾特別，裡邊好多車仔擺設，格局都幾文青，食物款式唔多但幾有 gimmick！米飯做包面，加上煎蛋、日式叉燒、仲有菜心，係呀竟然係菜心🤣！配埋薯條同沙律，集百家之所長，就成為呢個 "黯然銷魂飯堡" ，咬落幾有"食飯"嘅感覺，食到菜心時好似有人係我耳邊講 "食多住菜"咁樣...整體唔錯不過就稍為油咗少少😁其他野食例如 Carbonara 都唔錯，做得幾creamy幾好食！仲有當然要叫返杯signature飲品，蝶豆花用嚟打卡就靚啦🤣以晚餐嚟講就唔算貴，每人一百蚊埋單，性價比都算唔錯👍

見到網上推介這間餐廳店舖唔算大 但每個位置見到店主細心佈置整間cafe 都好有藝術氣息🎨有張靚靚的mini cooper 椅 🚖仲有幾幅畫作 🌅大約3點到 都幾full 幸好預早訂枱 唔係就要等🍛黯然銷魂飯堡 set ($108）飯外層脆脆地 有少少飯焦感覺裡面有菜心 日式叉燒 煎蛋 🍳仲有甜甜醬汁 真係好似食緊黯然銷魂飯🥛椰奶泰式紅茶冰 （$68）如果跟餐 可以半價一上枱先知咁特別 係可以自己調校一杯熱熱的椰奶 同一個紅紅圓圓泰式紅茶波波冰可以隨自己心意倒入椰奶 放少些奶可以有濃濃的茶味 岩晒喜歡濃濃紅茶的我☕️店主都好有禮貌 同埋唔會催人走係一間可以休閒談天好地方現在新開張 OpenRice 仲要有優惠

「🐱🐶EAT藝術 X 咖啡, 文青匯聚新熱點📍冚棒唥」.暑假到啦，大家有無諗過可以點樣過個Chilling Summer呢？🌞.作為文青嘅我哋，今日就嚟到📍佐敦西貢街3-5號昌華商業大廈2號舖「冚棒唥」Hea下☺️.🍔🍟🥗黯然銷魂飯寶配粗薯&雜菜沙律($108)- 飯寶面脆、飯內有蔬菜，幾健康～豬扒薄薄一片，一啲都唔肥膩，係講究食得健康人士首選👍🏻當然，配埋個粗薯&沙律菜，健康得嚟又唔會太齋，係貼心嘅☺️❤️.🍝63度慢煮溫泉蛋卡邦尼意大利粉($88)- 意粉軟硬度適中, Bacon油脂分佈平均，一啲都唔油膩；卡邦尼汁香濃，食完一啖浸味仲留喺個口度🤤.🤩重點激讚呢度嘅咖啡☕️☕️摩卡咖啡(熱)-咖啡豆香濃細滑而且咖啡香味喺口內Keep得好耐；聞落去，精神為之一振😻☕️手搖咖啡(凍)- 手搖咖啡第一啖口感清新，但記得一定要盡快飲，攤得太耐咖啡嘅甜味就會開始出嚟，唔嗜甜嘅朋友可能會略為扣分😅.整間小店好似🖼藝術畫廊，除咗牆身掛畫外，睇得出店主好中意車🚗，餐桌下擺滿一部部玩具車模型，充滿兒時童趣回憶🚗🚕🚙🏎🚘🚖.總結評分：7.5/10番啅指數：⭐️⭐️⭐️🌟

#冚棒呤身於佐敦內街，文青同藝術感既裝修好搶眼。不由自主咁入左去。睇menu 先知原來係食泰國fashion菜。咁又真係同我係泰國見到既文青cafe幾似喎。呢道好寧靜而且舒服😌好岩飲下野chill下。忽然好似同外面急速既節奏離絕左。未食lunch 既我發現佢個lunch set 配埋野飲都幾經濟。#63度慢煮雞蛋卡邦尼意大利粉 $88估唔到都可以加入創新元素，🐖加入左半肥瘦新鮮豚肉片，口味比平常食既不一樣。拌左雞蛋🥚後，成個意粉好有蛋香。汁濃厚同creamy，意粉好掛汁。#暗然銷魂飯堡配粗薯條雜菜沙律 $108令我諗起以前m記出過既飯tastic 🤣。兩舊煎香左既飯(帶蔥)，好香口。裡面夾住豬肉菜心同煎蛋🍳，聽落騎呢，但又幾好食係夾既喎！呢個好有驚喜。只係飯煎完會有少少油。加每杯$3要左杯冰茶同咖啡。茶係佢地自己沖既似英式茶，無加糖所以係原味，茶味🍵好出。飲唔慣咖啡既我覺得好苦而且加左冰好似有彈水味。環境靚，野食又好食，好開心可以搵到好野食。

餐廳佈置幾用心，牆上掛左油畫同藝術品，令客人好似置身喺art gallery入面食野咁。餐牌嘅食物種類都唔少，除了特別的飯堡之外，仲有意粉、沙律同小食等。📍黯然銷魂飯堡 $108飯堡中間夾住嘅唔係普通叉燒，而喺厚厚的日式叉燒，仲有菜心同煎蛋，呢個食法新鮮又有創意。📍五香肉桂紅酒汁燴豬肋條配意粉 $168豬肋條炆到肉質軟腍，一咬就已經可以骨肉分離。意粉預先用蒜蓉炒香，不過調味重手左啲，連埋紅酒汁一齊食有啲咸。📍牛油果乳酪 $58用牛油果同乳酪製成，口感幼滑味道清新，不過單飲價實在太貴，要不是跟餐有半價都未必會試。另外，餐廳用左金屬飲管代替膠飲筒，身體力行支持環保，值得比個like。整體食物質素唔錯，但飲品同個別餐點的價錢偏貴，性格比唔算高。

冚棒唥地址: 佐敦西貢街3-5號昌華商業大廈2號舖電話: 24680806=====================新開張👾位於佐敦🍭輕食Cafe☘️裝修擺設好有心思🤙🏻Bar枱係玻璃面下面放左好多🚗模型車近門口放左一張車型嘅梳化🚌玩味十足🗽-👅雞肉胡麻沙律配酸麵包配美式咖啡👅朱古力軟心冬甩👅latte-令我十分驚喜係佢地嘅咖啡！💜💜咖啡的香氣同濃度處理得好好👍🏻最重要沒有那種會令我不舒服的酸☺️-我很喜歡飲美式可惜好多地方的美式都唔好飲🤧一係太淡/太酸🤷🏻‍♀️遇到岩口味真係要好好珍惜🤙🏻- #hkfood #hkfoodpic #hkfoodstagram #foodiehk #foodie #foodblogger #hkfoodieblogger #yummy #delicious #hkcafe #cafehk #salad #coffee #coffeeshop #hkcoffee #佐敦美食 #佐敦 #輕食 #咖啡店 #咖啡 #冚棒唥