公利真料竹蔗水

營業中

休息中

黎開中環，順便上黎試埋杯蔗汁，要左一杯蔗水同一杯蔗水，先飲蔗水，因為知道飲完蔗汁就一定會覺得佢無味。蔗水好淸，淡淡甜味，唔知醫唔醫得好我粒飛滋呢？再飲蔗汁，好濃，好甜，甜得黎唔假，真係好好飲喎﹗飲完一杯都唔夠喉，買支拎走一路行一路飲，正﹗

吃完牛腩然後到公利喝杯蔗汁已成例行公事，主要因為這裡的蔗汁甘甜而解渴，一杯下口，暑熱全消。「坊間賣的鮮搾蔗汁，蔗味不足，清淡有餘，同是鮮搾蔗汁，為何公利出品的會那麼甘甜？原來是老闆先將蔗枝蒸熟，然後再搾，經此一蒸，蔗枝將更出味，冷凍後也就是偶所說，甘甜而解暑的蔗汁了。」節錄自漫畫寶典第廿五章十節作者西門庖町.老店願意付出這點點心機，搾出甘美無窮的蔗汁，受到街坊的推崇，自是實至名歸。

蔗汁其實是幾難有驚喜的飲品，這裡的蔗汁濃郁，不是死甜，6蚊一杯涷的，算幾經濟。蔗水係以前的人當水飲的，生津止渴，是煲的而不像蔗汁一般是搾的，呢度的蔗水無落茅根及馬蹄，所以只有淡淡的味道。在其他地方渴到的蔗水多是淡淡的，如果唔係就只有糖的甜味。膠兜是近年才有的份量，以前一直只有大同小，而膠兜是迷你，三者的龜岭膏都是一樣的，來得會吃大的，因為小的已是廿蚊，但份量少好多。龜岭膏煲起重膠質，自然會凝固，不用下魚膠粉。而魚膠粉製成的食物係會硬同彈好多，同這裡的龜岭膏分別很大，這裡的不是魚膠粉製品。我和同事都時常會來蛇一蛇，有時會見到個老細在搬一大袋的龜板。公利還是呢頭街坊推許的涼茶舖！

2004.05.29時間：15:30食品：蔗汁（$6）、熱竹蔗水（$4）、迷你龜苓膏（$8）評語：蔗汁，飲得出係蔗汁，但真係沒啥驚喜，真係唔覺得特別出色。竹蔗水，超級淡茂茂，完全無蔗味，建議勿點此飲料。迷你龜苓膏，體積約200mL，經過冷凍後的黑色固體，以透明膠盒盛著。質感比一般的龜苓膏硬，以透明膠湯匙刮來吃，著實頗有技巧。從味道而言，分辯不出是否龜苓膏，唯一肯定的是以相當多的甘草泡製出來。我戲謔此食品為「甘草凍糕」！感想：週末組團到中上環逛，「公利」乃首站；結果，勁失望！此店除了陳設之外，食品真的沒啥特別。我個人覺得並不值得刻意走來這兒喝蔗汁和吃「龜苓膏」！對於那個「龜苓膏」，我頗懷疑是否真的有龜板作材料？店內其他兩款「龜苓膏」均以光瓦器皿盛著，唯獨這種$8 以不耐熱的透明膠盒盛著。另外，這種膠盒是ideal for 製作果凍甜品（如：加入魚膠粉的jelly、加入大菜的大菜糕、加入魚膠粉的慕絲甜品和提拉米蘇、或者凍芒果布甸…）。加上，口感太像「過多的魚膠粉+ 甘草水」的甘草凍糕。唔，可能我想得太多。

間中都會嚟飲下蔗汁，間舖真係啱晒拍懷舊片

睇門面都知呢度歷史猶久，除左蔗汁，仲賣埋蔗水同火麻仁等，最常幫襯反而係佢地的龜令膏，通常飲得太勁，開夜又多，喉嚨痛剛起就整盎細的，連吃兩天多數咩事都無。價錢17蚊，算幾有效同抵食。不過這裡乃古老涼茶舖風格，擺設陳舊到可以拍粵語長片唔多使道具，加上無泠氣得把吊扇吹吹下，大熱天時都幾係下。