六榕仙館

營業中

休息中

今日放工2個人去左食飯,之前係呢度見度呢間d食評幾好,就去左試下:1.齋滷味:齋鴨,酸齋,齋叉燒最夠味,其他個d一舊舊硬硬地(因我唔知係咩)就唔係好入味啦~$15一碟都抵架~2.沙嗲金菇素腿炒河:好大碟,幾夠味,都唔算差,$40幾左右大致算ok啦~

看完"撃情", 突然想食齋, 又諗唔起邊度有傳統齋舖...我好怕某D"新式"素菜, 最討厭什麼素漢堡扒, 素肉腸之類, 加上一大杯汁一大杯油, 完全冇"素"之意.忽然想起有朋友推介過六榕的齋滷味, 當然要即時帶齋滷味之SUPER FANS - 我老公去品評下. 10時入座, 臨收舖, 酸齋冇哂, 只有咖哩齋及豉油齋等等. 這裡的咖哩齋及豉油齋均非常好味, 素鴨及素叉燒就冇咁好(可能我先入為主).另外Order二人餐, 包一羹二送- 選了:蟹柳素翅- 湯白色, 味頗淡, 早知叫"金湯素翅"先至係我喜歡的羹. 素翅量極多. 荔卷拚炸奶- 荔卷夠乾身, 但不及灣仔東方小祗園咁鮮"芋味". 炸奶漿太厚.菠蘿咕嚕肉- 用素叉燒炸, 其實口感與普通咕嚕肉好似, 味道淡淡地, 埋獻亦不過杰, 我鍾意.單是為了齋滷味, 我已會再來.

同D朋友打完波後，本來去莊士敦廣場食上海野，點知好多人等位，我就提議o黎食齋，因為好耐冇o黎食喎喇!一坐抵先叫碟淨酸齋、一碟齋叉燒、雞腎，酸齋每次我一定必叫的，因為佢酸度適中，咁多齋舖之中最好食的一間，不過好細碟，我o地四個人食真係唔多夠喉。除了兩碟齋鹵味外，有個任揀套餐三“食送”一湯套餐，再加一碟清炒西蘭花。個湯係翡翠海皇羮，我冇飲，因為好杰，我相信一定加了好多生粉；五柳鮮班亦係芋頭魚-外層都幾脆，不過唔夠芋頭味，而且條魚都幾細。江南醋魚-我鐘意佢有糖醋味外，仲有好多松子仁，而魚塊的口感就唔多似魚；最後一個係蠔油豆腐煲，味道一般喇!而每次的飯後甜品都有驚喜，今次係喳咋一樣唔錯，好過好多糖水舖。每人都係食左60蚊，好勁抵。

一年一度先有得賣，都係呢間最好食，最有香味，我推介食原味，都係$3一件。

家人介紹, 味道幾好, 價錢都係抵,帶老人家去多數鍾意,

一行4人去食，都算ok啦，價錢都唔貴，184蚊落樓，d野食唔差呀，只係個杏仁露糖水唔係咁0岩我口味﹗

很久以前去過一次,食物真係唔惦,服務又一般,真係"見面不如聞名".

食過咁多間齋舖之中，依間係最唔油膩的一間，份量唔少、價錢又平、又唔駛加一，所以我成日o黎食。我每次去都一定叫齋滷味，佢o地整d豆腐手藝唔錯，好滑。另外江蘇松子仁醋魚真係值得推介，飯後仲送糖水，絕對係真材實料，不係溝水。

我年年都去一次食生日宴，由出世到依家風雨不改，係一間由唔興食齋到潮流食齋，再走回唔興食齋的勁老字號店舖，在齋舖上，是老行尊，但食物不算勁值一提，一般啦～～食得過啦～～不過不失，只是地方迫點，地方可再淨潔點。