八妹雞煲

營業中

休息中

唔洗點講，八妹雞煲一定聽過，出名足料新鮮每次都大排長龍，唔係呀妹話好想食，都唔會特登排隊去食餐廳既野食唔貴，價錢大眾化，可能因為響大埔關係啦環境光猛闊落，餐廳真係好熱鬧，收工都好多人到雞煲無可能唔叫，兩姊妹叫左一隻雞，一上台，個份量好多，我同牙妹就知道自己叫多左，不過好彩肚餓，無食中午，食哂無難度一打開蓋，成陣香味湧緊出，紫香蔥，香蔥，元茜，令到汁料同雞又香又吸引雞肉嫩滑，多汁，雞胸肉都係嫩滑汁唔咸，唔會令到雞肉味道過濃食到咁上下，落湯汁打邊爐響鈴係餐廳的特色，不但大舊，仲要係自家新鮮製，認真有heart浸落d湯食, 不但吸收了雞汁、雞湯既精華，惹味，食落軟身帶點脆口，驚喜度值得一點豚肉色澤新鮮，脂肪不多，怕肥女士都好適合，入口豚肉味濃，但稍為薄切了點魷魚足料到成條上，大條又厚身，料真係靚入口爽脆彈牙，滿足了口腹之慾整體餐廳食物水平不錯，份量足料，料新鮮，服務態度有點差，收碟時，連墊底的生菜沒吃也覺浪費，環境舒適

今日跑完海濱就同左朋友去食雞煲一入去地方算寬，D位都好岩我依D大份既人坐叫左兩枝野飲，藍妹$28, 果醋32,果醋愈飲愈好飲，我地都有再encall多枝！緊住就到雞煲，因為我同朋友都唔太食得spicy野但係依個雞煲既味道就令我覺得好正少少spicy加上莞茜既香同雞既精華所在 正！安格斯牛肉 ($138) 黎講我覺得份量好足，而且重點係新鮮有牛味上碟唔係個種雪到硬既牛肉不過稍嫌佢薄左D，不過份量搭夠！依個蠔又係好好味，洗得好detail冇沙係入面口感好滑，食到蠔既鮮甜味，比起美國蠔我更推介日本蠔我地伸叫左聖子 ($98) 唔洗100但食到起高質素聖子條條都好長，同埋煮落係彈牙鮮甜，口感極佳四條聖子只有一條煮左略嫌冇咁嫩，不過應該係我地煮太耐下次再黎跑會encall一次依間雞煲順便一讚出野好快店員好有禮貌

不太吃得辣的我試了小辣同唔辣，覺得雞幾好食，8個人食一隻，每人都可以食三四件。牛肉兩種都好食，響鈴炸魚皮都十分出色👍🏻海鮮都十分扺食，只係朋友唔食，所以無叫到。

終於等到星期五，返左一個星期工緊係要食番啲好野慰勞下自己架啦，知道大埔多野食 所以就約左班朋友係度食好野。經過八妹雞煲，見到佢門口前面排左甘多人就知道依間係好野，橫點第二日唔洗返工 排隊就排隊啦！等左一陣，店員就安排我地入去坐啦，店內面環境光猛，好快就有人黎招呼我地，問我地食咩，仲推介我地叫佢地既招牌菜式-自家制響鈴。第一樣點既野緊係雞煲啦！由於友人唔食得太辣，所以就點左微辣試試，仲叫左好多配料 。野飲方面就叫左枝天地一號蘋果醋、椰汁冰同凍柑桔。個雞煲一黎已經聞到好大陣香味，擺低左唔夠十秒已經忍不住夾黎食 店員仲好細心甘提我地要開細火 。天地一號冇咩醋味，比較甜易入口，又夠大枝，可以同朋友一齊share飲。味道相當唔錯，但微辣真係唔太夠辣，下次可以試再辣啲。除左啲雞好味，好多肉之外，個煲啲配料（紫洋蔥、芫茜）都好入味，好出色。食到甘上下就要落湯轉打邊爐喇。個湯底一早已經擺左係側邊，你想幾時落就幾時落。返左成日工太肚餓，已經去到唔睇價錢鍾意叫咩就叫咩既地步，點知先到啲野一黎就心知不妙，實左叫得太多。但好彩既係佢樣樣餸都好好食，所以無論幾飽就好想繼續塞入口。薯仔未叫之前真係以為係普通一開二

我地又走入新界食好野，之前係油麻地都見過呢個「八妹」，今次就試下佢係新界總店水準如何。一入到去，熱情侍應立即招呼我地，態度非常好。餐廳有多款湯底選擇，雞煲有分6種辣度，我地BB級辣人，就點左微辣。鮑魚雞煲外相有D似秘制雞煲外加兩隻鮑魚，配菜有辣椒，紫洋蔥，香味真係湧出來，雞肉分量多，夠滑亦唔會好多骨，食完雞肉就自行加豬骨湯底，開始打邊爐。我地都主要點肉類同海鮮，兩樣都新鮮兼分量足，性價比高。首先特級牛肉粒$98每粒牛肉都有厚厚既雪花，好似五花腩甘，但原來放入去，起碼都要得幾分鐘先食得，因為太厚身，否則中間會唔熟。牛肉味濃，咬落彈牙。當然要食海鮮…聖子皇($98)4只，堅大隻，重長過隻手，煮完縮左少少水但都重好大隻，非常彈牙，鮮味十足。北海道魷魚($58)原隻魷魚上原汁原味，長度同個爐差不多，非常彈牙，鮮味夠。鴛鴦滑$88一碟可以滿足兩個口味，有蝦同墨魚提供，兩款都彈牙，而且分量非常多，值得再點……青口($45)有6只，每隻都超大，同一隻手掌一樣大好抵食，每一隻都好靚仔，煮完出番來都唔會大縮水。我地離開時差不多8點半，雖然係平日都已經坐到8成滿，唔怪上網見人話星期六、日都要等兩個鐘，呢間

今日癮起想食雞煲，朋友之前係太和食過覺得唔錯，甘就跟住一齊去食。地點都好容易搵到，一出火車站向消防局方向，10分鐘之內就到。門口重有勁大個「八妹雞煲」，一定會搵到啦。 本身係門口望入去好似一間茶餐廳，一D都唔似打邊爐。我地6點半入去都見到有不少圍客人已經食緊，我地被安排坐一張四人枱，都幾舒服。坐低後，侍應姐姐提醒我地可以點左鍋底先，因為都要等十幾分鐘。我地簡左個鮑魚雞煲(半只)$178。雞煲好香，半只雞都好多雞件係入邊，雞肉都大舊，而且好滑，一D都唔鞋口，同理入晒味入去，辣度剛好。半只雞煲配兩隻鮑魚仔，雖然細細隻但頗有咬口。餐廳好貼心每張枱都有一瓶豬骨湯，食完雞件客人就可以自己倒入去，開始打邊爐。刀貝$88有8隻，本來諗住食帶子，但係賣晒，甘就轉左刀貝，都係貝殼類既朋友啦，哈哈，食落都唔錯，好夠鮮味兼爽口涼拌三小碟$58有青瓜，雲耳，豬肚，賣相非常討好，每樣都有辣油調味，辣度十足，但油左少許，未有做到涼拌清爽感覺。椒鹽墨魚咀$58食到停唔到口，配啤酒一流，炸得剛好，炸粉不會太厚。羊肉片$45對我呢個愛食羊肉既人就覺得膻味一般，我朋友就話剛好，肉質不錯夠滑鮮蝦雲吞$45呢款真係有少許失望

雞煲係我心目中只有兩間餐廳係可以令我等長長人龍都會一去再去幫襯，而八妹雞煲就係其中一間😌由從前舊鋪開始已經好喜歡食，可惜當時店面太細，每次諗起要等上兩個小時，好多時都會令我卻步，繼而選擇附近其他餐廳！今年初於隔幾間鋪位新開一間比從前大起碼5倍，可容納更多人，勁開心當雞煲癮起時又唔洗擔心個條人龍😄雞煲個秘製醬汁係佢個靈魂，一試難忘，絕對會令人上癮（由於本人唔食蔥類，所以個煲睇落好少配料😂）打邊爐識食牛一定係食手切肥牛（平少少既話安格斯都唔錯），價錢係會比雪花貴，但只能說一分錢真係一分貨，肉質較嫩，油脂分布均勻，牛肉味重必點！即叫即炸新鮮響鈴，捲到大大舊再炸，食起上黎時口感會更好，上枱時仲聽到「吱吱」聲嫁，勁新鮮！個人最鐘意就係放落湯度一秒，無錯係一秒，就可以做到外軟內脆既口感，並且沾上雞煲湯汁，不得了當然唔少得仲有杯大檸茶喇，放足半個檸檬好夠味

平時放工想食雞煲又唔想去走到去旺角，俾我搵間起近近地起大埔雞煲，八妹雞煲。立刻即興約埋幾位朋友聚會順便食埋雞煲。嘩，一去到已經座無虛席，要等位。起門口出邊都已經聞到陣陣既香味，令到我更加肚餓，更期待。等陣唔夠15分鐘就有位坐，夠效率。Good望望餐牌當然食左八妹秘制既雞煲先啦！再順便點埋餸，海鮮每樣都令人好吸引。點到七七八八，個雞煲話咁快就黎左好香！大家已經忍唔住手立刻每人夾左一舊黎食料夠味，汁夠濃，正！除此之外，仲點左D即食既炸魚片，點埋醬味道絕配！順道飲埋大大杯既凍檸檬柑桔，簡直用爽字黎形容。雖然肥牛只係點左美國雪花個隻，但係味道口感都有保證西班牙豚豬肉片都一樣好食，唔會有雪味，大家都食津津有味。其中比較特別既食材就係炸響鈴，一般街外店都係現成既，不過八妹夠曬誠意，即炸響鈴，脆卜卜。夠曬吸引！食到咁上下，大家都喊好食，下次一定要黎。見大家食得咁開心，不愧我花一點時間去搵美食。每次食雞煲一定去八妹先！夠近我屋企附近之餘，品質有保證！

朋友介紹呢間八妹雞煲好出名，日日都要排隊，今日難得黎到排隊都要食！！等左差唔多半個鐘就有位，其實都ok既。一坐底即刻叫左個微辣雞煲，之後就慢慢再叫其他火鍋配料。我地叫左一隻雞，目測絕對足一隻，仲有一d大洋蔥圈同芫茜等等既配料，聞到已經流晒口水～雞肉好滑，而且煮得好入味，咬到比較深入既地都仲有醬汁，如果食得辣既可以再叫辣d，因為微辣無咩辣味。食完雞煲就可以加湯打邊爐，佢地會放定一壺湯系度，當要用既時候自己隨心加，唔洗驚店員太忙唔得閒即時加湯而搞到燶左。飲品方面，我就叫左杯椰汁冰，好少食火鍋會有椰汁冰！有濃郁既椰汁香味，打邊爐飲冰凍飲品真係透心涼。火鍋配料方面，叫左一份大既雪花肥牛，肥牛既脂肪分佈平均，燙一燙之後放落口，有陣好香濃牛味，而且一d都唔"un"！蟹子墨魚滑墨魚味濃，而且咬落去好爽口彈牙！加上一粒粒既蟹子就更加有口感。雞子望落非常大粒，咬落去咇晒d汁出黎，外層好q彈，一d蘇味都無。桶蠔非常肥美大隻，啖啖肉！又唔會有好大陣雪藏味，仲幾鮮美。桂花蚌厚肉得黎仲好鮮甜爽口，一粒沙都無！佢地自家新鮮炸既響鈴，好香脆、好大卷！索埋d湯味更加正呀！最後仲叫左兩份蔬菜：薯仔同萵筍。佢地既薯仔好用

喺大埔區既雞煲 早前已食過油麻地分店已覺好味 今次想試大埔店食店大得黎燈火通明 而且好多人排隊 喺大埔區有人排隊既食店唔多 都知道唔係少野食店有好多唔同打邊爐既湯底可點 , 但睇落雞煲最出名 於是就點左鮑魚雞煲 比較少醬汁既雞煲配埋辣椒 麻子 葱花先 一開煲蓋超香濃 雞肉夠多 嫰滑 多汁 又帶有少少甜香味 超惹味 , 食完就將豬骨湯倒落去 打邊爐 食物材料好新鮮 肉類放面必點 手切牛脂肪部分 軟滑 入口即溶再配以少少筋肉既口感而安格斯肥牛就比較有口感 脂肪分配平均  海鮮方面 好似 桂花蚌 蟶子 魷魚 見佢全部都係喺魚缸拎上黎 即開即食 食落超鮮甜 甘新鮮冇得輸  蝦滑同麥魚滑全部手打 煙韌彈牙 不得不讚就算普通蘿白 懷生 筍都切得厚度適中 好有心機 另外 脆鯇片都係新鮮必點之選 西班牙黑豚肉 切得超薄 放喺邊爐入面兩三秒就熟 食落豬肉既脂肪入口即溶帶有油花 必點之選此外 魚皮同 響玲都係新鮮炸起 超香脆 可以就甘食或邊爐食都可以 必點之選 !食物整體又多 又抵食 , 值得encore !

與朋友喜歡的食物及環境都不同，唯一就是大家都對打邊爐和雞煲都不抗拒。很討厭在街上熱著吃大排檔或打邊爐的感覺，特別是在夏天。唯一可以接受就是舒舒服服地在冷氣地方，吃著熱的食物。這間雞煲店的名字很有趣，就是八妹（到底是誰，我也不知道）點菜紙上可以不點雞煲，直接就點火鍋湯底。但難得和朋友外出食飯，當然要吃我愛的麻辣秘製雞煲小辣只有少少辣，但是有點非常特別的甜香味，在其他地方吃不到，而且有輕微麻辣的麻(如果吃不到麻一定要先行揚聲)我還是覺得有少少麻味更刺激。雞肉也算滑嫩，選了半隻雞．．整塊雞肉都是麻香味，完全是在挑逗味蕾另外不點了太多食物，主要是我愛的丸類：魚皮餃，雲吞，韭菜餃魚皮餃SIZE適中，咸香充足但是幸好不會太咸，表皮比較un，感覺也挺不錯的。雲吞中間有鮮蝦，非常爽口，質素介乎肉質跟極爽的質感，皮薄餡多。韭菜餃一咬開就爆菜了，整個味蕾都是濃烈的味道，香氣十足！食熱氣野怎會少得竹庶矛根，甜味不太假，也加了一些糖，味道還好。食雞煲最重要就是雞和調味，這間的質素都算是高了。

今次同朋友食依間八妹雞煲係誤打誤撞發現，上網見食評又ok，所以決定今次朋友聚會就係八妹雞煲。店舖裝修好中式，但燈光夠曬光亮。入到去好快就有位坐，唔洗等好耐。原來已到除咗第二個之外仲有其他嘅湯底簡，仲有d小食可以叫，夠曬多選擇。雞煲叫左一隻雞，辣就為左配合有d唔係好食得辣既朋友，所以就叫左微辣。雞煲好快就上左枱，睇落份量都係足一隻雞，而且仲有紫洋蔥同芫荽做配料。雞唔單止食落唔"鞋"，而且好入味，個汁味道夠曬濃，微辣就真係唔係好食到辣。 朋友食完煲雞好似唔係好夠喉，所以仲叫多左碟雞。雞依然好滑好嫩，唔太肥。肥牛望落個樣好靚仔，雪花分佈得好靚，肥瘦適中。食落不得了，牛肉味好濃，一d都唔羶，切得薄薄地，有入口即溶既感覺，好好食丫！薯粉好彈牙，配埋雞煲個汁食真係無得頂，食到我地個個停唔到口！！！西洋菜配雞煲個汁又係相當之夾，西洋菜夠曬新鮮同嫩，食落冇渣，好爽口。炸響鈐原來依度係即叫即炸，夠晒新鮮。想睇嘅時候仲係熱辣辣，咬落去個時係聽到好清脆既聲音，好脆好鬆化，正！豆卜唔洗講又係好食既，吸曬個雞汁食，十分惹味！

難得我個唔係吃貨嘅男朋友都大讚好食，幾大都寫返個食評先。見哩間火鍋成日都好多人食，好彩都唔駛等就即時安排都坐位。全店光猛，牆上有大量食品圖片，增加食慾精選海鮮都吸引天地一號愈來愈流行，酸酸地好開胃。店員第一時間幫我哋落雞煲，然後先慢慢剔其他餸，叫咗個小辣嘅雞煲，約十分鐘後就上枱。半隻雞夾埋都有十幾件，味道。。。好讚，少少麻少少辣，醬料有沙嗲味，吸引人食一舊又一舊。。。食火鍋不忘食菜，咁先勻衡嘛，白蘿蔔同萵苣都係我至愛，淮山片都係第一次試，發現唔同時間又唔同層次，淥得短時間，爽的，淥耐D就好似薯仔咁粉粉的。餃類都無戲場，三種都好好食，雲吞嘅蝦都好彈牙肉類更唔少得，切得細細塊可減低油膩，兩種肉都好嫩，用料好靚。蟶子原來係蟶子皇，非常非常鮮甜食品質素高，而且服務好滿足到客人。。。本來隔離位已經差唔多食完，見到我哋後加蟶子大隻又靚都即問價錢，店員話$98/4隻，佢都問要2隻可以嗎～店員二話不說咁答應做，少見嘅彈性選擇可以進步嘅係牛肉豬肉都可以切厚少少，因為雞煲本身味道濃，淥耐D肉嘅鮮味就被搶，大舊少少會更好。

上星期去大埔食雞煲，老死住大埔，話要試下呢間雞煲，都想試下！八妹雞煲真係幾好味，入味，唔太辣，雞肉好滑滑，重要係個汁醬D味好入，又好惹味咁，加埋D洋蔥，芫茜咁，其實唔錯，怪不得咁多人叫啦！食完打邊爐，午餐肉打邊爐，好好食，正！D丸係普通野，好一般炸! 牛頸脊好有牛味，一定要叫。重有叫左大JAR 椰汁冰，椰味濃，甜左D,都好飲！我鐘意食薯粉，索雞汁一流！重有係響鈐，好索汁入味。呢間整體不錯，個雞煲必食。

昨晚與同事一家相約在大埔八妹雞煲一聚，由於是臨時起議，所以未有預約。因為都知道這間雞煲都很有名，經常見到排長龍的情況，有心理準備要等，但是我們真是太幸運了，不用等候。入座後不久就看到預約了枱的人，陸續座滿整間食店 。店內裝潢整齊企理，而且座位與座位間不會感到擠迫。服務員態度有禮及勤快，點菜及上菜速度快。雞煲有無辣至大辣合共五個味道可以選擇，我們就點了微辣，因為第一次食，怕太辣吃不了，結果出乎意料好味，香料濃郁，雞件好入味，慢慢細嚼後，麻辣感開始爆出，越食越過癮，個人認為再辣少少就更加完美，下次可以點少辣。而在雞煲之後的火鍋，我們點了大概十多款火鍋料，其中桶蠔及即炸響鈴最令我為之一亮，桶蠔不但大，而且新鮮，入口即溶，食完之後再三回味。金黃色的響鈴炸得恰到好處，再沾上雞煲內的麻辣汁，簡直一絕。一直以來我都覺得在炎炎夏日，吃火鍋這些熱上加熱的食物， 是一件難以想像的事，但是今次吃完之後， 完全令我改觀，值得大大加推