公車泰國餐廳

營業中

休息中

在家附近發現一間新開的泰國餐廳，在門口看餐牌感覺價錢合理，菜式種類也很豐富。泰式海蜇有驚喜，酸中帶微辣，配搭新穎。海蜇難得是厚切的，爽脆得來不失口感。冬蔭大頭蝦湯用明火加熱，除了蝦外還有秀珍菇和蕃茄等配料，酸酸甜甜很醒胃。大頭蝦吸睛非常，香氣四溢。蝦頭非常多膏，濃郁鮮味，蝦肉爽口彈牙。馬拉盞炒椰菜苗鮮嫩沒有渣，以濃味的馬拉盞炒過惹味非常。青咖喱雞一大盤賣相吸引，不算太辣，加上椰奶令咖喱口感更細滑。吃咖喱當然要配印度薄餅或白飯，印度薄餅一份8件，每件都煎得外脆內軟。印度薄餅沾上咖喱和鮮嫩幼滑的雞肉，加上沾滿醬汁的蔬菜類配料，一口接一口停不了。泰式肉碎生菜包是吃泰菜必點的菜式，魚露和香料的香氣令肉碎味道昇華。生菜新鮮爽脆，豬肉充滿香料香氣之餘又夠入味。

下午茶，一般俾人感覺份量吾多，今日呢個下午茶打破傳統觀念，好大份，食到好飽。附近有錶位方便泊車。餐廳面積很大，以卡位為主，剛好在轉角處，透過玻璃窗可以見到出面街景。泰式墨丸湯河$38估唔到好大碗河粉，有四粒墨丸，界開左更容易煮熟煮熱，湯清新吾算好咸，感覺比較健康。香茅豬扒撈檬$45份量足夠，豬扒已經處理成一件件，唔係一大塊果種，所以都方便咬嚼。串燒豬+雞（跟餐+$35）味道很濃郁，好多泰國醬汁搽満整串肉粒。蒜蓉包4件(跟餐+35）蒜蓉包好厚又大件，搽咗好大量嘅蒜茸，令本身無味嘅蒜蓉包增加味道。如果熱啲就更好。菠蘿冰/龍眼冰(特飲跟餐+8）菠蘿冰味道好清新，有菠蘿粒，時令而解渴。龍眼冰真係有成半杯係龍眼肉，好甜有龍眼香味，好啱女仕飲，滋潤補血。酸辣鳯爪沙律＄88酸辣味好開胃，鳯爪爽口，配菜有紅蘿蔔絲和洋蔥絲。甚是健康嘅菜式。雖然說係Q版下午茶。其實份量一點也吾少，而且可以跟餐加小食和飲品，無加一又真係好抵食。

元朗真係好多好野食今日黎到呢間新開既「公車泰國餐廳」，店員亦態度好好，係我地睇餐牌既時候都會過黎推薦菜色天氣咁炎熱，坐低等食期間緊係啖返杯凍冰冰既飲品叫左泰式奶荼同椰汁冰，奶荼味道適中唔會太甜椰汁冰好足料，濃滑，唔會好稀炸蝦餅，炸得好靚，完美既金黃色，大大舊，而且蝦肉彈牙，食到停唔到口青咖哩海鮮炒飯，好香口，每啖都有濃郁既青咖哩味，炒到粒粒分明雞肉濕炒冬蔭河，輕盈既酸辣好惹味唔會太重口味同膩，炒河既鹹香混合酸辣味，令人不知不覺就成碟食晒古法烤焗槽魚，原條槽魚好吸引一打開就出晒煙，好香！冇咩骨啖啖肉，魚肉細滑，配上酸辣生蝦汁，仲提高左魚鮮味

當日落住滂沱大雨，為既就係同個friend去食餐好既泰國菜門口仲放左兩個泰國人像，夠晒風味元朗夜少少就冇乜人，可能因為落雨？所以好快就有位，唔駛等好耐泰式小食拼盤（細)食泰式嘢又點少得泰式小食拼盤？話就話小，款式都真係幾多羅羅：有泰式春卷、串燒、泰式蝦餅、泰式魚餅，每樣食少少點到即止，感覺剛剛好。黃咖喱海鮮咖喱汁非常濃郁惹味，大大碗飯送到黎都實食得哂，就係驚你冇飯俾我撈汁望見都真係想食多次馬拉盞通菜香口惹味，仲有少少鑊氣添仲有少少辣椒，好過癮呀！薄餅因為個咖喱汁太開胃嘅關係，食完碗飯再添食咗呢個薄餅。口感同味道都幾似台灣手抓餅，好鬆化脆口，不過就油左少少，唔適宜食太多

假日同老公行吓街，因為太熱所以唔想周圍行，食泰菜開下胃都好，依間新開泰菜餐廳都唔錯，星期一至日都要唔同午餐選擇泰式海蜇－平時依個汁我係點生蝦，今次撈海蜇都唔錯，好爽酸酸地開胃，但如果細舊啲會較易入口冬陰公大頭蝦湯－好抵飲，真係最大鍋，夠4至6人飲，冬陰公湯唔太辣，料十足，有好多秀珍菇青檸冰青檸梳打－成支梳打水上，夠哂汽海南雞飯－用竹盤放增添泰式風味，油飯乾身，海南雞係無骨加上泰式汁, 惹味又可以送飯食下晝食lunch仲唔駛加一添

泰掛住家鄉了，今日就同個friend 去西菁街食個泰平民泰菜先😝😝店舖都幾大間，坐位都多，午餐時間不用等位👍🏻👍🏻香滑奶茶冰凍檸檬茶望落去嚇親自己以為叫錯餸🤣🤣食落就very good 泰式海浙，用泰式海鮮汁撈海浙，塊海浙大大片，好爽口，個汁好得，好有泰feel 泰式生蝦，如果挑埋蝦腸就100分好濃既泰式汁👍🏻👍🏻配生蝦一流至愛，泰式香葉肉碎辣椒炒飯👍🏻👍🏻肉碎炒完都好多汁，撈飯一流，辣度剛好海南雞飯，配咗油式飯，好香口，雞肉夠滑

最近發現元朗新開左間泰國菜館，餐牌好多選擇我地叫咗個小食拼盤（小）（$128），拼盤好豐富有蝦片，有春卷，有豬同雞串燒，有魚餅，好香口好脆，串燒肉質好鮮嫩，加埋沙嗲醬一齊食，一流。泰式金邊粉（$88）金邊粉炒得幾爽，材料豐富，有雞肉，有蝦，甜甜地嘅味道，好開胃。食泰國菜，當然唔少得甜品，甜品叫咗芒果糯米飯（$68），芒果同個飯都夠哂甜，正飲品就叫咗鹹檸七（$32）夠哂檸檬，加埋七喜，酸酸地，夠哂開胃

今晚朋友仔專成帶我去元朗西菁街食泰國菜，話好抵食，同埋知我冇得去泰國，懷念下家鄉之情看看餐牌，價錢唔算貴，於是我地order左紅咖喱雞、泰式火車炒飯、馬拉盞炒雜菜、泰式香茅雞翼泰式炒雜菜，裏面有西蘭花、椰菜、紅蘿蔔、雜菇、芥蘭，多款菜，炒出來味道不錯。泰式火車炒飯，材料有蕃茄、雞肉、洋蔥、蛋，炒飯帶有少少甜味，都幾好食。紅咖喱雞，入邊有斬件雞髀，好濃嘅椰漿味，雞件都好入味，如果辣少少仲好泰式香茅雞翼，雞翼塗滿蜜糖，甜甜地，外脆內嫩，十分Juicy，連沙嗲醬一齊食，味道非常之夾青檸梳打，成粒青檸放在杯內，加埋梳打，夠曬味道

又入嚟元朗探朋友朋友話有間新開泰式餐廳未食過我哋就約過黎食下啦餐廳都幾大 所以唔怕無位等耐入面多數係4人雅座方便人少少邊食邊傾計 又唔怕有人搭枱睇菜單 發現二至三人套餐比散叫抵食甘就叫套餐啦！泰式炒雜菜先上菜款多又炒得惹味 最合我心意 我最鍾意食菜和菇小食拼盤跟著上 都係水準之作我哋兩個食到舔舔脷 兩碟對比下就知份量足料 兩個人食完其實都飽咗一半再黎就係泰式炒海鮮汁多海鮮也ok青檸茶 甜澀適中 正！最後上泰式炒金邊粉又係好足料 我哋已經食到好飽 最後要打包呢總計447 性價比 ok 啊！

睇戲前先簡單食個晚飯,時間尚早,不用排隊等位, 見呢間新開舖, 還有個大大落地玻璃, 感覺開揚, 同友人嚟試下我哋兩個人叫咗呢幾樣嘢, 每樣都好好味泰式海哲-海哲厚實脆口, 酸酸甜甜好開胃, 特別欣賞以青檸和香草作醬汁,非常入味泰式拼盤(細)有蝦片、春卷、蝦餅、魚餅、豬、雞串燒各2件,蝦餅魚餅炸得唔會太乾身, 入面好juicy, 春卷蝦片好香脆, 另豬同雞兩串燒肉質鮮嫩, 加埋個沙嗲醬食相當惹味火車頭炒飯-一上台就香噴噴, 飯亦炒得粒粒分明,每粒都好入味, 個飯入面有菜、蛋絲、同大大嚿雞肉,非常豐富青檸冰-淡淡青檸清香,酸甜適中,十分解渴

今晚食泰國嘢, 之前舖位好似唔係泰國餐廳, 可能開左唔係好耐, 燈光光猛吸引, 開口仲有一對泰國人像, 幾得意. 座位寬敞, 食客都開心D.泰燒和牛串和牛好腍, 牛味重, 而且燒到好香, 唔知係咪用炭火燒, 但係好有炭火既香味!配綠色既醬汁, 唔好睇外表綠色好似怪怪地, 味道用牛超夾, 酸酸甜甜, 好好味!串燒沙爹豬豬肉肉質唔韌, 加埋沙爹醬汁好惹味, 淨係用沙爹醬汁撈飯食都得!泰式炸蝦餅熱辣辣, 外皮炸到好鬆脆, 一D都唔硬, 裡面蝦肉爽滑, 唔會死實實, 又唔會乾爭爭. 推介!泰式海南雞配油飯海南雞好滑, 雞肉好腍, 好香雞油味, 油飯都好濃雞油味, 唔錯既選擇, 配菜有酸蘿蔔絲, 好入味, 配飯食都一流!冬蔭大頭蝦湯驚太辣, 所以叫左小辣, 辣味正常, 唔太辣, 下次可以試下中辣. 強烈冬蔭公香味, 超級香濃! 隻大頭蝦成隻手掌咁大, 好厚肉, 份量都唔少, 有5碗(佢D碗都唔細隻架), 香料又足, 必點推介!

最近香港天氣熱辣辣，日日一出街就滴晒汗搞到無乜胃口，所以選擇了泰國餐廳可以點小食為主！串燒(雞肉/豬肉)，每次食泰國野必點一定係串燒，配合埋醬汁非常惹味泰式炒金邊粉，炒得好有鑊氣，而且配菜有雞蛋、肉、乾蝦、蔥等好足料，醬汁粘上每一條金邊粉上，是不錯的！木瓜沙律，辣辣地幾開胃，仲有新鮮生菜可以包住食，可以份量較少。泰式香茅豬扒，份量超多，而且香茅味入左去豬扒度，超好味，配碗白飯一流！總結：人均約一百多元有沙律小食主菜和飲品，而且坐得舒服。

一向喜歡吃泰國菜，當然要試下門口泰國娃娃已經好有泰國氛圍。鋪面大，入到去覺得座位算多，最緊要係好寬敞乾淨。➿海南雞飯（$58/午餐）擺盤相當不錯，份量也大，雞切得大小適中，嫩滑。特別喜歡食這個飯，很香，忍唔住食完一啖又一啖。➿泰式炒金邊粉（$58/餐）金邊粉炒得幾乾爽，難得。材料很豐富，有花生碎、雞肉、豆乾等夏天特別喜歡呢種甜甜甜甜的味道。➿木瓜沙律（$78）平時超級喜歡食木瓜沙律，呢度伴以生菜，可以包住食。忍唔住讚埋配角，生菜好新鮮爽脆！絕對係開胃之選。➿跟餐凍食，大大杯，青檸茶和泰式奶茶茶味都濃。好飲！

元朗一向係我搵食的地頭今日去左西菁街見到一間新開的泰國菜門面幾靚，入面企理乾淨好坐，決定試下😋點了2個午餐set🐱泰式炒金邊（配熱飲）$58份量很多，炒得很乾身，不會太油膩雞肉挺多而且彈牙唔乾（似雞髀肉）味道酸酸甜甜，挺開胃推薦度：👍🏻👍🏻👍🏻👍🏻🐱海南雞飯 （配熱飲）$58飯很大碗，有很香的雞油味雞的份量略少，稍嫌唔夠滑但醬汁挺特別，酸酸辣辣的推薦度：👍🏻👍🏻👍🏻🐱 生蝦刺身 $108雖然價錢偏貴，但超級新鮮彈牙蝦也很大隻秘製青檸醬汁酸酸甜甜辣辣配搭蒜頭辣椒味道非常好令人回味無窮推薦度：👍🏻👍🏻👍🏻👍🏻👍🏻🐱 木瓜沙律 $78很少見配搭生菜生菜很新鮮爽脆木瓜比較硬身有口感調味比一般重但酸酸辣辣甜甜配生菜很爽口清新推薦度：👍🏻👍🏻👍🏻👍🏻🐱（下午茶）雞肉串燒2串（配熱飲）$35好抵食忍唔住加點的雞肉燒得剛剛好不會過燶肉很大塊滑嫩香口沙嗲醬很惹味推薦度：👍🏻👍🏻👍🏻👍🏻👍🏻🐱套餐凍飲加$2點了凍泰式奶茶和凍青檸茶沒有叫少甜都沒有過甜茶味濃推薦度：👍🏻👍🏻👍🏻👍🏻👍🏻整體而言，午餐、下午茶抵食，好食，仲要座位舒適餐牌選擇甚多，絕對會再去👍🏻😋

有見母親大人最近想吃泰國菜，所以就到朋友推介的「公車泰國餐廳」用膳。這裏光線充足，地方寬敞，也有相當多的卡座，所以我們都坐得十分舒適。冬蔭大頭蝦湯看完一輪餐牌之後，我們便點了冬蔭大頭蝦湯。冬蔭大頭蝦湯味道酸酸辣辣，辣勁適中，不會有嗆喉的感覺，整體上還非常開胃！而大頭蝦大大隻之餘，又非常鮮甜，配上秀珍菇和湯頭在一起，相當不錯！泰式海蜇雖然泰式海蜇賣相不算是十分討好，但是口感爽口彈牙，味道甜甜酸酸，開胃得來又美味，實在是驚喜之作！泰燒和牛串泰燒和牛串香口惹味，牛肉味亦算相當濃郁，所以吃上去都相當不錯！泰式咖喱海鮮泰式咖喱海鮮內裏有蝦、青口和魷魚。蝦爽口彈牙又相當鮮甜，青口和魷魚兩者都完全不會靭又帶鮮味，而咖喱香口得來帶微甜，無論把它配薄餅還是飯一起吃都非常惹味！泰式火車炒飯泰式火車炒飯炒得粒粒分明又香口，內裏還有不少雞蛋、蔬菜粒、蕃茄和雞肉，所以吃上去口感豐富又美味，加上味道又濃郁，難怪我們都吃過不停！椰青最後我們還點了椰青，椰青冰凍之餘又清甜，最適合炎炎夏日！這裏食物的價位相當合理，味道又討好，服務也不錯，難怪朋友把這間餐廳推介給我。