八妹雞煲

營業中

休息中

今日放工，女朋友話不如去食雞煲，我地住大埔有間都幾出名叫八妹，咁岩佢新裝修完，就過來食新裝修用舊香港風格、霓虹燈等等，好八、九十年代既感覺比起以前黎講，而家多左個自由選擇既醬汁配料專區，$15/人，因為通常食完雞煲就會打邊爐，咁醬料揀都好好多咁黎到八妹當然要食雞煲，我同佢都食得辣，叫左個中辣瘋狂下😂基本上佢喺廚房汶熟曬一拎出黎就食得，一打開個下真係好香，係香辣既味道，醬汁幾特別，浸晒入啲雞度！啲雞肉質都幾滑幾結實，總體來講質素幾好！半隻雞兩個人食都好夠，之後我地叫左好多野食，差d食唔哂☠️佢地每碟份量比我想像中多！仲要唔算貴正常價😱肥牛都係滿滿一碟，而且肉色鮮潤，幾好食！響鈴亦都幾值得食，因為佢係新鮮炸出嚟，口感各樣都唔同又特別脆👍🏼最好笑係個魷魚，我女朋友冇諗過成碗都係，最少目測有幾十舊，食到唔想食😂同埋有個溫馨提示，如果想食得濃郁d，湯一定要慢慢落，因為一次過落晒會好淡，慢慢落嘅話啲材料會慢慢浸晒啲味好好食！總體而言，呢間野其實都幾適合一家大細親朋戚有聚會嗰時嚟，因為多人嘅話食嘅選擇仲多，今次我同女朋友兩個食叫咗都唔算太多野，佢哋咁大碟最啱一大班人一齊食！同埋質素真係不錯，而新裝修完

約咗朋友食飯，兩個人唔知食乜好， 突然諗起食雞煲，已經係第二次光顧了， 因為好記得佢嗰啲雞煲汁嘅味道，好想再試。入到店內可能太早只得我們一枱客，所以阿姐姐態度好殷切😎。 兩個人叫咗個半隻雞（ 後悔冇叫一隻雞，其實抵好多）， 麻辣要左少辣， 味道仍然保持水準， 汁味濃，好香，雞唔係肥，夠咬口，當然食完之後都要飲多幾杯水或者幾罐啤酒🥂，但食得雞煲都預咗。反而驚喜係叫咗鮮腐竹，居然好夾，索曬啲汁🤪正， 另外叫咗個黑啤 都幾好飲值得一試。

以前經過幾次八妹雞煲都無機會試，得知重新裝修無耐，未試過又妹耐無食過雞煲，今晚就同朋友一齊去。裝修好懷舊香港風情，兩個人坐細卡位，坐得都算舒服。🥢秘制八妹雞煲（半只）（微辣）我地叫左半隻微辣，對我地唔食得辣既都係剛剛好，雞肉香滑，雞煲個汁都好濃郁下，未食都已經陣陣香味。🥢安格斯肥牛（小）油脂含量豐富，肉質鮮嫩，油花均勻。🥢手切肥牛（小）細緻油花分佈，肉質同樣鮮嫩，牛味濃郁。對比安格斯肥牛我更加推薦手切肥牛。🥢鵝腸鵝腸份量多，連帶少量脂肪，口感爽脆。🥢響鈴響鈴新鮮即炸，豆味濃厚，港人至愛。🥢竹笙有豐富蛋白質、碳水化合物等等，多吃帶益。🥢八妹拼盤色彩繽紛，蔬菜種類多，有油麥菜、海鮮菇、秋葵、粟米仔、娃娃菜、南瓜、蕃茄。另外再叫多左份粟米，夠清甜。天地一號

朋友住在大埔，帶我去舊墟直街的八妹雞煲，說新裝修之後有沒來過，今晚過來看看，也介紹我吃這裏的雞煲。來到職員先介紹醬料區在戲院。 什麼？ 原來戲院是說這裏的懷舊裝修，戲院的窗口前面就是自助醬料區，還有小吃花生。 再看看其他裝修，水吧有新鮮海鮮，變成了街市海鮮檔，其他的牆壁，也變成了懷舊香港的店舖，十分有趣！ 看看也勾起了我的兒時回憶。先來雞煲，很快便上桌，我們點了半隻雞小辣$155 ,上桌即吃，不用等醬汁煮滾。 辣味剛好，因為醬汁在加熱時會越煮越辣，朋友不能吃辣也能接受到小辣的程度。雞肉很嫩滑，醬料味道很濃很香，但肉不要在鍋裡裡太久，雞肉會太熟。 輕微麻辣吃得很過癮，不消一會半隻雞已吃完。然後加湯在鍋裡，再點打邊爐配料，我們點了蔬菜三拼$55,菇拼$42,混丸$55, 特級牛肉粒$108, 泰國粉絲$18。這裏的上菜速度極快，店員招呼不錯，不過吃完雞煲有點辣，要點飲品了。 凍檸檬茶和柑桔$32一杯，是有點貴，但見到原來是超級大杯的，就覺得值得了，飲足兩小時。 我點的柑桔很好喝，有一粒話梅生津止喝，柑桔微咸，加話梅酸酸甜甜，消暑解辣又潤喉。喜歡吃拼盤，因為一碟有三四款菜，可以一次過品嚐。

星期日原本約好去大埔行山再直落食八妹雞煲，誰知行山就個個肥底，但雞煲就堅持要去食。令我這個想甩埋雞煲底的人都硬住頭皮山長水遠入大埔食八妹。 因為我們食早輪，所以人潮暫未滿。難怪佢哋想嚟食，因為八妹雞煲經過新裝修之後，環境寬敞了，而且有特色。好有大排擋的港式風味。 呢度的雞煲係必食的，因為個汁係出面完全食唔到的秘製醬汁，濃稠得黎又好味，雞肉嫩滑又入味，無得輸！ 連我這個不吃雞煲的，亦被深深吸引。   狼吞虎嚥極速解決掉雞煲，當然是雞煲的後續邊爐。牛肉當然唔少得，本地手切肥牛和安格斯肥牛，兩者的雪花紋都好靚，入口陣陣牛油香，配雞煲個湯底，好入味，食唔停口。   鵝腸清得好乾淨，而且size夠大條，所以入口爽脆有質感。桂花蚌差不多是邊爐必點的，就係喜歡那爽口的質感。反而雞子就比較少食，估唔到佢哋竟然點左！更加估唔到係雞子可以咁大粒，佢哋打邊爐食得津津有味，我就感覺一般！   我食返我的白鱔片、脆鯇片和墨魚滑。手打墨魚滑新鮮彈牙，墨魚味濃，食到細細粒墨魚肉，應該是自家出品。鯇片和鱔片都切得厚薄適中，肉夠新鮮，骨唔算太多。帶子和蠔都肥美，質素也不俗，但我還是偏愛這裏的芥末貢丸和竹笙。  

八妹雞煲聽朋友介紹左好多次，今日終於得閒，入大埔一探究竟。餐廳行懷舊風，幾得意。除左雞煲都有其他特色鍋底選擇，不過既然一場來到當然食最經典的八妹秘製雞煲喇👇🏻【雞煲（半隻）】登場！大大啖雞肉，洋蔥係未熟嘅，咁慢慢食雞，食完雞洋蔥差唔多熟，又唔會太林，呢個食法好特別值得like。雞肉細嫩多汁，入晒味，啖啖肉，好滿足。我諗雞煲好食嘅真正原因，係佢令人無法拒絕的麻香味，同其他雞煲唔同，呢度嘅口味食完有回甘，加埋縈繞在口的麻香（好多花椒，係「真」麻！）真係食完返唔到轉頭！我地叫左微辣，辣度啱啱好，適合唔太食辣嘅朋友。食完雞打邊爐，醬料台都係經典辣椒油。👇🏻【手切肥牛（大份）】牛肉肥瘦均勻，厚度適中，鮮嫩彈牙，有濃濃的牛肉香味，高質素肥牛。👇🏻【竹蓀】爽脆多汁，竹蓀壁好厚好長，打邊爐一流，真心推介。👇🏻【淮山】好滑，厚切，易入口，煮一陣軟林林，口感特別。👇🏻【即炸響鈴】超大份！個形狀好特別，炸過的豆腐皮酥脆有口感，每個響鈴都大大個，齋食已經好香脆，吸左雞煲汁後更入味，必食！👇🏻【白菜仔】擺盤精緻，白菜仔鮮甜大棵。👇🏻【大大杯飲品】超大杯，夠晒飲！其實叫多左送，好滿足，值得再來。

咁岩經過附近，就比呢間有好特別嘅裝潢嘅八妹雞煲吸引左啦！店內有好多懷舊風特色嘅裝飾，食緊野之餘仲可以享受好舒服嘅用餐環境👍👍叫左招牌原味雞煲，兩個人食半隻雞剛剛好～🐥🐥第一次食怕太辣所以叫左中辣，點知食落唔太辣，如果鐘意食辣可以再叫辣啲😍😍因為食完雞之後會加水變成打邊爐😋😋 雞煲醬汁好濃好香，雞件好入味唔太肥，食完雞都差唔多半飽啦 ~ 另外仲有叫豬大腸試下，豬大腸本身已經煮熟左，放落個湯度索哂啲湯汁夠哂惹味🤤🤤

今次去左大埔試下八妹雞煲！.未入去已經感受到懷舊氣息！.🐟💬：.八妹雞煲並唔係仼食！.所以阿魚精選左幾款必叫的食物比大家！等大家唔洗浪費quota😆😆😆.（1）雞煲.雞真係好滑好入味！叫左微辣但都唔太辣，可接受！惹味！.（2）墨汁墨魚丸.真係有墨魚係入面，彈牙！.（3）鵝腸.記得唔好淥太熟，爽！😆.（4）響鈴.即炸！可以就咁食，好脆！當係小食或者整濕佢先食都可👍🏻👍🏻.（5）手切肥牛.有牛味！肥瘦剛好！.🐟FISH'S REMINDER🐟💡阿魚提醒💡.因爲餐廳係會加湯的，如果覺得個湯太濃太稠，可以加水.🐟📝：9/10.🍽🐟📝📌八妹雞煲📍地址: 大埔舊墟直街4-20號美新大廈地下A1號舖📞電話: 26670699⏳營業時間：星期一至日 1700-0200

之前經過都見到八妹雞煲超級熱鬧，每次都見到滿座，今日同朋友早小小去食。餐廳裝潢好有香港特式，餐廳座位有大圓枱，二人，四人卡位，地方夠大，好適合一家大細，一班朋友來食雞煲，而且最重要冷氣夠凍。二人只點了秘製八妹雞煲半隻，醬汁濃郁，醬汁完全滲透在雞肉𥚃面，愈食愈惹味，雞肉好嫩滑，今次唔夠喉，下次要叫一隻食完雞煲加入湯底就可打邊爐啦，我地點了幾款配料A級安格斯肥牛、即炸響鈴、烏冬、芝士丸、午餐肉、水魷魚、蟹子蝦滑、蟹子墨魚滑、娃娃菜，特別是A級安格斯肥牛，肉味都好濃郁，油脂分佈平均，蟹子蝦滑、蟹子墨魚滑，好大球、好爽口彈牙，當然不能錯過既即炸響鈴，唔會太油，索晒湯汁精華，所以每次都會必點凍檸水-比一般餐廳嘅凍飲大杯好多，一杯剛剛好，用嚟搭配雞煲火鍋夠晒解渴。

大埔舊墟直街好耐冇黎以頭，以頭附近出名多餐廳，今日經過見到八妹雞煲，超級多人，差不多9成滿座，愈夜愈熱鬧。秘製八妹雞煲（$155）有半隻雞，雞肉超級入味，而且雞肉好滑，唔會好多骨，個汁超級惹味，食完雞煲，加入湯底即變火鍋食法。A級安格斯肥牛（大）（$188）肥牛油花均勻，肉質鮮嫩而不油膩牛柏業（$43）&竹笙（$62）牛柏業好爽口，竹笙不是每個餐廳都會供應，大大條竹笙，吸晒湯汁精華什餃（$55）有魚皮餃、雲吞、韮菜餃，每款有兩至三粒生根（$30）、芝士腸（$45）、墨魚丸（$50）每次都必點凍檸水超級超級大杯，食完雞煲解解渴，真係岩晒

有位朋友一年四季都會瘋狂食雞煲，今日她約了我在大埔食晚飯，果然不出我所料，又是雞煲。餐廳的裝潢令人眼前一亮，充滿香港的懷舊特色，而且照明光亮，環境非常乾淨舒適。原來除了雞煲，餐廳有很多其他湯底可選，但一入店就被雞煲的味道所吸引，當然還是選擇了雞煲。 點了半隻雞煲，份量都非常多，除了雞件嫩滑入味外，醬汁真的不得不讚，用了很多香料炒出來，所以醬汁不單辣度、濃度及香味都很出色。還可以再加$18單多份雞煲醬，之後加湯食火鍋是就可以按自己喜好加辣度了。飲品中的天地壹號最有驚喜，第一次見香港有餐廳提供！非常好味又開胃。而且餐廳的配料選擇非常多樣，有一些平常在雞煲店沒有的配料，例如花膠及小籠包，我當然有點來試一試。花膠在加湯前加在雞煲中一起炒都別有風味，比起加湯煮更加索味，口感彈牙。北海道帶子厚身，彈牙又鮮甜！響鈴即叫即炸，香味逼人。形狀跟平時食過的長條形有點不同，但口感更加鬆脆！輕輕煮一煮就吸收了雞煲醬的精華，好惹味！芝士小籠包好特別，一咬下去，芝士就會流出來，芝士迷不能錯過！頂級墨丸亦足料彈牙。竹笙亦是不容忽視，把湯底的味道通通吸收且口感爽口。其他的蔬菜及菇菌都新鮮。但餐廳的手切肥牛實是不能不點

今日放工同朋友即興想吃雞煲，不如吃八妹啦！我哋6:00入座，係第一檯客人，坐二人卡位，都幾舒服。我哋點了半隻雞，微辣，味道唔錯，雞無雪味，微辣真係好少辣，喜歡吃辣的可以叫少辣或中辣，開始以為夠吃，點知吃完唔夠喉，下次兩個人一定要叫一隻。吃完雞煲可以免費加湯打邊爐，不過我哋一心只想吃雞，就無叫其它肉。加咗湯油會比較多，亦可以價錢叫湯底另外上，不過就唔抵啦！如果有新鮮雞肉可以點來打邊爐就更好啦！

一直以嚟都好愛雞煲，作為大埔地膽，竟然因為唔喺呢區返工而咁耐都未去過呢間，今次一於同朋友試下！本來對八妹雞煲嘅印象就係一間幾出名嘅雞煲，點知去到有驚喜!就係個景啦近年多咗好多懷舊本地風格嘅餐廳，呢間有優勝之處，就係方便影相啦！當然要早到，因為啲位就係隔離，如果有客人就喺隔離食緊，行去打卡都幾尷尬架……但細節做得幾好，值得一讚講完環境就講食物，我哋兩個女士都食咗好多嘢首先要半隻雞，遷就朋友食小辣意想不到咁啖啖肉！好多時少人食嘢有個壞處，就係呢啲半隻、嗰個半份咁，上到嚟基本都係骨多肉少。呢個煲多肉到朋友忍唔住叫我食多啲，佢怕好快飽呀雞肉唔「鞋」，而且夠香夠濃夠入味，但係辣就欠奉啦好似我咁去四川都照食中辣嘅人應該要勁辣，平時唔太食得辣嘅人就中辣啦！始終就咁食雞都用咗1/3個肚，餸我哋就嗌得少啲，不過都有必食推介第一樣就係包心芝士丸平時去打邊爐，唔少朋友都會嗌一碟白底有橙色粒粒嘅芝士丸，但就嫌皮厚芝士淡，仲要拎上嚟一陣即刻唔再流心唔再拉絲但呢度包心芝士丸係即炸嘅，熱辣辣，外脆內拉芝，芝士重奶味又香又滑，一上就食得另外仲有芝士小籠包，一樣皮薄餡靚，似乎大家都鍾意佢多過包心芝士丸。點揀？好簡單，皮

星期日晚踩完單車，一行四人就諗起要食雞煲加打邊爐七點半左右去到不用等位，非常好!普通原味雞煲和花膠雞煲只相差$58， 貪靚的我們當然揀了花膠雞煲 一開始我們以為打邊爐要另外加錢，但原來只要加入旁邊預備好的上湯就可以，因為雞煲的醬汁已經夠味， 一個價錢，滿足兩個願望(除非你想加錢另選湯底啦！)等了大約15至20分鐘左右，雞煲終於到啦! 這裏是一隻雞的份量，兩男兩女剛剛好味道方面， 醬汁味道濃而不咸，我們只揀了小辣，一開始可能唔夠辣，但繼續食下去醬汁收水後就剛剛好 不能食太辣的朋友可以揀二小辣。食完雞煲之後就自行加入旁邊已預備的上湯打邊爐，極力推介炸響鈴和a4和牛

放工約埋幾個好朋友去咗位於大埔舊墟直街嘅《八妹雞煲》打邊爐。餐廳到處掛有色彩繽紛的招牌，甚具香港風味。先點個秘製八妹雞煲 ($155/半隻) - 點咗小辣，煲內加有大量配料，，雞肉爽滑有雞味，味道麻辣得嚟有好香嘅醬料味，惹味非常。食完雞煲，加入清湯就可以開始打邊爐。A級安格斯肥牛 ($188/大) - 色澤鮮紅，油花分佈平均。份量多，十分抵食。鵝腸 ($68) - 夠新鮮，口感爽脆。脆肉鯇魚骨腩 ($55) - 新鮮有光澤，爽脆好食。陳皮魚蛋 ($45) - 一碟有好多粒，香口煙韌。野生竹笙 ($62) - 大大碟，非常爽口。粟米 ($30) - 一共有八件，份量足，味道鮮甜。生根 ($30) - 係我打邊爐必點配料之一。油麥菜($30) / 娃娃菜 ($30) - 打邊爐又點少得新鮮蔬菜，兩款菜都好新鮮及大份。天地一號蘋果醋 ($36/樽) - 香港唔係好多餐廳有提供，有汽得嚟酸酸甜甜，消滯好飲。竹蔗茅根水 ($36/酌) - 清甜清熱，打邊爐飲最適合不過。呢度打邊爐食物選擇種類夠多，而且食物優質大份，我同朋友都食得好滿足。