八妹雞煲

營業中

休息中

為慶祝弟弟下月初生日，跟他食豪少少。大埔太和這區，很多又抵又好食的餐廳，今次挑這間八妹雞煲。蕃茄肉蟹花甲鍋 $288蕃茄肉蟹花甲鍋超多料，有ㄧ隻完整的肉蟹在內。花甲也有十來隻，絕無欺場。不明白為何肉蟹這樣多肓，但我食落實在開心到震!蕃茄湯底比較偏甜，濃濃蕃茄湯，含淡淡肉蟹鮮。其實以此打邊邊，不大需要點其他醬料。$288 不便宜，但其實個鍋很多配料，如甜粟等，食完已半飽。計番數是合理的價錢。因為湯底好滋味，我倆點了很多配菜來 enjoy 此鍋。牛坑腩 $98第1次用煮熟了的牛坑腩來打邊邊。牛坑腩不怕滾耐些，令其充滿蕃茄味。牛坑腩超嫩口，一試愛上!!!脆肉鯇魚片 $58脆肉鯇魚片好新鮮，脆身爽口，一滾即食。Encore 之選!野生竹笙$50竹笙吸收了蕃茄湯汁，跟此鍋超配的!梅林午餐肉 $48切成三角形的梅林午餐肉，非常易入口。配埋蕃茄味湯底，好滿足!魚皮 $28大大份魚皮，好爽脆!黑啤 $32用來下一火的黑啤，無辦法，小妹就是愛酒精。竹庶茅根 $32多料又甜的竹庶茅根水!令我回味的蕃茄肉蟹花甲鍋 ，現在想起仍令我口水直流。弟弟也想再食多次呢!

大埔原來都有間人氣又唔錯嘅雞煲之選，八妹雞煲。7點中去到已經好多人，好好彩啱啱走左幾枱客就有位坐一坐底叫左半隻雞嘅雞煲，畢竟兩個食都好夠一食落口，估唔到味道相當出又野味，好多唔同嘅香料! 辣椒!配左個炸魚皮同1664，好match，1664好清甜易入口炸魚皮好酥脆秘製辣醬，有麻香同埋都幾辣，不過我接受到，加落d雞到就係另一種享受

今晚約了朋友食晚飯，因為朋友知道我未食過雞煲，所以就帶了我來這家位於大埔的八妹雞煲。這家餐廳地址雖然是大埔但由太和去會比較快，由火車站步行過去也不用十分鐘，所以我們就由太和過去餐廳了。本來我還以為食雞煲餐廳會非常多油煙同好焗等等，但這家餐廳空氣很流通一點也不覺得焗，枱面非常乾淨一點也不油，坐位也很寬敞不會令人坐得太逼很辛苦。一坐下當然急不及待地先看點餐紙，餐廳除了吃雞煲外還有火煱和很多小食可以選擇。因為我們共有四個人，所以我們點了一隻秘製的雞煲 $198，還可以選擇雞煲的辣度，因為我不太能吃辣所以點了微辣。等了一會我期待了很久的雞煲就上枱了，雞煲內還有洋蔥和芫茜等等配料，搞拌後雞煲香味真的令人忍不住立即開始吃。雞的肉質非常嫩滑好味加上微微的辣味，真的令人吃完一塊會再吃下一塊。吃完美味的雞煲當然不能小了用原來吃完的雞煲餘下的汁加上餐廳附上的湯底作火煱湯底，這樣真的非常美味。因為我們己經吃了雞煲所以只點了小量的火煱料吃，首先當然不能不點吃火煱必點的響玲$38 ，這個響玲真的非常非常大塊，真的覺得非常好味又抵食。再來也不小得點了火煱一定要食的墨魚丸$48 和芝心丸 $48，墨魚丸真的非常彈牙

工作忙碌之餘，都用美食充實人生，雖然近年新陳代謝變慢了，以往吃很多都不會胖，現在呼吸都變胖⋯再加上被美食寵壞了⋯平常都吃太好，而且越吃越好～這樣的人生真是吃貨人生～雞煲～在我的評價中好像只有一間是劣評～要趕在春夏交接之前再來一次品嚐未嚐過的店～大埔非常近我家～所以很快就決定呢間～八妹雞煲，入到去認真覺得環境唔錯，坐位都算舒服，而且空氣都很流通，唔會話一入到去就好重油煙味～店員馬上為我們介紹和落單，當然為雞煲而來，點了雞煲選擇了小辣～不用5分鐘就有得食～而且送上來的直接可以食~攪拌一下後，香噴噴既雞煲馬上食得～小辣的味道對我來說剛剛好，雖然雞肉都很嫩濃，但卻也很入味～一隻雞不到10分鐘就被吃光光了！之後加上濃湯，我們又點了配料來滾火鍋～脆炸魚皮$28，非常抵食！很大一碟～份量等於我平時出面order的兩份！脆脆的，魚味十足～響鈴$38，大大份響鈴上菜時仲係熱辣辣～湯汁包住響鈴，勁惹味！西班牙豬腩片$58，油脂分布平均，而且厚薄適中，真係好好味！另外熟食有我最愛既麻辣黑豚豬大腸$42～呢個豬大腸煮得勁淋，而且醬汁滷得非常入味😍強烈推薦～～不用去到旺角、荃灣又可以食到一樣水準雞煲～當然要分享

在網上見到唔錯嘅介紹！所以同家人試下新野！我哋幸好早到！如味唔係要等位啦！好多人幫襯！跟鋪頭名一樣～出名食雞煲！係好多人既至愛我叫了一個細雞煲，味道很濃！充滿香料～有洋葱，麻籽，姜，花椒八角，芫茜，落足本錢！雞既味道肉質鮮嫩，有彈性！已經被香料包著！靚呀！乖唔知每檯都必食啦！！仲有舖頭內職員很細心，每檯都已經放一樽上湯備用！我又叫了西班牙豚豬腩片，價錢超抵！每塊豬腩片薄薄的！好容易就熟！口感一流！不肥膩！靚呀跟住我又叫一個軟殼蟹！脆卜卜，有很多隻，有羔，又新鮮！舖頭老細很有頭腦呀，有天地壹號蘋果醋添 ！令我哋飲了，更加開胃！味道唔錯！酸酸的！甜甜的！

九龍區雞煲就食得多，新界區真係第一次，今次特登山長水遠入黎大埔食八妹！首先要咗半隻唔辣雞。（其實我想要中辣，但同行朋友唔食得辣…）香濃醬汁，配上洋蔥、莞茜，非常香口惹味。最重要嘅係，雞肉冇雪味！肉質嫩滑，火喉剛剛好。好相信加辣味道會更上一層樓！食完雞之後，倒入清湯，味道亦不俗。打邊爐必叫響鈴是常識吧！濃濃湯汁配上脫炸響鈴，正呀！安格斯肥牛及手切肥牛個人比較喜歡手切肥牛，牛味較重，肥瘦更均勻。朋友則更愛安格斯肥牛，較薄切、較爽口。各有口味吧！大蜆及雙拼蚌海產都非常新鮮，冇腥味。特別推薦珊瑚蚌，非常爽口鮮甜！鴛鴦滑十級推薦！真材實料，真係食到一粒粒蝦肉同埋墨魚肉！兩滑都打到起晒膠，口感一流！芝士丸及什餃竹笙及菜菌拼盤

要講大埔雞煲，八妹絕對是數一數二！多年前吃過一次，但已經不太有印象。今日重臨舊地，再次品嘗一下這間有名的雞煲店！以往小時候跟媽媽來吃過一次，已經覺得好好味，他們的雞好稔唔似出面果Ｄ咁鞋，而且媽媽成日話呢間好抵食，而且夠晒大碟，叫埋爸爸同朋友都唔使２００一合個人！<<一品雞煲>>不用多說，這是必點的，叫了半隻看看味道如何！選了無辣的口味，醬汁非常濃郁惹味，非常好吃。配上大量芫西，味道更上一層樓。<<天地一號>>見到menu有內地大熱的天地一號，其實它是蘋果醋。打邊爐配蘋果醋感覺較易消化。味道酸酸甜甜，不想點氣水的朋友可以一試！<<竹笙>>份量極多，而且很大塊！超愛笙生的我十分滿足！質感十分爽口，沾上雞煲的惹味的醬汁，味道一流。<<蔬菜拼盤>>十分驚喜的是，拼盤罕有地用上秋葵！而且蔬菜每樣都非常新鮮，也洗得很乾淨！<<炸軟殼蟹>>八妹的熟食也做得不錯！軟殼蟹炸得非常脆，粉不會太厚。份量不少，值得一試！<<手切本地肥牛

有個朋友話呢幾日好少食肉，拿拿淋係附近搵間打邊爐、放題或者韓燒既餐廳，咁岩係到橫街搵到間雞煲。雞煲岩晒成班食肉獸。但係除左隻雞要新鮮好食唔夠，仲要講埋雞煲個汁。雖然呢間個汁唔係好突出，但勝在呢到既小食多，連肉既種類都多過人，就係岩晒我位朋友。呢黎飲返杯1664，睇菜單以為係有果香味既1664，但飲落先知唔係，不過好彩唔係白啤，如果唔係杯野得個睇字。其實我個朋友就姐係我，係佢既雞煲同肉未到之前，我已經忍唔住一嚐佢個軟殼蟹。通常食啲炸野都係有陣油味，特別係打邊爐之類既鋪頭，但係呢個軟殼蟹令我打破框框，而且粉肉比例相若，脆得黎又食到肉、咬到殼，所以係雞煲未黎之前己經食左一半。主角出埸味道適恰，最怕太過濃食到飽飽滯滯，同埋佢又唔太咸，唔洗成日飲野飲。雞肉非常幼嫩，就連雞翼都食到一絲絲既肉，信相都有一定保證，但我就覺得d配菜差少少，洋蔥厚切令到最後食佢果陣唔入味。 

雞煲呢家野, 食過一次係會上引...見到佢係大埔開左分店, 仲要近我呢頭, 當然要去試試啦~係太和港鐵站行過去只需十分鐘, 位置都唔難搵店入面都幾大, 位與位之間都好闊, 環境都幾乾淨....我地點了秘制八妹雞煲, 店員見議我地叫一隻雞....而佢呢到可以選微辣, 令到有D唔太食得辣的朋友都可以接受到, 呢個真係做得幾好好啦, 雞煲黎到, 份量都幾大, 而且D雞煮得好入味佢仲加左好多好芫茜同洋蔥, 雞肉的肉質都好嫩, 而食落口有少少麻辣的感覺另外醬汁好多, 而且味道同雞好夾, 我地幾個女仔一隻雞都食得晒啦~當我地食完之後店員已經放低左樽湯俾我地加入去個煲到而我地都點左西班牙豚豬腩片, 秀珍姑, 桶蠔,竹笙同響鈴另外西班牙豚豬腩片, 佢切得好薄, 雖然睇落去好似好肥, 佢係無醃制過的, 但食落口好甜同完全食唔出佢既豬油味, 好新鮮!!因為本人最怕就係食肥豬肉, 但呢個我自己一個人都KO左一碟呢到的份量係好大份, 而且好新鮮, 佢既響鈴係唔同出街食的, 係佢地店自己炸,好好食, 而且佢送黎既時候仲係熱....呢個真係值得去試另外桶蠔好大隻, 真係滿足晒我地呢D餵食人~值得一講既係佢既海鮮全

前幾日傾起雞煲，今日就去食依間雞煲雖然冇咩人寫feedback，但好多大埔友都知依間好食兼出品正雞煲我地叫微辣，個汁其實唔算辣，係惹味我地下次應該會叫再加辣D XD好鐘意佢個汁咁多料，識食雞煲一定係食完留番D汁係自己隻碟講番主角雞啦，雞肉夠入味而且唔老不過稍嫌多骨左少少 （小編係懶鬼)有幾樣覺得好正第一係蘋果醋，32蚊勁大枝而且邊食雞煲邊飯好開胃，酸酸甜甜～正！第二樣野係豬腩片，58蚊好多片！而且幾快熟，肥瘦分明，食落有層次得黎有種入口即溶感覺我地叫左兩次豬腩片！！仲有一個係蒿苣，依個好好食知係咩既人都知依種菜整既話好煩但依度竟然有！！！！好好食，超爽超脆～大定下次黎不訪一試～

一直很小來大埔區搵食,要不是友人剛生了BB,也不會到這兒探望她呢18歲便生下BB,將來的路很長呢探過BB後,便跟她們一家到附近吃火鍋,她們說有一家超讚的,到底是什麼呢一家叫八妹雞煲的,之前從沒聽過她們說招牌辣雞煲最值得一試,想不到味道真的不錯,辣味足夠,雞肉夠嫩滑,吃起來口感不錯而且份量也算是多,3人一起吃剛剛好吃完之後點了個雪花肥牛做火鍋,味道比一些一流火鍋店更好,因為用料正宗吃起來肉味濃郁,而且配上剛剛的辣湯底,更加入味三分帶子則麻麻地,不夠新鮮,吃起來完全不吸引最後值得一讚的是響鈴,放進鍋裡時真的炸炸聲,証明是剛剛炸完立刻拿出來給我們的,吃起來相當脆口巧正呀!!!!值得支持的小店,今天總算沒來錯

很久沒有吃雞煲了,當天氣又突然轉涼時,就是出發食雞煲既好藉口了而今次揀黎八妹雞煲,係因為呢到既材料選擇多,特別係海鮮有很多種類先黎個微辣雞煲,對於我呢個食唔到太辣既人黎講岩岩好,辣既味道亦唔會蓋過醬汁本身,雖然我地只係叫左半個雞煲,但係雞既份量已經有好多,食到最尾先至食得哂食左幾件雞後,急不及待加湯打邊爐先黎鴛鴦滑,即係有蝦滑同墨魚滑兩種,蝦滑既味道比較重同鮮,食落去非常彈牙,好有口感,不過個匙太大有D唔方便,要用筷子幫手先容易將蝦滑同墨魚滑擺落煲到水魷,每次火鍋必點食物之一,非常新鮮,一上黎已經食左半碟,好爽口,加上佢切得幾大舊,咬落去既感覺特別正本地手切肥牛,呢到既牛有好多選擇,難得大擦一餐,當然最揀最好味既,牛既肥瘦比例岩岩好,第一下食落去好有驚喜,因為的確好有"牛"既鮮味,唔似平時食開既肥牛咁淡而無味,而師傅切既厚度亦岩岩好,咬落去唔會太薄無口感之餘,亦唔會韌雙拼蚌,呢到既海鮮果然無令人失望,見到蚌已經覺得好吸引,平時買開既蚌淥一陣就已經會縮哂,但今次同朋友就算淥好耐都唔會縮,咬落去亦好鮮甜同爽,而右面個隻有調過味,所以食落去既味道更濃美國桶蠔,非常肥美的蠔,放係枱面已經聞到佢

小妹居住左大埔已經二十幾年啦，由以前冇乜好食餐廳既大埔變到而家有好多好出名餐廳既大埔，幾乎都唔洗特登出去九龍尋覓美食啦，大埔好多東南亞既美食都可以搵到，須然地方細細，但都有好多野行好多野食架，我同我班由細玩到大既大埔朋友，大家一夾到時間都另願留番係大埔進行我地既飯局，前排天氣真係勁凍，又唔想食西餐又唔想食日本菜，所以我同我朋友都一致提議去食番個雞煲兼打邊爐，我地好早去，收工就過去啦，時間大約六點左右，所以冇乜人，唔洗等位，好快就入座啦，原來擴充左搬左新鋪丫，新鋪位置都係o係以前舊鋪旁邊，好大好舒適丫，4000呎新店，因為八妹雞煲岩岩開將既時候店鋪較細，我試過等左兩個鐘先有得食，而家佢轉左新鋪，又大間左咁多，唔洗等位等咁耐啦，正丫！八妹雞煲位置在大埔舊墟直街4-20號美新大廈地下A1號舖4000呎環境舒適，座位都好闊，坐得好舒服！我同我朋友都極之肚餓，所以一坐底就急不及待拎點菜紙點菜啦！都幾多選擇架，因為話明食雞煲緊係先食雞煲後打邊爐啦，首先選擇要咩口味既雞煲，分別有勁，大，中，小，微，不辣選擇，有五種辣架，我同我朋友都唔太食得太辣，所以選擇左1隻雞要微辣，我地係勁愛食雞，所以緊係要點一

之前食過雞煲辣辣地幾野味 ，今次唔食辣都可以好好味 。呢間嘅雞煲唔洗再等煲熟，上到枱就已經可以食 ，雞肉既肉質嫩滑唔鞋口，雞煲醬汁鮮甜入味，收集左雞嘅精華，係食雞煲嘅重點之一  。食完雞就加雞湯，頭一輪先食素菜，豆卜好似海綿，可以吸收晒湯嘅味道，令豆卜更鮮甜 。蜂巢豆腐好有咬口 ，有蜂巢狀嘅豆腐吸收湯汁，豆腐加雞湯味道好正 。海產類有呢個大蜆，食材新鮮 ，六大件放入雞煲內，煲左一段時間都仲有鮮味，好滑溜 。口乾乾飲杯凍檸柑桔，大大杯好抵飲，柑桔味好重 ，打邊爐飲就岩晒啦 。

食雞煲有辣有唔辣，任君選擇。若唔食得辣，但又想試試，可以選擇唔辣嘅雞煲，再另上一碗辣汁，試試自己可以接受嘅程度。 雞煲香濃惹味，因為雞煲用了好多配料所以好香!，睇落好足料，雞件大大件同啖啖肉，好夠入味!蟹子墨魚滑整得唔錯，打到墨魚漿恰到好處，煲左一段時間，口感十分爽口彈牙。豬皮好有彈性，色澤光鮮，好有口感, 好好食! 係打邊爐時候食簡直係一流。天地壹號蘋果醋，樽身看似啤酒，原來都幾好飲喎，仲會有職員幫忙加醋，服務唔錯。一支幾個人飲好快飲晒，每人一支就岩岩好。 可以消滯解膩!