六喜見 (已結業)

今日經過女人街附近嚟咗呢間主打食麵嘅舖頭標榜冇味精嘅湯底都 堅持完味嘅製作 望落好似好健康 於事就入去試下喇雙湯手打蝦丸香蔥撈麵雙湯蝦子雲吞香蔥撈麵每set撈麵上枱嘅時候會有杯菊花茶清清個口先菊花茶味道清甜 然後有碗無加味精嘅湯呢個撈麵好彈牙 煮得啱啱好 而蝦丸同雲吞都同一般出面買嘅都唔同 好有鮮味 爽口彈牙瑤柱絲蠔油生菜呢個都係好清淡嘅一道餸 健康之選六喜甜辣醬海參花我從來都未食過海參花 原來都幾有咬口 而且再加埋佢哋秘製嘅醬汁 甜甜辣辣咁非常之惹味 呢碟海參花嘅份量都唔少 攞嚟配撈麵吊味一流!飲品方面 跟餐嗌咗凍檸檬可樂同埋一杯熱 柚子蜜 總括黎講 呢度係家庭模式嘅經營環境 所以食物同裝修都好有住家嘅感覺如果出街食 又想食得健康 呢間餐廳係個唔錯嘅選擇!

(萬喜) 雙湯薑醋豬手麵 $69都未坐底, 喺門口menu見到呢款麵嘅時候已經好想試, 好特別絕對唔伏! 有時最怕舖頭搞埋哂啲gimmick嘢, 最後只有睇頭但味道唔掂, 呢款完全冇!!爸爸平時冇特別鍾意薑醋嘅, 都想飲哂成碗湯haha(金剛) 雙湯蝦醬肥牛麵 $68蝦醬聞落已經好突出, 但神奇地飲落係唔會覺得好鹹, 同肥牛好夾同埋都俾咗唔少肥牛片, 不過少少扣分位就係肉片偏瘦, 對我本人嚟講還好, 但超鍾意肥牛嘅朋友可能會有啲失望(如來) 雙湯香蒽芫茜蒜香鱔仔乾草菇麵 $64原先搞錯咗, 以為呢款嘅麵底係「草菇麵」, 原來佢係講麵入面伴有草菇haha呢款麵係我地點嘅3款當中最淡味嘅, don't get me wrong, 味道依然好好, 好適合喜歡清淡啲嘅朋友!六喜甜辣醬銀魚秋葵 $38甜辣醬好出色! 本人好鍾意食秋葵, 但最怕就係啲舖頭打半橫切咁上, 因為中間啲籽會好易跌出黎, 變咗秋葵獨特嘅"滑潺潺"黏液冇咗, 口感反而差咗漁湯淨雲吞 $58湯底係淡淡魚味, 雲吞皮薄, 口感彈牙食完返到屋企成晚都冇話好口渴, 所以相信真係自家製作, 冇味精好健康! 湯底整體都好出色, 味道適中

哩間係通菜街小店細細間，唔太起眼行過真係未必留意到，但係佢賣既麵就值得我特登去食!萬喜豬手麵係豬腳薑既麵Version, 中意食豬腳薑既人實中意，湯底濃郁得黎唔會過甜過咸，豬手入味肉腍得黎q彈😋麵質都好正係爽口個種👍🏻魚湯蠔仔蟹肉湯飯超足料，魚湯底本身已夠鮮甜，再加埋蠔仔🦪鮮味，蠔仔粒粒都肥嘟嘟，另外仲有拆左絲既蟹肉，一束束咁，成碗勁鮮甜好味🤤叫左兩款炸既小食分別係炸雲吞同埋一人蠔餅，炸雲吞脆卜卜超香口。一人蠔餅簡直係恩物，太大份食唔哂一人份就岩岩好，厚薄岩岩好十分香脆，蠔仔大大粒，必點。甜辣醬銀魚秋葵，味道豐富好夾。好中意哩度既食物，有心機係一般餐廳無既味道❣️

同個 friend 喺旺角睇完戲，過嚟女人街搵食。上網 search 到呢間「六喜見」，餐廳主打自家麵食創作料理，湯底堅持不添加味精，以確保原汁原味，絕對值得支持。揀咗碗雙湯蝦籽雲吞麵 ($42)，店員非常細心，送上時還附有一小杯菊花茶，用嚟清一清味蕾，嚐一口〜湯底以傳統大地魚金湯+秘製蝦香海味金湯製成，湯汁呈金黃色，入口鮮甜富蝦香。雲吞自家手包，麵條爽彈有勁，面頭灑上了蝦籽、銀魚仔及韭黃，真材實料。雙湯手打豬丸香蔥撈麵 ($68)  麵條可以自選幼麵或粗麵，另外仲加咗 2 粒蝦丸 (+$20)，豬肉丸自家手打，入口彈牙；蝦丸結實有嚼勁，夾埋油潤煙韌嘅撈麵食，啖啖滋味。油菜 (+$15)  油菜有瑤柱蠔油西生菜或青菜心可以揀，選了前者，生菜新鮮爽口 ，瑤柱絲唔會食到一口渣，配上蠔油，咸香四溢。另外仲點咗一人炸蠔餅 ($48) 同 一人炸蟹餅 ($50)。蠔餅新鮮炸起，外皮不會「好厚粉」，而且蠔仔份量勁多，啖啖蠔肉，肥美又不油膩。蟹餅即點即製，外層炸至金黃酥脆，味道鹹鹹香香，好似食緊天婦羅一樣，每啖都有蟹肉嘅鮮味。飲品點咗樽仔菊花茶 (+$15) 同 陳皮羅漢果水 (+$15)，兩款都係

今日開工要去旺角整啲嘢整完就順理成章喺旺角食埋晚飯喺通菜街見到呢一間雲吞麵店～望落四四正正、乾淨企理就打算入去食碗麵🍜見到佢主打係冇味精湯底、手打蝦丸/豬丸仲有一人份量嘅蠔餅/ 蟹餅都好吸引樣樣都好想試🤭加上男朋友超級肚餓所以我哋一口氣嗌咗好多嘢食🫣雖然係即叫即做，但都唔係等咗好耐同埋店家準備咗杯剛自家煲起嘅暖菊花茶十分貼心❣️天氣乾燥飲即刻潤一潤～食食吓嘢先記得影返杯茶大食仔叫咗🍜雙湯蝦籽雲吞麵 (加底.豬肉丸.蝦丸）；我就叫🍜雙湯手打蝦丸麵(粗麵)無味精湯底非常清甜～冇乜鹼水味飲到有淡淡大地魚味同埋海鮮味睇番餐牌原來雙湯係大地魚湯同埋蝦湯▶️手打豬肉丸◀️食得出都無味精，完全唔肥膩唔想食牛肉嘅時候都有個較健康嘅選擇▶️蝦丸◀️超大粒 又彈牙 我哋兩個一致好評👍🏻▶️雲吞◀️望落去似正常size食落去勁薄皮超多餡，蝦肉彈牙爽口，好味▶️麵底◀️無論粗麵幼麵都煮得啱啱好～有咬口跟住就到小食啦，我哋嗌咗一碟菜心同埋一個一人份炸蟹餅▶️菜芯清甜，份量十足，兩個人share食都好夠▶️蟹餅炸得酥脆非常香口食得出一絲絲嘅蟹肉～但係又唔會好油膩，又唔會好似大排檔咁大份，啱晒兩個人過吓口癮最後嚟到飲品方面，我哋叫咗個樽

因為晚上要去上堂，所以要搵間可以搵到位，又可以快食快走的地方食飯。朋友就係學校附近介紹咗呢間麵店。主打湯底，足料。咁當然要叫個最常食的雲吞麵來試，我叫了雙湯，即大地魚及蝦籽。可以選粗或幼麵，不錯。麵好彩無咩梘水，因我最怕，湯底都濃味，而雲吞就保持水準，不算有驚喜。但有驚喜係跟一小杯菊花茶，店主話先飲，清清再食，先可食出味道，LIKE!而朋友叫的蠔仔蟹肉湯飯，就幾精彩，蠔仔蟹肉也多，飯也不少，中間食到不夠湯，仲免費為我們加湯，真好！因我見餐牌寫叫小食，可以全單9折，所以叫了碟秋葵，醬汁配搭惹味。總結，家營小店食麵，最正！

同朋友喺旺角shopping完梗係食埋飯先走啦，不過朋友最近減肥，所以想搵啲健康無添加嘅嘢食吓，我就上OpenRice睇吓見到有間新開特色麵館，全自家製無添加。睇到網上評價一人炸蠔餅同一人炸蟹餅，好多人推介，就點咗嚟試吓。蟹餅同蠔餅都係即叫即整，入口酥脆，蠔仔完全唔會有腥味。蟹餅淡淡蟹肉，超值推介。主食方面，我點咗海家漁湯蠔仔蟹肉湯飯，蠔仔份量足夠粒粒都大粒新鮮，蟹肉可以帶出魚湯嘅鮮味。同店員傾偈，得知原來餐廳魚湯每日新鮮自己煲，絕無味精添加，難怪咁鮮甜。朋友就點咗雙湯蟹籽雲吞撈麵，雲吞份量有五粒入面全部都有大大隻蝦，非常彈牙。撈麵質地軟熟乾身。但原來佢哋最出名嘅係手打豬肉丸同手打蝦丸下次一定要試吓。飲品方面，試咗自家製菊花茶，同埋自家製陳皮羅漢果。飲得出真係落足心機自己煲。

六喜見旺角通菜街1A-1L號威達商業大廈地下J號舖通菜街轉右入巷仔 食原汁原味魚湯和蝦湯雙湯 ＝ 傳統大地魚金湯 加秘製蝦香海味金湯唔係打錯字 不是商湯haha提昇單湯原味及加上蝦香甜味精華湯底合拼帶出鮮甜甘香味道之昇華 不加任何味精亦即重料制作方能味道到位 足料湯低真材實料真湯雙湯手打蝦丸麵 $78蝦丸出色大大粒 多蝦肉 彈牙同豬肉完美結合豬油脂帶出微微油香味 食之前要品嘗下個湯底食到甘上下 如果食得辣既人 試下佢地個辣椒油 足料惹味

今日收早約左fd去旺角行街食飯，佢指定要去六喜見食，因聽聞佢手打丸好出色，湯底係用大地魚和海蝦用心熬製而成嘅雙湯，冇加味精，非常健康👍 店舖就係通菜街（女人街）近家樂坊段，店內佈置簡潔乾淨，座位不多但坐得幾舒服唔覺迫。一坐低就送上一小杯菊花茶，我哋叫咗一個撈麵，一個湯河和一些小食。 1-雙湯薑醋豬手香蔥撈粗麵$79先唔講豬手，因為跟撈麵個湯真係好好好香（要講3次），大地魚味好出好鮮又帶有蝦嘅鮮甜味，真係好正。薑醋豬手煮得好淋滑而且入晒味，薑醋味道適中唔會嗆喉，而家一般麵店好少食到薑醋豬手撈麵，抵讚👍 2-寶珠雙湯手打豬丸河$54+兩粒蝦丸$20聽老闆娘講豬肉丸和蝦丸都係每日新鮮手打，冇添加麵粉和味精。豬肉丸咬落唔鞋，仲保留肉汁和肉香味，蝦丸大大粒，結實彈牙又爽口，感受到手打嘅力度，不愧為招牌菜👍👍 3-淨雲吞（漁湯）$58奶白色漁湯亦係老闆每日新鮮熬製，好有家嘅味道。雲吞咬落皮好滑，蝦仁都係好彈牙爽口，配搭埋蝦籽，勁惹味👍👍 4-雙醬鵝腸（秘製薑花生甜醋醬）$48鵝腸好乾淨冇異味，而且口感好嫩，一啲都唔韌配埋秘製醬汁，好難形容，咸鮮味又有啲甜醋味，好特別好好食😋😋 5-

呢間小店藏身喺樓上，門面細細聲低調，但一入去個人潮就實實在在嘅話喺你，幾得人心！一坐低就感受到嚟自廚房嗰股湯香，令我即刻躍躍欲試。老闆娘揀建議我哋試佢哋自家打造嘅蝦丸同豬肉丸，話係絕無添加，純經手工打出嚟，當我嘗試個蝦丸時，實行係彈牙得滯，鮮味滿溢！😋佢哋嘅雙湯底好出色，一個算係傳統嘅大地魚湯，另一個就係香蝦海味湯，兩者相比，係清新又醇厚。其中香蝦海味湯嗰種深到骨髓嘅鮮味，簡直係大升級版！喺這邊食，無需喺擔心滿口味精嘅後遺症，真係健康得嚟又好味。👍隻麵都做得出色，幼麵夠彈性，吸滿咗湯汁，實在配得好。搭配佢哋嘅自製辣油，微辣帶香，加一點落去，啱啱好提升整體味道。最后佢哋仲主動送上一杯菊花茶，清新嘅甜味幫助解解膩，加埋咁篤心嘅服務，真係令呢次食住飽都變得食飽暖笠笠。值得一試，港式美食嘅小確幸！🍜😍

平日放工去旺角食飯揀左呢間有雲吞麵既小店裝修簡約 有住家感覺牆上掛左幾款招牌菜既大木牌招牌菜都有自己既名小店強調食物冇添加味精以原味呈現食物健康美味 呢到主打2款湯底1. 雙湯傳統大地魚金湯 ＆ 秘製香蝦海味金湯2款金湯打造呢到既首創招牌 2. 海家漁湯 餸料主要有雲吞、豬肉丸、蝦丸 等等4款麵食 (幼麵 粗麵 河粉 瀨粉) 仲有飯選擇冷盤同小食款式都唔少飲品有自家制花茶我地叫左005 寶珠 雙湯手打豬肉丸 河粉 $54另加左2粒蝦丸 $12@1手打豬肉丸 好似肉餅球咁蝦丸有真蝦肉粒河粉夠滑身008 雙湯蝦籽醬油香蔥撈幼麵 $45撈麵唔會過咸 多蔥023 漁湯淨雲吞 6粒 $58漁湯清甜雲吞 皮薄餡有蝦肉粒小食035 一人炸蟹餅 $60薄脆 口感鬆化036 一人炸蠔餅 $48大大粒蠔 有驚喜2款小食相比之下 更推薦蠔餅

朋友是食家，她推介六喜見。今日去開旺角，便去六喜見試下，果然係一間用心製作，物有所值的特色小店。下午5:30pm非繁忙時間去到，店員有空介紹店的名物。先來一碗店員推介的魚湯淨雲吞。店員送上淨雲吞時，同時送上一小杯微甜的菊花茶，店員提示先飲完菊花茶，再吃淨雲吞。魚湯沒有味精，是每日用海魚用心淆製的魚湯，魚湯濃郁鮮甜，好飲。雲吞一碗六粒，大大粒，皮薄餡靚，餡是鮮甜的虎蝦和手切豬肉，好食過普通麵店好多，雲吞面洒了蝦子和銀魚乾，提升了雲吞的味道和層次，令你感受到店主用心製作美食的堅持。雙湯薑醋豬手麵是店主首創，有創意，一場來到一定要試下。雙湯是大地魚湯和蝦湯，薑醋豬手用甜醋煲成，豬手加入雙湯和麵一起吃別有一番風味。湯甜而鮮，豬手又滑又夠火喉，老薑都好味，麵質爽滑。加了一粒招牌手打蝦丸和一粒手打豬肉丸，兩種丸都考功夫，真材實料，好食。蝦丸蝦新鮮，豬肉丸加了鱔仔乾有風味。食完飲番枝自家製菊花茶，perfect!走時聽到有個男顧客同店員話因之前食過好食，專誠放工由尖沙咀過來買外賣回家孝敬老媽，讚👍下次我帶老爸老媽過來吃，可以試多幾款食物。店服務和環境都好。

旺角美食好多眼花撩亂，有時候想食得健康啲，所以今日就簡左間主打零味精鮮味既小店！😻最想黎試下就係佢既湯面，雲吞豬肉丸都好似好吸引🤩佢既湯面都有唔同嘅湯底選擇，我就簡左佢既雙湯底，包括傳統大地魚金湯同秘製香蝦海味金湯！非常之有驚喜，湯道個鮮味好出，好香濃，會忍唔住飲晒啲湯！另外佢哋仲有一個魚湯選擇，味道比較清淡，但係亦都有好鮮甜嘅魚湯味！同樣地我都係叫咗佢嘅豬肉丸蝦丸同埋雲吞！全部都係佢哋自己親手打，特別鍾意佢嘅豬肉丸，調味好特別，亦都有好香濃嘅豬肉味！特別叫咗佢嘅蠔餅，細細份好啱兩個人一齊食，炸粉好香脆，蠔餅亦都好新鮮～！整體呢間食得好舒服，雖然係小店，但係感覺出用心製造👍😃

六喜見 地址: 旺角通菜街1A-1L號威達商業大廈地下J號舖電話: =====================兩旁地舖8成都是食肆，間間門口一到dinner 時間就站滿等位的人。見呢間小店食麵，又新開無耐值得入去支持下。個湯沒味精，點了個蝦+$60 淨食豬肉丸湯，就可以試到。好奇雙湯是什什麼，一問便知道是大地魚加蝦$51 雙湯蝦籽雲吞麵，麵底挑了瀨粉呀，幾特別的，爽口滑身。因為想試埋個魚湯，點多份$58 淨雲吞6粒，個魚湯淡淡奶色，唔腥的很好喝，就似媽媽在家滾魚湯。雲吞是原隻蝦同豬肉，夾個湯落點辣油同醋，正呀$48炸蠔餅金黃色脆卜卜架，落埋醬超好食。$28 甜辣醬皮蛋，原來枝蛋配甜辣醬又幾開胃，大家不妨一試。重點的雙湯魚湯很好喝，住家感覺健康

你到旺角成日都唔知想食咩，又唔想頹食，咁啱喺家樂坊附近經過見到六喜見，麵店主打冇味精湯底，由於成日出街都要食味精，於是入咗去試吓。一坐低之後，老闆娘非常耐心地介紹佢哋嘅主打菜式餐廳主打蝦丸，豬肉丸，兩款丸類都係人手打出嚟冇加任何麵粉製成，蝦丸仲用上老虎蝦手打出嚟，於是我哋就叫咗碗魚湯蝦丸和雙湯豬肉丸麵。上菜的時候老闆娘做非常好人，送咗杯菊花茶俾我哋飲，佢話飲完依杯菊花茶再食面會更加好食。蝦丸有如老闆娘所講，爽口彈牙蝦味濃郁。魚湯亦非常有屋企煲既感覺，餐廳仲加咗少少魚乾仔吊起個鮮味，最後仲飲晒成碗湯。豬肉丸冇加任何肥肉手打出嚟肉味非常濃郁，但又唔會太肥膩豬蘇味。另外一碗湯底係用上大地魚湯再加海味金湯，比起平時嘅雲吞麵湯底更加美味。佢哋嘅辣椒油翼加入咗好多蝦米瑤柱製成嘅辣椒油香而不辣。飲品我哋亦叫咗支樽仔奶茶，茶味濃郁，唔會太甜。大家想食得健康少少一定要試吓六喜見。