八妹雞煲

營業中

休息中

聽朋友講八妹的雞煲係個到出哂名係真係唔係呢，一定要來個一試我知道雞煲要等的，一坐低我就點了它先，中辣，加上個汁很濃郁，好過癮，有洋蔥同埋莞茜，好正宗，真係怪唔得知點解咁多重味，唔單一，又香又惹味個雞腳仲比個v字手勢，好搞笑雞很煲，時間剛剛好沒有過火，職員不時提點，服務不錯，加分。點了生蠔（火鍋配料）微微帶點海水味，蠔味好重，個蠔邊裙好爽口，口感不錯的呢！沒後悔點魷魚筒大家平時就食得多，多數都係汁燒呢個係火鍋配料來的，只要落落湯底時間適中，一點也不難咬開索了湯汁，味道不錯的呢！

凍凍地，約三五知己出去食飯，大家都是女性，約出去食飯一定有很多話題，又要有個地方可以坐得長時間、又可食得暖暖的。即時諗起八妹雞煲八妹雞煲搬新舖都係第一次試，環境都好寬敞舒適。一行4人，緊係要叫一隻雞啦（少辣），賣相唔錯，個醬汁好味雞件好入味，肉質好嫩滑蝦滑、墨魚滑新鮮彈口即炸響鈴，個人感覺比較油，但係好卜卜脆，剛上好熱，再浸湯就要小心燙咀最推介係手切牛肉及西班牙豚腩片牛肉只要都湯上灼幾灼就食，入口好味；豚腩片切得好薄，所以只灼幾灼就好啦。暖笠笠及很滿足的一個晚上。

我地三個叫左勁辣 雞煲真係辣到噴火😂😂😂，三個人飲左三扎竹蔗水，D雞辣得嚟，但係又有甜味，所以辣到飆淚，但係手都係不停咁夾嚟食。不過佢唔係任叫，而係單叫，所以每個人都差唔多消費左230蚊。（PS 佢冇得碌卡，有D唔方便）

Happy Friday - 雞煲夜 喜歡食辣的人，會寂寞，因為少人陪食 >.<喜歡食好辣的人，會孤獨，因為更少人陪食 T.T今天晚上，幸好有老公願意頂硬上，陪我食辣辣雞煲~~咁我都識做，叫左中辣 - 半隻雞，等大家都食到! HEHEHEHHHE....雞煲一上桌，店員即時再兜一兜，WOW!! 香氣逼人，麻辣香味出哂黎，流哂口水!雞件夠嫩滑，沾滿麻辣汁，好惹味。 麻辣不得了！係口腔慢慢擴散，久久未散，強而有勁，越食越辣，好過癮~ 食食下，老公話真係幾辣，就order椰汁冰解解辣！我就順便order杯檸檬茶！ 飲品真係大大杯，同我個頭一樣咁大~~hahahahaha!! 2個人好快清哂半隻雞，咁就開始打邊爐時間~~ 加左湯之後，仍然好夠味，所以不用另加調味料！ 打邊爐配料好有誠意。估唔到響鈴即叫即炸~~ 響鈴真心好味，目測疑似超過18層，就咁食已經好有風味，Chok chok聲，脆到不得了! 放湯碌一碌，又好吸辣湯，食到出哂汗！ 真係好有衝動外賣返屋企宵夜再食~~ 海鮮芝士豆腐 及 櫻花蝦片都係熱辣辣上，就咁食都已經OK! 海鮮芝士豆腐味道好似魚腐，都幾彈牙

失驚無神又雞煲，食過翻尋味？報名人數非常擁躍，好多朋友仔都一齊食，真係要叫兩隻雞先夠食。Lunch 飲完蔡潤記勁辣既辣椒油後已經開始有點肚痛，一於少理話之佢，繼續辣雞煲，美食大過天 ﹗新開八妹雞煲晚市都幾旺架喎，人山人海，排晒長龍。洗唔洗咁誇張呀？六點半已經排晒隊，唔洗錢咩。上網調查一下，開到零晨兩點而且有分店添喎 ﹗唔想企係門口等位，食西北風當前菜咩 ﹗梗係叫外賣去對面 Baby 慢慢嘆好過啦，而且有大量酒精供應、有電腦鏢掟、有卡拉 ok 唱、有啤牌玩、有乾淨企理獨立廁所用、地方寬敞、服務殷勤有禮。八妹唔送外賣？仲要比 $300 大元按金先可以借煲？算數，我地豪比您。雞煲到會，應該係外賣自取先正確 ﹗長髮綣毛阿姐一款唔休做嘴臉囉 ﹗眼見全部都係頂手頂腳既二人迷你檯，放個煲已經無位剩，多人先會合體。舖面迫夾、通道勁窄、檯椅密麻麻，一睇都知坐得唔舒服。仔細研究一下 menu，食材選擇都不少呢，而且有海鮮及前菜小食供應，不過價錢都算貴。我要遲少少到場，朋友們食住等所以起筷先喇。好一頓豐富既船河後晚餐，Good Good Good，幸福又滿足，好好味架呢 ﹗食都係其之，最緊要成大班朋友一齊食

有咩正得過係超大冷氣下食一個辣辣既雞煲，一面呼吸外面既冷空氣，一面食熱辣辣既雞煲感受下熱氣由內散到外，呢種反差真係好正！煲一黎到已經好香，聞到個種刺激性既辣味喉龍已經有分泌口水既感覺，已經忍唔住要即刻擺舊雞入口。雞肉好嫩滑一d都唔鞋，而且會愈食愈辣，實在岩晒中意食辣既人，而且雞雖然肥，但唔會突然有舊皮下脂肪係度，好好味！仲有洋蔥同辣椒做配料，兩樣都好入味！食到禁上下就要開始加湯打邊爐啦，有人話過打邊爐識食一定食午餐肉，我系非常同意既，因為只有呢種整法先會有最滑最入味既午餐肉，當然更加要厚切！芝士豆腐呢個配撘真係唔錯，滑滑既豆腐咬開就有芝士流出來，一啖一粒，超正！即炸響鈴堅系新鮮炸，之前食過一d有油抑味既，呢個無之餘仲好鬆脆，散開左就變成禁長一條。

其實很小食雞煲 因為我不吃辣的朋友都說不辣就不好吃 算! 終於有機會找到個不介意的人呵一進門就有熱情的招待 哈哈!2個人揀了半隻雞雞件夠入味 鮮嫩 而且沒有雪味 第1次將雞通通吃掉 才捨得放入其他配料一個蔬菜籃有齊多款 2個人分岩剛剛好最特別是有秋葵 不是每個地方都可以吃到豬潤夠新鮮 不過有點太厚!田雞又是一特別之選肉質夠新鮮彈牙 鮮甜烏冬絕對不是普通的那款不會有酸味 而且彈牙有咬口若然要再吹雞煲的話. 我絕對回再來八妹雞煲服務夠快夠熱誠

與友人一行3人來此晚餐先行訂了6:30PM的枱,,不用等位秘制八妹雞煲,,點了半隻雞由於其中一友人不吃辣的,,我們還是點個微辣的來試試好了－ｖ－吃雞煲始終要有點辣味才過癮啊！雞煲一上桌,,我們就聞到很香的味道店員稍稍攪勻一下醬汁,,便可起筷了！香味源自濃稠的醬汁及充足的香菜配料有紅洋蔥,,芫茜,,原隻小辣椒等等雞件很滑很入味,,友人不能吃辣也吃個不停,,結果要不停喝飲品解辣！整個雞煲都很惹味啊！！吃完雞煲便是火鍋時間火鍋配料質素則稍為參差最好吃的是即炸響鈴！！即炸響鈴,,店員說可即食～但我們選擇放湯數秒,,吸一吸辣味！這裡的響鈴很鬆脆！而且有很香的腐皮味！鴛鴦滑(蝦滑&墨魚滑),,蝦滑有蝦味,,墨魚滑有墨魚味！絕無欺場！還加了蟹籽,,,增添咬口！牛筋丸,,彈牙又有牛味！算是不錯！菜則點了西洋菜～不會很老！西洋菜的精髓在於吸盡辣湯的味道！豆卜,,這個不太好吃！因質感太硬身了！即使灼多久,,也不太吸湯！至於最不好吃的是安格斯肥牛,,也是最不值這個價的！牛肉切得很小很薄,,灼完幾乎是牛肉碎幾乎可以攝到牙縫之間一點咬口也沒有連滑和粗糙也感受不到！論牛肉味,,是一點都沒有,,不知是否太小塊而感受

好耐冇食雞煲啦！今晚突然好想好想食，甘就約埋老死近近地去附近間八妹雞煲食下，之前食過覺得食物同服務都唔差。叫左一隻雞夠曬我地兩個人食下，小辣岩曬我同老死依d鐘意食辣但又唔係好食得辣既人，可以過下辣癮。次次食依到既雞煲最鐘意就係有大量我最鐘意食既洋䓤同芫荽。雞夠曬嫩，又唔肥。個雞煲個汁相當惹味，又夠濃，而且d雞到入曬味，你睇到雞d色水就知。炸響鈴係坊間少見既即叫即炸，熱辣辣上枱。每舊炸響鈴都好大舊，咬落脆卜卜，放落湯到浸幾秒再食，不單止有雙重口感，而且吸曬雞煲d汁梗加惹味。竹笙份量都好多，而且好大條，我每次黎到都必叫！竹笙索曬雞煲個汁好好食，咬落又夠爽口。我同男朋友都好鐘意食加！韭菜餃餡料好足，每粒都好飽滿，真係真正既皮薄餡靚，韭菜味又好濃，相當唔錯。蝦滑又係另一推介！蝦滑應該都係依到店自己打，所以十分彈牙。食到濃濃既蝦味，夠曬新鮮。鯇魚片都好新鮮，食落好爽口。依到切得夠曬薄，所以滾幾滾就食得。每次食都飽到捧住個肚走，八妹雞煲真係食得過！

住了大埔很多年都未曾試過這間鋪，今日有個老朋友約我去食，她說這裡的食物很有質素。今天我和她點了一個大辣鮑魚雞煲，真是令我意想不到，真正的大辣又香的雞煲在我眼前，這裡的雞很香，而且香中帶辣，這次令我一試難忘。*肥牛好新鮮，肉質鮮嫩**响鈴好脆好香**厚切午餐肉，打邊爐一定要試*下次要食雞煲，我都會介紹朋友來這裏食！八妹雞煲，識食的選擇

今日第一站大埔群記，第二站荔枝角，第三站沙田，第四站大圍，第五站大埔 baby，第六站富善，第七站八妹雞煲，幾時先可以返屋企休息呢？。依家 19:45 晚飯時間排晒長龍，前面仲有十張細檯呀，有排等喇 ﹗大門個職位空缺牌由裝修卦到依家都仲請緊人喎，係咪真係咁等人用呀？呆企 30 分鐘終於入坐喇 ﹗全場都迫迫夾，全場迷你二人檯，多過二人就張迷你檯合體囉。通道超級窄呀，肥少少都行唔到。生料選擇不太多，坊間雞煲店都是這樣吧，幸好有小量特別食材及海鮮供應啫。甚少會坐低堂食，幾乎次次都係外賣去對面 Baby 坐低食慢慢嘆。難得芭芭拉同寶珊陪我食雞煲，食飽飽先轉場飲野啦。由細到大我都頂唔住芫茜股濃烈氣味及味道的，直頭好似吸血僵屍聞到蒜頭一樣。但自從雞煲開到成行成市，我又經常幫襯，醬汁夠辣夠濃蓋過陣青味，漸漸接受得到，無以前咁大反應喇，不過仍然係入唔到口架。痲辣雞煲半隻大辣，侍應阿姐多次跟各食客強調雞已熟可以即刻食，感覺好似催促快快食完埋單還檯咁款囉 ﹗味菜唔滾多十幾廿分鐘根本未出味，雞件又未入味，汁又未收乾變得濃郁。大家千萬要耐心等候，千奇唔好急住食呀 ﹗要再滾耐一點，讓洋蔥、芫茜、大蒜有足夠時間熟

今晚又突然轉涼，本來約左個friend食西餐順便飲杯野傾下計，但凍冰冰都係想食點熱辣辣既。所以我地轉場去左附近既八妹雞煲。7點度去到，無咩人，我地仲可以兩個人坐四人枱，嘻嘻。之後開始愈黎愈多人，滿哂座。我地點左個鮑魚雞煲，大辣一上個煲已經聞到好香麻辣味。店員幫我地攪左幾下d雞件，等佢勻循d入味d. 雞煲汁底係我喜歡的，比較杰身，打邊爐前先食入哂味既雞件，好濃味，又香滑，正！白鱔，新鮮彈牙，少骨。超級讚既即炸響鈴！！！香脆可口到不得了即食又得，中意放湯1,2秒又得。兩個食法都好好味，正到爆呀皇帝菜呀~~~唔係度度有！！店員話因為皇帝菜係季節性，所以火鍋紙上係無的；但客人可以問店員當日有無。我今日就咁好彩，一問就有奶白色既湯底，放係枱面比客人自己加湯，又幾方便喎，我好中意呢個做法雞煲火鍋唔少得既啤酒呢度有好多啤酒揀，我揀左1664 Blanc, 微甜花香味，女仔至愛仲有呢個拼盆，有哂我中意既三樣食物：萵荀，蘿蔔，鮮淮山。爽口又鮮甜，濃味中加點清新既感覺傾下講下唔覺唔覺坐左兩個幾鐘，原來出面排哂隊！！店員都無催過我地讓枱或者轉枱，服務仲一流，真係不得不讚下佢地服務態度。呢間又正又好servi

2人去打邊爐絕對不適宜去此店本人絕對了解2人枱有限亦明白生意困難，所見花時間等2人枱是沒問題但眼見他們會將2人枱給三個人（2大1小），而4人枱亦不給你，你2人喺永無休止等不到位眼見剛剛來拿飛的3位都入啦我們等了1小時還是白等職員還惡說2人就是這樣大家如果係2個人，我建議說3位吧

都有一段時間沒去吃雞煲了，因為朋友喜歡吃韓燒，沒辦法了。今次終於等到家人有空，一起外出吃飯，就去吃我喜歡吃的雞煲了！吃雞煲首先要吃雞，雞煲香濃，裡面有雞腳及不同香料，當然香葱芫茜不少得。雞隻的質感比我想像中更加滑嫩，但是並不代表不入味，就是時間調教得剛剛好，才可以做到這樣的味道。濃郁得來又不會是很咸，好快就清哂d雞準備打邊爐了。蟹子墨魚滑不用整好久，咸香十足不過味道適中，不會太咸。蟹子還有少少爽脆的口感，墨魚滑就是吃得出的鮮味，應該是即日打的！美國桶蠔有好多隻，本身是大大隻得但是放久了就慢慢變小，海水和金屬味道都不錯，沒有那種腥臭味，新鮮度也可以吧。當然雞煲之後一定不少得是雪花肥牛，脂肪分佈頗為平均，質素不錯。說不上是入口即溶但是也不會嚡口或過份煙韌！吸了有點雞煲味湯底，還是OK的。這間雞煲店不算太貴，份量也合乎預期，差不多了。

朋友試過太和附近既八妹雞煲話好食，今晚佢就帶我地試下喎呢到坐得幾舒服，3個人坐4人梳化位，一坐低侍應友善態度叫我地揀左湯底先，因為都要等成十幾分鐘， 有餐前小吃， 都有幾款揀， 煲未到都可以叫下小吃食. 之後再慢慢揀食咩會好D黎到緊係叫鮑魚雞煲我地揀左微辣(半隻)，配兩仔鮑魚仔，雖然SIZE唔大，但都好有口感配菜有辣椒，紫洋蔥，芫茜，雞肉份量都幾多，雞肉都幾滑同入味，食完雞肉之後就可以自己加返店鋪為每枱都準備定一楂楂既豬骨湯，跟住就可以開始打邊爐啦，我地叫左聖子皇(一碟4隻)，隻隻手掌咁大隻，爽口又鮮甜又好味! 鴛鴦滑，一碟可以試晒有蝦同墨魚兩款口味幾好，聽LEE到D姐姐講D滑都係佢地同事自己親手打製，所以兩款都好彈牙! 青口(一碟6隻)，同聖子一樣，隻隻都好大隻好似手掌咁大 好乾淨， 睇到都覺得抵食同好食， 下次再食， 地方舒服