六両三 (已結業)

今天在尖沙咀睇完醫生，當然要醫吓肚啦，這鋪細細間，中午時間坐滿客，就試這間，食台灣麵，个名幾特別……六両三唔知點解。見人人都食麵，選擇不算太多，但也足夠，川味是辣的，如果不食辣可以要求轉清湯。叫咗一碗清湯紅燒牛肋骨粗麪和川味紅燒半筋半肉幼麵。牛清湯唔錯錯，清甜不油膩，牛肋骨雖然唔可以講係好霖，但係都唔算韌，有少少咬口，粗麵爽口彈牙，不錯。另一碗川味牛筋霖，但不是入口即溶个種霖，肉也有咬口，但只可說是一般，幼麵爽口，川味带辣，並非超辣，有四川带油个種辣味，不錯。環境雖細，但齊潔，有一張bar 枱，你可以坐近厨師，觀摩他煮麵過程，感覺應該不錯。平均$80~$100一碗麵，可接受啦，因為太飽，个肚冇位試它的鹵肉飯，下次有机會再來食。

台灣牛肉麵係去台灣一定要食嘅野，因為湯底濃，而且牛肉炆得好淋，入晒味，所以每次去台灣我都鍾意叫牛肉麵食💕朋友話尖沙咀有間牛肉麵，都做到好似台灣嘅風味，於是帶我去試吓👯‍♀️🐂川味紅燒半筋半肉麵($85)川味？係咪好辣㗎!? 原來叫川味係有段故嘅，相傳戰後有一個四川嘅空軍，搬咗去高雄嘅江山，喺嗰度佢用家傳秘方煮豆瓣醬，再熬成「小碗紅湯牛肉」，慢慢就演變成台北一種流行嘅味道🤓我係咪好叻呢😂其實係Menu講嘅😂其實佢嘅湯底冇咩辣味，反而牛肉味好濃，牛筋炆得好淋，但係仍然保持到彈牙嘅口感，牛肉淋得來又唔會冇咗肉嘅質感🐂川味紅燒牛腱牛肋條麵($85)我朋友幾鍾意個牛肋粒，啖啖肉，而且炆得好入味，至於個牛腱...我一路都懷疑緊佢係咪牛腱🧐佢嘅質感同埋牛肉好似冇乜大分別，所以我就唔多講啦🙈皮蛋豆腐($38)凍凍嘅豆腐加埋特製醬汁，夏天食就透心涼啦💕最令我Surprise嘅係，每張枱面都有一疊橡筋🤣放心，唔係攞嚟食嘅，係for長頭髮嘅女士，食麵嘅時候可以紮起頭髮，咁就唔會食得咁狼狽啦！🤩好細心！💕

食台灣野除左食味道仲要食裝修，小店好有風味，有d日本居酒屋感覺。有bar枱有木枱，二人被安排坐小木枱。川味紅燒牛肉麵一上枱已經聞到好香牛肉味，湯唔會好油，飲一啖湯，牛味好濃，牛肉好稔好入味。滷肉飯細細碗滷肉飯，鋪滿成層滷肉，滷汁仲滲埋入去d飯，一啖飯一啖滷肉，好好食呀！滷水溏心蛋溏心蛋my favorite, 蛋黃流心效果，一口食左半隻。

餐廳：六両三 (尖沙咀)地址：尖沙咀宜昌街3號地下近期食得比較多嘅係西餐同日本菜，嚟緊七月中將會去台灣覓食，趁仲有一個月時間係香港，即刻打定底睇下台灣有咩好嘢食先去到尖沙咀一間台式餐廳，一開始見到門面同店內環境都以為係日本餐廳，仲諗緊有無去錯地方，但原來呢間六両三係正正宗宗嘅台式餐廳川味紅燒牛肉麵 $75以為自己食緊四川牛肉麵？唔好再錯喇，原來川味係二次世界大戰之後四川嘅成都空軍遷到高雄岡山，以郫縣方法製造豆瓣醬同小碗紅湯牛肉而成嘅牛肉麵，所以川味絕對係源於台灣岡山嘅牛肉切片均勻，無骨，脂肪亦都唔多，輕輕用筷子一篤已經穿開，非常軟腍，牛肉配上牛骨湯底，令牛肉味道更加突出同立體，可謂色香味俱全，簡直可以比得上喺台灣食到出面嘅牛肉麵炸醬麵 $46炸醬麵比較乾身，不過醬料香濃，拌勻後麵的顏色更吸引，炸醬用料獨特，係好懷念嘅台灣味滷肉飯 $28滷肉飯絕對係我嘅至愛，每次去到台灣都必定會食返三五七碗滷肉飯，雖然細細一碗，但係都能夠好鮮明咁食到台灣嘅傳統味道，食多兩三碗都仲得滷水溏心蛋 $16滷水味道唔太突出，唔會好鹹，不過流心嘅溏心蛋相信都係唔少人嘅喜愛之選百頁豆腐 $25百葉豆腐非常彈牙，好Q

星期五happyFriday 就同男朋友去尖沙咀食餐好嘅，聽講尖沙咀最近有間台灣店既牛肉麵好Hit,身為牛肉控嘅我哋今日就特登專誠試吓。八點半一去到估唔到仲有咁多人排隊，前面有大概五六pair仲等緊位，等左半個鐘終於有位啦。店裏面空間唔算大，但位都係好多嘅，甚至有吧枱，可以比食客睇到師傅淥牛肉麵，有少少似台灣夜市feel餐牌亦都有齊晒台灣出名小菜，可以一次過試晒滷肉飯牛肉麵同其他台灣小食，比較細心嘅係每款面都可以揀粗麵或細面。我哋就揀咗蔥油拌麵（細麵），川味紅燒三寶牛肉麵（粗），皮蛋豆腐同烏梅汁。落咗冇耐先送上涼拌小青瓜，俾起上海店嘅青瓜呢度比較重醋味，算係幾開胃第二道上嘅係皮蛋豆腐，呢道真係不得了，有秘製醬汁木魚絲皮蛋同涼陣陣又滑嘅豆腐，味道同質感都好高質，但係秘製醬汁一定要撈豆腐如果唔係會好鹹。再黎係烏梅汁，烏梅汁一開始飲係比較酸，但飲落就越飲越甜，可能因為識左啲比較鹹嘅嘢，而家中和返就啱啱好。重點菜牛肉麵隨後送到，配料包括有金錢展牛筋同牛肋條，一望到真係十分足料， 條牛筋成個手掌咁長，而且都好粗，夠晒骨膠原。另外金錢展亦非常吸引，肉好大塊蛋肥豬肉唔算多，唔會太膩。牛肋條肉肥瘦適中

星期三下班後的一個晚上，在尖沙嘴閒逛時見到這間裝修特別的餐廳，決定一試。小店門面好像古代的客棧，內裡裝修都一樣，簡潔舒適的裝修令人感覺舒服。menu同樣也走簡單路線，一頁紙已列明了所有菜式及飲品。沒有多餘資訊，正正適合帶選擇困難症的客人。我點了牛肉麵及青瓜，另外還有一杯冬瓜茶。牛肉麵 - 湯頭濃香，不膩，牛肉厚身，有口感，有肉味，非常有水準。青瓜 - 基本前菜，沒有特別令人回味的地方冬瓜茶 - 令人又愛又恨的冬瓜茶，這杯冬瓜茶清涼鮮甜，好喝，但唯一要挑剔的是為什麼要用紙杯？希望店方可以盡快轉用鐵杯/玻璃杯。

近排睇 YouTube 見到 Youtuber 介紹，於是黎試試，睇吓龍定鳯先。外面舖面裝修同埋店內裝修都好靚好有日本拉面店 feel，去日本拉面店食台式牛肉面別有一翻風味。等位都唔使好耐，晚飯時間，我地兩個人等左十分鐘左右就有位。我叫左一碗紅燒牛肉麵，賣相色澤方面都幾靚仔。湯底就如佢所說唔用味精，幾香幾有牛味，加小小辣幾香口。牛展幾腍幾入味，厚度剛好有肉感有趙頭。粗面唔太腍有趙口。整體都唔錯，不過又無聽聞咁誇張，同 X林都有得揮，但X 林平啲(當然佢遠啲啦)。下次可以覆桌食吓佢小吃。

黎到尖沙咀行街，今晚好想食滷肉飯同台式小食，上網搵左一陣就鎖定呢間人氣台式餐廳 - 六両三。選用木椅木枱，裝潢好有特色好精緻，枱底有掛勾方便掛袋。餐廳有多款牛肉麵、牛肉切盤、台式小吃等，選擇都頗多，而且價錢相宜，性價比高！滷肉拌麵HK$46麵條口感Q彈，滷肉具嚼勁，醬汁又香又濃，十分開胃，簡簡單單的拌麵，卻令人回味無窮！滷肉飯HK$28 滷肉份量頗多，未食已聞到濃濃的滷肉香，滷肉入口軟腍，香口而不油膩，而且珍珠米入口煙韌，正！滷水溏心蛋HK$16，蛋黃半生不熟，口感軟嫩！百頁豆腐HK$25比一般豆腐口感更為Q彈綿密、紮實，讓人一口接著一口吃不停！燙青菜滷肉汁HK$26油麥菜份量十分多，新鮮爽脆，配上香甜滷肉汁，健康又滋味！皮蛋豆腐HK$38香甜軟綿的皮蛋配以清涼嫩滑的硬豆腐，淋上台式醬汁及木魚碎，開胃又消滯，冰冰涼涼的口感特別適合夏天食！冬瓜茶HK$18冬瓜茶有助消暑解毒，味道不會過甜，甜度剛好。兩人埋單剛好二百元左右，抵食又好味，值得推介！

每次經過都想試下，見到好多評語都講到好好食，搞到十分期待，點知令人失望到一個點。尤其個皮蛋豆腐，真係出名到令一枱都叫，我一食完，即刻變曬苦瓜乾樣，望下一枱外國人，佢好似冇事咁，一啖接一啖。唔通我口味獨特，定佢口味獨特😂😂😂。成餐飯係未食曬就走左，真係頂唔順，心情極差。真心移加香港台式餐廳成行成市，咁嘅味道好影比人踢走。真係食落，就知誠意。可能佢未去到極差，但真係進步空間十分大。尤其台灣最基本嘅魯肉飯。

路經呢間台式小店好幾次，每次都大排長龍。今日有幸早去試一試！🤤叫咗 #川味紅燒牛筋麵 （$80），牛骨湯的湯底好清甜，牛筋爽滑可口，可惜叫咗幼麵，如果係粗麵的話，掛到湯，應該會更好味。

這陣子經常行雷下雨，但仍無阻我和老公過海覓食的決心，皆因最近同事力讚尖沙咀一間台灣牛肉麵小店非常好吃，所以冒雨也要來吃碗麵。老公還說：「如果名不符實就你埋單」😑😑😑一拉開木製趟門，香濃的牛骨湯味已經撲鼻而來，聞一聞便知好味道！😆食店強調是以天然食材和大量蔬菜文火熬製牛骨湯，不會加入味精和牛骨粉等化學調味料，絕對是良心製作。而裡面的裝潢像日式拉麵店，半開放式廚房，可以看到師傅在忙著煮麵。落單也像日本拉麵店一樣填紙，麵還可以選粗麵和幼麵。我和老公獨愛粗麵的口感，我點了一碗川味紅燒牛筋牛肋條麵，老公點了川味紅燒牛肉麵，另加了甜不辣和鹵水糖心蛋。川味紅燒牛筋牛肋條麵先喝一啖湯頭，很順喉，帶微微的酸，可能是蔬菜所起的作用，這樣的微酸足以中和牛肉的膩。牛肋條燘得又鬆化又入味，牛筋外層如啫喱般軟滑，而中間還帶點QQ。川味紅燒牛肉麵牛肉麵的牛肉厚薄適中，又腍又入味，帶點筋，口感更滑。小食也做得很好老公很滿意，不用我埋單👍🏻吃著吃著，聽著師傅的台式國語，增添台式風味。

係決定食台灣野之前本應想食同街的某拉麵店但望望六両三,今日竟然冇人排隊點可以唔試下你呀!店內裝修有台式小店feel,開放式廚房睇下餐牌,價錢還好食基本野先,魯肉飯份量比想像中大,面頭魯肉足夠撈飯味道不錯的,但始終未夠台灣的味道手痕撈左枱上的菜莆,成碗飯好食左!叫多個甜不辣,魚餅黎既?我係台灣食好似唔係咁嫁喎....味道正常,甜醬味,唔太特別雖然食物冇驚喜,但CP值高埋單五十蚊,你係尖咀喎....平啦以上食評只反映本人立場,如有雷同,實屬不幸

行經尖嘴鬧市，見到一間裝修別緻的小店，係小清新既氣息，有別于周圍的大商場食店，價錢也不貴，就想試下。店鋪應該係主打牛肉緬，當然系要試既。點解標題我話系“真正天然”，因為食完碗緬之後，（我當時因為氣管不適無叫飲品），系完全無口渴既感覺！所以應該無咩放味精。平時出去食野，有幾惹味，翻到屋企就有幾口渴。哩個緬湯底都濃，但就完全無口渴~川味紅燒牛肉麵（$75）我揀既系牛肉麵。首先肯定要呷一啖湯，味道香濃又唔會膩，頭先提過，之後系完全唔會口渴。牛肉燜得好入味，肉入面都系上到色既，係有熬煮一段時間。另外，幼緬都記彈牙既。我最鐘意混埋香蔥一起食。下次食既時候，我要點粗麵同埋多蔥試下先！川味紅燒牛肋條麵（$80）朋友點做牛肋條緬，應該系一樣幾湯底。佢俾左舊牛我試，我覺得牛肋條好食過牛肉，佢中間系有D筋既，軟軟糯糯，我下次都點哩個算了。同樣，佢都鐘意D緬百頁豆腐（$25）哩個豆腐比較實凈，其實個口感更似魚皮頭。沾上哩個醬，有少少似滷肉飯既汁，又有少少酸既醬，都配合得幾好，味道同口感都比較特別，推薦~豆腐咬開系好實凈既冬瓜檸檬茶（$23）鋪頭好細心咁擺做橡筋俾長髮女仔扎好頭髮食緬。整體來講，牛肉麺真係好好

首先，驚艷到我的是酸梅湯☕滿大街都賣酸梅湯，但滿大街的都不是對的味道佢冇太濃郁的甘草味甜味是清爽的，烏梅冇澀味！紅燒牛肉麵被對面飯腳先生加咗辣，當日我咳出宇宙就不了牛展肉很鬆軟，湯的味道很順暢(順暢，對)用油麥菜入湯麵，讚！蔥油拌粗麵不是江浙風格的的蔥油面，它更似蔥油醬拌麵秉承台灣味的一貫的傳統，油蔥偏甜，不錯吃160，兩人分量，還有個$18的豆干冇入鏡

呢間餐廳成日喺網上見到介紹，今日咁啱朋友約我一齊試一試❤️遠距離見到鋪面都幾有特色，門外都幾多人排隊，我哋等左20分鐘就有位喇。入到店舖入邊，周圍傢俬都用返原木，濃厚嘅台灣原始風味係尖沙咀區尼講，呢個食物價錢算係划算🍜 川味紅燒牛肉麵 — 牛味都幾香，配搭秘製香料，再配上佢香濃嘅湯底，整體不錯🍛 肉臊飯 — 好有台灣嘅味道😍 淹製既肥豬肉粒係重點❤️ 香港暫時未食到其他地方比呢一間好食呀！🐷 滷豬腳 — 味道唔錯，燉煮時間長一點會更好，有點韌難咬餐廳整體都唔錯，希望水準keep到