公利真料竹蔗水

營業中

休息中

吃過午餐，不經不過行到中環邊緣，心思思想飲蔗汁，於是大踏步上山去也。今次除了蔗汁，還多要了一碗蔗汁糕。蔗汁糕黏性很重，有點似「鬼口水」，而味道的確又清又甜，好好食，唔知蔗汁糕有冇凍食的呢？

好多時去完勝香園, 都會過黎飲番杯庶汁, 因為呢度d庶汁夠靚, 雖然係甜d (我已經係食得好甜之人), 但飲完之後又唔會想飲水沖淡, 如果係夏天, 飲完真係有種消暑的感覺

自己標榜係真材實料的蔗類產品, 之前也試過她們的蔗汁, 真係很消暑。今次入佢間鋪坐底食埋佢個蔗汁糕, 蔗汁每人一杯, 蔗汁很甜, 可能d 蔗靚呱? 但本人覺得淡返少少好似好dd ; 至於蔗汁糕就很彈牙, 不會太甜, 好有咬口, 我鐘意。很懷舊, 價錢平, 抵!

The tastes hasn't change a bit... for many years I love this shop so much, I patronize this shop since i was a child!!So i would like to recommend people to come to this shop while they have time, otherwise this kind of shop will extinct in a few years time later!!

晚上九時多到, 加上我們才兩枱客, 清清靜靜, 吹著風扇, 傾下計, 睇下老爺電視, 好懷舊.蔗汁糕不凍, 但十分清甜, 似在吃固體蔗汁, 所以, 個人認為蔗汁糕配蔗水會好些. 若蔗汁糕配蔗汁, 會甜上加甜. 但蔗汁又的確好飲, 唔想放棄, 可以好似我咁, 叫齊三樣, 梅花間竹咁食.服務就......um......叫極唔應囉.......我講裏面隻貓, 嘻.蔗汁糕貓貓, 終有一日我會用誠意打動到你o既.

因為剪完頭髮順道經過, 好似幾乎收舖, 椅都放晒上台了.叫了一樽竹蔗汁及蔗汁糕外賣. 竹蔗汁好清甜, 初初仲怕佢會溝好多糖水, 無令我失望, 有驚喜. 至於個蔗汁糕都同樣正, 清甜有口感, 推介. 夏天吃正.

吃過漢堡包後，直上荷李活道逛逛，順道尋找美味蔗汁，終於讓我找到，看見師傅將幾條大蔗來來回回放入搾汁機，真係望到都知真材實料。要了一杯，入口清甜涼快，一點也不覺「溜」，真係好好飲。見食友說這裡有蔗汁糕食，可惜我吃完個包實在太飽了，容不下，惟有等下次。

剛吃完了拉麵，慢慢的由下而上行至荷李活道步回去公司。當然，我決定這條路線是有目的，那當然是夏天消暑佳品公利蔗汁是也~在進店前先確定了有蔗汁糕，便隨便坐下等著。這裡的蔗汁比蔗水價錢只差一蚊，但是味道可以差得遠了。蔗汁濃縮、清甜、滋潤，在炎夏喝著蔗汁，可以感到一股寒流由上而下，十分暢快。蔗汁糕口感頗像馬蹄糕上層因接觸著冰箱內的冷氣而略為"乾水"，不過下面的糕都是晶瑩剔透，剛好的咬勁和甜味令到這糕有更佳的消暑效果。沒有加入糖製作的蔗汁，喝後不會感到口乾的，這個是用來分別是不是純正蔗汁的方法之一~

一直想去公利..可惜無時間去..食完勝香園之後慢慢行上去..5分鐘路程已經開始出汗..二話不說...叫左蔗汁糕($10)食..同意其他食評話似馬碲膏..開始食o個時覺得無咩味..但食下食下又開始甜..唔似出面蔗汁ge人工甜..走時買多枝蔗水($18)比男朋友清下熱

五月九日(星期五)食完粥之後,行上去諗住食玉葉,點知佢地冇豆腐花!所以過去第度食,比我地經過呢度,佢o係openrice好出名!當然要一試啦!我地飲左火麻仁!雖然比較淡,但係都幾清甜!唔似出名落好多糖水!下次試試庶汁糕先!

由於係我屋企附近, 所以我由細幫襯到大, 我最欣賞佢個舖, 樓底特高, 如果夏天坐係入面, 飲杯清涼蔗汁, 簡直人生一大樂事.蔗汁好清甜, 龜鈴膏好經濟 $14細碗. 依架如果我覺得熱氣時, 都會上去買杯蔗汁下火, 每次幫襯時都勾起我好多童年回憶.

小弟近來在中上環一帶上班,午飯時間週圍hae吓. 無聊地行行重行行,喺soho附近一帯發現了平時喺openrice常見,但又未去過既店,十分之雀躍!!第一炮,先試試呢間情懷老店,點既係招牌有關蔗既'蔗汁'+'蔗汁糕'.個人認為2者味道天然清新,沒有一般刻意的甜,令小弟覺得頗舒服,加埋店裡那股懷舊氣息,我覺得藉得一嘗,於是乎我就靠'蔗'渡過咗一個休閑既半小時。但若要小弟刻意過海幫襯,機會不大.

本來並不是有心去這裡~~只是巧合經過~~那就將錯就錯~~買了一杯竹蔗汁~~好甜~~不是一般的死甜~~而是清甜~~可惜這裡不是本人常到的地方~~只能偶爾一嚐~~

昨天中午...路經中環....心諗...應該有得試蔗汁糕掛....(因為之前晚上時份已售罄)問阿姐有無凍蔗汁糕....阿姐話剛整好的...還暖暖的...沒有凍的....蔗汁糕真的很煙韌...有點像馬蹄糕的感覺....(是煙韌的馬蹄糕)(下次要試凍食!!!)另叫了杯竹蔗汁...好濃且夠凍又甜...爽!!!比街邊那些正宗好多呢!!!走時...阿姐仲問我....d蔗汁糕得唔得呢^^

21/4/2008 晚行下行下一個人走左黎呢邊, 唸住叫番個蔗汁糕黎食, 點知都係售罄, 唯有要杯竹蔗汁啦,竹蔗汁好濃而且清甜, 夠凍, 飲完之後你覺得係十分解渴的, 總之就成枝買啦~平時飲開涼茶店果d個味真係好假, 而且介好鬼死甜, 仲好稀…攪到我唔太鍾意飲~下次行過再飲過!!!昨日經過同朋友一人叫左個細的龜靈膏…呢個就真係麻麻啦~好似JELLY咁, 食食下先發現食大盅先至會係正中的…下星期再黎過一定要食到蔗汁糕>.<