公利真料竹蔗水

營業中

休息中

Cenacolo後,拉大隊到幾十年老字號蔗汁舖公利.大熱天時,有什麼飲料比一杯新鮮即榨,味道超濃縮,無添加的蔗汁更好?啤酒汽水,統統行開.已飲過無數次,以今次的味道最為不同,全因終可與師姐前來(哈哈!)加上狀態大勇的E小姐在旁,這一夜喝著的蔗汁,份外"士-weet".希望有關方面,將公利列為一級古蹟.

吃完民園來喝公利. 蔗汁真是很清甜. 不過7元一杯好像貴了些...(好細杯)另外大部份人好像都是來吃龜靈膏的.

今日真係超熱, 又0黎呢度飲0野... 再試蔗汁(見圖), 真係好飲過竹蔗水好多, 非常清甜解渴!

天氣極悶熱, 行行0下見口渴, 入0黎買0左杯竹蔗水飲, 朋友就原蔗汁.竹蔗水係暖的, 味道同一般"竹蔗茅根精" 差不多; 朋友0既蔗汁就非常好飲, 好新鮮, 甜得0黎天然, "楊x成" 牌無可能有得比!都差不多15 年無飲過d 咁新鮮解渴0既蔗汁, 好開心!

元宵佳節,我就緊係把握機會同阿K一齊享受一個溫馨嘅週日啦.阿K話想行吓荷李活道一帶嘅古董店同埋其他嘅攤擋,我就緊係樂意奉陪啦.行吓行吓 ,經過呢間舖面殘舊嘅涼茶舖.見天口都幾翳悶,所以我地各人嗌咗一杯甘蔗汁飲. 好老實咁講,呢度嘅甘蔗汁無疑係幾新鮮,又濃又甜.不過你話其他地方飲唔到咩,咁又唔見得. 如果唔係名模食家介紹過,我諗都唔會話咁出名.

無諗住黎，但三個唔太識路既人，搵玉葉時，行行下竟然見到公利！即刻買杯竹蔗汁飲，＄６一杯好抵飲。清甜到不得了，飲得出係真材實料，出面果ｄ　ｃｈｅａｐ汁無得比！外面幅畫個男人激似ｌｅｏｎ，哈哈～～像真度勁過蠟像館果個！哈哈哈！

同友人行到火滾，友人指這間舊式店舖的蔗汁非常出名，便每人一杯感受一下。喝下去，它沒有超市即製的那麼甜，不過那股清新的蔗味滿佈口中，久而不散。本來身心都on fire，它好像滅火器一樣把那團火消滅了，絕對是大熱天時的飲品。

飲過呢度o既庶汁兩次, 清甜無糖精, 夏天消暑佳品, 尤其是我飲o既時候正值中午晒到出水而且岩岩食完飯冇野飲o既時候, 真係好感動。好耐都冇飲過味道咁天然o既庶汁, 細個o既時候爸爸係灣仔雙喜返工, 隔離果間庶汁成日都有幫趁, 果度o既庶汁又係一絕, 而家就算有舊式涼茶鋪, 唔係落左好多糖就係稀晒, 呢度飲到係都幾rich下texture, 同以前係雙喜隔離涼茶鋪飲到o既9成似! 感動。突然間連帶掛住埋雙喜o既粟米班腩tim-___-\"環境清靜, 好有feel。

庶汁一流, 香港地真係所剩無幾

有點兒討厭它「恃老賣老」- 尤其是眾司長群情洶湧而至之時。但是，要挑間荷李活道上的店子稍事休息的話，不是玉葉，便是公利。除了對老調有情意結之外，用一杯五花茶，換個多小時的休息，和這張不常有的照片，也真真不錯。

在Portobello飲罷下午茶後,繼續Soho散步,看看士丹頓街的小店行程.陪友人看Ranee K,唔岩style,其他小店,一件咩都無的Cardigan都索價過千.兜個圈落斜,意猶未盡,再到我倆常去的公利吃龜苓膏.彷彿此店的龜苓膏,差不多係我同友人之共同語言.心有靈犀的默契,唔使出聲路過都一齊入去.吃罷再去住好D,當正在研究圖案袋應該明抄Paul Smith之時,店內播的音樂,正在傳來Stereophonics的"Maybe tomorrow"."I look around at a beautiful life Been the upperside of down Been the inside of out But we breathe We breathe I wanna breeze and an open mind I wanna swim in the ocean Wanna take my time for me All me"

今日有朋友黎探班, 仲帶埋支公利蔗汁, 好感動呀!!! 飲落果然係夠濃夠甜! 多謝晒!

校友會飯局前，相約George買酒來慶祝新進的「三字頭」朋友，見時間尚早，於是獨個兒來飲杯蔗汁及吃碗龜靈膏。老字號舖頭，4、50年代的Poster、那大圓鐘，確是可以放入大英博物館保存。要了杯凍蔗汁，先蒸後搾，夠濃夠甜，然後再吃碗熱龜靈膏，甘草味四溢，但真的受唔起，隨手倒些蜜糖再吃，還是甘的很，再斟，過程repeat又再repeat，三數個循環後，甜而甘的餘香還在爭戰著。後記：老闆睇馬睇得正入神，身邊有位竹昇妹，好奇地影著，偶也就插一腳，有的沒的影一番。p.s　相信除了偶這笨人外，無人會先飲蔗汁，再吃龜靈膏，這甘苦味是自找，活該！

姑且唔好理門口幅畫個男人係咪黎明,女果個係李婉華定林志美.(每一次都會與同一個女性朋友來,同樣地,每一次都會用呢個topic作開場白.)如果黎天王有幸路過睇到,一定打個突.呢幅畫,或者仲老過佢...作為中環幾間歷史文物,到今日依然企得住,一定有其殺著.七塊錢一杯冰凍蔗汁,基本上係每一次在Soho上下中間開完餐飲完酒後,黎呢度竭一竭的最佳朋友.冰凍解喝,咩火都無晒.仲有龜苓膏,又係必食.一個女仔,聽Franz Ferdinand,唔著Miss sixty著Diesel,唔用LV用Anya Hindmarch,愛涼茶舖多過愛酒吧club,照表面証供黎講,呢個女仔,應該好有個性.I love you ok?

曾經到過鄉間正宗的蔗糖廠，得悉制作蔗糖的工序之餘更有機會品嘗他們蔗糖廠師傅烹煮的蔗汁，正所謂近廚得食，他們日子久了亦開始對烹煮蔗汁的要求提高了，始終是自用跟量產外銷不同。嘗過後才明白什麼為真正的蔗汁甘甜的味道，是跟坊間的所謂鮮蔗汁跟本是天淵之別。念念不忙後直至上次路經中環，專誠上門幫襯一試真將。首先，以公利多年的老字號，品質及用料大家都不需懷疑，因市場學角度，差的早已給市場淘汰，何況他的蔗汁價錢亦跟其他同行稍貴；細嘗後，蔗汁味道絕對天然，甘甜美味，喝後你會覺得津液湧出，這就是所謂生津解渴；跟坊間為求低成本而用糖水烹蔗增加甜度及蔗汁量的考妙手法差遠矣。當然，城市人很難只為一杯蔗汁長途拔涉，不過下次到中環一行，都會抽身再嘗。回應其他食友；因烹制蔗汁，蔗的分量及水的比例已有所固定，若當其時雨水過多，甘蔗在未收割前的含水量較高，固甜度會底一點，相反則會過甜。你若要求每次甜度一樣的話，加糖或加水吧，但這是正宗嗎？等二，店內有編毛筆書寫關於店主種植甘蔗及熬蔗水過程，筆者更全編飽覽了，得益不小，下次襯機光臨可順帶閱覽。