公和荳品廠

營業中

休息中

一日之計在於晨，早餐緊係要食豐富d啦！公和荳品既豆腐出哂名，夠香夠滑，所有豆品製既野食都唔錯☺️豆腐花就咁食，唔加黃糖都冇問題; 魚腐外面炸到金黃，入面就係滑lut lut既豆腐蓉; 不過豆漿有d甜，大家記得嗌少甜。可惜既係炒麵，炒米粉真係麻麻地，炒得太濕，而且冇乜味同偏油，魚蛋燒賣腸粉一般，不過勝在唔貴。而且有齊甜醬，辣醬，泰式辣醬係枱面任你落，滿足哂嗜醬既朋友仔😌-香滑腸粉 (大)($11 /7條)魚蓉燒賣 ($6/ 5粒)咖哩魚蛋 ($6/ 6粒)咖哩蘿白 ($6/ 1份)咖哩豬皮 ($6/ 1份)豉油王炒麵 ($10)家鄉炒米粉 ($10)荳花 (大)($12)荳漿 (大)($10)參拼(煎釀荳腐 煎釀荳卜 黃金魚腐 各2件) ($15)-好味指數: 6.5/10賣相: 5/10性價比: 7.5/10

去開附近既玩具街買野，係地鐵站附近就發現公和，之前報遵導話佢無牌唔做得堂食，而家有牌後就開左係地鐵站附近，鋪面唔太大，隔離個鋪位都係佢地，隔離鋪位主力煎豆腐，蘿蔔糕等咸食，豆腐花豆漿就係店內廚房出，其實內裏約容納20人到，門口位置就賣埋其他荳品。去既時候係早餐時間，只有煎豆腐，其他煎豆卜暫未供應，所以叫左煎豆腐，豆漿煎豆腐好滑，就算凍左都好滑，好好食，豆漿亦唔錯，店鋪叔叔一人兼顧賣荳品同落單，雖然時間尚早，但買荳品同食早餐既人都唔少，亦唔少遊客，埋單都要等一等，叔叔先得閒，下次再黎會試埋豆腐花~

男朋友黎接收工 準備睇戲 但收工咁餓就去公和食少少野醫下肚先 因為睇完戲會食晚飯 我地都唔係叫左好多野食 一碗細既凍豆腐花$10 好滑好想豆味 凍冰冰 加埋黃糖食 正啊 一份雙拼 $13 有五件魚腐同豆卜 配埋辣豆瓣醬 好惹味 黎多杯細既凍豆漿$6 唔會太飽又唔怕睇戲個陣個肚餓到咕嚕咕嚕嘈親人啦 男朋友唔係香港人不過餐牌有英文 佢都睇得名有咩可以食 又可以比佢練下廣東話 佢話前面賣生既豆腐 後面又賣咁多黃豆製品好得意 感覺一定會好新鮮好好食喎 我帶佢去既梗係好食啦 哈哈

能夠單一樣製品起家 站得住腳 公和真係數一數二。豆類製品既不同變法都可以在此搵到，加上豆味濃香 吸引左唔小人慕名以黎。 店內舊式設計同時也吸引了不小客人留倩影，沒有特別既裝潢，卻有令人感到認真製作 把時間都花在食品上既感覺。 不過都係果句 都係飲佢豆漿食豆品算 佢既炒米粉好乾好硬 不值一試。

話說食完維記想D甜野先去黃金睇notebook,於是就去左之前話冇小食牌只可以用膠兜買既公和食碗豆腐花!!! 一入去就超多人，自己搵位坐，好好彩搵到位坐!!! 但跟住我地尾入黎果個男仔就冇咁好彩，係搵緊既中途就俾個女職員喝👉係咪1個?係就坐啦！(態度勁差)熱都冇豆味囉石膏粉夠囉釀豆卜，炸到界口釀豆腐無特別魚腐?真架，我食緊咩坐對面果個男人忽然同佢朋友講左句仲衰過澳牛，最初我都不以為然，諗住食完就走，又多人唔通真係貪"公和"好坐咩正當我地岩岩食完，拎緊個銀包出黎之際，果條女職員就拿拿聲過黎執野，仲彈左d汁落我個袋不特止，仲補句👉你食完好走(相比下澳牛真係和藹可親同埋果一刻完全明白坐對面既男人點解咁講)仲要問成2次先答幾錢如果前世未俾人鬧過，我強烈建議去"深水埗北河街間公和"!!!

距豆漿同豆花好好食，每次經過都會食，豆花好滑，仲要唔洗等位，煎釀豆腐好有豆腐味道，又唔係好油，煎釀豆卜更加好食，好香好脆，加埋甜醬辣醬超好味阿，我媽咪經常買距豆腐飯屋企煮麻婆豆腐比我地食，距滑得來好有豆味，

本人是公和豆腐的粉絲，因為確實好好味。明白到環境所限，坐到外面我是很願意的，另有一翻風味，但突如其来的流水從頂上的簷縫隙湧下來…背包，衣服和頭髮都濕了，只聽到阿姐説可能上面晾衣服，後來水越來越多湧下，阿姐就説可能上面“洗野”，阿姐們就一直用口説上面直是不應該，自己就無奈地用紙巾抹濕透了的背包，因為約了朋友未到，心思思就跑了去公和。不能錯怪任何人，自能怪自己不好運。

今日去完深水埗買野，就順手去公和到食個下午茶，平時繁忙時間就坐到爆晒，晏少少一條友就易D搵位嗌左碗熱豆花同埋熱GE饟豆腐，一嗌轉頭就即刻上菜好快手。LEE兩碟加埋$21，唔算好平，不過豆腐真係幾滑！

This was the best bean curd experience I have ever had in my life. There were so many people fighting to get a seat to eat this bean curd which comes in all forms and sizes. We had been looking all over Hong Kong for a good place to find toufu fa and we found it at this place. We also found that they offer all sorts of bean curd products such as fried bean curd and soy bean milk and other bean curd products in jars. They even have the menu in English and the staff are very busy and rush to give

雖然邪惡😈，但是美味😋與友人於深水埗晚上8時飯聚，時間尚早，肚子餓，經過公和豆品，便打算點一杯淡豆漿「醫」肚。但男友愛吃邪惡的豆卜，那麼便吃吧！（未點前，完全沒期望及有點抗拒，太油膩喔！😖）街頭小吃至高級餐廳也會光顧。香港的街頭小吃店也有它的特色！第一次吃這裡的豆腐卜!知道它實在邪惡，但入口香脆，而且有質感（感覺像吃脆豆卜加豆腐）雖然十分愛吃豆製品，但始終愛吃非油炸的。看到其他顧客點的豆腐花像很香滑似的😍下次再來必試

深水埗真係好多正野食，其中最鐘意都係公和豆腐花！鋪頭裝修左，新淨左，但少左懷舊風味！因為已經食車仔麵食到好飽，我地只可以食碗豆腐花過下癮咋！豆腐花仍然係咁滑呀，我鐘意食熱豆花，豆味會重d！今日嘅深水埗之旅好完美呀！

無幾可黎到深水埗，比朋友拉左黎公和食野，一見鋪面，已經好多人堆住排隊，相當受區內小市民歡迎。原來呢間野有好耐歷史，但入到去裝修唔錯，坐得還好，係逼左少少，所以如果係平時，我會揀外賣呢度除左出名滑滑，親手打製既豆花，仲有好多小品買，付乳辣椒咩都有，平時送菜炒開兩味最啱!香滑豆花一定要食， 加埋杯豆漿，對面個小朋友同大人都食到舐舐脷仲有馳名嘅煎釀三寶，正，豆付，魚付，豆卜!我同朋友一人食咗一碟都唔夠，食埋個豆腐花，飲埋杯豆漿先啱啱好每個人都只係要30至40蚊埋單， 唔算貴

如果你係鐘意食豆腐花或鍾意任何豆腐製品，無理由未嚟過深水埗北河街嘅老子號公和荳品廠，我個人認為堂食係正過外賣，原汁原味新鮮熱辣，所以基本上每次嚟到深水埗都要嚟食返碗滑啫啫豆腐花先走。雖然全新裝修嘅公和感覺乾淨得多，又好光猛，但仍然保留住好多歷史悠久嘅物件，令人感覺依舊。呢度嘅豆腐花有濃濃豆味，就算唔加黃糖都一樣好味，加埋黃糖嗰種口感簡直令人地想再食多一碗。要食呢啲滑啫啫嘅豆腐花真係要來呢啲老店食，啲新式甜品店絕對唔係呢個level🙅🏻‍♀️滑滑豆腐花💰$12

路過深水埗，久違了的公和荳品店 ，最近店面作出了翻新，同之前兩年去的不同，一支公吃了一個豆腐三拼，內有兩件魚肉釀豆腐，兩件炸魚腐和兩件釀豆腐卜，只係15蚊三拼，就有六件， 之後加了一杯大杯的豆漿，所有豆品也是在後面的工場內製作，保證新鮮，由於銷量特別快，所以可以完全保留著新鮮的味道， 由於一個人去食，所以不能吃到太多的東西，之前吃過的豆腐花，也是十分的好， 旁邊有一個外賣的攤檔，除了以上的食品外，還有其他的豆製品，例如腐乳，豆卜芽菜腐竹等等

深水埗買過年裝飾，12點先食馬來午餐，行左3個鐘，真係會餓，要補充一下，食咩係平靚有特色，又健康，又有得坐一陣，即係出奇蛋一次過滿足晒幾個願望。最後落腳老字號公和豆品廠。1. 凍豆漿今日回暖，著羽絨人逼逼，係要飲杯凍的。新鮮豆磨，無渣，絕無一舊舊，同豆粉沖的，差天共地。2. 豆腐豆卜雙拼炸完即起即食，個辣醬加少少，真係零舍不同，老字號即係老字號，豆腐滑到呢。其實仲有位黎個三拼，不過算了。坐得耐係會唔好意思，細舖靠流轉，坐左陣抖順，閃！