八妹雞煲

營業中

休息中

係大埔，八妹可算是原祖級雞煲店，而每逢節日慶祝飯聚，都會揀嚟八妹，因為坐得舒服之餘，用料新鮮，係我地朋友圈嘅飯堂。 甫坐低，唔使諗，秘製麻辣雞煲走唔甩，好鍾意佢果隻麻香味，嗅到香噴噴四射，餐廳姐姐好好，會幫手搞搞個雞煲，提我地夠時間先好食，真貼心。雞煲既雞入哂味，食到lum lum唎最重要係麻而不太辣，啱啱好！底下果d配菜洋蔥、大蔥仲惹味，食到尾係唔可以放過佢地😁😁 食完隻雞，飽咗半成，繼續努力打邊邊。八妹嘅用料新鮮，除非本身唔鍾意果種食材，否則都覺得好味，尤其安格斯肥牛，睇樣都流口水，肉脂均勻分佈，食落好重牛肉味，肉質一流，每次都必食item😋😋 。蜂巢豆腐，有時嫌普通豆腐一睇漏眼就滾到變豆腐花，呢隻凍豆腐係我另一選擇，食落有d咬口，吸咗雞煲汁真係好美味。響玲，呢度好似自家製既樣，好味，必食。脆肉脘，好鮮甜，大片，雖然唔厚身，但夠寬大，焯一焯，爽爽地食就最正。生菜，唔使多講，淨睇相都知靚仔、爽甜，夠新鮮上面呢碗好野，要比拾蚊雞架，係八妹秘製麻辣醬，介紹比嗜辣既你，唔好走雞，用黎點餸一流。

成班人出街 一齊食飯 緊係火鍋 入左呢間食 一黎叫左個唔辣既雞煲 一聞就覺得好香 醬汁好惹味 唔會太鹹 又夠入味 啲雞又好嫩滑 係有質素既雞煲 仲令人越食越想食個本地手切牛肉 值得推介 因為啲脂肪分佈均勻 有入口即溶既感覺 又好有牛肉味 加上由於係手切 切到好薄 所以口感係好似張紙咁薄仲有個桶蠔都好肥美又新鮮 大大隻有半隻手掌咁大 裡面既蠔汁一食係必晒出黎 正！加上碟脆肉鯇魚 令雞汁索晒入去魚肉裡面 令本身爽脆既鯇魚加上雞汁味 直頭魚有雞味 仲有個椰子冰 大杯又抵飲 好濃椰子味 好清甜侍應既態度都好好 好有禮貌 主動向我地推介野食 全部都好正 鐘意食雞煲既不妨去試下 食物新鮮 愈食愈滋味 令肚腩大一圈

今晚係同屋企人去食晚飯，由於屋企人愛吃雞煲，就諗左去食佢地呢個招牌菜。份雞煲一擺上台已經係超香，好多配料包括洋蔥，蔥花，蒜頭，芫茜等等，溝埋餐廳佢地自制既雞煲醬汁，食落口除左陣香之外，舌頭係感受到佢果個似似地咖哩口味但又唔辣既味道，總知係好惹味，令你食完一舊雞又想再食多一舊。而雞件就索晒醬汁入雞肉，彈牙既雞肉又夠滑，係頗有味道既雞煲。至於當雞件食完，就擺碟羊肉片落去煮，雞汁醬竟然異常同羊肉片地夾，仲將羊肉片本身既羶味都遮埋，而羊肉片由於本身夠薄，所以煮熟後係好似芝士咁滑。最後仲有碟魚皮餃，餃皮唔厚，唔會好似出面既餃咁樣好似食餃皮多過食魚肉。呢隻魚皮餃就將雞汁留係餃皮外面，令餃裡面既肉保持返鮮味同魚肉味，所以令魚皮餃不失原味。

入大埔探朋友，大家想食雞煲，朋友話入大埔食雞煲，八妹雞煲係比較出名，多d人去，咁我地緊係跟地頭蟲搵食~一睇個菜單，好多選擇，有海鮮點，其他不同肉類都有齊，仲有田雞㖭~ 秘製雞煲估唔到雞煲/湯底都有咁多款揀，又有胡椒豬肚雞煲、鮑魚雞煲、蕃茄肉蟹花甲煲...全部都好有特色，下次可以試下! 個雞煲好香，香料配料加上雞既香味，真係好香~ 而且隻雞好滑，好有肉，加上洋蔥既香味，令到味道更加豐富。而且加左湯，味道都仲好夠味，仲可以點洋蔥或者莞茜加入湯底再豐富一下湯底既味道。桂花蚌睇落色澤幾好，食落好鮮甜兼爽口彈牙，比較起珊瑚蚌，桂花蚌較滑身同甜，我鍾意桂花蚌多d手切肥牛一睇肥牛已經知好正，脂肪比例均勻，薄薄一片，入口即溶，牛肉味都好濃椰汁冰椰香味好濃好香，而且唔會太甜，食雞煲打邊爐飲呢個冰，簡直透心涼，又解渴~ 大埔都有雞煲食已經好驚喜，而且仲要咁好味，抵讚!

一大班人，完了手上工作之後，有朋友提議去食雞煲我們找了附近的八妹雞煲一行十人，要了2個煲胡椒豬肚雞煲 - 胡椒味都幾出，雞夠滑 普通雞煲 - 中辣 - 可以接受，味道都幾濃郁 其實一入餐廳，已經聞到那辣辣的味道！ 超香超香先來幾個小食 軟殼蟹 - 炸得好香口 麻辣豬耳 - 麻麻辣辣，食落口咯咯聲，好味 芝士豆腐 - 熱食好正，芝士味香 食完2個雞煲，打邊爐大家都好落力叫野，叫到成台都係。 大家都覺得，圍埋一齊食野，最緊要食得開心，食得豐富 .... 樣樣食物都好新鮮桶蠔，都好大隻，而且熟左之後好鮮味。  大蜆 - 洗得好乾淨，好甜 韭菜餃、雲吞 - 好飽滿 韭菜餃越食越香 雞子 - 好大好大好大粒 熟左之後都係好大粒，本身沒有味道，但我很喜歡它的口感，皮脆餡似豆腐，點鼓油或滲在辣雞煲中來吃，非常惹味！ 手切肥牛、安格斯肥牛、雪花肥牛 打邊爐一定要有牛既的道，在湯中飄15秒，很嫩很嫩 說不完的美味 .. 真係要一來再來 ‧‧‧

和兩位朋友去大埔吃雞煲由於朋友不吃辣所以叫了不辣的鮑魚雞煲半隻$178.....鮑魚份量不太多，只有數隻左右~但配料卻很足多靑感覺不太肥膩，洋蔥也很清甜。。。。醬料選擇不多，但也有最基本的芝士豆腐（$48）本來已經熟了....芝心位是分散開的，很正鮮茄湯底（$68）蕃茄份量很多，甜甜的桂花蚌（$108）感覺有點兒貴，但很爽口豬大腸（$58）本來已經熟了，但不夠味，要用蕃茄湯底燙一燙才好吃蔬菜拼盤（$58）南瓜有點像魚翅瓜的感覺天地一號（$32）很大支的凍0柑桔（$28）響鈴（$38）超長的響鈴，大大件，也很脆北海道尤魚（$58）。。尤魚很爽，燙一會兒便可以吃了，但不太入味總共三人吃了七百多~

今時今日原來仲有人未食過雞煲！朋友此話一出大家立馬book了大埔人氣雞煲八妹雞煲大家一起去朝聖。吃雞煲點菜點到一桌子食物最滿足，因為我們多人的關係，點了2個鍋，秘制八妹雞煲和胡椒豬肚雞鍋。份量相當足料，足足2隻雞，很老實的街坊生意。胡椒豬肚雞鍋我不太能吃辣，主攻胡椒豬肚雞鍋。湯底非常清甜，未打邊爐之前已經喝了2碗湯，非常入味，濃郁滋潤，雞件亦十分新鮮，完全不油膩。秘制八妹雞煲能吃辣的朋友負責包辦雞煲，醬汁香濃，洋蔥、辣椒，共冶一爐。將鮮嫰雞肉迫出鮮味，辣得來非常香口，越吃越滋味。吃完雞煲開始打邊爐，肉類首推牛肉粒，有𡁻口之餘充滿牛肉味，不會太多根和肥肉，而且啖啖肉，非常吸引！海鮮類當然也很喜歡，桶蠔大隻到不得了，珊瑚蚌爽口鮮甜，蝦滑吃得出是師傅手打鮮製，很考功夫。打邊爐必點的名物，完全沒有令人失望。火鍋小點系列最好吃的是響鈴，真的是即叫即炸，不是包裝品那種。師傅火喉相當夠，是百吃不厭的炸物！連第一次吃雞煲的朋友都讚好，我們不是經常會去大埔區吃飯，但如果要推介朋友，八妹雞煲一定是大埔區的喜愛系列之一！

之前係舊舖食過一次好回味, 今次約成班朋友去新舖食我地叫左一隻中辣, 依然都係咁惹味, 甜甜辣辣, 而且雞肉肉質好嫰滑, 店員仲好細心, 叫我地盡快食左D雞佢, 煮得太耐會韌影響口感我朋友教我食雞煲要訣係食哂D雞之後出萬吾好一次過將湯加到满, 咁樣就會之後煮D野好快無味,食雞煲同所有索味既食材都好夾, 今次我炸支竹同豆卜, 食落口豆味好香, 加上辣汁味, 正呀另外我地仲叫左手切肥牛, 肥瘦厚薄適中, 係雞煲入面淥兩淥就食得, 食到牛肉味好濃, 入口好軟滑, 好味

今日去完大埔行山之後一行人就去左食雞煲,一入到去冷氣十足~ 正我地叫左一隻雞~ 因為我地都鐘意食雞煲D雞件加上我地都吾係好食得辣~ 所以我地叫左小辣~食落去真係好香好惹味~ 雞又吾會煮過左火 不過比想像中辣(下次試下叫微辣先)食咁多次雞煲都未試過用牛腩加落去~ 估吾到都幾岩WO~ 佢本身已經煮熟左D牛腩~ 但食入口又吾會太韌~ 幾有牛味食得雞煲又邊小得肥牛~ 我地叫左安格斯肥牛~ 係岩岩食哂D雞未加湯既時候淥熟去黎食就最正~ 香辣味加食濃郁的牛味正食辣野點可以無飲品呢~ 我叫左個椰汁冰~ 解辣一流~ 佢同出味哥D椰汁冰吾同~ 出面多數就咁用椰奶溝水~ 但係佢就真係用椰子肉搞碎~ 所以味道特別濃郁

今日黎到大埔搵食, 雖然天氣有小小熱,但係我完全比雞煲既香味吸引左我同朋友叫左個$198雞煲(一隻)可以揀半隻($128)佢重可以揀辣既程度由於我同朋友都唔太食得好辣, 揀微辣就岩岩好喇!雞煲既汁料非常惹味,真係愈食愈想食~而且雞肉很嫩~食完雞煲入面既雞我地就點左好多火鍋配料,用美味雞煲既汁繼續打邊爐推介要食佢地既生蠔又大隻又新鮮非常肥美! 正呀!另外再推介椰汁冰係用新鮮椰子鮮搾出來椰味重, 好飲!食辣辣雞煲+杯冰凍既椰汁冰!透心涼呀!!非常滿足的一餐會再幫襯喔!

晚晚都旺場的大埔雞煲，兩個麻甩佬食一隻走唔甩，雞煲而家係香港多過米舖，究竟呢間點解咁旺場？答案係.......我都參透唔到，第一，雞煲自我懂事果時已經知道應該係咸麻和辣，我第一口試這煲時第一個反應係，甜既喂！雞煲甜已經係死罪，所以當我今次未能中肯地寫食評，this is not my cup of tea,我去食番麻卑雞好過！但咸魚青菜各有口味，愛甜的你可以一試！所謂必吃手切牛咪上當,雪藏牛，無肉味垃圾。必吃雜餃，上到枱聽見都好笑，仲要$50得八粒，魚皮好難食，有怪味，垃圾中的垃圾其他野普通貨式，不值一試,順帶一提，這𥚃只收現金，價錢偏貴，物非所值，我兩條友習慣叫到成枱都係，差D兩個只能活一個,一個要去洗碗😰 👧$28 魚皮真·好Q難食呀

約左幾個月的飯局，今日終於可以食喱間雞煲!入到去已聞到好香的雞煲味，搞到更加肚餓，我地就當然楝最出名的「秘制八妹雞煲」半隻，分別有不辣，微辣、小中大勁辣。大大杯檸茶,慢慢嘆主角-秘制八妹雞煲(中辣)唔知店員係唔係知道我地好肚餓，等左一陣就拎左雞煲上黎。雞煲入面有洋蔥,莞茜等配料與雞肉的味道非常夾，一邊食一邊聞到好香的味道。雞肉夠嫰滑，唔會太老岩岩好!(值得一讚)。我覺得d汁唔會太稀，味道夠濃郁，濃濃的醬汁包住每件雞!所以要叫薯粉或烏冬就可以吸晒D汁同精華。食到一半，就係時候加清湯打邊爐~枱面已經預備一樽清湯。我地叫左混丸,午餐肉,油麥菜,薯粉，重有店員推介必食”即叫即炸響鈴”、芝士魚豆腐。雜丸&午餐肉午餐肉切得細細舊，一啖一口。即叫即炸響鈴無論係屋企或係街打邊爐，我都會叫響鈴,今次喱度重要係即叫即炸響鈴而且見到每檯都有叫就知道一定要試。響鈴一來就要盡快食，因為啱啱炸出來，熱啦啦，入口即化，脆卜卜。如果擺耐咗，軟咗都唔緊要，打邊爐一樣咁好味。必試！今次係我第一次食即叫即炸響鈴，口感特別，同出面食真係好吾同，響鈴吸晒D汁值得Encore~芝士魚豆腐，極力推薦！濃郁芝士流心、爽脆魚豆腐，簡直

先幾日同朋友去到大埔,去踩下單車,烈日之下踩單車除左辛苦之外,踩完仲好肚餓上左朋友屋企,沖完涼之後落街食野去到附近,有一家叫八妹雞煲,見唔係太多人就入去食左個小辣雞煲,黎到估唔到咁多野食D雞既份量比一般雞煲店多好多雞肉真係好滑,由於係小辣,好夠味D配菜都唔錯,但都係雞好食D2個女仔食完雞之後好飽,不過都叫左小小野食打邊食左D花甲,同牛肉,都幾好味埋單都唔貴,每人100蚊左右

🐥🍲次次食雞煲火鍋都會叫到一枱都係，最愛食 海鮮🐟🦀同朋友在大埔做完義工後，便到附近的八妹雞煲吃晚餐。八妹雞煲—區內人都不會陌生，他們都熟悉店鋪位置，可想而知八妹雞煲在區內名氣挺高。當日必點的是秘製八妹雞煲，選了中辣，味道不會很辣，麻香惹味，雞汁濃郁。雞肉嫩滑入味，很妹吃呢！除左點左招牌雞煲外，仲點左胡椒豬肚雞窩，湯底味道夠曬鮮甜，配料吸收曬湯汁精華好入味。多款餐前小食選擇，推介豬耳、豬肚和青瓜。火鍋配料選擇多，牛肉紅通通的，可見是非常新鮮的。海鮮亦相當新鮮，吃上來味道鮮甜無比。其他配料也非常新鮮，太好吃！叫到一整桌也是，很滿足呢！店名：八妹雞煲 地址：大埔舊墟直街4-20號美新大廈地下A1號舖

最近轉左工, 係大埔返~所以就去睇下附近有咩餐廳, 方便第日收工食~哈哈由於男朋友要慶祝我轉左新工, 所以我地就揀左食雞煲~~叫左半隻雞雞煲~香噴噴我地叫左D好味又唔飽肚ge娃娃菜,魚皮餃,雞脾菇同竹笙~哈哈~呢個竹笙真是叫得抵~哈哈~份量好多呀~完全冇想過! 勁開心~因為我好中意食竹笙架~~而且呢度d竹笙好爽~好喜歡~之後叫左d珊瑚蚌, 響鈴, A級安格斯肥牛(小)嘩~份量好多架~~而且好爽好彈牙!**記得唔好煮太耐呀, 如果唔係就好硬架啦!嘩嘩~~呢到ge響鈴係自家製架, 即叩即炸!!好大, 好新鮮, 好脆~痴線~勁正~冇得輸!嘩嘩嘩~~A級安格斯肥牛, 又是冇得輸!!d肉堅係唔同d~軟綿綿~肥牛又唔會好肥雖然佢係細, 但份量都好多!!!下次去都一定要叫呢個!!!!食左$6xx幾蚊~但真係值, 特別是響鈴和A級安格斯肥牛!!!