六榕仙館

營業中

休息中

這家店可真是從小吃到大呢！家母習慣每年的農曆年初一帶我到這幢食素，一來是由於中國人習俗在年初一不殺牲，二來是家母覺得這裡的素食極有水準之故。家母對素食中的酸齋要求甚高，與她曾光顧多家素食店，唯獨六榕的酸齋才合她心意，這裡的酸齋，酸甜味調得剛好，不會太甜，也不會太酸，而且，可能是流量快吧！每次都可以吃到還是暖暖的酸齋，不像坊間一些素食店般，總是吃到冰冰冷冷的酸齋。從小吃到大，這裡的食物水準仍然不變，酸齋仍是美味，值得推介這裡的錦滷雲吞和粟米粥，錦滷雲吞是可用「抵食夾人件」來形容，而且，配著醮汁吃，酸甜得宜，令人胃口大開，有時候，我會把醮汁用來配白飯吃，可以連下兩大碗呢！粟米粥味道清清淡淡，但配著油炸類的素食，可助減低油膩感覺。小妹覺得，這裡的價錢多年來也十分合理，前陣子與朋友二人到來吃一頓，兩人叫了一碟齋滷味拼盤、一條五柳魚、一碟腐乳炒通菜、粟米羹、八珍炒麵，也只是百多元而已，而且服務也不錯，環境裝修不是高檔格局，小店座位亦並不寬敞，但卻不會令人覺得太嘈雜，個人覺得以這樣的質素來說算是「抵食」的了。

一行4人order如下名唔係咁記得~一個2人餐($118--一湯2味)1>湯:有莧菜&豆腐粒,清清地,好味,份量有成6碗2>糖焟魚:唔係成條魚,係一塊塊有紫菜圍住,個汁酸酸甜甜幾好,d魚腥腥地唔係咁好食,但d配料好食,好多菠蘿&粟米粒&松子仁,但凍左之後個汁勁杰3>西芹炒花枝:花枝鮮甜,ok好!另外order:4>錦mo雲吞:好多塊,個汁同糖焟魚個差唔多,但無咁杰5>羅漢齋麪麪脆身好食,d料好多,份量夠,抵食6>齋滷味:好食7>點心($2.5/件)叫左紅豆糕2件(似大菜糕,都係眉豆糕好食d) & 芋角(ok)&什錦角(無料咁唔好食)各一件埋單$231,ok抵!P.S.上面得幾張大枱,所以坐得舒服d而且無雨層咁凍!

同媽媽＆嫲嫲一行三個女人6:45到，要等位，大約7:00有位，都係叫番之前食開又係媽媒既至愛：１）　春卷（係廚房炸0個隻，鬆化好多）大大碟，大約＄４０，但無以前咁好食，唔太好，去親都食所以食過好多次，下次唔會再食喇２）　齋滷味　＄１５　，好足料，ｄ素鴨好好食，其他都好食，唔會好死實～　（走左咖哩＆豪油齋）３）　粟米粥　＄１５／碗　（都ｏｋ大碗）普通唔特別好食，淡淡地但煲得幾棉４）　羅漢齋麫　＄３５－４０（又係一大碟，ｄ麫脆身好好食，都幾多料）５）　眉豆糕　＄３／件　（一早去到時叫定２件試下，見佢得番幾件，ｄ口感好似大菜糕咁爽口，有粒粒眉豆，唔會一pat pat咁，唔知佢係咪幫我hold左０係凍櫃度，件糕凍凍地又唔太甜，好食，下次再叫）佢地茶芥既菠蘿係應該係新鮮而唔係罐頭菠蘿，雖然唔甜但清清地都幾好～食到好飽好飽，都唔駛抵＄１６０，抵食！

昨晚和4位相識超過10多年舊同事晚飯,原本想吃自助餐,但其中一位想吃廣東齋,所以來了這裡,約7點15分到達,客人不算多,一坐下便急不及待叫了必吃的齋滷味,還點了香荔酥卷,一個湯,金菇豉油皇炒麵,粟米銀雪魚,琵琶豆腐,除了炒麵和銀雪魚稍為過咸外,其餘既味道都不錯,飯後還送糖水南瓜西米露,4女1男,份量剛好,埋單連小費才$240,抵吃.

叫了一湯兩食送二人餐，有糖水送，好好好飽。食物味道偏清淡，味道唔錯。好鍾意食羅漢上齋。咕o魯肉就麻麻地，好食粉團Feel。平日晚都好多人, full house，臨走見倒李香琴o係度食緊，係幾有明星風采喎!

咁快又到夜晚, 星期六嘅時間真係過得快, book咗7:00嚟呢度食齋, 我地6:45去到, 咁當然同佢講話book咗位啦, 跟住竟然見到佢地叫最近門口嗰張枱嘅人起身, 然後叫佢地坐喺梳化度等等(好明顥佢地兩個係啱啱嚟), 嗰陣時我先知原來嗰張枱係我地, 真係有冇攪錯, 竟然可以張7:00有人嘅枱俾咗6:45嚟嘅人!!!嗰兩個感覺好似被趕走嘅人最後都冇聽佢地講坐喺梳化度等等, 一起身就走咗喇, 咁嘅情形俾我都會.好喇, 講返嘢食, 我地叫咗 :齋滷味- 同好多齋舖一樣, 所以冇乜特別, 冇食評講得咁好食香菜粒炒飯- 炒得夠乾身, 但味道比較淡炸生蠔- 炸粉唔會太厚, 咬開一半睇吓都幾似蠔, 都幾好味, 不過一件起兩件止金菇小棠菜- 非常普通嘅一碟菜粟米粥- 我覺得全晚最好食嘅一樣嘢, 粥有少少杰身而且好香粟米味紫羅素鴨- 都幾好味, 但賣相一般勝瓜乜乜煲- 已經唔記得係乜, 總之普通煲一個紅燒豆腐- 我地有叫但佢冇落單, 所以我地嗰晚變咗食七個餸, 真係有D唔好意頭糖水- 送嘅七個餸+糖水五個人食, 但係食唔飽, 不過真係好平, Totle都係食咗$250服務, 環境, 味道都係一般,

看到介紹便去試試，估不到可以食到意想不到的清新味道。仙館是老字號，在都市當中屹立不倒確實是靠實力取勝，夜晚九點去都要等半個鐘位。我未食之前對齋的印象是多油、濃竇粉漿．．．但意想不到這裡的菜式溢出清新味道。無論是羹或是小菜都有一陣陣清甜的感覺，師傅看來很掌握用蔬菜的清新味去配搭煮食。特別推介是粟米粥，不但有清甜的粟米，而且有香菇在內。評論：一定會再去

今晚係同同事一齊慶祝聖誕節.. 好難先約得齊人.. 好彩最後都總算約齊八個人.. 但係食野就得六個人..今次得一個鐘既食飯時間.. 要搵間近公司又要坐得舒服.. 上網搵左一陣.. 覺得食齋都唔錯喎.. 咁就決定左啦.. 由於時間關係.. 有幾位放早既同事事先去位同叫定野食先..我地叫左: 炸芋頭魚、蝦仁炒蛋、齋滷味、松子仁醋魚、金菇炒豆苗、脆奶雙併及一碟香菜松子炒飯...我地都覺得每樣都幾好食.. 除左脆奶雙併中的芋頭卷.. 嘩.. 個芋頭卷真係好難食.. 又韌又無味.. 真係唔好食.. 反而個蜜瓜炸脆奶真係幾好食.. 先前以為唔好食.. 但個個試完都話好食.. 咁就試一舊啦.. 都唔錯喎.. 好香蜜瓜味.. 好滑.. 不過食一舊就夠.. 如果唔係會好漏.. 另外.. 要值得一讚既係個豆苗.. 真係好好食.. 唔知點解一碟咁簡單既..都可以炒得咁好食.. 好夠熱同鑊氣.. 另外.. 同事都好欣賞芋頭魚.. 本人覺得都好唔錯. 但係都係沙田萬佛寺比較好食.. 而我覺得個炒飯炒得好好食.. 好有薑味既香及唔油..總括而言.. 呢間齋舖D係唔太油.. 真係好GOOD.. PS. 我地成班人係

好耐冇食齋，記起呢間食評唔錯，所以就黎試。叫左：一碗粟米粥($15)、脆奶雙併($38)、六榕炒麵($38)同齋鹵味($15)。樣樣都算OK，比較鍾意粟米粥同齋鹵味，好味之餘又唔算貴。炒麵亦算足料而且唔油。脆奶雙併就相對上差d ，炸奶好重蜜瓜味，但係甜；至於芋頭卷就唔熱。兩個人食相當飽，都算食得過。

因為要返學, 所以成日都會在佐敦搵食. 想食齋咁我地3個人就來叫左個2人餐加齋"老"味. 最欣賞佢地d齋"老"味, 15蚊都好大碟. 佢地d咕嚕肉都好味...套餐都有好多種類既餸可以選. 又平又正

今日同朋友仔行尖咀,食完元氣行黎呢度買齋食,買左齋鹵味、油炸點心。春卷可惜唔脆,饀都唔算好好,唔食無損失;咸水角=一大舊糯米粉+幾小粒冬菇,唔抵食但好飽肚;豆沙軟煎堆幾多豆沙,但有陣梘水味,味道有d怪怪...總括黎講油炸點心係唔多得。齋鹵味好大盒,連扎蹄都有,但味道又唔係話好好吃個隻,酸齋都唔係好酸,-_-" 不過二十蚊大大盒,用黎做餸都幾好。

上星期五一行4 人到此店食晚飯,我們點了一個2人套餐加散叫,套餐118包括一個湯2個菜,1)湯--黃金雜錦翅(類似這名稱啦),原來是用南瓜打成茸再加上一些菇粒和齋魚翅,整個湯好清甜不覺得漏,賣相也很美因為有南瓜的金黃色,最重要不覺得有味精(就算有味精也不會多囉)2)炸芋頭魚--呢個新鮮炸出來都冇失手啦3)蝦仁炒蛋--好有蛋香,有少許雜菜粒和蘑菇粒再加上齋蝦仁,賣相顏色好靚,又不油,又係好味.我們加了4)香菜松子炒飯(一碗$18)--飯炒得好香也不算太油,配料很簡單,就是一些菜粒,少許薑茸,加上一些切得很碎的綠色菜碎及松子,好味5)金菇豉油皇炒麵(一碟$32)--炒得不油,咸味剛好,我朋友讚不絕口(佢個人食左半碟)6)齋滷味--好新鮮,因為見佢一盆盆熱辣辣從廚房拿出來,各樣齋滷味都好好味,不會過酸過甜,又係正啦.仲有係佢地的份量都唔會細細碟,我們2男2女都食唔晒的野,我們還約定下次再encore呢!

係呢度食過都好多次,就寫下比各位食友知.齋滷味--味道適中不過濃或過淡,同埋感覺似係當日所造既,因為唔\\\'霉\\\'或\\\'硬\\\'炒麵--食過3至4款炒麵,水準平均,鐘意的芡汁不會好杰,食到最尾也不會漿住香菇炒飯--炒得好香口,可能有類似冬菜一齊炒掛,還有佢\\\炒得唔太油紅燒豆腐--係好多齋店食過豆腐,但最香豆腐味就係呢間.唔知咩魚塊--即係素肉輕輕炸過再燴,咯覺稍咸,同埋配既菜唔多,只得3~4條.雜菜粉絲煲--大約有3種唔同既菜,粉絲,少量木耳同豆腐,味道都唔錯但份量其實好少,雖然話有3種菜,但那次吃的其中一款菜只得一條,比多2條都得掛粥品--齋粥同粟米粥都食過,2款都唔錯,原來可以ORDER稀的架,我鐘意食稀的既粥點心有食過春捲,芋角,咸水角,蘿蔔糕,紅綠豆沙餅,水準都唔錯,不過試過一次快2點至叫芋角咸水角係無既,呀姐仲話唔出架喇,要食明天早的叫啦,呀還有佢\\\地既冬菇都好香冬菇味,連我唔太鐘意食既都食左2件,晚飯還有糖水送,會錢幾抵,食味又唔錯,未食過既可以試下

可以食乜? 食齋喇!老公扭計食六榕己經扭左3次, 為了準時到達, 我只好搭的士去. 灣仔去佐敦只係$50幾? 好抵wor!點菜由佢主意:錦繡三絲翅- 係我在電話中request佢order o既. 上次錯點海皇翅, 唔掂. 今次呢個超掂! 大量雪耳, 木耳, 竹笙, 好爽又足料! 紫羅素鴨- 有我唔食o既子薑, 但d素鴨及菠蘿好食, 好開胃.七彩生菜包- 好掂! 好多冬菇粒, 埋茨濃度中, 我覺得比鳳城鴿崧更好!齋鹵味- 必食, 不過我到時, 食剩3件lor...埋單$155. 臨走時買了半打花生杏仁餅及合桃酥, 比奶奶試下.

同朋友去完九龍公園SWIMMING，友人提議食素…由於SWIMMING完關係，都不是太HUNGRY，2個人叫左2個菜，咕嚕肉(當然唔係豬肉)同琵琶豆腐…咕嚕肉好有HOME STYLE，有DD似亞媽整蕃茄蛋既味道…琵琶豆腐亦頗惹味，但炸"燶"左，有少少苦味同咸左DD