八妹雞煲

營業中

休息中

上次同阿爸食過，今次帶晒兩老再來食過，今次叫左蕃茄鍋配牛肉并盤，有肥牛、滑牛同手切牛。另外仲叫左鵝腸、蝦滑并墨魚滑、豬腩片、脆肉鯇同啤酒。今次試晒3款牛肉，最好食都係手切牛肉，而滑牛同肥牛都幾好食，不過蕃茄鍋味道就比雞煲底淡啲，邊爐始終雞煲會野味啲。蕃茄湯底有蕃茄、栗米同薯仔，都幾豐富，可以當蔬菜食。而今次鵝腸又係必食，今次食左2碟，蝦滑同墨魚滑保持水準，好食。

今日去咗大埔搵男朋友 見完家長之後就一齊出去食飯 喺屋企樓下見到呢間八妹雞煲 好似好正 亦都唔貴 幾抵食 就決定一齊入去食喇裝修有啲懷舊 但係不失時尚 個配搭幾好 我哋首先叫咗一個微辣嘅雞煲 雞好惹味 亦都好嫩滑 值得一讚之後就到打邊爐時間 我哋叫咗個鵝腸 好肥美 食落油甘香非常可口之後叫咗一個竹笙 食落亦都非常之爽脆 正呀之後當然唔少得一個本地手切牛頸脊啦 牛肉味十分之香濃 而且唔算好肥 簡直會令人食上癮 之後叫左個墨魚卷 呢個墨魚卷係可以即食嘅 食落墨魚味亦都算幾香 唔錯唔錯之後再叫咗一個蝦滑同埋墨魚滑 就咁睇都見到有蝦肉同埋墨魚肉 蝦味同埋墨魚味亦都十分足料 個人好鍾意最後就叫咗一個椰汁冰同埋一個荔枝冰 大大杯十分之正

今晚細佬請食飯，俾我揀左一間好耐冇食既雞煲，因為有兩個小朋友，但我又想食辣雞煲！所以叫左一個小辣嘅雞煲，一個唔辣嘅黑豚大腸鍋個汁冇得頂雞夠滑！大腸夠入味雞煲未到前，有麻辣花生同另一種小食（冇任到）任你食！我地叫左大大杯凍檸茶同大大杯椰汁冰打邊爐就一定要有手切肥牛，麻辣底就配既要紅薯粉，即炸脆響鈴，魚皮餃，鴛鴦滑，鵝腸食到好飽好彩成程見唔到有之前講既米奇一齊食飯啫埋單$1300

一早約左屋企人食飯， 但又唔想出去出面食， 上次黎過大埔呢條新食街， 發現好多正野食， 今次就book 左 八妹食雞煲。呢度裝修好布特式， 懷舊feel, 坐又舒服， 我地4位有卡座， 另外有餐車， 唔怕無位放食物。雞煲分左大/中/小/微辣， 我地叫左小辣1隻雞， 夠晒食， 個汁濃味得黎好正， 微辣剛剛好， 媽媽大讚雞煲好食， 雞有雞味， 唔係講笑， 唔係淨得個名叫雞煲， 其實係打邊爐個d. 絕對唔係求求其其， 食完雞煲加湯打邊爐， 叫左好多配料， 但媽媽大讚個鵝腸， 食唔停口， 話佢好乾淨 又無漂過， 食落去又爽又脆， 又真係有鵝味， 佢話好耐無食過咁好食嘅鵝腸🌟🌟🌟🌟🌟。另外， 我我雞煲打邊爐必食午餐肉， 係， 午餐肉， 我有呢個喜好， 呢度用正宗梅林牌午餐肉， 唔係雜嘜牌子得粉頭咁🌟🌟🌟仲仲仲有， 厚厚花膠， 重成本呀， 唔會一落煲就溶左搵唔番， 好正呀🌟🌟🌟🌟🌟蔬菜🥬🥬全部都好新鮮， 我點左油墨菜同生菜。翻食指數：😋😋😋😋😋

身為雞煲愛好者，緊係會周圍尋覓好食既雞煲啦。經一個大埔同事介紹，話大埔有間優質雞煲，即日立即相約朋友試下。首先入到店鋪已經被裝潢吸引了，餐廳走的是八十年代風格，餐廳充滿著懷舊氣息。Order 了秘製八妹雞煲，半隻小辣。 半隻雞煲份量頗多，雞件煮得剛剛好，好鮮嫩多汁，一點也不嚡口。味道方面，餐廳秘製的八妹辣雞汁及麻辣醬，甜甜辣辣麻麻，咸味適中，味道出色。食完雞煲後，加湯變打邊爐。 火鍋配料選擇甚多，而且餐廳有精選十大必食配料供參考。手切肥牛，肥瘦均勻，下湯約十秒便可進食，軟硬程度剛剛好。響鈴是即叫即炸的，上菜時還是剛炸起熱辣辣的，配上雞煲的火鍋湯汁，絕！鴛鴦滑，即是蝦滑加墨魚滑，兩種用料非常新鮮，十分爽口彈牙。陳皮魚旦，魚旦細細粒，陳皮味重。

最近秋意起，雞煲迷既我已經好想食雞煲🤤🤤🤤一直都聽到身邊朋友話呢間好食，決定今日試試佢😆諗住仲未完全凍，又平日星期四，唔會好多人點知7點幾去到已經坐爆咁滯 😯裝潢幾別緻，走香港懷舊風，好多港式特色裝飾牆上面仲寫左十大必食俾食客參考我地兩個人叫左半隻雞，唔辣等左陣就黎到，服務員幫我地炒左幾下好nice咁話可以食架啦，慢慢👍🏻非常滿意個雞煲，醬汁好濃郁好惹味除左調味好好，唔會死咸之外，落左月桂葉既香味豐富左醬汁既香味雞煲個醬係靈魂，做得好基本上贏左一大半但佢啲雞都好好食 😍非常滑嫩，而且肥瘦適中，唔會太瘦太柴或者好肥配料都十分足料，有紫洋蔥、芹菜、芫茜等等唯一遺憾係無蒜子，因為我超鐘意食蒜子😆食完雞煲就開始落服務員俾我地既湯汁變火鍋🍲後面個枝係竹庶矛根，好足料，清清地又唔會太甜食雞煲飲佢解熱氣清涼一下👍🏻火鍋配料好快就到✨A級安格斯肥牛（大）超超大碟，佢係鋪左上下兩層每一塊大小適中，非常新鮮 而且 油花分佈均勻涮一涮，入口油脂溶化，香油撲口，略帶牛味食唔停口一塊接一塊，極滿足😋😋😋真心推介👍🏻✨西班牙黑豚豬腩片🐖一碟份量又係好多！豬腩片非常肥美，入口油脂香口豐腴 薄薄一片成塊啪入口，帶有淡

八妹裝修完真係好有港色風情我地兩個人成九點幾先去，咁夜就當然唔洗等位啦！ 一坐低就叫左半隻雞先，之後店員話可以自己出去拎醬油咁好嘅？噢！原來食客每人必收你十蚊醬油，拎唔拎都收你嫁！八妹個雞煲汁真係好好食嫁，我同男朋友就最鐘意落湯前”不”定一碗汁先加湯點解？因為咁樣就唔會整淡d醬。然後落完肥牛再點返d醬黎食真係不得了了。我地仲叫左出前一丁，哈哈，又係用出前一丁黎撈佢個醬汁，真係好正。我有時係會為左個醬汁黎食嫁，叫d野食黎煮熟就點醬。

今日屋企人生日🎂🎂🎉🎉🎉🙌想食雞煲 聽人講話八妹雞煲好好食價錢又唔貴✨✨✨✨我地就嚟咗大埔 八妹雞煲💕💕💕💕🎉🎉🎉坐位舒適👍空間寬闊食物種類多，價錢又吾貴🥰🥰🥰我地叫左中辣雞煲(1隻)大大煲 😍😍😍😍😍😍味道好好食，好香口d雞好滑食完雞煲就加湯打邊爐😚😚叫左好多配料🤩🤩 正呀手切肥牛✨好重牛味 好食👍墨魚🦑滑好鮮味鵝腸大大碟 非常扺食響鈴 即炸😍😍😍😍

早幾日返大埔同阿爸食晚飯，由於夠爸未食過雞煲，近近地係大埔同佢試下，選擇左呢間八妹雞煲。入到去見到啲裝修係懷舊feel幾得意，講返主菜雞煲，由於想試多幾款野食，所以叫左半隻，阿爸怕食辣，一問個伙記話有唔辣啱晒。個雞煲好入味，但啲雞仲仍然好滑，又唔肥，好正。食雞煲既重點係之後既打邊爐，我們叫左手切牛肉、鵝腸、墨汁墨丸、蝦滑并墨魚滑、炸魚皮、唐生菜同豬腩片。手切牛肉超正，未食見到起晒雪花咁既牛肉已經知一定勁正，入口滑、有牛味，再吸埋雞煲既汁，超正。而鵝腸係新鮮貨，又唔肥，超爽口，好耐無食過咁好既鵝腸。墨汁墨丸入面有墨魚粒，食落夠爽口彈牙。而蝦滑同墨魚滑都好好食，食到蝦既甜味。黑毛豬腩片唔肥，而且唔會太薄無野食，起碼有一定厚度，吸左雞煲同牛肉有得比并。總結，呢間係一間有水準既雞煲，宵夜、晚飯非常值得再來。唔記得講，飲品要左竹樜蘿蔔，清甜好味。

今晚又黎到八妹雞煲！！！呢間雞煲簡直就係我係大埔既至愛～上次黎佢都未裝修，今次黎佢就裝修得咁懷舊～又加左幾分俾佢！黎八妹一定要食佢個雞煲！我地叫左招牌花膠雞煲小辣！ 雞煲d汁甜甜地辣辣地勁正！全隻雞4個人食岩岩妹！我地都中意食哂d雞先落湯，咁樣d雞就會痴住d汁唔會俾d湯沖散～～～另外仲叫左響鈴、油麥菜、窩旬、安格斯牛、粟米、丸類、炸肉皮、午餐肉、豬大腸、竹笙、鵝腸！佢d份量真係好多！樣樣我地都係落左一半我先記得影相！4個人食岩岩好！勁飽！同埋每樣野都好新鮮！家庭聚會一流！野飲就叫左竹蔗芽根、話梅柑桔蜜！ 夠哂大杯透心涼！大大標飲品的確正！強烈建議大家叫黎飲！！

我真係好鍾意食雞煲除咗食雞之外仲可以食得好多嘅配菜呢間八妹雞煲我已經唔係第一次食我就例牌嗌小辣 就算係兩個人食咗會要一隻雞每次我都係食大埔嘅分店油麻地分店就未試過啦食雞煲我鍾意就係見到啲紫洋蔥同埋芫荽仲有蔥小辣已經好夠味 洋蔥我就鍾意一開始食一兩塊 浸味好谷鼻 然後剩返嘅就煲耐啲先食食雞煲一定要食炸響鈴 八妹雞煲嘅炸響鈴係吃不厭嘅 好香口 雖然佢唔係一個roll嘅形狀（邊個會在乎個行狀？）最緊要好食！除咗炸響鈴 八妹雞煲另外一樣我必點嘅就係薯仔 佢嘅薯仔炸過㗎無論即食或者係擺入雞煲一齊食都一樣咁正整體來講食物質素好 餐廳夠大 值得再食

有朋友約左今晚食飯，本身想去超級城個邊食既，但因為去到發現多層停車場封左，咁唯有轉陣去舊墟個邊食啦，之前食過呢間雞煲都唔錯就再去食。四個人叫左一隻雞，一份牛，陳皮魚蛋，魚皮，水魷同牛柏葉同堆啲菜最好食係水魷，食落好爽又鮮，唔錯口感陳皮魚蛋細細粒但又幾特別牛肉就不過不失雞煲就一開始太少水太杰，落返多啲湯就岩岩好幾好食，保持水準！同堆啲醬料添加都好足夠基本上無投訴，野食又上得快，希望保持水準下次再食最後埋單每人二百幾，正常價

上個禮拜同朋友們聚會打邊爐黎到直街呢邊俾我見到呢間雞煲店，就即刻約朋友下次黎呢間食，今晚7點幾黎到都已經好多人，我地一行三人坐左卡位，懷舊裝修，坐得好舒服。我地叫左一個秘制八妹雞煲，要左半隻雞，微辣，雞煲黎到勁吸引，有好多配料，醬汁好香濃，其實一黎到就食得，而且雞件仲好滑嫩入味，真係好惹味。好快我地就食晒半隻雞，之後就加湯開始打邊爐。火鍋配料選擇都唔少，估唔到每碟份量都好多，我地叫左炸魚皮、野生竹笙、鮮淮山、海鮮芝士豆腐、鴛鴦滑、鮮滑牛肉、A級安格斯肥牛(大)、蜂巢豆腐、芝士小籠包、一口台灣腸、萵荀同一杯凍檸柑桔。炸魚皮一大籃，每條都好完整大條，而且脆卜卜，唔會死咸; 野生竹笙又係估唔到會有咁多，而且條條都好大條，咬落去好爽，而且吸晒啲汁好好味; 鮮淮山、萵荀又係打邊爐必食，因為可以減低罪惡感哈哈; 海鮮芝士豆腐我強烈推介，因為佢係新鮮炸起，可以選擇即食或者放落湯先再食，我就選擇即食，熱辣辣好好味，咬開入面有芝士，而且幾彈牙;鴛鴦滑即係蝦滑同墨魚滑，上面有啲蟹子，好彈牙; 鮮滑牛肉同A級安格斯肥牛都值得推介，前者好滑，後者脂肪分布均勻，好有牛味; 芝士小籠包我以為真係平時食既小籠包咁，

今日晏就女朋友send左依間八妹雞煲俾我，話好靚好多打卡位，又有雞煲打邊爐食。為左滿足佢少女心， 特登入左大埔陪佢試試佢。係太和行十分鐘左右，都好容易搵到。行到去係門口望入去已經嘩左聲好有驚喜，D裝修做得好靚，好似去左拍戲既佈景咁。睇得出鋪頭係落足心機係個鋪面裝修到，充滿係懷舊老香港既味道。收工好肚餓既我地，一坐低第一件事唔係叫野食，而係拎電話出黎打卡haha餐廳既兩邊由門口，去到廁所既兩邊既裝修都好有誠意，有冰室，有士多，有賓館，而打邊爐既自助醬料區裝修到戲院售票處咁，好有特色，成間餐廳都充滿住地道令人好懷念老香港既情懷。值得一提，餐廳環境好乾淨，空間好大，有兩人卡位好闊落，岩晒同朋友一齊舒舒服服咁坐低食飯傾計。我地兩個人點左秘制八妹雞煲半隻，一上菜就聞到又麻又香濃既醬汁味，撈一撈見到雞件好大件，骨唔多，嫩滑既雞肉都吸晒醬汁味，食落口唔算咸，有種麻麻既香辣味，仲有D香辣又甜甜地既後勁，十分惹味！值得推介！特別要介紹D紫洋蔥，D洋蔥煮到淋晒再吸晒D醬汁既，真係無得彈！食完D雞加入清湯就可以打邊爐，食物既選擇都有好多，特別要推介個即炸響鈴，係熱辣辣新鮮即炸，超級脆口但又唔會有多餘既油，再

有朋友住大埔，邀我們去玩，隨後他帶我們去附近吃飯，是吃雞煲跟火鍋。店在裝修很光鮮，挺有懷舊感覺看出店家下了心思。座位也寬闊，感覺很不錯。湯底有好幾款，因朋友吃不到辣所以選了藥膳花雕醉雕鍋半隻。鍋上來打開蓋撲鼻就是藥材香，因加了雞件所以增加了鮮味。先喝了幾口湯還不錯，挺香濃又不會有味精感。雞也很嫩滑，也入味。最重要這裡加湯都是熬的湯底不是水所以味道會愈來愈重及惹味。這裡竹庶芽根水也很消甜解渴，很不錯。叫了碟手切肥牛，雪花清晰可見，肥瘦適中，肉質又夠軟熟，很不錯。另外叫了餃子三拼，都是皮不會厚但也確易爛，看得出搓得不錯且餡也不少。吃這重重視湯底的火鍋怎可少了竹笙，喜吸湯會很入味。本身又帶點清甜，正！疏果三拼有淮山蘆筍及蘿蔔，這三種挺解不老因此吃時蠻有質感也沒什麼硬依。栗米也很清甜，放得久了味道會更好～響鈴很香脆，放下去一會已很索湯汁，香口好味！這店湯底好，材料也蠻解價值平民，我覺得吃火鍋雞煲還真有不少小店性價比較高～