公車泰國餐廳

營業中

休息中

天氣熱，冇乜胃口，想食下泰國嘢添，於是黎左我同事介紹嘅泰國餐廳。去到餐廳門口，見到充滿泰國風情的裝修，感覺自己好似去左泰國咁。食得泰國嘢，一定要點返個冬蔭公大頭蝦湯，裏面加左香茅、檸檬葉、天椒、芫荽等香料，集合了甜、酸、辣的味道，十分惹味！大頭蝦的蝦膏多，蝦肉腍。泰式咖喱炒牛肉：牛肉份量都幾多，很嫩滑，仲要一d都唔辣，散發出好香的咖喱和椰香味，連小朋友都好鍾意用啲咖喱汁撈飯食。海南雞半隻：帶咗小朋友黎食飯，都擔心d雞會唔太熟，上枱見到好彩d雞肉夠熟，而且一d都唔「鞋」，有雞味。碟邊有蘿蔔絲，酸酸的，好開胃！椰青：椰子水清甜而且解热，果肉具奶香，口感一流！飲完透心涼！總括而言，呢度係好啱一家大細黎開餐，份量足。食中西餐食到悶悶地，呢度絕對係好選擇！

今日行開千色，想食泰國菜，行前少少喺西菁街見到新開咗公車泰國餐廳，就一於去試吓先😙呢度上菜速度快～我哋兩個人叫咗兩豬兩雞沙嗲串燒，本身想叫和牛串，可能今日星期日已經無曬喇～串燒好大串，肉質鮮嫩，醬汁超好味！泰式生蝦，生蝦夠新鮮，好大隻，點少少酸辣醬汁，更加係提升生蝦嘅鮮味，好開胃！馬拉盞炒通菜份量好足好大碟，味道偏甜，小許嘅辣味泰式咖喱海鮮，有魷魚、青口、蝦、青椒同洋蔥，如果配薄餅或者蒜蓉包一定更好味！好可惜我已經食到好飽啦😂

又到週末，我家大人聽人講元朗有間平靚正嘅泰國餐館，於是乎兩口子趁放假，一於坐西鐵入去試下。餐廳雖不在大街，但門面夠闊，遠遠便能望見食物夠多選擇，今天特別想喝冬蔭功湯，所以叫了一鍋，又點了肉碎生菜包、泰式咖喱大蝦，加一個海南鷄飯。冬蔭功湯色鮮艶，大頭蝦個子夠大，蝦肉爽口、蝦膏豐盈，湯頭夠鮮，集酸、辣、香、甜於一身，極地道，啱曬我口味，兩人飲到一滴不剩 咖喱既香且濃，掛在啖啖肉的海蝦上，放入口中～覆雜的咖喱香料味，配上爽彈又鮮甜的蝦肉，是口腔極緻的享受😋😋肉碎加入大量的香料和米碎炒得極之惹味，包上新鮮爽脆的生菜中，清新的感覺中和了油膩感，多樣的香料香味在口中爆發，這就是我們想找正宗的泰國味道，而且店員仲同我哋講，生菜唔夠仲可以無限添加，十分窩心👍已去骨的鮮鷄有濃濃的雞味，油飯粒粒分明沾滿雞油香氣，面頭再灑些炸好的乾蔥頭，好味到食唔停口。十分滿足的一餐，好味又地道；我們決定下次想起泰國，便過來享受一頁番！

好耐好耐冇食泰國菜，今日約咗娘親去元朗食呢個泰國菜！呢間好似係開咗冇幾耐，我係係OpenRice揾到呢間嘢。點知同我娘親一嚟到門口先知，原來佢都同朋友嚟過幾次食下午茶，佢話都唔錯又平。.我地大概1800左右到，唔洗等位，最鐘意既係餐廳入面既坐位大部分都係做卡位，而且係勁闊落個隻😍😍👍🏻仲要乾乾淨淨☺️☺️.我地2個嗌左5個餸，因為一般岀面食泰國菜份量都唔多，點知一嚟到就不得了，碟碟都勁大份，尤其係個海南雞同個炒飯，基本上2個人我覺得3餸一湯岩岩好🥰不過佢哋好好啊！外賣盒同袋都冇另外收錢😍😍最後我哋食唔曬拎走。.5樣嘢入面，我最最最鐘意係個冬蔭功大頭蝦湯🍤🍤個湯真係超級好飲👍🏻👍🏻夠酸又夠辣而且個蝦勁大隻，仲要個蝦好貼心開咗先👍🏻👍🏻湯之後係波蘿炒飯都正😋😋夠鑊氣而且肉鬆好多！炒飯入面都加左啲大蝦😝🙁.而我娘親最鐘意係個生菜包，海南雞都有雞味，不過佢個先係重點咁Staff都算幾有禮貌，總括嚟講間餐廳真係唔錯👍🏻👍🏻二會建議多啲人一齊嚟食會比較食到多啲唔同既嘢👍🏻👍🏻

昨日和媽媽他們一起去元朗食午餐，去了元朗千色後面周圍行，最後去了一間食泰國菜的餐廳。公車泰國餐廳第一次食，餐廳職員友善又親切，和小晴有傾有講 ，會哄小朋友的職員，通常都心底好，哈哈，我是這樣認為的。埋單$304左右，平均人頭消費$152。我們每人叫又一個餐，我叫雞絲撈檬，55元。她叫泰式香茅豬扒湯河，42元。雞絲撈檬份量都幾多，好大碟。倒撈檬汁，酸酸的，好醒胃。碟旁有少許辣汁，所以一起撈來吃，微辣的味道，幾好味。有大量的乾蒜，好香口。配菜和酸蘿蔔條都好多，與檬粉一起吃，各自不同的口感交流在口中。泰式香茅豬扒湯河，就比較清淡。香茅豬扒都幾大塊，肉質偏硬，香茅味重。湯河上面有少許葱花點綴，令整個賣相翠綠的。另外，再叫串燒（豬+雞），35元。和炸蝦餅，88元。串燒的燒汁好惹味。肉質不老不硬，配上串燒的燒烤方式處理，好香口，好食。我們食完湯河和撈檬才吃的，所以已經不熱，但味道口感仍好好。職員見我們的串燒已經涼了，有問要否替我們加熱，我說不用，這個詢問，令我覺得職員好暖心，竟然會想替我的串燒加熱，真是好人。炸蝦餅就一碟6件，裡面有蝦味有蝦感，真材實料，加沾酸辣醬 ，香口小食。飲品就各自叫了一個椰

元朗一向都多野食 仲要平令正今日咁岩入元朗買野就順道去試試新開無耐的泰國野餐牌選擇好多 好多野都想食 奈何得兩個人只好揀d十分想食果d黎試試海南雞飯都有兩款我地就無揀脆肉海南雞果款揀左original果款海南雞飯 $58油飯粒粒分明 食落有口感得黎又有雞油果種油香味同時又唔會有種好油膩的感覺雞肉方面 皮爽肉嫩 配埋特製的泰式醬汁甜甜酸酸 食落更加滋味 泰式豬頸肉湯河 $45豬頸肉一d都唔"鞋"口 雖然浸左落湯 不過都仲係幾香口 食落都幾爽清湯底飲落似帶有幾分香茅味咁串燒 (豬&雞) $35好怕食到d燒到過哂火候的串燒幸好呢度d串燒都無令人失望肉質都幾嫩 配埋個惹味沙嗲醬 可能因為係泰式醬料的特式 個沙嗲醬帶有少少花生醬同香茅味炸蝦餅一份6件金黃蝦餅 香脆彈牙點埋個泰式辣醬一齊食 十分可口

星期日探完老爺要放假唔煮飯🤣🤣同老公出去搵食，行過見到哩間泰國嘢好似同之前唔同咗，一於入去做一晚泰國人先😌😌餐廳都好多卡座，仲有2人或4人揀，啱哂鍾意有自己空間嘅我哋😍😍登記完揀咗張4人枱梳乎下🤓🤓我哋今日唔係好餓，決定今次唔叫粉麵飯果啲喇，下次再嚟我會叫最愛嘅泰式金邊粉😍😍老公一聽到我話食泰國嘢就話要叫冬蔭公湯，我唔係好食到太辣所以迫老公叫咗哩個微辣冬蔭大頭蝦湯，濃郁好味仲食到蝦頭有好香嘅蝦膏，正😍😍叫咗我哋最鍾意嘅炸蝦餅拼春卷，個蝦餅好好食呀！春卷唔油膩，炸得好好👍🏾👍🏾老公話要食泰式豬手，豬手燘得好淋好入味，不過個汁我自己就唔太好了，可能因為太酸我唔鍾意，不過食多咗肉加啲酸汁係可以去油膩嘅😌😌馬拉盞炒菜係食泰菜必叫嘅餸，有椰菜苗我就一定揀椰菜苗架😍😍好惹味呀🤩🤩佢用virjoy盒裝紙巾同我屋企一樣，搞到我有種在家嘅錯覺🤣🤣

假日冇嘢做 同男朋友去咗元朗行街 無意之中黎到呢間泰國菜度食下午茶 冇諗到除咗抵食之外 質素都真係幾唔錯下午茶餐每個都50蚊樓下連埋嘢飲 而且份量唔算少 我哋叫咗三個set泰式乾炒雞河 河粉係用咗一片片嗰啲河粉 所以口感比一條條嘅河粉更加好 加上炒得乾身 雞絲亦重嫩口 加埋洋蔥青椒芥蘭等伴炒 幾香幾惹味炭燒豬頸肉撈檬 燒豬頸肉保留到肉汁之餘 口感彈牙爽脆 真係好好食 另外檬粉伴上酸酸甜甜嘅魚露 係咁熱嘅天氣下食 有種開胃而唔膩嘅感覺串燒（豬加雞） 水準亦係好好 平時出去街外食串燒好多時都會燒到好乾柴 但呢度嘅串燒不論雞肉定豬肉都係仍然保留到肉汁 加上伴上好多嘅沙爹醬 啱曬我口味嘢飲就跟餐叫咗青檸冰（+$2） 香茅冰（+$2） 青檸梳打 （+$8） 青檸梳打係跟原枝泰國版玻璃樽梳打水 都幾抵飲蒜爆鮮海蝦 蝦球裹上炸漿炸到香脆後 加埋蒜蓉粒拌炒好香口 蝦球亦爽口彈牙馬拉盞炒椰菜苗 馬拉盞不嬲係濃味之選 我就最鍾意食馬拉盞炒嘅不同菜類 所以喺呢度都叫咗馬拉盞炒菜最後埋單$333 食咗咁多嘢 真係超級抵食又好食 有機會再嚟元朗一定會再嚟

天氣炎熱，無得去泰國玩，只好去食泰國菜式填補下。元朗剛好開咗間食泰國菜式的，適合喜歡試新嘢的我。於是乎約埋好朋友一齊去食。餐廳冷氣好足，座位都好大，方便泊車起旁邊食下飯。今次因為約朋友傾談，所以叫左幾個小食，泰國餐廳必叫的泰式生蝦，上碟好特別，用竹整的盤上菜。除咗生蝦，當然要叫個小食拼盤，可以試不同的食物，有蝦餅，魚餅，雞肉串，意想不到的係個蝦片，好味，香口。再黎一個生菜包，點綴下。朋友想食泰式香茅雞翼，我哋每人叫咗一隻，熱辣辣，個醬汁好味。泰啤同雞翼絕配！

今日係元朗搵食，見到西菁街新開左間泰國菜，出面又可以泊位，於是就入去試吓！有多款二人到四人套餐，價錢不貴，入面有晒平時去泰國必食嘅菜式！泰式海南雞飯啖啖肉嘅黃油雞，加上炸洋蔥，花生等等，配上又甜又酸又辣嘅泰式海南雞汁，彷彿回到泰國一樣！香葉肉碎煎蛋飯肉碎加上荷蘭豆九層塔辣椒，配上一隻炸，用來送飯一流，味道正宗！泰式大蝦沙律，啖啖蝦肉，酸酸辣辣非常開胃！必點沙嗲串燒，份量十足，燒得焦香，外脆內嫩，沙嗲汁非常香濃，仲有粒粒花生香！青檸冰用上整過青檸，夏日炎炎非常解渴。餐廳環境闊落，日日都有特價菜色，人均消費只是百多元，很不錯呢！

在千色廣場附近的一家泰菜館，環境開場座位頗多，適合一家大細的餐廳，餐牌選擇挺多，店員有推介菜式參考！👍🏻泰式燒豬頸肉切好薄片，豬頸肉外脆肉軟，夠爽口肉汁夠，加上秘製醬汁，酸酸甜甜的開胃。😊蒜爆鮮海蝦海蝦新鮮大隻，肉質厚實彈牙，調味惹味，有洋蔥蒜辣椒把海蝦的鮮味帶出，蝦殼炒得乾脆，醬汁味道配搭得宜，推介。😍泰式咖喱炒雞雞件大塊不多骨，用蛋炒香咖喱，香料味道不嗆不辣，香味居多，配上烤得脆身的薄餅，飽肚又美味。☺️青檸冰青檸足料夠酸又夠甜，十分解渴又解膩，配搭鹹辣的泰菜一流！😋座位舒適闊落，菜式選擇多，性價比高，一大班朋友食飯好地方。🌸🌸🥰

元朗有一間新開泰國餐廳，之前一直很想試，但次次沒機會試到。今日同朋友行過，有位，馬上入去吃個晚飯。餐廳有大量卡位，坐得很舒適的，加上看落衛生企理，加分。燒雞串先來個小食，燒雞串燒得焦香的，雞肉鮮嫩，保留大量肉汁，大讚。肉碎生菜包這是我最愛的泰菜之一，必食！肉碎帶微微泰國酸辣，陣陣九層塔香味，味道很正宗，生菜也十分新鮮爽口。泰式炒金邊粉泰式炒金邊粉是泰國著名的泰式料理，不論在泰國的餐廳或街頭小店都很常見。味道和泰國吃到的有九分似，正呀，當去了趟泰國旅遊。金邊粉很有鑊氣又足料，有雞蛋,紅蔥頭, 豆腐乾, 芽菜, 花生碎等等，還有大隻又彈牙的鮮蝦。 馬拉盞炒通菜馬拉盞味濃，吃到陣陣蝦米、豆瓣醬和辣椒味，通菜也很青翠鮮嫩。三百多元吃到多元化又美味的泰國菜，性價比高，下次一定要再來！

🍽🍽🍽🍽🍽🍽🍽🍽🍽🍽🍽酸辣鳳爪沙律$88海南雞飯 $58燒和牛串、豬肉串 $92芒果糯米飯 $68跟餐青檸梳打 $8星霞啤酒 $28🍽🍽🍽🍽🍽🍽🍽🍽🍽🍽🍽✔️set lunch 抵食呀，包杯野飲平均都係四十至六十蚊，我今次叫咗佢地招牌海南雞飯，大兜啵，雞件軟腍唔太肥，油飯帶油光飯粒分明，配菜有我鐘意食嘅雜菜絲，酸酸甜甜好開胃✔酸辣鳳爪沙律涷冰冰解暑，鐘意佢去晒骨啖啖肉✔️ 燒和牛串同豬肉串唔辣小朋友都食得，豬肉串沾上沙嗲醬有甜香，和牛串油脂豐富，肉與肉之間串起小青椒有助解膩✔️芒果糯米飯椰漿味濃郁，芒果當造好香甜，配埋軟糯煙銀糯米飯，為呢餐飯寫上完美句號✔ 青檸梳打有2個青檸架，仲意飲幾酸都得；平時飲象啤多啲，星霞啤酒就第一次飲，入口比較light,女士啱似✔️又叫小食又叫串燒又叫酒，埋單價合理

今日下午在家清潔廚房，老公話太辛苦今晚要出街食飯。於是選擇屋企附近，元朗西菁街「公車泰國餐廳」，品嚐泰國菜😍。進入餐廳內，侍應安排我們座窗邊位置，座位寬敞舒適，可以看外面街景，感覺很休閑舒服😌。餐牌有相介紹食物，分類非常清晰，還有泰文👍。《小食拼盤（小）》＄128有蝦片、春卷、魚餅、蝦餅、串燒，拼盤份量十足，啱晒我可以吃到多款選擇😋。魚餅咬落香料味道濃郁😋。《肉碎生菜包》＄88生菜很新鮮配上香濃惹味的肉碎，加上泰式香料，口感豐富又刺激，非常開胃😋。《泰式炒粉絲》＄78食材豐富，秀珍菇、青椒、紅椒、椰菜、紅蘿蔔、芹菜、芽菜、肉碎，紅蒜頭、粉絲。粉絲炒得很乾身，啱晒我口味😋。《香茅冰》＄18清涼香茅味道十分重，很解渴🍹。今晚很開心，食到飽飽，豐富的一餐泰國菜😍。

收工後，黎到元朗西菁街附近揼骨鬆一鬆，嘆完個泰式按摩後。遠見有間泰菜館(公車泰國餐廳) ，就一條龍式食埋個晚飯先番屋企喇。餐廳以公車作背景，以墨綠色為卡位格調，並排於落地玻璃旁，遠望就如一排排火車車卡內食飯。燒雞肉串泰式沙嗲醬確實惹味，而雞肉鮮嫩多汁。炸蝦餅大大個蝦餅好有彈性，香脆又有彈性，配上泰式辣醬既蝦餅十分好食!泰式金邊粉炒得夠乾身也夠鑊氣，配上大量的細蝦，雞肉及花生碎粒，帶有泰國風味的甜甜酸酸，配合起來可是相當美味。泰式香茅豬扒湯河香煎豬扒同河粉份量多，豬扒肉質外脆內軟。有香茅芫茜香味，非常配合。價錢亦屬合理，下次再黎幫襯!!!