公車泰國餐廳

營業中

休息中

自己本身好鍾意泰國 旅行遊泰 又暫停 相當掛住泰國的食物 一於食番個泰式午餐 踏入餐廳 已經感覺到泰國風味 水吧位置裝修到跟泰國的餐廳好相似 正宗的泰菜原味道先來串燒 燒雞肉串 雞肉剛剛好 沙爹醬花生味香濃 燒豬肉串 豬肉唔會太老 好香口惹味 推介之一 泰式火車炒飯 飯炒得粒粒分明 材料有雞肉 加上菜粒中和 味道亦剛剛好 熱辣辣 好出色 炸蝦餅 彈彈彈牙 炸得外脆肉嫩 金黃色的外表夠香脆，蝦餅口感彈牙配上甜酸醬味道外皮完美演繹泰奶茶 完全推番了自己對香港冲泰式奶茶唔好飲的啟法 呢度沖得好有泰式奶茶味

去元朗搵嘢食，教育路跟西菁街一帶好多食市， 特別係泰國菜，見到有間光鮮又有大間泰國菜館就入去試下。店內環境好寬敞，感覺好乾淨衛生。泰式生蝦共有六隻超大隻，冇蝦腸好 乾淨，好新鮮，好彈牙，值得推介。泰式炒金邊粉好夠鑊氣，一上枱熱辣辣香噴噴， 主要有肉絲、 豆干 、 蛋絲、蝦米、花生碎做配料， 炒得好香口，惹味。跟餐椰青半價， 清甜可口。菠蘿雞絲炒飯除咗菠蘿同雞，仲有提子、臘肉同肉鬆，好有泰式風味。串燒泰式香茅雞翼加豬串燒得好惹味， 沙爹醬調得好入味， 層次豐富。椰汁糕下層有大量西米同粟米，上層椰汁， 甜度適中，幾啱我口味。

元朗出名係美食天堂，有唔同款式嘅餐廳任君選擇，今日我哋就揀咗食泰國菜，附近有錶位泊車，位置非常方便，千色店就喺佢附近。餐廳落地大玻璃光線充足座位寬敞大部份卡位坐，兩個人坐得十分舒服，這店是一家傳統泰國菜，我點了平時必吃二人小食拼盤（細）＄128有一串雞一串豬丶泰式蝦餅丶雜菜粉絲春卷丶酥炸鯪魚球，我好想讚下炸物好出色又香囗又酥脆，兩串串燒醃料出眾好鬼惹味配上香濃沙嗲汁～全部熱辣辣呢樣先至係靈魂所在。肉碎生菜包肉碎有大量香料配搭酸中帶辣，味道恰到好處令人食指大動，再配上爽脆生菜感覺好清新健康😄令人一口接一口。泰式炒金邊粉一上碟真係俾佢嚇親，分量大香氣十足，好足鑊氣材料充足有花生碎丶韭菜丶豆腐乾丶芽菜丶五至六隻大蝦，蝦肉彈牙大大隻口感豐富，我點了中辣辣度適中好好味，呢個真係要點～必推***泰式奶茶（凍）身為一個奶茶腔的我，飲第一口已經感覺到有一股椰糖奶味道，好特別係泰式奶茶先有的一種味道。

今晚屋企沒有煮飯，我同妹妹往附近公車泰國餐廳食晚飯。這間餐廳空間感大，坐得舒服。燒豬頸肉： 燒左嘅豬頸肉，肉質爽脆，加上附碟付上的酸醬汁，絕對品嚐到泰式風味。泰式青咖喱雞： 咖喱具備多種口味，我個人比較喜歡青咖喱的配搭，因為我比較喜歡辣，而青咖喱一般比黃咖喱同紅咖喱辣，配上雞件更美味可口。冬陰公大頭蝦湯：冬陰公湯酸酸辣辣，香香甜甜的，一啖湯可以一次過品嚐唔同味道，口感很嫩滑，而且大頭蝦很多蝦膏，很滿足！

琴日同朋友去元朗踢波 踢完好攰好肚餓所以就係附近是但搵間餐廳坐 一入到去果陣見到環境都幾好幾光猛 d位都幾闊 侍應都幾有禮貌!咁我地就叫左一串豬同一串雞兩串都超大串 勁有肉味 d沙爹都好好食 算係幾高質既串燒另外我地叫左碟泰式蝦膏炒飯 好重蝦膏味 整體黎講炒得幾好食 d味岩岩好 唔會太濃最後我地叫左碟炒芥蘭 都好新鮮同埋調味唔錯下次經過元朗都會再食!! 真心係一間唔錯既泰國餐廳!!三個字 平靚正 !!

今日又入黎元朗覓食，屯馬線開通之後，放工入元朗真係方便左好多今日又同男朋友黎搵好野食，諗起好耐冇食泰國野，就搵到呢間泰國餐廳黎試試環境好闊落，我地比較早黎到，侍應服務都好好，比我地任簡想坐邊泰式酸辣鳳爪沙律，$88份量好大，2個人食實在過多不過鳳爪好爽口，同大大隻，亦唔會過辣，幾抵食。蒜蓉炒椰菜苗，$88每次食泰國野都要嗌一碟炒菜，蒜蓉炒得好入味，好香。椰菜苗亦爽口，唔會有渣蒜蓉包 $48極大份量，6舊蒜蓉包，上面搽左滿滿既蒜蓉。下次再嗌要配埋咖喱一齊食就正啦泰式香茅豬扒湯河 $78香茅鋪滿豬扒一齊炸，第一次食咁既煮法，好特別。豬扒好厚肉，好嫩滑燒豬串，燒雞串，$18一串沙嗲醬有花生粒，好惹味，亦都好甜 青檸茶，青檸味好出眾，平時凍檸茶就飲得多，青檸真係第一次試，都幾特別嗌左少甜，岩岩好埋單2個人食到飽飽400蚊唔洗

天時熱辣辣，二個人係元朗揾食見到角落頭有間泰國野環境又好似幾舒服咁唔好諗咁多，坐底食左野先講🤩餐廳有提供Set Dinner我地就叫左個Set Dinner A有想食ge泰式肉碎生菜包（豬肉）個樣睇落平平無奇，其實好惹味！😋而且份量超級多～仲有冬陰功海鮮湯超級香丫～ 成個爐上枱keep住煲，唔會凍左👍👍味道偏酸，好開胃～😋香葉辣椒肉碎噲飯炒得好香好惹味！ 唔係好辣～真係出乎意料之外ge好味我地可以成個飯食晒 😂😂👍總括而言，黎個set dinner 好抵食，份量多質素又好～ 唔錯！

泰式串燒(雞肉豬肉)每串$18，泰式沙嗲醬好惹味，花生味亦好濃郁，而串燒豬肉同雞肉用香茅充分醃製後非常入味，肉質都唔會燒得太乾，依然鮮嫩多汁。炸蝦餅好彈牙，配上泰式辣醬係唔錯嘅泰式小食。泰式炒粉絲炒得夠乾身亦都夠鑊氣，配上大量嘅碎豬肉，少量嘅酸酸甜甜，越食就越滋味。泰式海鮮濕炒河賣相十分吸引，而用豆粉製成嘅芡汁濃稠度岩岩好，河粉炒得微焦軟熟，鹹味適中，同芡汁搭配得宜，海鮮份量都算多，青口同蝦都係大大隻。最後仲叫左杯好有泰國風味既香茅冰解渴添

人人都說元朗是美食天堂，不論中式、西式、日式，小至台式茶飲，元朗餐廳應有盡有。那天就一嘗泰國餐廳，見到菜單上有泰式生蝦，真是第一時間要下單。泰式生蝦 HKD 108是我最期待的菜式！擺盤美觀，一碟有八隻生蝦，聽職員說是每天早上親自到街市購買，超級新鮮。果然，口感清爽又有蝦既有的黏性，配上蒜片及辣椒，夏天吃真是最棒。既開胃又透心潔，沾上既定醬汁，另具一番風味。而且生蝦SIZE都算是中型至大型蝦，厚身，物超所值！燒豬頸肉 HKD 88這碟菜式端上枱時，真是超級香噴噴。豬頸肉是厚身的！不是薄薄一層。焦邊，肉身剛剛熟，不會過熟，配上附送的醬汁，用來拌飯真是一流。而且我知道豬頸肉來價提升，上碟又那麼大份量，都是不錯的。燒豬串 HKD 18伴隨醬汁不會很辣，反而是惹味開胃，跟豬肉味道非常夾！焦邊，肉熟度剛好，不會很韌，很值得下單！而且豬串都算份量大，飽肚的。那天點了兩份常餐，包括：沙嗲牛肉麵 HKD 48香葉辣肉碎粉絲 HKD 48龍眼冰 加配 $8香葉辣肉碎粉絲 HKD 48論擺盤已經非常吸引，可以說是色、香、味俱全。辣肉碎及蔬菜粒都算多，每啖粉絲都可加入這些配料一起食，非常惹味。粉絲乾爽但又充

相信大家都知道，元朗出名多美食，今日下晝就和朋友一齊來到這間位於西菁街的「公車泰國餐廳」。我們叫了泰式燒豬頸肉，泰式肉碎生菜包，泰式豬手和泰式火車炒飯。飲品叫了泰式啡噢靚和椰汁冰。泰式肉碎生菜包，因為朋友不能吃辣，所以我們叫了走辣，豬肉炒得很香，配上香茅和九層塔香味，超開胃的一道菜。而且份量亦很多，十分正宗。泰式燒豬頸肉，豬頸肉燒得很入味，而且仍保留着肉汁，配上獨有的醬汁，一流泰式火車炒飯亦是這間餐廳的招牌菜，飯粒炒得粒粒分明，裏面除了有雞肉，還有芥蘭蕃茄等材料，十分推薦泰式豬手我們叫了例牌，份量亦十分足夠，豬手煮得很淋很入味，配上酸菜和泰式辣醬，可以中和豬手的油膩感來泰國餐廳必叫椰汁冰，椰汁很濃郁而且配上椰肉，夏天飲一流朋友叫了泰式啡噢靚，很正宗的泰國咖啡，香濃而且飲落口很順滑

元朗又有一泰國餐廳新力軍，今日就去會一會。那麼熱的天氣，坐下當然先來杯泰式奶茶和青檸茶。泰式奶茶，顏色是偏橙的，加上那麼獨特的甜味，就是懷念。而青檸茶則十分解渴，新鮮的青檸酸，醒神！點上一份炸蝦片解解饞，脆脆的一口，滿口那胡椒味就對了！泰式串燒不可少，一雞一豬，必須蘸蘸醬汁，沙嗲醬的味道是靈魂。當然主食要點上一份濕炒，河粉大大塊，炒過的鑊氣，加上醬汁就是惹味！蝦醬炒通菜也是到泰式餐館會點的，通菜爽脆，蝦醬香濃，超級下飯。夏天就是想吃泰國菜！

呢間泰菜開左幾個月🤗今日終於嚟試下呢到Menu右上角↗️會好細心標明所以菜式嘅辣度同邊d無得揀走辣，我覺得好貼心，因為我真係唔太食得辣，有時送到上嚟先知辣到噴火，就唯有委屈我老公食哂個碟野🌟小食拼盤 $128有沙爹豬同雞串燒各一、蝦片、炸蝦餅、炸魚餅同炸春卷每樣2件，炸物樣樣好大件，呢個拼盤啱哂2-3人叫，所有小食都有，又唔怕胃無位食其他野🌟 泰燒和牛串 $28好少泰國菜有和牛食，所以就叫左一串試，好有新意，香料味同和牛好夾🌟泰式海南雞配油飯 $78油飯好香又唔會太油膩，海南雞夠滑啖啖肉，蘸埋個醬就更好味，隻碟好泰式風情幾靚🤣🌟泰式咖喱炒雞 $92咖哩豐富嘅香料味融合到天衣無縫，雞係用上雞脾肉多肉小骨，好好食😋

很好奇，星期日下午2時此泰館居然爆滿！究竟是打卡熱點，食物好味，還是因為「愛」！？首先，一入餐廳店員已非常友善，你會感受到店員帶笑容上班，是對工作環境的喜愛。其實店員的態度，的確會影響食客的心情，對小妹來說，一餐是否吃得快樂，有一半都來自服務的。以下是食物點評：【燒豬串】沙爹味的燒豬肉串，除了豬肉，亦可選擇雞肉或牛肉串。而豬肉串其實是頗有風險的，何解？因為燒的時間若控制不好，就會變成咬香口膠了。當然，貼得出來就因為真的好味，不論味道口感都非常好！正！【蒜茸包】叫蒜茸包是因為小妹將要介紹以下的兩款菜式【黃咖哩雞】及【冬蔭大頭蝦湯】，因為不打算叫飯的關係，若只吃咖哩雞及冬蔭公湯就有點空虛感，所以除了常配的印度薄餅，蒜茸包是一個好選擇，可以吸入咖哩及冬蔭公的精華，再加上蒜茸包咸咸的味道，出奇的好味及匹配，真心要試！【黃咖哩雞】黃、紅、青咖哩中，以黃咖哩最溫而不辣，因為黃咖哩主要是來自薑黃粉，而辣椒其實並不多，很適合不吃辣的朋友。若愛吃辣的人亦不用失望，因為餐廳都有多款紅、青咖哩給選擇。看相片已知，金肉大大件，一點都不小家，雞肉滑是必須的，再沾上有椰香味的黃咖哩，正！【冬蔭大頭蝦湯】喂！會不會

我一向愛吃東南亞菜式，喜歡味濃有些辣味，這間餐廳在元朗新開的，所以決定試一試。裝修格局坐得舒適，檯椅都很寬闊，而且每張檯的餐具紙巾都一應俱全。食物方面，由於只有我和老公二人吃，所以今次點的食物不算太多款，但非常美味，很合我胃口，包括：馬拉盞炒通菜、泰式炒金邊粉、香葉辣椒肉碎燴飯，小食拼盤。金邊粉和肉碎燴飯是午市套餐，只需要加兩元便可加飲泰式飲品，我們點了泰式奶茶，比起齋點一杯便宜很多呢。全部食物我都愛吃，最了不起和印象深刻的是小食拼盤裡的雞肉沙嗲串，肥美多汁，香濃的沙嗲汁充滿花生醬的味道,沾上雞肉吃簡直一流，第二必試的就是炒金邊粉，炒得香濃入味，令我不停吃，超出我的預期。總括而言，食物值得推介，改天必須再去一趟！

天氣熱，冇乜胃口，想食下泰國嘢添，於是黎左我同事介紹嘅泰國餐廳。去到餐廳門口，見到充滿泰國風情的裝修，感覺自己好似去左泰國咁。食得泰國嘢，一定要點返個冬蔭公大頭蝦湯，裏面加左香茅、檸檬葉、天椒、芫荽等香料，集合了甜、酸、辣的味道，十分惹味！大頭蝦的蝦膏多，蝦肉腍。泰式咖喱炒牛肉：牛肉份量都幾多，很嫩滑，仲要一d都唔辣，散發出好香的咖喱和椰香味，連小朋友都好鍾意用啲咖喱汁撈飯食。海南雞半隻：帶咗小朋友黎食飯，都擔心d雞會唔太熟，上枱見到好彩d雞肉夠熟，而且一d都唔「鞋」，有雞味。碟邊有蘿蔔絲，酸酸的，好開胃！椰青：椰子水清甜而且解热，果肉具奶香，口感一流！飲完透心涼！總括而言，呢度係好啱一家大細黎開餐，份量足。食中西餐食到悶悶地，呢度絕對係好選擇！