公利真料竹蔗水

營業中

休息中

吃完蘭芳園, 順便在這一帶的舊樓拍照, 來得中環半山, 少不得的當然是上來飲杯蔗汁啦! 今次我又是早得滯, 無得食蔗汁糕, 反正又熱又渴, 就來杯蔗汁 ($7) 好了。未飲已知是真材實料, 因為店內已有一堆蔗正被陸續搾成汁。我那杯青綠的蔗汁在杯內是深不見底, 濃得化不開, 可是入口卻很甘甜, 是甜但不會令人更口渴的甜, 清清涼涼的很是暢快。既無蔗汁糕就要個小龜苓膏啦, 又沒有, 真氣人。幸好還可以坐在雲石枱旁, 望著古老的吊扇發下呆, 不禁有時光倒流幾十年之感。飲飲下有不少人買外賣, 我就覺得坐低飲抵好多了!

今次搵食第三站就係公利.以前係中環德己立街做野, 有次放工路過公利幫襯過一次佢既蔗汁, 當時覺得好好味好香濃, 無幾耐公司搬左去九龍, 之後試過專登過海走黎想搵番佢, 沿住Soho區既電梯搵, 但係搵極都搵唔到, 今次同事引路, 終於可以再嘗佢既蔗汁, 同樣好好味! 今次試埋佢新出既蔗汁糕, 佢可能落左馬蹄粉或薯粉, 太黏了, 不是今時今日既年輕人可接受, 或者佢諗下改用魚膠粉可能會好味一點.

食飽飯熱到嘔...都唔爭在熱多d...決定走上去荷里活道搵公利!!但係食飽左...食唔落蔗汁糕, 所以淨係要杯蔗汁囉嘩...凍冰冰, 又無0個d 假既"糖水味"...好正大熱天時飲返杯真係無得彈...好快就飲完, 飲完就好後悔點解無問佢有無"大杯裝"?

小弟今日專程來中環朝聖 , 因為上班後就很少機會能來香港區品嘗美食。第一站先來公利 , 嘩 ~~ 好鬼高 , 好鬼遠 , 好鬼熱 ..... 由中環地鐵站行過來都唔好話唔辛苦 , 好在小弟也不是路痴 , 有圖係手都無行錯路 !來到四時左右 , 無客人 , 得我一個 , 叫了碗蔗汁糕 $10 + 一杯火麻仁 $6 , 真是太口乾了 ..... 火麻仁都幾好味 , 不過個蔗汁糕很黏應該落了很多魚膠 ..... 味仲很淡 , 我就鍾意食茶樓的馬蹄糕多一點 , 比這個好囉 .... ! 所以我見議不是太突出 , 唔需要一定專誠來食囉 !!!

As I didn't know there is such a famous shop in Central which specified in selling sugar cane products. One day my wife bought me a dessert and asked "Do you know what this is?" I don't know, I gave it a sniff, it smell a bit grassy then I put a piece of such dessert into my mouth....Hm.... Hm... It's sweet (Of course it's sweet, is there any salty dessert in the world? I told myself) , the mouthfeel is like Chinese pudding....Hm....Hm... AH! I know what is this! Its a 馬蹄糕 w/o 馬蹄 and 蛋花.Yes, th

琴日陪媽咪去central body check ge report。亦是中環食食食之旅。食完勝香園同九記牛腩，再轉戰公利蔗汁糕。之前黎過一次，但太早未有得食，今次終於有機分一嚐了！去到門口先一點，佢話要等10 mins先有，叫我地入去坐住先。個阿姐好好人，見我地等，佢就去兩碗整住先。等了不久，阿姐就遞上兩碗蔗汁糕。非常黏，黐住隻fork ~同埋仲好熱。味道唔錯，好有蔗汁味，又不會太甜。可能我地趕住要，如果晏些來食，口感應該會更佳，起碼會凍D~還買了一枝蔗汁，超甜，非常解渴。

食完沾仔記, 想起附近既公利心想今次應該有開吧! 便跟親愛的同如如出發行了一會兒斜路便到了(一路上有很多野貓呢)鋪裡既空氣滲著古老既氣息, 擺設很有古色古香既感覺享受食物, 同時也是享受氣氛還是說回食物吧!! 我們叫了蔗汁糕 + 蔗汁蔗汁糕($10): 蔗汁的清甜和煙韌，不會過份魚膠粉既味道，而且夠凍!因為銷得很快, 時常見到食評話唔夠凍呢, 可是$10都幾貴蔗汁($7): 保持一貫水準，濃濃既蔗香，清潤，喝下去暑氣全消~ 也想起上年做暑期工的時候, 親愛的特登拿蔗汁給我的片段呢!第一次試既如如大讚呢! 難怪在晚上仍不時有人外賣蔗汁!下次要同親愛的跟如如試試龜苓膏!!

2008-08-18買了杯$7 的公利蔗汁一飲就知對路，絕對無添加，真正o既蔗甜是，這是細個時先成日飲到o既正宗鮮榨蔗汁其實都試了同事的蔗汁糕，但唔係好蔗，口感魚膠還是蔗汁好

天口熱, 店內雖然開大冷氣, 但入口一杯清涼蔗汁, 拮一舊蔗汁榚, 足矣.蔗非常甜, 與一般生果鋪不同, 多了一種草味, 色澤亦非常深. 友人吃不慣, 我倒喜歡這份餘味. 眼見老閭將半打甘蔗放入榨汁機去壓, 壓過的蔗渣拖出來又放回去, 前後十多遍才拋掉. 印象中街邊榨汁只係幾汁就了事, 可見公利的蔗是特別多汁的.蔗汁榚煙勒, 蔗味隱隱然很實在上枱時仍覺微溫, 愛凍食的朋友可能不喜歡. 但榚點帶暖口感和香味更佳, 即是大熱天, 仍是消暑妙品.

到訪泰昌後，順道到公利試下蔗汁。未有蔗汁糕，於是要了一杯蔗汁($7)。嘩！真係好清甜，完全係蔗本身的甜，而不是糖的甜味！！飲完真係好解喝，成身都涼哂！臨走再買了一枝蔗汁($22)，拎返去同屋企人分享。

天時暑熱, 所以今次中環之行其中一個行程係去公利飲杯冰涼的蔗汁...舖面真的很古式古香呢. 點了著名的蔗汁同蔗糕. 蔗汁好清甜, 而且甜得嚟唔會封喉, 飲完唔會係勁想飲水. 夏天飲杯呢啲咁清潤的蔗汁, 好過飲汽水啦.蔗汁糕係微暖的, 最初以為係凍o架...不過都冇緊要, 一樣咁清甜煙韌, 好好味.....坐係咁懷舊的店舖食嘢, 一切都好似時光倒流........

食完勝香園，就順勢去埋"公利"嘆晒佢個蔗汁糕..離遠已經見到有唔少人不停影公利既古舊舖面...舖頭內有3個時下既年青人, 不過店內就有不少古舊裝飾....木櫈..木圓桌...古老既錢箱..感覺唔錯 蔗汁糕 - 佢地唔會雪凍...放響室溫下...但都好有蔗味...問過年青人話只係用馬蹄粉同蔗汁黎做....真係真材實料.. 五花茶 - 好飲過阿媽煲果d...即係仲好過住家製... 龜芩糕 - 材料味都好濃...最欣賞就係有分 "大，中，小" ...岩晒d小姐門...

常在食評看到好多讚，難得到中環，一於要去試。問過途人後，搭上很長的扶手電梯，出了扶手電梯再行一條街就到了，不算難搵。由於去到時才一點鐘，佢話未有蔗汁糕，要等到點半先有。無可能坐咁耐啦，真是失望，唯有下次再試。於是要了一杯蔗汁 ($7)。好冰凍，得甜，亦很有蔗香。一杯唔夠喉，於是又買多一支 ($22) 回家。傳統舊店同幾個後生仔店員成了強烈的對比呢！

為了節省金錢吃了abc的鬆餅後來這裡喝一杯汁就一餐行到汗流狹背喝汁真是透心涼而且甜度適中飲完都不會口渴十分好期待再和朋友來試汁糕

離開泰昌, 我地又沿路上荷李活道啦! 呢日天氣真係好熱好熱, 就快頂唔順之際我地見到呢間又幾多人又舊"咩咩"既鋪頭, 有feel喔, 二話不說我們就點了招牌蔗汁同埋蔗汁糕。等左一陣, 蔗汁一入喉嚨果種感覺簡直形容唔到, 好清甜好潤喉好舒服,總之難以形容, 不過就覺得唔係好夠凍,再凍d就更加透心涼！蔗汁糕就好普通一舊糕，冇咩特別，而且十蚊一舊超唔值，下次會再來，不過絕對不會再叫蔗汁糕.