公利真料竹蔗水

營業中

休息中

路過附近,來一杯蔗汁為指定動作。今次也不例外。走到身水身汗,掏出七元,店外立飲蔗汁。蔗汁依然清甜濃郁,解渴卻不夠冰凍,有點不足的感覺。下次再來,應加多個動作:蔗汁糕。

去完九記牛腩之後,下一站就來到公利. 來公利係因為見到openrice有咁多好評,所以撐多幾級樓梯都要試吓.叫左呢度最出名既蔗汁同蔗汁糕.蔗汁 ($7) : 又香又甜,一飲就知道是真材實料,無添加.如果唔係落大雨及仲有街去,一定買多支返屋企.蔗汁糕 ($10) : 去到時見到老闆將D白色既粉,用個篩隔住,放落D蔗汁度溶,攪吓攪吓咁就成為蔗汁糕. 老闆娘話D糕未得要晏D先有. 聽下面D食評朋友講,蔗汁糕唔凍就唔好食,所以決定轉頭再去買,然後拎返屋企雪凍先慢慢嘆. 蔗汁糕比起蔗汁無咁甜,清清地,涼涼地,煙煙靭靭,都幾好味.係一個健康又美味的甜品...

22號放工冇野做,同女友周街行忽然想去公利試下蔗汁蔗水蔗汁糕睇下係咪真係好味到拎到咁多好評飛的去到...咦,點解掛左個牌「是日休息,下星期日照常營業」?!當諗緊係咪黑仔到咁果陣, 見到佢道閘半掩,有D人出出入入行去睇, 點知有人買緊龜苓膏,聽聞除左龜苓膏之外乜都冇得賣雖然見到呢個情況,但都明知故問,問老闆有冇蔗汁糕答案係「有! 你想要幾多個?」結果買左兩碗, 同女友share 食個糕真係好正,凍凍地食入口好舒服甜度適中&唔假,入口煙靭唔黐牙不過我件件都拮得入, 冇「彈叉」情況..食完個人都覺得舒服d下次試哂佢D蔗類製品同埋龜苓膏先~

吃完串燒午餐，時間還早，來這裡喝杯蔗水。大熱天時，沒有空調，座位還不是差不多坐滿的，看來這些中式飲料，也不讓鬼佬咖啡專美，亦頗受歡迎的。要了蔗汁、蔗水及蔗汁糕三款。要選吃的先後次序，當要由蔗水開始，味道不算甜，但有竹蔗的甘涼，清潤下火，不錯；上次吃不到蔗汁糕，是次見其在舖後放了不少半製成品的，應該是增產了吧！味道清甜，軟滑糯口，作為餐後甜點，剛好。這一味蔗汁糕，是這裡近年最成功的新產品；最後當然是輪到甜度最高的蔗汁，是朋友的飲料了。坐了良久，也不覺熱，始終這裡，是來完又來的。謝朋友請客。

豪食Lunch後..原來大比都在cwb的另一邊吃著美味的瑞士雞翼於是會合後就齊齊Go上環和中環會客....大約4點的這刻鐘~雖然已吃了Late Lunch~蔗汁同豬扒脆脆仍舊是吸引最後抑制住~到公利抖一抖暑算了....在三十多度高溫下~在空氣混沌的中環~很難受來到店內~在大風扇下坐著...一切已足夠看到鋪後方的一碗碗蔗汁糕~小比已經找到目標了~haha看著玻璃下的Menu~才驚覺原來我倆是第一次坐進來一向都只是站在門外吃~~~~真蠢!堂吃又不是貴一點~點了蔗汁和蔗汁糕~是天氣很熱很口喝的關係嗎~?!嚐到多一點的甜味~最重要是夠冰夠涼~!終於有機會一嚐蔗汁糕了...這機會等了很久很搞笑的..用膠叉拮極都拮唔入~彈力十足~明明拮到入去~最後又彈返出黎蔗汁糕照舊回復原狀......努力努力再努力之後~終於成功晶瑩剔透~甜味較淡~~不過就不太凍~~但店主這新玩意~印象不比蔗汁淺~~下次必定再Encore!~

咁橋經過, 咪試下囉.淨係試左蔗汁糕. 凍就夠凍ge, 第一舊食落就幾清甜, 但之後好似有點不夠甜的感覺...但係都食得過ge.下次試龜鈴膏.

上星期食完九記, 行行下就行到去公利 (咁都俾我撞中, 哈哈哈), 之前見咁多人推介個蔗汁糕, 咁一定要試啦, 叫左碗食. 好煙un 呀 --> 好難"吉" 上黎, 食落口好清甜喎, 以為食晒成碗會好飽, 不過唔係喎, 食完仲飲得落柸蔗汁, 反而蔗汁甜好多, 應該係天然既甜, 好味.

唔知是不是因為太多媒體報導, 又或者太多人係唔係行過都買一杯. 近來多了很多西人都buy我地中國的herbel tea.咁有係既, 飲涼茶都好過飲汽水

12-6-08 (四)中區就是好，融和了時尚與傳統。從裏到外，這裏令人又一次走進舊日的時光。高高的樓底，悠然在轉的吊扇……要了一個細龜苓膏，細滑得很，味道天然，很好吃。蔗汁糕清甜可口，要保留這種清新純潔的味道啊，我們的味蕾已被太多的化學品快要弄壞了。

六月十六日(星期一)上次睇完雜誌介紹呢度既蔗汁糕,原來本身老闆娘只係諗住自己食!點知買出去既反應好好!仲成日一早比OL買哂tim!今日食完勝香園再黎食先!!!如果冰凍d會再好d tim呀!!都幾好食呀!!......唔係太甜,所以唔係好漏!個質地好似缽仔糕咁!!幾得意!!^^之後,我地仲外賣哂蔗汁走番公司慢慢嘆tim!!^^

上次去附近食綠豆沙經過口渴就幫親咗杯五花茶，覺得偏甜，但係味道比起許留山好，不過不失

上週初嚐公利的蔗汁後念念不忘，亦遺憾那次沒有買回家給大少爺分享。前日公眾假期在銅鑼灣與大少爺和他的朋友飯聚後，在回家前專程載大少爺到此，試試蔗汁和蔗汁糕。因蔗汁和蔗汁糕唔夠凍(蔗汁糕剛售罄，要等5分鐘才有新鮮熱辣出爐) ，便買了兩支蔗汁和一份蔗汁糕外賣，回家雪凍d才吃。 原來蔗汁雪到完全冰凍後更口感更佳更順喉 (忽發奇想下次試吓將蔗汁雪成冰條/冰粒可能都會幾好食，但建議慘遭大少爺批評為畫蛇添足之舉 )；而蔗汁糕軟糯煙韌但又不黏稠，冰凍時吃非常清甜可口。兩大支蔗汁好快飲晒，搵日放工食完九記再去入貨先 (希望夜晚都有蔗汁糕賣啦!)

爬了幾個山坡才來到，點知無冷氣，算了，店裏幾把風扇吹住都幾涼爽，趕快坐下，叫了馳名的蔗汁糕($10)+竹蔗汁($7)，清熱解毒1下！竹蔗汁夠晒凍，喝下去心也是涼涼的，雖然細細杯，但都是真材實料，非常清甜，大快人心！蔗汁糕相對來説不夠凍，暖暖的沒有蔗汁般香濃，但也不錯，只是蔗汁更好，吃得過癮，是很不錯的飯後小餐，食得滿足！

前兩天在荷里活道一帶游弋，天色雖不是烈日當空，但也足夠令我汗流浹背行經公利就像在沙漠之中驟然見到綠洲一樣，馬上掏出7個大洋，一手抄起那杯冰凍的蔗汁，那純純青綠色的液體未入口已起了鎮靜神經的作用，蔗汁清冽芳香，醇厚滑溜，最值得讚賞的是它甜而不膩，絕對是蔗汁中的XO!原本想完成任務後買一支回家進貢大少爺，但匆忙之間還是忘記了，反正我以後都一定會繼續捧場的，下次再孝敬大少爺吧

食完九記哩腩伊，當然要下火，沿山路走便到了舊式涼茶鋪裝修的公利，記得竹蔗是最出名的，但最後卻叫錯了竹蔗水($6)，忘記了想要的其實是竹蔗汁 拿起微熱的紙杯，嘗了一口，輕淡得來也有帶一黠竹蔗的清甜，頗有水準的，但略嫌份量太小，唔夠解渴唔夠喉 下次要試竹蔗汁呢!