公車泰國餐廳

營業中

休息中

今日同我朋友肥Wing出嚟聚會，近排肥Wing開始有去gym做下運動，減肥健身，啱啱今日係佢嘅cheat day，打算帶佢食一餐勁嘅。我同佢好耐冇食泰國菜，佢提議去一間之前佢前度好鍾意嘅泰國菜餐廳叫「公車泰國餐廳」，我都冇乜意見，就畀佢話事。到咗呢度真係好有泰味，招牌都有泰文，擺設好多泰國元素。叫咗【泰式菠蘿炒飯】兩个人食，炒飯味真係好香，炒得唔會太油，火候好夠，配住肉絲食每一啖都有肉絲嘅焦香。【泰式鹽燒烏頭魚】嘅外皮好脆，外酥裡嫩，又好彈牙，仲有【燒大魷魚】又係另一種風味，燒得好到位。然後肥Wing特登叫咗【燒和牛串】請我食，佢自己超鍾意食，和牛唔會太肥，也唔會太韌。仲有好送飯嘅【泰式咸魚炒芥】，芥蘭好脆口，然後鹹魚嘅香味蓋滿咗成盤菜。我哋食得好飽，肥Wing講下次再請我嚟食！我自己都好推薦畀大家！！

我同我老公都好鍾意食海鮮，同事介紹我哋去元朗嘅公車泰國餐廳食，同事話佢哋嘅海鮮好好食，仲好有泰國風味，鍾意食海鮮同泰國菜嘅我哋就決定今日下午去試吓。餐廳入面嘅裝潢好有泰國風格，好似自己身處泰國食午餐，餐廳入面香味四溢，激起咗我哋嘅食慾。我哋分別叫咗三種唔同嘅海鮮，每種海鮮都非常好食，推薦俾大家。🩷泰式生蝦蝦仲保持住冰凍嘅狀態，非常新鮮。配埋佢哋餐廳嘅特製醬料，非常開胃，味道口感都更上一層樓。酸辣嘅醬汁同鮮嫩嘅蝦肉，十分滿意。🩷泰式鹽燒烏頭魚成條烏頭魚香味撲鼻，外皮酥脆，魚肉鮮嫩多汁，仲有少少焦香味，配料令成條烏頭魚嘅味道更加豐富，酸甜可口仲帶有鹹味，非常好食。🩷蒜爆鮮海蝦好有泰國風味嘅一道菜，海蝦嘅口感非常嫩滑，好有嚼勁，食落去仲散發住濃郁嘅蒜味，辣味十足，但又唔會太辣，真係好好味。

今日星期日成家人一齊出街行街，行到傍晚大家都肚餓，就想搵啲適合家庭聚餐嘅餐廳。喺元朗見到呢間好特別嘅泰國餐廳「公車泰國餐廳」，睇餐單都系好正宗嘅泰國菜色。然後我哋就決定喺度食晚餐啦。呢度嘅好多菜色睇落好抵食，價錢平，而且分量又大，帶住屋企人嚟食好啱。主要系地方夠大，可以帶屋企人一齊嚟呢度食。我哋叫咗【泰式青咖喱雞】，佢嘅青咖喱味好泰式，同我之前喺泰國食嘅味道一樣，好清香仲有微微嘅辛辣，但系唔會好辣，大人細佬都好適合。然後【冬陰醬燒骨】，味道好香濃，冬陰醬嘅味道好刺激味蕾，好開胃。【泰式咸魚炒芥】又好下飯，有放鹹魚但系唔會太咸，配料比例調得好啱，食住好香。不得不提【燒大魷魚】真系好大，而且好有嚼勁，可以享受咀嚼嘅樂趣。【珍多冰】椰奶味好香濃，飲住好滑，會一直想飲。我哋屋企人喺度食晚餐食得好滿足，大家都話下次仲想再嚟，呢度推薦大家嚟試下！！

由於媽媽好鍾意食泰國餐，今日帶咗媽媽同我一齊去元朗嘅呢間公車泰國餐廳享用我哋嘅晚餐。一入到餐廳就感覺自己身處泰國，餐廳入面嘅座位好寬敞，光線充足，感覺好舒服。泰式菠蘿炒飯 🍍賣相十分吸引人！炒飯竟然係用菠蘿嘅外殼嚟擺盤，而且飯粒粒粒分明。炒飯嘅味道配埋酸酸嘅菠蘿，食欲直接up！上面仲鋪滿咗我最鍾意食嘅肉鬆，簡直就係perfect！泰式香葉辣椒肉碎燴飯🍚泰國經典食物之一，必點！肉碎鮮嫩多汁，搭配香葉同辣椒，食咗令人唇齒留香。海南雞 🍗點咗半隻嘅海南雞，真係食唔厭！雞肉又滑又嫩，軟糯彈嫩，口感無敵順滑，雞油香濃郁。食咗非常滿足。配埋特別嘅醬汁，食咗簡直升天。冬蔭醬燒骨排骨鮮嫩多汁，唔會太乾！冬蔭排骨嘅香味，酸辣配埋醃製嘅香茅排骨，真係絕咗！食咗令人回味無窮。整體味道、環境同服務方面都算幾唔錯。如果你有時間或者想嚟體驗嘅話，值得過嚟試一試。

尋日慶功宴同同事一齊聚餐。同事介紹咗呢間人氣火爆嘅公車泰國餐廳。一嚟到呢度，就好似自 己已經穿越去咗泰國用餐。滿滿嘅泰式風情，超級有氛圍感。打卡影相都係好靚嘅。泰式鹽燒烏頭魚 🐟烏頭魚好大條，好新鮮。因為係鹽焗，所以鹹味均勻，魚肉滑嫩，有一啲煙熏嘅感覺。用筷子一剝 開，魚皮一秒就剝落。魚肉冇所謂嘅魚腥味，反而非常鮮甜可口。燒大魷魚🦑絕對唔可以錯過嘅一道料理，配上泰式辣椒醬，簡直就係perfect! 魷魚多汁滑嫩，香氣撲鼻。新鮮 彈牙。泰式咸魚炒芥 炒得好有鑊氣，鹹香鹹香，簡直就係下飯菜。咸魚真係俾足，特別開胃。燒和牛串 🥩強烈大推!和牛肥瘦相間，肉質鮮嫩多汁，醬香甜口!食咗一串又一串，停唔落口。龍眼冰 🥤非常適合夏天飲用，龍眼果肉涼爽多汁，飲落去成個口腔充滿鮮甜嘅龍眼汁。簡直就係舒服!大家可以嚟試吓，餐廳環境優雅，菜品豐富，強烈推薦。

今日約咗姐妹出嚟行街睇戲食飯，玩咗一整日大家肚饿，想搵啲嘢食，啱啱阿冰话想食泰国菜，我哋好耐冇食泰国菜，就决定去搵一间泰国餐厅。阿冰之前听同事讲元朗呢度有一间唔错嘅泰国餐厅叫「公车泰国餐厅」，我哋就一齐去试下，睇下佢同事推介嘅餐厅点样。呢度嘅装潢摆设好多泰国元素，好有泰国菜嘅氛围，环境好干净好好。叫咗【泰式咖喱海鲜】，海鲜嘅分量好足，泰式咖喱同海鲜嘅搭配好完美，鲜美辛辣，好开胃。【泰式青咖喱鸡】都唔错，鸡肉嘅质地好好，青咖喱好香滑可口。【烧大鱿鱼】好大只，鱿鱼肉嘅弹性，配埋附带嘅酱汁，好好食！！我同阿冰都食得好满足，下次仲会再嚟呢度食。

同朋友聚會嚟幫襯朋友最鍾意食嘅泰國菜，三五知己一齊去食大餐叫餸最啱啦青木瓜沙律 $78最啱而家炎炎夏日食，爽脆嘅青木瓜絲撈勻酸酸辣辣嘅醬汁好開胃。青木瓜絲又切得夠幼夠爽口，生菜都好fresh，包住青木瓜絲食，又係另一種風味。泰式生蝦 $168最鍾意食刺身嘅我，嚟食泰國菜都唔會錯過生蝦嘅。特別鍾意泰式酸辣青汁，淡淡嘅香茅味同魚露，配埋生蝦真係好惹味，平時食日料都畀唔到嘅味道。食唔到辣最好唔好食上面嘅辣椒粒，朋友食完出晒汗。泰式鹽燒烏頭魚 $148魚身入面放咗幾種菜，外皮放咗粗鹽，再一齊燒，一上枱就聞到滿滿嘅香味。魚肉嫩滑，點埋秘製醬汁，真係好正！海南雞 $98我哋幾位都係小鳥胃，但又特別想食海南雞，啱啱好呢度有半份嘅量可以食！雞件好滑好香，份量都算幾多，外皮蒸得好足，有非常香嘅雞味燒和牛串 $28呢個係最後追加嘅，嚟咗冇嚟一支燒串，真係會後悔走出去。一入口牛肉肉質好鬆軟，燒烤得好夠味好啱啱好，有焦氣唔會太老，而且一支仲要唔貴！整體嚟講大家都好滿意呢間餐廳。侍應態度好好嘅，我哋成班人坐咗幾個鐘都冇畀一點面色，埋單嗰陣仲好有禮貌。我哋食完都好滿意，環境都好闊落舒服。餐廳另外仲有主打蝦醬炒飯，

今日嚟到公司附近嘅泰國餐廳簡單咁食晚餐，我地都唔想食飯，就叫咗幾樣單食都食得飽嘅。🟠冬陰公燒骨：其實呢個份量真係好大，我一個人食基本上都已經飽咗，仲有另一半喺度，一齊食可以食多啲。記憶好深刻嘅一點，外皮燒得好脆好香，油油脆脆咁，食完喺度吮手指。🟠鹽燒烏頭魚：外層包住粗鹽巴燒嘅，點住酸辣醬汁一齊食，唔使驚會鹹。條魚入面仲塞咗好多唔同嘅菜，魚鮮味啱啱好！魚肉燒咗之後仲係好滑好juicy 。🟠燒大魷魚：雖然睇落去簡簡單單，但真係好好食，次次嚟親都會點呢個。魷魚次次都燒得好夠味，最最最緊要係魷魚唔會韌！泰國醬料係全場最正嘅主角，基本上都係酸酸辣辣，好開胃，所以次次食完都好滿足，好過癮！😋最後我地頂不住誘惑，叫了飯，因為真系好下飯，太好食了！哈哈

最近口味有啲挑，成日都覺得啲嘢食淡而無味，想食啲重口味嘅嘢嚟滿足下味蕾，所以決定去咗呢間好出名嘅公車泰國餐廳。呢度嘅菜式真係唔少，從傳統嘅冬陰功湯、青咖哩雞，到各式各樣嘅炒菜同小食，應有盡有，絕對可以搵到自己想食嘅嘢。我哋叫咗 :🌴泰式鹽燒烏頭魚: 外層灑滿粗鹽，經過炭火慢慢燒烤，令魚皮香脆，魚肉嫩滑多汁。魚肉都滲透住鹽香，帶有淡淡嘅炭燒香氣。🌴酸辣鳳爪沙律：鳳爪已經剝到淨返肉同皮，而且煮到軟綿綿嘅，再配上酸辣嘅泰式醬汁做成沙律，非常開胃。🌴馬拉盞炒通菜：呢道菜真係唔可以錯過！通菜用咗馬拉盞炒到好爽脆，而且味道有一股好濃嘅蝦味，保證你一試就會愛上。🌴泰式炒蟶子: 新鮮嘅蟶子配埋辣椒同蒜頭一齊炒，蟶子肉質細嫩，吸收咗混合嘅醬汁，帶有微微嘅辣味，再加上一點特製嘅泰國醬，滋味非常獨特。

今日男朋友心血來潮，帶我出門約會，我哋嚟到咗元朗嘅公車泰國餐廳享用午餐。一入到餐廳，就即刻畀嗰種身處泰國嘅感覺包圍住。座位好舒服，啱哂打卡影相。菜色多到眼花撩亂，全部都係泰國嘅特色美食。泰式辣椒膏大頭蝦🦐🦐裏面每隻大頭蝦都好大隻而且非常新鮮，蝦肉肥美鮮甜。配埋獨特嘅泰式辣椒膏簡直就係令人上癮！呢個菜色真係可以令男朋友加多第二碗飯。燒大魷魚🦑我哋都好鍾意食魷魚，梗係唔可以錯過啦！魷魚嚼勁十足，鮮香美味，簡直就係還原魷魚嘅Q彈口感。酸辣鳳爪沙律🥗點咗呢盤酸辣鳳爪沙律作為我哋嘅餐前開胃菜，味道簡直就係一流！口感爽脆，甜、酸、辣同時衝擊味蕾。必食推薦！泰式炒蟶子泰式傳統香料炒出嚟嘅蟶子簡直就係Perfect！蟶肉鮮嫩肥美，入口脆嫩鮮滑，比大排檔嘅仲好食！推薦大家嚟元朗一定要嚟試一試，快啲收藏起嚟啦！

終於來到元朗「公車泰國餐廳」⭐️彌足珍貴的晚餐時刻🥰今日晚上同老公同屋企人去元朗「公車泰國餐廳」食泰國菜，一早就已經book 好左位！☺️ 見到個menu，佢哋嘅泰國菜真係不得了，種類多款式豐富，包括泰式生蝦,泰式辣椒膏大頭蝦,泰式鹽燒烏頭魚,燒大魷魚同蒜爆鮮海蝦。每一款都有其獨特風味，真是令人驚豔 hehe 👶💜整體環境💜公車泰國餐廳的環境簡潔而典雅，布置具泰式風情。服務人員友善親切，笑容滿面，服務周到，令人印象深刻。一致給讚。🫶🫶💜泰國菜一：泰式生蝦💜泰國菜首選肯定是泰式生蝦，蝦肉鮮甜，配上酸辣嘅醬汁，每一口都滿是驚喜！💜泰國菜二：泰式辣椒膏大頭蝦💜接下來就是泰式辣椒膏大頭蝦了，蝦肉鮮嫩，辣椒膏嘅濃郁滋味讓人一試難忘。配料嘅巧妙搭配，讓你不得不驚嘆公車泰國餐廳嘅廚藝精湛！💜泰國菜三：泰式鹽燒烏頭魚💜泰式鹽燒烏頭魚外皮香脆，魚肉嫩滑，鹽焗嘅味道完美滲入魚肉，每一口都充滿驚喜，令人食指大動。💜泰國菜四：燒大魷魚💜燒大魷魚外焦內嫩，魷魚肉質彈牙，配埋特製嘅泰式醬汁，真係一流！每一口都充滿驚喜。💜泰國菜五：蒜爆鮮海蝦💜最後，來個蒜爆鮮海蝦。蝦肉鮮甜，蒜香濃郁，每一口都爆滿飽足感，再配上一杯冰凍

聽講呢間泰國餐廳係元朗區價錢最實惠嘅，所以就過嚟試吓。入面有好多座位，所以唔使擔心冇位坐，不過如果係熱門時間，最好都係訂位。泰式辣椒膏大頭蝦，蝦的size好大，仲有啲蟹腳同青椒，用特調泰式酸辣醬汁煮成，味道吃起來非常刺激。海南雞肉質非常滑嫩，油飯除咗有濃郁嘅油香，仲有泰式香料嘅獨特風味。半隻嘅分量已經可以俾好多人食。新鮮嘅大隻生蝦肉質爽口彈牙,放喺冰上保持新鮮，再配上泰式特色嘅調味料，如青檸汁、辣椒同蒜片等，令整道菜散發出香辣嘅味道。醬汁酸酸辣辣，食到全身㷫烚烚。擺盤非常有心機，配搭各種蘸醬，入口超軟糯。燒和牛串燒得非常香，上枱嗰陣仲係熱辣辣，肉質好juicy，肥瘦適中，食落香口帶少少油份。

嗰日同女朋友喺元朗嘅公車泰國餐廳食完，至今仲念念不忘。泰國菜以鹹、酸、辣為主，仲帶有少少甜。而呢間餐廳做到了每種味道嘅平衡，每款菜色都色香味俱全，令我哋食得胃口大開。🔘燒大魷魚🦑大大隻嘅魷魚外皮香脆，內裡好有嚼勁，醬汁又酸又辣又甜，好有泰國嘅味道，絕對係頂級食材。🔘泰式咖喱海鮮🐠充滿咗好多唔同海鮮嘅泰式咖喱，咖喱味道特別香濃，適合啲重口味嘅朋友，新鮮嘅海鮮食落去都係咖喱汁味，但係掩蓋唔到海鮮嘅原汁原味。🔘海南雞半隻🐔雞經過炒香之後香味撲鼻而來，雞嘅口感皮爽肉滑，每口鮮嫩多汁，令人食指大動。🔘泰式鹹魚炒芥🐟芥蘭炒得好香脆，喺食芥蘭嘅時候仲散發住香濃嘅鹹魚香味，但係又唔會太鹹，味道控制得好好，令人食到無法忘懷。餐廳地方好大，而且裝飾都好有泰國嘅風格，大家不妨嚟試下呢度嘅美味佳餚。

嗰晚我經過元朗無意中發現呢間泰國餐廳，諗起自己好耐都冇食泰國餐🍽️，於是即刻嚟試吓。◀️◀️◀️◀️◀️餐廳入面都幾大吓，裝潢都好有泰國嘅感覺🇹🇭，入到餐廳裡面就可以聞到很多好香嘅食物香味😌。 環境指數：⭐️⭐️⭐️⭐️我叫咗佢哋嘅🍍泰式菠蘿炒飯🍚。嗰炒飯用菠蘿嚟裝，食落有非常香嘅菠蘿味，炒飯仲有蝦🦐、綠豆🫛同肉鬆等。飯粒都炒得好有鍋氣，一食就停唔到口🤤。好食指數：⭐️⭐️⭐️⭐️⭐️我仲叫咗燒大魷魚🦑嚟食，原隻魷魚非常大條，魷魚外皮嘅色澤真係好靚🤩，聞落充滿咗烤香味，肉質都好柔軟新鮮，沾一吓醬汁，魷魚嘅鮮味更加突出😋。好食指數：⭐️⭐️⭐️⭐️整體指數：⭐️⭐️⭐️⭐️⭐️第一次喺呢度食，我覺得好滿足😊，唔使坐飛機✈️去泰國，喺元朗呢度就可以食到好味嘅泰國美食👍🏼。

晚餐時間我同另一半又苦惱要食咩，喺OpenRice搵咗幾間之後決定去呢間公車泰國餐廳試一試。我哋對泰國餐一直都難以抵抗，鍾意去唔同嘅泰式餐廳打卡食食飲飲。 呢度嘅食物意外地符合我哋嘅口味，泰式風味濃郁，環境亦都舒服。環境以墨綠色為主調，格式則以🚃泰國舊公車為靈感，會令你仿佛身處泰國用餐。 我哋點咗以下幾樣食物，要去打卡嘅朋友可以參考下：🌿泰式香葉辣椒肉碎噲飯🧡🧡🧡🧡鍾意九層塔嘅知音朋友睇過嚟！你一定要試下呢道超地道嘅泰式香葉辣椒肉碎噲飯。將肉碎攪拌均勻嚟食，可以品嚐到伴有九層塔香味及微辣肉碎嘅獨特泰式風味。🍛泰式青咖喱雞🧡🧡🧡🧡因為呢道菜，我食咗唔少飯，湯底好香好濃郁，辣度剛剛好，飲落去酸爽，淋喺白飯或者炒飯上面一齊食更加有層次感，每粒米都伴隨住泰式奶香味。🍚泰式蝦醬炒飯🧡🧡🧡簡單卻充滿泰式味道嘅炒飯，味道唔會太咸，食起嚟可以感受到大火快炒出嚟嘅香氣，自製蝦醬更加係呢道菜嘅靈魂，配埋肉絲一齊食實在太美味。🦑燒大魷魚🧡🧡🧡原隻大魷魚肉質鮮嫩飽滿，冇腥味，食起嚟有種好Q彈嘅口感，配上獨特嘅醬汁配方更加入味。 如果你都鍾意泰式餐，呢間餐廳絕對值得一試！