八妹雞煲

營業中

休息中

上網睇食評見呢間好似幾受歡迎，而我本身又幾鐘意食雞煲，就同fd黎左食。我本身就食開荃灣18樓雞煲既，呢間水準都差唔多咁好食！我地6點幾就去到😂,冇乜人可以坐卡位食得舒服啲。環境幾好，夠光晚，地下又唔會好滑。一行2人叫左半隻雞小辣，再加少少打邊爐配料。雞煲啲雞好滑，味道幾香口，但我比較重口味，覺得辣味就一開頭未食到，都係要煮耐啲先出到辣。小辣去到後期都係覺得係好微微，鍾意辣少少既人應該要點中辣/大辣。但都幾好味！係有種少少甜既感覺。牛柏葉都正正常常，魚滑、金菇、生菜分量好多。今次唔小心叫多左😭😭飲品就叫左大大杯檸檬茶（記得叫少冰）同椰汁冰，感覺上大杯啲抵飲啲😂。侍應一路服務好好，食左兩個鐘，主動幫我地換左兩次碟。最後賣單食左700⋯但係我諗一般500$2人食都夠，今次叫多左少少⋯😂

住咗大埔咁耐竟然冇去過八妹雞煲！嗚呀！自從上個月食完之後一路都想再食，今日終於有機會喇呢間雞煲同其他雞煲店一樣都可以揀半隻雞一隻雞，仲可以揀啲乜鬼麻辣鍋呀豬肚鍋呀咁，我哋今次就揀咗最普通嘅雞煲（半隻雞）之後再加湯整雞煲邊爐。上到檯姐姐已姐好好咁提我哋，隻雞熟㗎喇可以即刻食，比起其他雞煲店要你搞黎搞去又冇得食住好好多！睇個menu真係feel到佢串過碼頭咕哩，點解咁講呢，就係因為佢個菜單上面煮寫到明啲秘製辣雞醬係只限堂食，唔準你外賣走呀吓，真係幾串啵，但係都要你串得起至得嘅～雞煲個汁汁超香濃，微微帶辣（可揀辣度），有少少芫茜蔥喺入面，入面啲雞沾滿醬汁，食落去係重味又唔過鹹，有種種香料味道又唔會有邊隻味特別搶口咁，真心好好食！呢個雞煲，一個字：掂！除此之外仲有佢啲大支john嘅檸茶、柑橘，打邊爐飲好解渴，都係30零蚊，唔太貴又幾好飲。另外仲有啤酒呀天地一號呀汽水之類，總之實唔會渴親你啦。P.S. 要溫提一下嘅就係八妹有入座限時，有人等位佢就會催你埋單，想坐耐啲嘅朋友記得要留意一下。

今日dinner同朋友黎左呢間食雞煲。我地一齊叫左個半隻八妹雞煲，叫左小辣，辣度岩岩好又唔會好辣。雞煲湯底好足料，有勁多配菜。兩個人黎講食半隻雞煲已經好夠喇，佢嘅分量都幾多下，雞亦都好好食，感覺好新鮮。不過雞嘅味道比較濃厚，可能都要飲番啲野飲中和一下。食完雞煲之後，我地叫左幾樣蔬菜同肉類打Bino，每樣分量都好多，所以唔洗叫咁多。蔬菜方面叫左蔬菜三拼，如果好多菜都想食，但又唔想叫太多嘅話可以考慮一下佢嘅拼盤，幾樣菜有啲。而其他食身有牛柏葉，仲有水魷魚，同埋豆腐，呢到嘅豆腐好好食，一份係成舊咁上枱，質感十分順滑。最後叫左個安格斯肥牛（大），望落真係好靚呀，而且分量都好多，兩個人食岩岩好呀！呢到所有野嘅分量都好多，叫多幾樣真係會食唔晒。

呢排想食雞煲 於是就去左呢間試下 佢個位置都幾入 入面空間都好大啊 我8點去到都唔洗排隊就有位 岩晒我呢啲唔鐘諗排隊既人點左佢招牌雞煲 等左5-10分鐘就上到黎啦 因為朋友唔食得辣就點左微辣 不過都真係唔夠辣啊 想食辣既就要點高幾級雞煲好有麻香 好開胃 雞好入味 皮唔會好肥 好食！而且佢分量岩岩好 仲可以再點其他野食過下打邊爐癮食完雞煲落雞湯 唔想太咸可以加多點湯 點左雪花肥牛 好正推介 牛好有牛味 好腍仲叫左豬紅 魷魚 同雞煲好夾仲可以點蔬菜 每份都係大概$30 菜吸左湯既味都好好食 不過菜份量好多 有點超出想像 如果人少就唔好點太多啦呢間雞煲唔算貴好抵食 環境又好舒服好乾淨 啲間隔闊落唔會話同隔離好逼連我平時細食今次都食左好多啊 不過因為今次人少好多野都試唔到 下次會再黎

今日同朋友黎到大埔，因為天氣凍既關係就好想食下雞煲、打下邊爐，於是就黎左八妹試下。咁黎到呢到又點可以唔試下佢地既雞煲。我同朋友嗌左一隻小辣既雞，小辣既辣度岩岩好。岩哂唔太食得辣又想試下朋友。另外我地仲嗌左八妹辣雞汁，呢款雞汁可以話令到成個煲更加有味。食完雞煲之後就一定要加湯打邊爐！職員同我地講可以將八妹辣雞汁倒入去，會更加惹味！因為我同frd都係通頂溫完書既關係，呢餐嗌左勁多野食😂😂 我地嗌左A級安格斯牛、美國雪花肥牛，另外仲嗌左d丸、魚皮餃、出前一丁、芝士豆腐等等打邊爐一定要食既野，食到我地都超飽😂😂 基本上每樣野都物有所值，不過建議大家都係食得哂先好嗌，廢事哂左人地既野食，又食得開心。

聽啲friend 講, 大埔有間雞煲好正, 不過講明係比出面貴少少，但係就用靚料!!!! 一分錢一份貨👍🏼 我試完八妹雞煲後，完全贊同呢句野!!!!!!我今次叫咗雞煲半隻雞微辣!! 啲雞極滑，連唔應該滑嘅部位都勁滑😱😱 係我食過咁多間雞煲以來最正嘅一次!!!! 仲有少少麻辣味，拎嚟送飯，一流!!!!!就咁食雞邊夠㗎，跟住就直落打埋邊爐!!!! 叫咗啲餃啊，菜啊，魚皮呀，牛肉同羊肉！樣樣料都有驚喜！我嗌嘅餃係雜錦埋嘅，雲吞同菜肉餃做得最出色👍🏼 蝦爽菜香🤤 仲有佢個蔬菜拼盤，竟然有啲貴野 —— 秋葵同埋asparagus😯 勁正！肉方面，牛同羊肥瘦均勻，唔似得出邊啲肥牛，食幾塊就覺得好濟，好肥膩...... 真心推介👍🏼仲有佢個魚皮啊，真心好香同好脆！正👍🏼

今日去八妹食雞煲.. 一坐低有個唔係着制服扎馬尾既啊姐行埋黎,我諗應該係經理掛..得佢唔係着制服！真心嬲.. 一坐低介紹你食蟹煲..而唔係佢地出名既雞煲.. 之後我話食雞煲佢即刻黑面.. 算！雞煲黎到.. 係非常出色既.. 着制服既姐姐都好好服務.. 食到中途..冇着制服個啊姐又行埋黎.. 問我地食唔食聖子.. 朋友表示有興趣就點左.. 再隔一陣又問我地食唔食蝦..最後一份啦..我地表示不要！佢又黑面.. 再隔一陣又問我地要唔要馬刀背..我地都係冇要到..佢塊面又黑俾我地睇！真心唔叫海鮮唔使黑面囉！要食我地一早點左！食到最後最嬲係咩.. 就係埋單果陣.. 佢行埋黎收錢.. 我地食左千幾蚊.. 咁大家都係到數錢.. 佢表示不耐煩.. 有朋友將利事錢數出黎..佢黑我地面.. 仲要好大力掃開D野係到數錢！最後因爲佢態度差我地除左加1之外冇俾額外既tips.. 走果陣佢仲要大大聲同同事講..一蚊都冇俾多到😡😡 我地聽得好清楚.. 好老實.. 就算冇俾都唔應該咁話我地.. 我地成班朋友都好嬲！因為係我介紹佢地黎食.. 最後搞到咁.. 其實除左佢.. 其他着制服既姐姐服務態度都好好！未試過食完一餐

其實一個湯底再加一大碟靚牛，佢係有鮮牛肉，雪花肥牛同埋手必肥牛，份量一啲都唔少，咁樣都係$258，尼個 價錢真係好抵食！！！就咁尼個set其實已經好豐富，個湯本身入面唔係求其兩三舊蕃茄，而係好多材料好，同埋佢會俾定一樽清湯，等你有需要自己落，我覺得其實咁樣仲方便左，唔使成日叫 叫完又要等，等得尼都煲乾哂🤣🤣🤣佢提供嘅配料雖然唔係好多，但其實個湯底夠哂濃郁，根本就唔需要用到啲調味😂今次我跟住佢打星星個啲去叫😂響鈴夠哂脆，睇得出同埋都食得出係即叫即炸，好好味叫左個蟹子墨魚滑，非常爽彈，真材實料！叫左兩個小食（見到差唔多枱枱都有叫咁樣）一個係芝士頭腐，一個係墨魚腐皮卷！！！ 完住係our of expectation 超級好味，勁香，外脆內軟！超級推介大家要試下

今日突然癮起就想去打邊爐，去左大埔到食，本身都想食雞煲，但係見到個蕃茄湯底好吸引，就揀左打邊爐喇我地好早去呀，所以都無咩人，但係一入去就覺得冷氣有啲涼，證明尼到冷氣夠，成日好怕個啲地方愈食愈熱，尼到我地成程開住爐都唔會覺熱或者會出汗咁，尼個環境已經值得一讚個湯底非常濃郁，好夠蕃茄，一啲都唔係hea魚皮餃，無咩特別，但係從尼一碟都見到佢個份量都真係唔係少架，幾個人分享都夠尼個海鮮芝士豆腐小食又係令我喜出望外！熱騰騰咁樣上，入面有啲芝士，但係唔會太多over左，搞到好heavy ，個比例好恰當，岩哂愛芝士嘅我呀！尼個芝心丸一向都係我至愛，但係好唔同，平時食成日都會覺得入面啲芝士好似膠咁，但尼個係好軟，好鍾意尼個

八妹雞煲係太和都幾出名下, 今次一場入黎就同朋友試一試佢, 估唔到平日未夠7點已經坐左7成滿一坐低呀姐就叫我地落左個雞煲先, 因為即叫即整, 都等左20分鐘先上枱~ 2個人食只係叫左半隻雞, 但都幾多雞下, 而且少辣味道剛剛好, 愈食愈惹味, 又唔會太咸, 雞肉好滑!配料方面, 我地叫左響鈴, 墨魚滑, 娃娃菜, 同一碟牛! 響鈴係即叫即炸, 上枱果下仲係熱辣辣, 炸得好好食, 2個人食其實係有D多, 不過實在太好食, 幾肥都要食!! 墨魚滑都好新鮮, 好彈牙!!牛肉方面, 睇落已經唔錯, 食落仲驚喜, 有牛味之餘肉質係超淋超滑!!本身都驚唔夠飽, 點知每樣配料都好大份, 其實下次應該叫多D人黎SHARE, 可以再叫多D野食

不錯的選擇！之前吃過幾次都覺得不好吃，這次帶媽媽來吃，居然覺得好吃了，哈哈，其實應該是辣度的問題，微辣以下的口味我覺得不好吃。這次經歷挺好的。兩個人吃半隻雞再點兩三個燙菜絶對吃到撐，凍檸柑橘超大杯，清爽解渴，但是我覺得有一點點貴， 不過還可以接受。地點是蠻方便的，交通挺好，是可以再來的餐廳！衛生方面，餐廳乾净整潔，服務挺好，隨傳隨到，可是人有點多。看見旁邊都是很多人一起坐著吃，希望下次可以一大班人來。

一直想試八妹雞煲好耐，聽朋友介紹雞煲既味道好似唔錯🤔，所以趁放假既時候走入大埔試一試，因為早去食既關係，所以完全唔使等位，一坐低就即刻點左個招牌雞煲試下，鍾意食辣既我選擇左中辣，雞煲既賣相同香味令人流晒口水，雞煲味道不錯，幾惹味，中辣唔覺得辣，個人覺得可以辣多少少，可惜雞煲味道偏鹹🤔，需要加清水繼續食😅，加入清水後整個感覺好好多，但火鍋配料好一般😅，配料有待改善，如果只計雞煲黎講都可以，下次黎食既話可以試下大辣😌

得閒約到三五好友最岩就係黎食雞煲打邊爐，邊十下十下邊飲冰涼啤酒，邊開開心心咁吹水！•呢度位置都多，但坐得唔算十分舒服。•味道方面，雞煲味道冇得彈，調味一洗，雞愈煮愈入味同辣haha, 入面仲加左紫洋蔥，芫荽，好正！配料方面，最推介招牌即炸嚮鈴，夠熱夠新鮮，點雞煲辣汁勁好食😋🥢————————————（5⭐️滿分，💫為半分）整體環境：⭐️⭐️💫食物外觀：⭐️⭐️⭐️💫味道：⭐️⭐️⭐️⭐️性價比：⭐️⭐️⭐️💫回頭指數：⭐️⭐️⭐️💫————————————

同親朋好友最鍾意就係黎食雞煲，一路飲住啤酒一路食雞煲簡直係爽呀！我哋每次都會叫小辣，佢嘅雞煲裏面加咗芫荽紫色洋蔥，同埋啲醬汁非常惹味，隻雞越煮越入味！配料方面，佢嘅炸響鈴係我食過最好食嘅，新鮮炸起熱辣辣，放入去雞煲醬汁浸一下即刻食真係超正！其他配料例如肥牛就比較一般，份量唔多但係都唔平。

天氣開始有點轉涼，就會令人想起暖粒粒嘅打邊爐同雞煲朋友住呢頭，介紹我過黎食，山長水遠咁入黎，坐巴士先到到，火車都唔近，落車，揾左一陣就搵到，都唔算難揾嘅😂 入到黎地方幾大都，五點幾六點就到左，未算多人。 得兩個人食，樣樣都想叫不過無可能啦，兩個都唔係食得多野嘅人，兩個人真係叫唔到好多野叫左半只微辣雞，好味，勁重口味，好香，帶少少辣，份量都算足，好夠味，仲有洋蔥同勁多芫茜，正連個爐上面都有成只雞圖案成日聽人講蜂巢豆腐好味，今次就懶健康叫下先，都幾吸味，有咬口，勁多汁吸晒入去，不過太多了，兩個人會食唔晒響鈴真係必叫，同出面好唔同，勁脆，似係自家製，不錯，勁香口，肥死，哈哈哈