八妹雞煲

營業中

休息中

難得今日天氣涼涼地，好想食啲辣野刺激下，有朋友住大埔有好介紹，原來o係舊墟直街有一間長期滿座既雞煲火鍋店，佢話帶我去食下。我哋一到好好彩就帶卡位座，當然有卡位坐就是舒服啦。我哋叫左一隻雞＋小辣既雞煲，再加幾個餸有：韮菜餃、凍蟹棒、白蘿蔔、唐生菜、炸魚皮、芥辣貢丸、響鈴、薯仔片等。而野飲方面，椰汁冰真係值得一讚，椰子味濃而且非常香滑，加上味道清新而且解辣。原來好多枱客都有叫黎飲。另外，我哋都叫左一枝最新推出的純滑嘉士伯，真的很純滑，很易入口，個 人認為都幾岩女仔飲。講返個雞煲先，餐廳好好，佢哋預備左雞湯比客人去加湯而唔係加水，因為加水會越加越淡的。所以雞煲既味道並偽因為加湯而減淡反而更加入味呢。雞件非常足夠，配料方面亦好足料，所以好入味，雞肉亦好幼嫩細滑，雞味很香濃。「韮菜餃」好新鮮，豬肉好彈牙，韮菜好爽口，「炸魚皮和響鈴」都很新鮮脆口，「芥辣貢丸」好有喜感，唔會話好攻鼻，出面比較地方可以食到。食左 3個 半鐘左右，我哋就埋單閃人了，姐姐們服務好周到，而且好有禮貌。決定左下次帶班FRDS一齊黎食下先。

同朋友兩個人去咗食雞煲。其實係第一次兩個人去食，發現呢兩個人食雞煲係好唔抵，因為食完雞煲已經飽到乜都食唔落。今次去食雞煲呢我就覺得佢嘅鹹味係好夠嘅，但係辣味呢就稍為爭小小，好似就唔夠香，冇一啲更加出名嘅雞煲咁好食。另外，我哋之後都有話一啲火鍋嘅料，諗住可以雞煲之後打邊爐。但發現原來佢咁貴係有原因嘅，佢每一份都好大份，所以真係唔係好食得晒。不過我一個人覺得，佢呢度除咗雞煲之外打邊爐啲料都一般般。牛肉唔夠新鮮，顏色好暗。另外其他配料都唔係好好食。結論係，唔會再嚟食。

1.雞煲： 味可以，但辣味揀少麻既話，完全吾麻2.日本蠔 : 8 件，但每件都冰封，溶冰後，一夾即爛，即使煮熟，食時有沙，有雪味，有腥臭味，完全吾新鮮3. 即炸響呤：係即炸，但皮太厚，有油益味4. 韭菜餃 : 皮厚，肉硬，有雪味5.墨魚腐皮 : 可以，普通小食，但不似是打邊爐食物。6薯粉： 唯一冇失手，都好難失手。7.雜菇 : 得冬菇，秀珍菇，雞比菇，冇咩味，仲有d有"縮"味8 竹蔗茅根水： 唯一好味的總括，性價比非常低，服務還可，絕不再試 !!!

女友聽講大埔有間雞煲口碑唔錯，咁啱今日係沙田早收工，拿拿臨兩個人去大埔試下先！間舖就係大埔舊墟直街，從大埔墟站搭巴士就係安慈路附近落就得啦，出火車站10分鐘唔洗就到！附近都好多食店，我地未到7點就黎到，諗唔到鋪頭入面都有唔少客人食緊當然越夜就越旺啦，但係成間舖頭好闊落，地板都好乾淨唔會好似其他鋪頭咁油淋淋，連雞煲味都抽得好快，呢點要比個like佢事不宜遲就食個雞煲先！我地兩個人就叫咗半隻招牌八妹雞煲黎試下先！同出面嘅雞煲味道唔同在於佢嘅味道偏甜，但係辣味都好惹味。最正係佢個雞，真係好鮮嫩，食都食得出佢隻雞來貨唔錯，認真好impressive呢個係醬爆wasabi貢丸，好juice，而且都好特別，wasabi味好出，食落唔會咁油，都係聽店員推薦嘅呢個一口台灣腸老實講句都幾大條，最重要係佢入面唔係粉，真係肉黎架我呢d愛腸仔人士好滿意呢個自家包韭菜餃真係要讚下，入面韭菜極多，用湯底煮完越食越惹味，老實講句，好多餃子舖都整得無咁好，自家包係唔同d本身好想試下佢地嘅鴛鴦滑，但係可惜蝦滑賣曬，就試左呢個魚子墨魚滑，好彈牙，記得唔好煮太老啦！至於呢個肉應該係本餐最佳！兩舊水出頭有碟大嘅手切肥牛，油脂

小妹今曰約左朋友去食雞煲! 朋友住大埔話呢間雞煲值得一試一行到門口已經聞到雞煲既香味 店入面既座位都幾闊, 坐得幾舒服 先食雞煲, 再叫打邊爐野 雞煲(半隻)($155): 小妹叫左小辣, 辣味對我黎講係岩岩好! 雞煲如果唔夠辣就冇咁惹味! 佢既雞真係好嫩滑, 洋蔥都好爽口, 小妹同朋友都食唔停口 竹庶芧根($36): 呢個係打邊爐必點既飲品, 感覺冇咁熱氣, 味道唔太甜打邊爐既醬料，自由配搭什餃($54): 有韭菜豬肉水餃、雲吞同魚皮餃，食得出係自家製，由其係韭菜豬肉水餃，絕對唔講得笑，皮既厚度剛剛好，韭菜同豬肉既分量適中，大讚墨魚腐皮卷($52): 呢個力推!!!如果唔係得2個人食，我真係想叫多一碟!係今餐之最!!!!!墨魚彈牙無得頂，而家一路打食評都一路回味緊響鈴($42): 又一樣自家製，新鮮出爐熱騰騰，浸入幾秒吸哂D湯汁好惹味竹笙($60): 因為小妹好鍾意食竹笙，忍唔住叫左一碟，分量好多!絕對抵食油麥菜($30): 打邊爐點都要叫返D菜既，健康D麻~哈哈安格斯肥牛(小)$158: 又係必點推介! 花紋油脂分布幾靚，灼幾下變粉紅色食，鮮嫩無比，牛味亦濃!黎張大合照先~碟安格斯

黎到大埔食雞煲，一直都有聽住係大埔既朋友介紹八妹，終於黎食。叫左半隻秘製雞煲，一上台d雞已經煲熟，唔洗等就食得，雞煲入面有洋蔥，芹菜，芫荽，雞幾滑口，半隻分量黎講，2個人食都夠。食完雞煲可在加湯再打邊爐，叫左栗米，即炸響鈴，八妹拼盤，蟹柳同牛柏葉。八妹拼盤其實姐係雜菜為主，有蕃茄、栗米仔，娃娃菜同菇。叫呢個幾好，唔洗散叫，又每樣有少少，比較抵。之後再加左碟A級安格斯肥牛（小） ，但份量唔算少， 冇平時d肥牛咁肥。牛柏葉就有少少un 栗米好甜！好好食個即炸響鈴有驚喜，唔係平時打邊爐食開個種包裝響鈴，今次係一大舊，一件都等於平時2舊，仲炸到好脆！飲品種類都幾多，為左打邊爐同雞煲冇咁熱氣，叫左竹蔗茅根水下火。

哇，走馬看花真係會miss咗，咁岩有車遮住咗，唔係朋友食過話好食真係見唔到呢間今次同朋友兩個人叫咗個花膠雞煲半隻，花膠足料，唔係是但幾塊敷衍你👍🏼雞惹味🤤又嫩，唔食芫西記住走青‼️不過我覺得呢啲配料令佢更香飲品叫咗竹蔗茅根，大大枝$3x，share飲正，又好似冇咁熱氣。左面係湯，方便你食完即加湯打邊爐即叫即有，好快上配料，哇，估唔到佢樣樣咁大碟，岀面又收得貴，每樣淨係俾少少你。推介安格斯肥牛👍🏼非常有牛味，入口鬆化，叫細都大大碟，性價比十分高粟米十分甜，又新鮮👍🏼呢個可即食，櫻花蝦片👍🏼亦推介手打系列，當日冇蝦滑，叫咗墨魚🦑滑👍🏼👍🏼彈牙好食店舖雖然大，但嚟嘅客人都非常多，7點多已經好多人，果然係高質店鋪，店員服務態度又好，坐得又舒服👍🏼

香港人喜歡全天候火鍋，我亦不例外，於太和區有不少火鍋雞煲店，今次就選擇左呢間八妹雞煲，一入店舖感覺光猛，乾淨整齊，牆上裝飾都見到店舖好用心，服務員有禮地介紹店舖主打係雞煲，就即管試試，叫左半隻，中辣，雞煲一上枱已經聞到好香的味道，食落味濃，辣度都唔係講笑，都真係幾辣，但辣得黎又覺得好正，雞肉嫩滑，有多款餐前小食及火煱料選擇，由於我地得兩個人，試唔到太多，只叫了A級安格斯肥牛，牛柏葉，黑豚豬大腸， 鵝腸同即炸響鈴，食材全部都好新鮮，份量亦唔算少，全部都唔錯，即炸響鈴大大舊，吸左雞煲的汁真係超好味，最後加杯飲品，凍檸柑桔，大大杯抵飲，解辣一流。

老公最近見到雞煲就話好香好想食, 好啦, 今晚放工同老公去嘆一嘆。朋友介紹話八妹好食，今晚我等埋老公放工就去食。我地大約7點幾就到，店內又唔算好多人，職員友善地帶入座，遞上一支清雞湯。我地選擇了秘制八妹雞煲，半隻雞，微辣（$155）另外叫了，A級安格斯肥牛（$158小）、手打肥牛（$178小）、炸魚皮（$30）、唐生菜（$30）、滑豆腐（$30）、頂級墨魚丸（$50）、稻庭烏冬（$32）、墨魚腐皮卷（$52）秘制雞煲來了，一來到就聞到超香的秘制汁，之後我忍唔住食了一舊炸魚皮，沾滿辣汁來食，真的超推介，在未放雞湯之前，炸魚皮沾雞汁來食，零舍好味。我最推介就係叫一d能夠「索」到汁既野食，例如：烏冬、菜、炸魚皮、牛肉、豆腐.....真係超一流，我成餐飯不停同老公講「好好味呀🤤」牛肉方面我比較喜歡安格斯，因為有少少雪花、少少肥，唔會靭，好林。至於手打肥牛既分別，就係手打會口感重d，牛味濃d，比安格斯無咁林身。食完d雞就加入清湯，加入菜、烏冬、牛肉.....拍案叫絕，愈煮個雞煲愈來愈濃郁。最後要推介當然係飲品，食雞煲一定要叫一人一支「天地壹號」，哈哈，解辣超好。原來呢度都有得飲，大大枝，每枝65

今日難得來到大埔超級城附近，當然是來到這只行8分鐘路程的出名雞煲店來一試究竟!吃貨兩口子早有預備，知道食店只可現金埋單，當然要按定大量現金來豪食一番🤣店內紅色的軟墊座位與平時坐著街邊膠椅比較特別舒適，兩人卡位空間感較好，而中間座位較密集，適合一大把老朋友嘆雞煲盡興而飲。先來的是秘製八妹雞煲, 店員一落單好快就將已熟的雞件上檯，由於友人不吃芫茜芹菜丶我們只留下秘製醬汁丶乾辣椒及紫洋蔥等配料，醬汁明顯用了花椒、八角、乾辣椒、草果、洋蔥等香料，雞煲在電磁爐上慢慢加熱，慢慢吃完香濃可口的雞件後，再將原汁原味用清雞湯作湯底。倒入這樽冇味精添加的雞湯後整鍋即變成一鍋精華火鍋靚湯底~ 一雞兩味這就是我為何熱愛雞煲的原因!火鍋配料首先要特別推介炸魚皮！炸魚皮一食：較碎的魚皮當作跪口零食直接入口。二食：落在秘製雞煲濃汁上吸盡精華進食。三食：放落雞湯火鍋脆與林之間的口感食，三種唔同口味口感嘅享受完全感足到那份吃貨貪婪感!😋A級安格斯肥牛(小), 手切肥牛(小)這裡的牛肉性價比絕對合理，兩款牛件脂肪平均，厚度適中，建議不要煮太耐保留牛肉的鮮味。另外手打烏冬，意外地推介必叫，事實上佢絕對係一個無驚喜的手打烏冬

好耐冇食過雞煲啦！趁天氣未熱反哂去食下雞煲先！依間八妹雞煲係大埔住宅區附近，做既大多數係熟客仔。入到去都見到好多一家大小係到食。 廢話不多說，直接上雞煲比大家睇！依到雞煲有好多程度既辣，岩哂d怕辣又想食辣既朋友。我揀左微辣，不夠十分鐘，半隻雞就啫啫聲上枱啦。d雞好有辣味，吸收哂d辣醬，我叫微辣又真係有辣味但唔會辣死。連埋d雞皮食，又香又辣！食肉獸既我仲揀左雪花牛，一口牛粒，牛丸，墨魚丸同埋雲呑。倒左d上湯入去，第一件事梗係淥肥牛啦，肥牛真係好正，好推介大家一定要食！有牛味，唔韌，但有口感！無敵！一口牛都好食，比起肥牛仲有口感，岩哂我依d食肉獸！食食下覺得都係啤一啤正d！又揀左支黑啤同asahi.每支三十幾蚊，正路價錢呀突然瞄到餐單有麻辣醬叫，仲話只可堂食，心諗有咩咁勁，又覺得唔夠喉既我又叫左碗麻辣醬試下。原來真！係！好！正！掂d肥牛仲將成件事推上高峰！oh my god而家諗起都想食。至於墨魚丸同牛丸都做到應有既水準。而雲呑都係皮薄多汁，有蝦的。我推介大家一定食雞同埋，麻辣醬，真係好正呢

今次同朋友興祝生日 由於佢話想食雞煲 就簡佐呢間係openrice幾多好評既八妹雞煲搵佐一陣先見到 原來個招牌裝修緊呀 野食都幾多野簡 一坐低 店員都有同我地講邊d多人叫 叫我地可以試下 原本雞煲想叫全隻 但店員話2個女仔半隻好d呀 所以最後都叫佐半隻 （好在佢提下 後尾半隻都覺得幾多下）個雞煲一黎就食得喇 份量都幾多 佢價錢果d一定貴過果d任食雞煲 但食落都真係有分別 會食到雞味而唔係比d好重好重既調味料遮哂d雪味 同埋都好滑 食完呢煲都有少少飽我地叫佐娃娃菜 油墨菜 手切牛 牛柳粒 墨魚丸 墨魚膠 同埋一個腐皮包墨魚肉 etc. 一開始就食佐d牛先 好滑好滑好滑 要講3次 而且好有牛味呀！！最推介既係腐皮包墨魚肉 同埋 墨魚膠 好爽好彈牙 而且份量好多 食到停唔到我地諗住菜比較light 留番最後食 點知。。。。 己經唔太食得落 做左大哂鬼 我地已經係比較大食 所以大家如果都係2個人就唔好好似我地咁叫喇朋友都話好好食 影佐上網 haha 佢開心就好喇評語：我地放題式食法食佐$8xx 我諗如果下次再黎 應該$5xx都走得 雞煲黎講算係唔錯既選擇 足料n新鮮既 係值得再去既餐廳呀

今天放工後，就跟先生去大埔吃雞煲！經朋友介紹，來到八妹雞煲品嚐美食！ 一入來，就看到店內裝修華麗，有別於一般的雞煲店。 接著，就是看menu時間，我們點了微辣雞煲以及響鈴、魚蛋、芝士腸等配菜。飲品方面則點了凍檸柑桔及椰汁。 先呈上的是雞煲。我們點了半隻雞，雞的肉都很肥美，最值得讚賞的是雞煲的汁。汁的份量多，而且味道濃郁，非常好味其後，呈上的是飲品，飲品非常大杯，好抵飲！最後，呈上的是配菜，先送上的是響鈴。因為響鈴剛炸好，所以賣相精緻，像花般盛放。還有呈上魚蛋、餃子、金菇等。我們叫的份量剛剛好，所以兩人都吃得飽滿！總的來說，這裡的雞煲非常惹味，而且調出來的汁味道濃郁，正！以及這裡的服務員態度好，值得一讚！下次來的時候，會試試叫一整隻雞，相信一定很好吃呢！

難得星期一放假, 聽朋友介紹黎左呢間係大埔既八妹雞煲! 呢度開到凌晨2點架, 我地黎既時候仲算早, 所以唔洗等位就有得入。食食下就愈黎愈多人!雖然叫雞煲, 但係其實除左雞煲以外仲有好多湯底選擇, 偏好清淡既我最後揀左藥膳花膠醉雞鍋 (半隻)好足料, 勁多紅棗! 滾緊既時候散發住藥膳既香味, 忍唔住飲左幾啖湯先開始食野之前叫埋野飲, 其實黎之前睇openrice食評已經睇中左呢度有大檸茶, 唔洗飲汽水咁漲胃, 唔係周圍都有供應架, 諗住同男朋友一人一杯, 自己個杯叫走甜 點知原來唔可以, 因為茶底已經較好左無辨法啦, 不過男朋友話佢個杯檸茶係沖得好味既! 安格斯肥牛, 肉質夠哂腍,有油花 而且以$188既價錢, 份量好多呢!唔係成日見既台灣腸都有得食韭菜餃好好食, 皮薄, 舊餡都好足料好香!鮮炸響鈴, 炸到脆卜卜上台, 放落去吸哂D湯底黎食, 正呀另外仲叫左蟹籽墨魚滑、午餐肉、蟹柳、栗米、娃娃菜同埋四寶丸。蟹籽墨魚滑值得試下,彈牙得黎會食到墨魚粒係入面, 味道好鮮甜!2個人食咁多野真係超飽...不過湯底真係幾正, 可以再黎食, 其實佢開左2AM, 大家放工收遲左都唔怕冇得食~美中不足係冇

今日同朋友嚟到八妹食雞煲，餐廳環境乾淨企理，第一觀感唔錯，同朋友叫左秘製八妹雞煲半隻（$155）同其他火鍋配料。哩個秘製八妹雞煲，雞肉好鮮嫩，唔會煮到過老，但最驚為天人係個醬汁， 醬汁用咗花椒、八角、草果、洋蔥、乾辣椒等多種香料烹調而成，食落非常之惹味而帶點麻香，令人食到一啖接一啖！我選擇嘅辣度係微辣，雖則是微辣，但真係一啲都唔辣，唔食得辣嘅人都可以食到，但個人覺得雞煲越辣越好食，所以都幾後悔無叫辣點😂。火鍋當然要食牛，叫左手切肥牛（小）（$178）、A級安格斯肥牛（小）（$158）、美國雪花肥牛（小）（$118）同特級牛肉粒（$108）。牛肉嘅價錢同好食嘅程度關係成正比，果然係一分錢一分貨。手切肥牛嘅厚度係機切肥牛嘅兩倍，油花豐富、口感鮮嫩軟滑，非常好食，必點。而A級安格斯肥牛嘅油花比美國雪花肥牛多，食落有入口即溶嘅感覺！美國雪花肥牛亦好高質，油花相對冇咁多，但肉質仍然好鮮嫩，好食過出面買到嘅一般肥牛！特級牛肉粒，立方體嘅形狀，需要一啲烹調技術先會整得好食，同朋友研究左一下，發覺煮到全熟比七分熟更為好食😂。亦叫咗竹笙（$60）、鵝腸（$68）、蟹子墨魚滑（$88）、韭菜餃（$38）、