六榕仙館

營業中

休息中

素食巡禮﹝十六﹞跟兩位食友的午饍，來試試這間中式齋舖。由地鐵站行來，都要幾個街口，驕陽似火，都非常之熱。吃中式齋，自然要來碟齋鹵味試試。這裡的做得普遍不差，紅的、黃的、沒染色的幾款麵筋，幾新鮮，亦幾鬆軟。齋燒鵝跟齋叉燒也不錯，齋鮑魚吃落，味道則是說不出的奇怪；其餘菜色，也不想再吃素魚素牛肉素火腿，要了涼瓜炒蛋、川辣茄子飯及六榕窩米。涼瓜炒蛋是涼瓜切粒再和蛋漿去炒，炒得不太乾身。此時涼瓜當造，加上應節，怎樣煮出來吃落也會很受落。而蛋是下了奶亦加了粉去炒，雖然滑，但吃著有點「一舊舊」，還是老老實實的煎蛋或炒蛋更受落；川辣茄子飯埋了個幾重手的芡，賣相閃令令的，比著平時已經敬而遠之，但吃中式齋，也避不開芡汁，照吃可也。味道沒有麻亦不辣，茄子走過油，下的醬汁也夠味，當然味精也不了不少。不過濕濕地，幾易入口就是真的；六榕窩米是上素窩米，以招牌命名，照理用料是會認真的。賣相不錯，用料亦豐富，計有草菇、磨菇、秀珍菇、冬菇、雲耳、木耳、粟米芯、菜芯等等，用醬油扣過，再埋芡，加上湯米粉，吃起來是個感覺幾豪華的齋菜了。埋單147 蚊，吃得飽飽，不算貴。吃這些傳統中式齋菜，多油重芡汁，健康是談不上，有時是以味

二人餐揀左金湯蟹黃翅- 好味南瓜齋翅荔卷拼脆奶- 蜜瓜脆奶香口荔卷亦不俗七彩生彩包- 好多材料生菜有少少部份啡本應加上甜醬包生菜食可惜有蒼蠅仔飛左晌蝶甜醬上唱游叫侍應換過都係唔敢點相信加上甜醬會更好食渣咋- 好多料唔太甜唔太淡份量十足兩人無叫飯都食唔晒傳統老店不能要求有好好服務不過服務亦不太差

由於間齋鋪喺屋企附近，都差唔多做作食堂喇！我同阿爸阿媽一個星期都會幫襯兩三次。每次幫襯都會叫碟齋鹵味，酸齋同咖喱齋好好味之外，仲有扎蹄都好好食。扎蹄有好濃嘅豆味，甜甜地，好有口感！除咗喺呢間老字號見過有扎蹄賣，我都好少喺其他新式齋鋪見過，可能係扎蹄嘅做工麻煩啩~！仲有一味叫七彩生彩包，大大碟，有好多材料切成粒粒，用生菜包住啲粒粒同甜醬，好味！其實仲有好多嘢都整得幾好味，好似雪菜素肉炆米、金菇豉油王炒麵、福建炒飯、香菜粒炒飯同八寶雲吞。諗起都想食吖！^^

心血來潮想食齋,順路就到此一試!四個人叫了:1.金湯蟹黃翅$50=南瓜煮素翅,清清地幾好;2.五柳仙班$38=芋頭魚,點上調味醋,很好食;3.蜜豆雲耳百合$40-小炒菜式,以爽口為主;4.三菇燒豆腐$42=冬菇草菇磨菇煮豆腐;5.齋$15-是最買得的菜式,眼見差不多每張檯都有叫, 個人覺得最好食是腐皮和酸齋;6.福建炒飯$45-以很多不同種類的素菜來炒飯, 味道很好,很惹味!埋單$251,幾抵食！

是日早收工，約朋友仔食飯。佢問我食齋好唔好，我話好！咁去六榕仙館好唔好？好！反正我都未來過。於是一行三人就來了！店舖與東方小祇園等老字號一樣格局，明顯是一間老店。可能時間尚早，無須等位。瞄一瞄餐牌，要左個三人套餐，即係可以揀一個羹和三個餸。一人點一個菜，我要滑蛋炒素蝦仁，因為平時我敏感吃不了蝦，所以今次叫呢味。兩位朋友分別要五柳仙斑和七彩生菜飽，湯羹要蟹肉羹。蟹肉羹先到，顏色較淺，味道較淡，本人略嫌太清淡。五柳仙斑賣相不討好，不過味道也不算差；芋頭味幾重，亦鬆化，多點醬汁吃還可以。滑蛋炒素蝦仁是最好的一味，蛋不會炒得過燶，蝦仁味道有點似，更有磨菇和青豆，不會太寡。最後一味也是我最不喜歡的一味- 生菜包。其實材料不少，冬菇粒、粟米粒等菜餡，加上新鮮既生菜，理應很不錯。但我覺得怪怪的，說不出什麼出錯，但味道總是未對。吃擺仲有糖水送，是渣咋。材料是足，也沒有加水。是送的，沒有什麼要挑剔了。另想一題的是其服務，雖是老店，但員工並沒有像其他老字號齋舖般白鴿眼，是挺有禮貌的，值得嘉許。三個人食百幾蚊，很正常的一餐罷！

上次lunch,今次就dinner. 侍應很好,很醒目.幫我地換了卡位. 我地點了一個set : 江南醋魚---------好好味,做得好仔細.有魚味.上面有松子仁.酸甜汁味道剛剛好,非常喜歡的一道菜.酥炸素生蠔---------入面有紫菜有醬料,男朋友很喜愛,但本人就覺得有點膩.翡翠海皇羹---------好足料,好清,沒有味精.甜品綠豆沙---------不算甜,好多綠豆.滿足的一餐.

一心想黎食五柳仙斑竟然上菜時先話今晚無好失望但已經叫晒野上埋檯只可以繼續食叫左二人餐($118)要左冬茸素翅羮,羅漢齋同荔卷拼脆奶冬茸素翅羮份量不少,同朋友仔一人兩碗都飲唔晒, 清清淡淡幾足料,ok羅漢齋唔油素材夠多種類,加上唔油又唔會好濃味好好食,好滿足荔卷拼脆奶係因為無五柳仙斑先叫,兩樣隔油都做得唔錯,但荔卷無乜味失色d,幸好脆奶好香蜜瓜味,又熱辣辣,滿足番服務亦唔錯我地因為地下無細檯被安排坐二樓佢都專登有個哥仔long stay o係度serve我地不過唔夠醒目我地埋單都無自動送上糖水衛生亦麻麻食到尾我地竟然食到橡筋

雖然現在市面上有很多新派的齋菜供人選擇,有些菜館更把齋菜味道和口感做得跟真的肉食沒兩樣但在我看來,齋菜這詞語理應跟清淡二字畫上等號才對故此這兒一向都是我跟母親大人的心水飯堂之一該店的的酸齋和鴨腎是我和母親的最愛酸甜的味道調得剛剛好,多吃幾件亦不會見膩,如果來過六榕的朋友卻沒嚐過這兒的酸齋,那就實在太可惜了此外,粟米粥和鴛鴦蚊米的味道亦非常不俗絕對是愛清淡人士的心水之算比較不推薦大家吃這兒的水餃麵,麵不夠彈牙爽口之餘,水餃更加入了不少味精最後不得不讚的是那一小碟開胃波蘿新鮮的波蘿並沒有經過糖水的洗禮涼涼的,並帶有有一絲的甜意和酸感往往令人食慾大增吃得清淡健康故然是好事但吃得營養均衡更是重要記得每次光顧過後於之後吃回肉類呀

巳經係上個月食評了.星期六下午同男朋友去六榕仙館食齋.我地都係上網搵到呢間,因為我倆都好喜歡食齋,不過出面好多地方的齋菜都會落好多油,但見到呢間咁多食評都話少油,所以特別來一試.果然比我地想像中更好味,更健康.我們叫了2人餐+一個齋鹵味.什錦齋鹵味---------食過最好味都係呢間,酸齋仍然係我地至愛.紫羅素鴨-------酸酸甜甜,齋鴨略煎.(真係好似鴨肉味)蟹肉燴素翅------好多翅好多料,有蛋白,有蟹柳.做得杰身,唔會好似水咁.啖啖都食到翅.五柳仙斑--------入面好鬆軟,外面脆脆地,太好味了,又唔油.我地食完真係好飽,這是一間值得一去再去的齋館.+埋一都好平.

幫屋企加料，自己心思思想食齋滷味，所以放工後到此買齋。雖然自己都係第一次食，但係因為屋企人試過口啤唔太差，所以買左一盒大的($20)。因為我冇要豉油齋，所以呢味我唔知咩味道。不過咖喱齋，呢個好好味，醱齋更加一流，不過齋鴨腎相對下就比較普通，素鴨口感較油，不過overall係好滿意。連平時對齋比較高要求既媽媽都讚好味，外賣買齋個位阿姐好好禮，下次試下堂食先。

9/11(四) 7:30pm今晚返學前男友被我迫使下(不下5次)與我到此頗具口碑的老牌素菜館吃晚飯.環境沒花巧講究的裝潢,白色牆身及臺枱,地方企理乾淨,加上樓底高,感覺比較開揚.我倆點了2人餐$118:1羹-冬茸蟹肉翅,2送-滑蛋素蝦仁及紫蘿素鴨;另要了齋滷味$15.冬茸蟹肉翅--份量相當慷慨兼挺足料;素翅亦富口感,唯味道稍清淡,要自行下少許鹽平衡味道.滑蛋素蝦仁--份量同樣有睇頭,雞蛋加入素蝦仁,磨菇及青豆同炒.炒蛋雖則不夠蛋香及滑溜,卻沒半點油膩感;味道清淡得來不覺單調!紫蘿素鴨--不推介的一味;做法跟咕嚕肉大相逕庭,除加入大量菠蘿,紫薑及青椒同炒,取而代之是用腐皮製成的素鴨,素鴨本身偏油膩;而甜酸的芡汁似乎份量過多,此外菠蘿味掩蓋其餘配料的味道.齋滷味--什錦齋,齋叉燒,齋鮑魚,素鵝,酸齋及咖哩齋.多吃幾件也不覺膩滯;而且色素恰到好處,屬佳品!服務方面老練的侍應算是話頭醒尾,兼且效率高.此家素菜館的出品勝在不油膩,食味清淡得來不太寡.此頓令人滿意(食肉獸男友卻吃至面有難色!)的素晚飯盛惠$143!值得一試!P.S.若非齋期,此店還會奉上免費糖水.

今晚唔係咁多人, 安排了坐卡位.Order3款食物:- 齋滷味: 水準同上次一樣一都係咁好食!- 鮑魚雞絲粥: 唔掂! 碗粥啖而無味.- 羅漢滷: 都係好啖, 唔夠入味!3樣之中係齋滷味比較出色!

今晚同好姊妹去食齋, 大約7:15pm到, 已經開始等位, 等左一陣, 要搭台...冇所謂, 因為實在太肚餓.- 齋滷味: 必食! 真係好好好味...!- 粟米粥: 唔錯! D粥好棉.- 五柳仙班: OK! 不過食兩舊已經好漏.服務OK! 下次再試其他小菜.

星期日約了辣椒女母親去玩，晚上當然一起食晚飯，最後選擇了這裡。看完餐牌後，決定叫一個三人餐，另加一碟炒飯。包括有金湯海皇翅、香煎腐皮卷、七彩生菜包、荷葉蒸豆腐和香菜粒炒飯。金湯海皇翅- 第一口感覺好淡口，本想加鹽，但食多口，感覺味道漸漸變濃，很奇怪的口感；南瓜湯底加上素翅，南瓜味越飲越香甜，素翅增加多了一些咬口。想象不出，會越食越好味。香煎腐皮卷- 新鮮炸起，外表炸得很香脆，又唔會太油，幾好。七彩生菜包- 生菜葉幾靚仔，加上切到細細粒的菜餡，味道爽口得來又好味。荷葉蒸豆腐- 豆腐蒸得算幾滑，但荷葉味偏淡，送飯就幾好。香菜粒炒飯- 雖然部份飯炒到一舊舊，但炒得幾香，又唔會太油，可惜菜料唔多，如只食這碟飯，就會感覺唔多滿足。價錢平，味道好。可惜地方比較迫，多人就會唔多方便！

這裡無人評過佢差, 有二十個好, 所以特登來一試係咪咁好, 地方很細, 少少迫。我們三人點了一個二人餐.1. 糖醋魚: 如下面的人兄所言差不多, 魚有D "UN"個汁只係普通糖醋汁, 加了松子仁和粟米, 都係唔覺好好食。2. 羅漢齋: 都夠熱, 但味道不覺得與別家有所不同, 味道普通。3. 紫菜豆腐湯: 個味都幾好, 夠清又唔咸。總括來說同其他他齋店分別唔大, 不過其實齋係好難煮得好好食既, 就當係清清腸胃吧了, 下次不會特登走來這裡食了。