六榕仙館

營業中

休息中

六榕仙館係香港老字號齋舖。店員服務態度好好，有時仲會同食客傾2句，幾有人情味嘅食店。餐廳只接受大枱訂位 (例如6-8人)，我哋一行3人就要walk in等位。呢到嘅食物好夠熱，每碟食物都不停冒煙。錦鹵雲吞 (有蛋) ($85)薄脆口感香脆，酸甜汁嘅配料幾多，例如有番茄、菠蘿、草菇、燈籠椒、素雞、生根等。素蟹柳西蘭花 (有蛋) ($90)鮑魚雞絲粥 ($32/ 碗)羅漢炒麵 ($72)配料以菇類以主，加埋素雞、雲耳、粟米仔同甘筍。送: 紫米露

讚1 第一次幫襯既老字號 幾估唔到水準唔錯 素鴨真係鬆化果種。酸汁惹味 炒飯均勻 松子無膉味 蜜糖豆同百合都新鮮2 環境幾乾淨3 每人百幾銀 算抵食彈1 服務係真係有啲老舖feel 要忍一忍

復活節假期人流密集了，但疫情下部份店舖未開，到佐敦用膳，本來去澳牛，一條超長龍，只好放棄，適逢初十五，最後選定食齋菜，去了老牌素食店「六榕仙館」，點了羅漢齋$90元及豉椒腐竹飯$62元，羅漢齋有榆耳，比較少有，其餘金菇、腐竹、草菇等，整體容量較少，油份稍多，味道一般，不過不失，豉椒腐竹飯有些驚喜，份量很多，味道不錯，適合2人份量，結賬時收銀態度很惡劣，還被收銀叱喝，莫名其妙，如此待客實非一般，擾攘一輪成功結賬，連同茶錢加一結賬共$189元。此食評如實講述店鋪員工態度，被要求修改3次了！我只會寫事實，為何要唱好？

約朋友去食素，最後揀咗佐敦呢間老字號，好彩時間早，咁啱入去有卡位坐，於是叫咗二人餐，一羹湯二菜 $238。我哋叫咗一個翡翠海皇羹，一個葡汁南瓜燴鴨脯及羅漢上齋。好快就上到菜，第一時間先飲碗翡翠海皇羹，份量都唔少，夠哂足料。葡汁南瓜燴鴨脯，素鴨加上啲汁，口感及味道都唔錯，好似真係食緊鴨肉，而羅漢上齋嘅味道比我想像中清淡。最後朋友仲叫咗個齋鹵味，一嚟就掛住食，差唔多食哂，先記得影相，味道ok，唔錯！總結：老字號，食物質素唔錯，而且味道唔會太油太鹹，都算係少油少鹽，老人家都啱食。價錢亦好合理。

🤎沙嗲粉絲雜菜煲 $76沙嗲味唔會太鹹，粉絲勁掛汁，入面仲有多款雜菜，例如西蘭花、荷蘭豆、菜心等等🥦🥛脆奶雙拼 $73賣飛佛！其實係香酥荔卷mix脆皮蜜奶🥰我推薦呢間其實係因為好掛住呢度嘅炸蜜瓜鮮奶，外層非常脆薄，內裏有做到好嫩滑，又唔會太甜，食過返尋味👍🏻👍🏻👍🏻🍄三菇燒豆腐 $80燒豆腐軟硬適中，非常入味；啲配角：菜心、草菇、雞髀菇等等都好好食😋🐟五柳仙班 $78其實係非常邪惡又熱氣嘅炸芋頭魚配酸甜汁！一條魚大約分成10件，每一件都係外層非常香脆，裏面嘅芋泥做到好細滑，芋頭控一定要試🤗🌽羅漢上齋 $88呢個賣相同芡汁其實同紅燒豆腐差不多，但佢嘅食材就比較特別，例如有好耐都冇食過嘅發財、好爽口嘅雪耳同粟米仔☺️🥢竹笙炒麵 $82無諗過呢個竹笙炒麵咁正！啲竹笙多到好似唔駛錢咁，麵底又非常香脆，加埋個玻璃芡打得非常靚，睇埋個價錢超級抵食🤗最後仲有糖水附送，當日試咗佢哋嘅綠豆沙，你唔鍾意綠豆沙嘅我都覺得幾好飲🤣

人哋話食素之人身體好，賣素之人心啲好。今天睇完戲行過呢間齋舖，諗住買盒素齋返去當晚餐，一到去，冇人招呼，問左幾聲見到嗰剪齋嗰人攞左外賣盒好唔耐煩，我叫左一樣佢又冇反應，問又唔問，說話又唔多講句，跟住堂食要剪佢就唔理你做自己野。好了，等佢做完野又好似等我，又用手指指，我估佢想叫我一次叫曬野先剪，事實真係如此。外賣地方又啱啱係門口，出山入入都唔知自己企邊好，差啲被門撞到。講真的顧客真係好唔方便，好心佢哋明知如此仲要咁布格，不知是何居心，仲要係同一位置收錢。一盒$55齊，四個位都係空嘅，唔係睇住佢以為被人食左。人哋買素齋都會把外賣盒裝得滿滿，我第一次係呢間買外賣，唔知係唔係呢間野嘅外買就係留1/5空位….應該唔會有第二次！食物干淨，味道方面可以，但性價比不高。

今日晏晝同屋企去左食齋，今次揀左呢間老字號，我地上左舖頭既第二層，我見隔離一枱四人都係男士，我估應該冇揀錯，老字號冇翻新過，裝修就比較舊，但我覺得食物係唔錯既！佢地有叫餸食飯，同埋點心！我推介琵琶豆腐同咕嚕肉，食過好多次唔同既齋咕嚕肉，佢個咕嚕肉係最出色，簡直係同真既咕嚕肉差不多，爭啲分唔出!竹笙扒豆苗都唔錯，芋頭魚都好食，係上得最遲，嗰陣已經飽晒。揀鵝就實左啲！羅漢齋就真係可以唔使食啦！普通過普通！

星期五晚上同家人一行三人媽媽是素食者，喜歡傳統素食，新派素就一般。最後揀左呢間幾十年老店。門面如一般傳統老店，到處歲月痕跡裡面整整齊齊，都係食餐飯主要睇食物，而且只收茶芥無收加一架～野食方面：咕嚕蝦球味道正常，素蝦好彈牙，好食～呢個炒翅因為幾特別，湯翅食得多，炒都做到好好味，好香又有咬口。酥炸生蠔係最上面個碟，好好食～裡面有紫菜再加素肉（估咋）好似蠔架～飯我地叫左福建炒飯，好大碟每人起碼4-5小碗，好食～最後佢晚飯會送自家甜品（齋期及公眾假期除外）今晚係芋頭西米露，呢個真心好好食～芋頭煲到溶晒，絕對唔係溝水個d甘希。埋單大$374，已經加左每位$6茶芥。店員都好好人，會介紹野比你食～雖然可能你2位就要有機會搭檯。但食物質素係真心好！佢有2人餐（1湯2餸）3人餐（1湯3餸）可以揀，相對抵一點～不過第一次去有d餸想試佢個餐無，下次吖～一定會再去～

時近中秋,長老都要食素~ 今次搵左呢間幾出名六榕仙館傳統齋菜館，菜式不會過份油膩，價錢公道若非齋期，飯後更會奉送糖水生菜雜菜鬆,  羅漢齋炒麵 素湯羹一盤羅漢齋炒麵都幾足料 料多過麵 粟米仔,各類菇片蘿蔔切片,仲有菜芯素肉片脆脆麵條加上豐富既料頭,口感豐富, 素肉幾似札肉幾彈牙 初時食仲以為咩黎~素雜菜鬆 各種青豆,粟米,素肉粒,冬菇粒,切到差唔多大細炒香,用生菜夾住黎食呢款出奇地好食~因為本身食材好多味道都夠香!素湯羹,入面都係幾多料,有腐皮碎 海帶,素肉粒,飲落同平時既蛋花湯差唔多味! 都係好滑好順口佐敦佐敦道38號消費$400評分8/10

本打算堂食，睇完餐牌，價錢高，店內格局似茶餐廳，搭位搭到痴線，令人唔想堂食。外賣齋滷味賣相唔吸引，有沒有點心，買咗兩隻$5鹹水角試吓，自問是一個沒有要求的人，個粉皮口到咬極都咬唔開，入邊一啲餡都冇，係冇！堅難食！自以為老店，附近沒有其他素食選擇，質素真係垃圾到！

今日食評有✍🏻 Openrice六榕仙館@佐敦試食指數⭐️⭐️⭐⭐店舖衛生⭐️⭐️⭐侍應態度⭐️⭐⭐️((每項5⭐️為滿分)) ·初一去光顧平時好少初一十五去齋館食飯因為實多人到爆好彩我屋企人係熟客仔所以等咗一陣就去咗樓上雅座我哋晚餐點了1️⃣雜菌芋泥卷⭐️⭐️⭐⭐/5芋泥卷外香脆內酥軟雜菌係呢碟配角，不過味道都唔錯2️⃣素蟹柳菜芯⭐️⭐️⭐⭐/5我一向喜歡素蟹柳素菜可以身自選我哋選了菜芯炒得好好3️⃣素肉香椒炒百合⭐️⭐️⭐/5材料配搭得宜可惜呢個就咸咗啲4️⃣福建炒飯⭐️⭐️⭐/5一向喜歡店內的福建炒飯可惜今日飯底太腍舖面醬汁又係咸左少少🤏🏻5️⃣生菜米粉⭐️⭐️⭐⭐/5清清哋的一碗米粉家常嘢但就係好味😋✖️平日有糖水送初一十五就冇糖水送·四人500有找

佐敦老字號素食常常來午餐或下午茶碟頭飯好抵食媽媽特別喜歡這間點心, 上次和媽媽食下午茶, 食了煎堆, 入面有椰絲芝麻, 鬆脆甜度剛好花生糯米糍好食, 會有些甜今天晚上想食素食, 我們點了:豉汁茄子鮮竹飯& 六容會飯, 茄子鮮竹好入味, 分量大, 材料豐富, 抵食還送上糖水綠豆沙,  不會太甜喜歡傳統素食的一定要去試試晚市全場滿座

今日食評有✍🏻六榕仙館試食指數⭐️⭐️⭐️⭐⭐店舖衛生⭐️⭐️⭐侍應態度⭐️⭐️⭐⭐((每項5⭐️為滿分)) ·我們家的「食堂」十分之傳統的素菜館沒有漂亮的裝潢每一角落都看見歲月痕跡幫襯的都是老顧客·今晚點了1️⃣海皇翅⭐️⭐️⭐️⭐⭐/5即係南瓜蓉湯🎃加上素翅素蟹柳絲2️⃣冬菇炆白菜仔⭐️⭐️⭐️⭐⭐/5冬菇多到瀉😆白菜仔又新鮮不老，欠汁又剛剛好3️⃣魚香茄子煲⭐️⭐️⭐⭐/5又係足料到滿唯一挑剔係太油膩🤣但魚香茄子煲油膩是正常的吧4️⃣甜酸炸腐皮卷⭐️⭐️⭐️⭐⭐/5甜酸汁的甜酸度剛剛好，炸腐皮卷就算淋上醬汁都是外脆內熱5️⃣福建炒飯⭐️⭐️⭐⭐/5舖滿飯面的腰果😆飯面上的餸菜真係一流😋·素食是一種潮流和風氣年輕人要多嘗試·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講