八妹雞煲

營業中

休息中

講到食雞煲大埔一定諗到八妹食過咁多次都一樣咁好味由於今次有朋友唔食得辣所以就叫左微辣一上其實已經食得雞煲個醬真係冇得頂！超正啲雞都滑食完就打邊爐見到餐牌個芝士小籠包好似幾得意咁一於叫黎試下黎到同想像中有啲出入不過如果係芝士愛好者既話可以叫黎試試八妹另外出名既就係大大杯野飲今次就叫左杯椰汁冰飲到我食完都未飲曬

小麻小辣嘅雞煲，太耐無食喇，上星期經過見有八妹雞煲，仲有懷舊裝修，店內空間大，每處裝飾都好到位，扮售票處嘅醬油處，戲院燈箱，涼茶鋪招牌等等。三個人柯打了半隻雞，除左鮮雞，醬汁配菜都係雞煲嘅靈魂，微辣醬汁加上紫洋蔥，芹菜，芫茜，乾辣椒等等，待煮滾，撈起就食，熱辣辣，醬汁唔會過份咁搶左鮮雞，煮得剛好雞肉又唔會孩口，半隻雞好快就KO左！食完雞肉加上清湯就可以再打邊爐，另外再柯打火鍋配料，滑牛及A級安格斯牛肉，想食脂肪少d嘅滑牛就適合不過，滾落湯不論煮幾耐都咁滑溜，而安格斯牛就係另一種味道，主打牛味道濃，筋腱脂肪都很到位，份量大超抵食！除左牛肉，再點左雙拼蝦滑加墨魚滑，兩款都很彈牙足料，放落湯前撈一撈蟹籽，食嘅時候蟹籽粒粒卜卜脆！一口台灣腸近年多左出場，估唔到用黎打邊爐都唔錯！海鮮芝士豆腐新鮮炸起，店員話即刻食又得，打邊爐就可以無咁熱氣，我都係鐘意炸起就食，咬落軟棉，入面仲有芝士流出！食左咁多肉，都要叫番d蔬菜中和下，蜂巢豆腐，萵筍，鮮淮山，仲有好多唔同鮮蔬可以揀！仲有仲有，唔可以唔點嘅仲有竹笙，比起平日係譚仔食嘅，八妹嘅可以話係竹笙皇！大大條，吸埋湯汁超好味呀！

差不多一星期總會食一次火鍋，今次食到大埔。呢度裝條十分特別，有香港老式街道風味，好有心思，睇得出老闆好有心機打做。正常都是先上雞煲，雞肉大件，而醬汁方面十分濃郁而且帶有少少甜味，雞肉”索”曬d汁，十分惹味。食完雞就到其他料，雪花肥牛，薄切新鮮，入口有溶化感覺，牛味夠。而且其他料方面，我最愛是蟹子蝦滑同蟹子魚滑，十分彈牙鮮味。其他火鍋料例如各式丸類，蔬菜類都品種繁多，也十分新鮮。住開大埔或北區大家不坊試下呢度。

今日想落樓下打個邊爐食個雞煲所以就search大埔有咩好食平時都知呢條街好多餐廳，但今次係第一次黎八妹食雞煲，平日大約晚上7點鐘到，唔洗等位餐廳好大！有勁大既空間，可以坐好多人裝修好用心，以舊香港為主題好多7/80年代既裝，先叫飲品。可以盡情讓大食怪我發掘一下！今次就約好三位朋友再來到這間好評如潮的八妹雞煲。開業了一段時間，朋友說每次經過都會見到門口排長龍，入到去見到鋪面好有驚喜，新裝修盡顯懷舊老香港情懷，座位位置舒服，四個人坐了一個卡位，空間感絕對係打邊爐吹水的好地方。

到大埔辦點小事，順道吃過便飯，車子剛好停在八妹門前，那就光顧一下吧！由於時間尚早，餐廳人流不多，可讓我倆遠離煩囂，靜靜的吃頓飯。裝修風格懷舊，景物充斥著那些年的影子，卻是近期的大熱😜，訴說著對惜日情懷的綣戀！點了招牌的秘制八妹雞煲， 半隻 $155，有秘制麻辣醬及辣汁可以另上，方便愛與不愛的辣椒控 👍💖💖。醬汁的確美味，嘆完雞加湯，即成火鍋湯底。另外點了一些火煱食材，大魚頭 $58，魚頭云新鮮肥美，沒半點腥味，一份有半隻，相當抵食。牛魔王系列也是必選，手切肥牛(大) $218，肥牛新鮮，顏色紅白有緻，吃起來嫩滑鮮味，屬高質素肥牛。梅林午餐肉 $43，自家偏愛，總會點一客，這客立體排放，算有點心思。鮮腐竹 $30，質感十足，耐煮不散溶。日本鱈場蟹柳 $43，仿真度高，口感綿密，略帶甜美，是個不錯的選擇。韭菜餃 $38，自家新鮮制作，屬餐廳推薦菜式，韭菜味濃，味道不錯。八妹拼盤 $78，八款時蔬，有油麥菜、蕃茄、南瓜、海鮮菇、BB 露荀、粟米仔、秋葵。全部新鮮乾淨，顏色醒神。竹庶茅根水 $36，清甜清潤，火鍋好拍擋。檸檬柑桔$32，凍檸茶$32，份量堅大杯，無花無假，飲足一晚都飲不完 😜😜

不時會聽到住大埔嘅朋友推介一間雞煲—八妹雞煲，一直都心郁郁想去試，直至早前去大埔搵朋友終於一試呢間雞煲！先點左碟小食食住等雞煲—椒鹽墨魚咀，好香口仲帶點爽脆！不久就奉上雞煲，睇落好惹味～邊炒邊嗅到香氣，食落味道香辣，雞嫩度剛好！肥牛我地嗌左A級安格斯肥牛同手切肥牛，兩款都係必點，A級安格斯肥牛片得厚薄適中口感佳！特別手切肥牛牛味重～全部海鮮都十分新鮮，我地點頂級桂花蚌、白鱔片、日本蠔都好正其中白鱔片好爽脆，食唔停口。好鐘意佢地呢款日式芥辣貢丸，咬落爆汁之餘，芥末味仲好過癮！野生竹笙係吸汁之選！第一次打邊爐點清湯牛腩，但每條都好大條，朋友們都好鐘意、好快清晒！

其實太和大埔呢佢真係好多好嘢食，要慢慢發掘！今次去咗好出名嘅八妹雞煲。開業左一段時間未黎過，每次都見到門口排長龍，今次朋友話慶祝我生日帶我去試吓。入到去見到鋪面幾靚，有懷舊感覺，原來啱啱新裝修完。位置都舒服，我哋四個人所以有一個卡位，感覺多啲私人空間。四個人所以叫咗個秘制八妹雞煲全隻 $230，咩都係我食過咁多當中算係最好食的！😋😋😋辣到適中，味道調配啱啱好，雞件都好滑嫩！個汁好味到我哋唔需要落調味料點豉油都足夠。我地幾有搶食情況添呀🤣另外推介就係即炸響鈴$43，啱啱上台係微熱，應該真係即刻炸出枱，響鈴顏色微黃，好薄好脆，不會油膩，欣賞！呢度比較特別嘅係佢啲丸，有細細粒嘅陳皮魚蛋，真係街邊吉吉果種味，非常之襯佢嘅裝修啊！仲有一款係Wasabi味嘅丸，味道好特別，係出面從來未試過，推介！好鍾意呢度嘅韭菜餃，好大粒，入面滿滿都係韭菜，係打邊爐食肉獸嘅環境當中，吸收啲蔬菜係唔錯嘅選擇😋A級安格斯肥牛，手切肥牛嘅油脂分布平均，616就食得，口感鮮嫩。最後我哋仲叫咗啲烏冬、出前一丁，同埋泰國米粉！因為個湯底太好飲，出嚟嘅效果唔錯，夠晒飽呀。生日飯冇話一定要食西餐，同朋友一齊聚聚，有個好地方可以盡

呢日約埋朋友到大埔直街呢間《八妹雞煲》打甂爐。餐廳以多個招牌作裝飾，既懷舊又有港式風味。湯底揀咗香濃沙爹配芫茜皮蛋自選鴛鴦湯底 ($98)。芫茜皮蛋湯底夠鮮，沙爹夠惹味，而且兩邊湯底都唔覺有味精，食完唔頸渴。手切肥牛 ($218/大) - 色澤新鮮，雪花均勻，口感爽滑，而且有牛肉嘅鮮甜味，相當優質。脆肉鯇魚片 ($60) - 新鮮有光澤，爽脆可口。雞子 ($50) - 新鮮有鮮甜味，並非一般冰鮮貨色，鍾意食雞子嘅朋友，必試！野生竹笙 ($62) - 份量足，夠爽脆，抵食之選。日本鱈場蟹柳 ($43) - 味道鮮甜，爽口好食。菇拼 ($42) - 有冬菇、秀珍菇及雞脾菇，夠晒新鮮，味道鮮甜。八妹拼盤 ($78) - 有油麥菜、番茄、南瓜、海鮮菇、BB蘆筍、粟米仔、秋葵 …… 等等，份量足、款式多又夠新鮮。飲品方面都幾有特色，天地壹號蘋果醋 ($36) - 酸甜有汽，解膩好飲。凍椰汁冰 ($25) - 大大一杯，夠濃而且有椰香味。不得不提醬料區入面嘅麻辣油，夠麻夠香，鍾意食麻辣嘅朋友，唔好錯過。呢度多款打甂爐配料都相當新鮮，可以食到食材本身嘅鮮甜味，令我印象深刻，我會再嚟幫襯。

今日一行5人去大埔覓食，呢間雞煲店想食好耐了一入到去裝潢充滿懷舊味道，士多、燈牌、戲院各式舊商店門面一嚟即叫小食，香口爽脆嘅椒鹽墨魚咀，仲有鹹香惹味脆炸軟殼蟹先點了呢到招牌雞煲，可選不同辣度，上檯後仲即場炒，陣陣香辣醬汁味，食落嫩滑惹味，雞件掛滿濃濃醬汁，好好食喔食完雞煲就加湯打邊爐了墨魚滑打到起哂膠，食落爽口彈牙又夠墨魚味手切肥牛夠哂雪花均勻，入口嫩腍牛味重，吸埋啲雞煲湯底好正白鱔片好新鮮，食落爽口得嚟幾有彈性

星期日放假日，約左幾個老表去左出名既大埔-八妹雞煲晚餐，哩度食完雞煲仲可以打邊爐。八妹雞煲裝修懷舊，地道的香港八十、九十年代風格，有戲院售票處裝飾原來係自助醬料區、仲有街市海鮮檔，十分有趣，好有懷舊風味。哩度無論食物或飲品都係寫紙仔交俾侍應，就會送上給客人。下單點了原隻$230八妹雞煲，四個人食都好足夠，雞肉大件嫩滑又多肉，雞煲汁有少少甜又濃郁，雞肉吸晒D汁，入口非常野味。飲品方面點左烏龍茶、竹蔗矛根，最驚喜係我點左一杯凍檸茶，超級大杯，啤酒杯量，十分抵飲！雞煲食到咁上下…差吾多尾聲，我地點定火鍋配料，一陣打邊爐。食物紙上的火鍋配料都好齊全，有海鮮類、肉類、丸類、餃類、麵食類、豆品、蔬菜、菌類等等。點左手切肥牛，肥牛雪花紋靚又薄身，滾熟後，入口啖啖肥牛鮮味，果然係上等肥牛。手打的蟹子蝦滑同蟹子魚滑都係必點之選，又滑又好味。丸類點左貢丸、牛根丸、頂級墨魚丸，十分彈牙爽口。另外肉類點了牛柏葉、豬紅、鵝腸、鮮滑牛肉，仲有點了蟹柳、腸仔、菲菜餃同雲、烏冬、生菜、粟米、萵荀。我地點左好多🙈食物水準吾錯，埋單一人三百有找，真係物超所值！

今日想落樓下打個邊爐食個雞煲所以就search大埔有咩好食平時都知呢條街好多餐廳，但今次係第一次黎八妹食雞煲🤭🤭-平日大約晚上7點鐘到，唔洗等位餐廳好大！有勁大既空間，可以坐好多人裝修好用心，以舊香港為主題好多7/80年代既裝飾👍🏻👍🏻先叫飲品，$36就有咁大支天地一號😂😂我仲以為係細細支，所以朋友又叫左樽茅根水點知都係好大樽😂😂😂$36咁大支真係未食野已經覺得好抵😂😂😂😂😂😂😂😂😂同朋友得兩個人，所以就食半隻雞煲其實三個人食半隻都夠😭雞件份量好多個汁好有風味，好惹味但又唔死咸有質素既雞煲👍🏻因為唔係度度打邊爐都會有竹笙食所以今次見到竹笙就即刻點😍😍😍依然係一貫呢間餐廳嘅作風！好大份啊條條都好大隻，咬落去超級爽口蜂巢豆腐又係滿碟咁多😂😂😂打邊爐最緊要係肥牛一見到手切肥牛就即點！果然無令我失望牛味好出🤭🥰大大推介呢個黑豚豬腩片！因為估佢唔到食落口係超級嫩滑🤭有種入口半溶既感覺！一定要點！$60超值！高質！-其實呢間火鍋店每樣食材都份量十足😂鴛鴦滑又係一個必食item!!!極度建議大家要留意餐廳每種食物份量都好多，唔好眼闊肚窄，食幾多嗌幾多-由於個雞煲好食同埋食材新鮮又抵食所以係必定會再來

之前未裝修前已經來幫襯過，覺得個雞煲幾好食，今次特登等佢裝完修再來食～！個感覺同以前唔同左好多，新裝修得好有特色❣️幾有創意👍🏻有啲懷舊feel，好似真係坐係街邊大排檔食嘢咁，同時又好舒服地有冷氣☺️ ❗️今晚我地點左個半分🔪微辣🌶嘅「八妹雞煲」再另加左$60 要豬大腸～唔洗點等，一上枱撈一撈就食得喇！雞煲醬汁香濃惹味，食到有花生醬、沙嗲醬、麻辣油等，溝出來隻味真係會令人食一次就愛上🙈💕☺️醬汁同雞件混合得好均勻，雞件岩岩炒起熱辣辣♨️，食落嫩滑入味，口感彈牙結實，唔會煮到腍晒❗️豬大腸一樣好高質素❣️煮得好腍超入味😋，帶有少少煙韌，口感一流🤤食落比雞辣少少～食咗兩件雞，其他火鍋嘅配料亦都好快手地陸續上枱❗️所以我哋即刻快快脆脆食晒啲雞，然後將湯倒入雞煲入面煲😝今晚要特別推介呢一個「即炸響鈴」係店家自己親手整嘅👍🏻非常有心機，我都係第一次食即炸嘅響鈴🥰 所以特登試吓咩都唔蘸就一啖咬落去🤣，口感好鬆化，有啲似食蛋散，但比蛋散更脆🉐！食咗幾啖之後，再蘸落湯浸 5 秒又變返外軟內脆嘅口感👍🏻呢個響鈴係💯❗️另一樣好想推介嘅就係「海鮮芝士豆腐」真係新鮮即制，上到枱仲出緊煙😂 所以我又忍唔住即刻夾左一舊嚟食🙈，一

Tastes:4/5Service:4/5Environment:4 /5今次黎到大埔去尋覓下有冇好野食 之前細細個好鐘意去大埔食傳統既手推車小食 好似砵仔糕、叮叮糖等 真係值得令人懷念一翻 原來除咗呢一啲小食之外 仲有好多懷舊餐廳可以俾我懷念一翻！係朋友極烈推薦之下 就選擇咗八妹雞煲 一入到去就已經有好多具香港特色既餐牌 而且裝修都別具匠心架 好啦講翻野食先 黎到當然要食下佢個雞煲啦 食落雞肉質都唔錯 夠哂嫩滑 嗌咗小辣 但對我黎講都好辣 個sauce好濃 雞都入味 不過我都係prefer可以淡味少少 因為有少少重味 另外A1牛肉都ok 算中規中矩 不過不失咁

最近一星期的工作地點有機會來到大埔太和區，當然要發掘一下太和區美食系列。「不打不相識」原來太和大埔區有好多好嘢食，可以盡情讓大食怪我發掘一下！今次就約好三位朋友再來到這間好評如潮的八妹雞煲。開業了一段時間，朋友說每次經過都會見到門口排長龍，入到去見到鋪面好有驚喜，新裝修盡顯懷舊老香港情懷，座位位置舒服，四個人坐了一個卡位，空間感絕對係打邊爐吹水的好地方。食雞煲前一定一定一定要叫左支唔叫會後悔的飲品，那就是一人要飲一支的「天地一號」一再重申! 天地一號同辣雞是絕配中的極品。四個餓鬼傾好之後，決定叫個秘制八妹雞煲全隻 $230，大膽講句，這個雞煲還是我所吃過多間的雞煲店中，不能取代地最好食的！叫了微辣剛好適中，香濃麻辣香氣中亦不會辣得太過火，雞件滑嫩吸盡醬料的香口味！汁料是好味到我哋唔需要再落調味豉油入口。好味到一隻雞四個人出現搶食情況。吃完哂雞煲底，當然要加個湯頭迎接一個精華火鍋。材料方面「推介推介推介」的一款是即炸響鈴$43，啱啱上台係微熱，即炸即出爐，響鈴顏色金黃，又薄又脆得來又不油膩，其次一定要點的是同樣咁邪惡的香脆炸魚皮，兩者無論沾上秘制醬汁又或是加湯後浸湯，都非常好味讚好!由於

打邊爐又邊有分天氣呀，最近天氣熱左咁多，但同朋友食飯一樣會照去打邊爐。朋友真係多數住大埔，所以我哋就去咗太和依間八妹雞煲度食。一去到見到個裝修環境好懷舊feel。用左戲院、街市、大排檔既設計，非常特別。光猛嘅射燈，地方又好乾淨整齊坐低時候就同朋友開始點嘢食，我哋四個人食，所以揀咗一隻雞嘅秘制雞煲，我地唔太食得辣，味道方面揀咗微辣。係雞煲未黎之前，我地自制火鍋醬油，自助形式，又幾方便。雞煲到啦，未食已經聞到好香，最初食嘅時候都怕辣，好彩微辣係真係唔辣，反而仲惹味，好啱我哋口味，雞啖啖肉，又嫩又滑，好好味。我哋首先就將個響鈴、炸魚皮蘸雞煲既汁食，好正，食到停唔到口。響鈴岩岩炸起，食落去仲有少少暖，咬落去好鬆化。至於配料方面我地點左芝士小籠包 - 黃色一粒粒，好似燒賣嘅外表，滾完之後再咬開，入邊嘅流心芝士就即刻咁流出嚟，芝士味好濃日式芥辣貢丸 - 之前喺其他地方未食過呢一款嘅貢丸，咬開之前一陣陣芥辣味，唔會好搶喉，但係同啲肉味道好夾陳皮魚蛋 - 估唔到打邊爐會有平時街邊食到嘅陳皮魚蛋，細細粒好容易入口，比起平時打邊爐食到嘅魚蛋特別好多A級安格斯肥牛 - 打邊爐嘅重點梗係食肥牛啦，佢嘅安格斯肥