八一漁八

營業中

休息中

新年要吃好些，海港城的「八一漁八」走高檔路線，主打海鮮，烹調方法帶星馬影子，添加酸甜醬汁提味。貴賓廳靠海旁，並非無敵景致，但可看到黃昏晚霞亦不錯。大廳裝潢現代雅緻。一行12人，$10000左右埋單🤪 款款都是海鮮菜，調味有心得，味道真唔錯，值得推薦!專尚南非鮑魚撈起時令菜式，做得出色！十全十美撈起步驟有10項，每個項目都是好意頭，無需擔心，服務員負責加配料，客人只需拿起筷子玩撈起！不同色澤的組合，賣相亦增分，酸甜爽口，這個撈起色香味俱全，攞滿分。南澳龍蝦刺身南澳龍蝦，$698/斤，非常新鮮。美人魚沙律酥炸魚仔配沙律菜，非常惹味脆口的沙律.酥炸蝦棗潮州菜式.煎加露醬鮮魷煎加露醬來自馬來西亞娘惹菜，烤鮮魷似泰菜.48小時熟成煙燻片皮鴨片完皮又片肉，仲有鴨髀，可惜有點嚡，相比海鮮失色。黃燒大筍殼魚湯好多魚肉，湯鮮甜。砂朥越白胡椒焗阿拉斯加長腳蟹肉質並非期望中有彈性，比較腍，但味道非常好！薑蔥滑蛋生蝦麵超多蝦又多汁，鮮味出眾，麵焗得脆脆的，出色!龍蝦泡脆米飯剛才的龍蝦頭尾做湯，味道非常濃郁，伴以脆米，湯濃米脆.黑糯米椰子雪糕

喺尖沙咀行行吓街，突然之間好想食中菜，跟住比餐牌上面嘅”龍蝦汁海鮮脆米泡飯”吸引咗，一於嚟試吓八一漁八，餐廳環境一流，坐位闊落，服務到位，落地玻璃面向海景。龍蝦汁海鮮脆米泡飯，兩個字”鮮甜”，加上脆米同泡飯雙重口感，連一向唔鍾意食飯嘅，我都食咗三碗。醬醋豬手，非常彈牙，餐前開胃小食，味道啱啱好。爆炒牛柳粒，惹味之選，牛柳粒烹調時間非常好，啱啱熟又易咬。炸妙齡鴿，皮脆肉嫩，已有基本調味，不用額外加調味料。

呢間餐廳都有去過飲茶但去飲都係第一次收到囍帖先知呢度原來有得擺酒氣氛環境都唔錯菜式比到驚喜較傳統婚宴有少許不同大部分菜式都係位上又有乳豬全體個燉湯好好味甜品又靚，打咭一流😍

臨時同屋企人想喺海港城食中菜，咁啱八一漁八仲有得bk位就揀咗佢揀咗個4人餐，將肥叉燒改做片皮鴨，經理話要補差價，非常合理，片皮鴨都好好食重點來了，套餐包一條22兩重星斑，落order後無幾耐有個男經理攞住條魚行埋嚟話“唔好意思呀，餐廳無哂22兩魚，換呢條重多4兩嘅俾你地，本來貴多$400，優惠俾你地加$300蚊可唔可以？” 如果我地係乜都唔識嘅食客可能都會信佢照加錢，可惜屋企人係做海鮮，一睇就知佢攞嗰條係普通沙巴龍躉仔，仲要頂盡一斤多啲(20兩內)，咁樣想屈水魚加錢真係好唔老實，我地都婉轉地話太大條食唔哂，睇下有無細條啲，隔無2分鐘男經理再次出現攞住條東星班話“有啦，啱啱好22兩俾呢條你地”，手法低劣真係差啲笑出聲😂Anyway, 唔計不老實事件，整體用餐環境同食物質素係唔錯，不過大家去食就要自己留意😂

又一間落地玻璃海景中菜?! 仲係由新加坡星級主廚張偉忠先生主理🤩 有啲咩正過一邊望住個海景一邊食海鮮呢？🌊😎 除左海鮮之外，佢哋嘅熟成煙燻片皮鴨更係必試，可以話係最近食過最高質最嫩口嘅片皮鴨！鐘意食中菜嘅朋友仔快d Bookmark!!! -亞參蜜汁美人魚沙律 新鮮嘅沙律菜上面放滿脆炸魚仔，加上甜甜嘅蜜汁燒烤醬，好開胃🐟*金絲麥香花竹蝦手掌咁大嘅花竹蝦超厚肉，外層鋪滿酥脆嘅新加坡麥片，加上爽嫩嘅蝦肉，食得出外脆內軟嘅口感🦐❤️*砂朥越白胡椒蟹 (時價)用上大肉蟹，肉質結實而且非常新鮮！用上馬來西亞砂勞越白胡椒炒，夠香口之餘唔會遮蓋蟹肉原有嘅鮮味🦀✨ 另外仲有多款烹調選擇，私心想試黑胡椒焗/黃金流沙～*48小時熟成煙燻片皮鴨 ($598/原隻)經過自家掛吊方式48小時熟成，再以香片茶葉及木碎煙燻上色嘅片皮鴨，鴨嘅外皮油潤閃令令，口感薄脆，而且鴨肉超!級!軟!嫩!!!! 中間看得見粉嫩嘅顏色🦆🫶🏻 真心好食過不少酒店嘅出品！*香芒野生雪燕椰子盅本以為普通嘅楊枝甘露，原來下面藏有清甜嘅椰子布丁，裏面仲加入了椰子肉 🥥 加上雪呢拿雪糕以及野生雪燕，真係多層享受！*蘋果拿破崙足三層嘅蘋果拿破崙！

食物性價比算高，比其他美心系精緻一點。但服務質素就麻麻！book咗位，一去到又話俾錯咗個位其他人，搞到冇海景位。食完lunch, 坐在那裡同朋友傾耐咗，叫人加水，個waitress 同我講依家已經好遲，其他人都走晒！俾說話我地聽。但當時只係3:30，我地2點開始食，3:30都唔係好遲！而且一開始餐廳都沒有講明只可以坐到3:30。如果有，我們應該唔會去食！而且加水好唔積極，每次都要叫才加！Staff 要好好train 一下才對得起餐廳的景色！

八一漁八位於海港城港威大廈，環境雅緻，座位都寬敞舒適，大玻璃對著維港景色，心曠心怡。餐廳主打中菜、生猛海鮮，食物選擇都多。午市都多人，大廳唔接受電話預約鮮蝦餃皮薄及蝦肉鮮爽，口感爽脆.糯米卷煙韌軟糯，香口不油，口感更加豐富整體點心好幾好味，可以再訪

其實今次係第二次嚟呢度食午餐，掛住食冇樣樣嘢都影相，圖中一個係紅菜頭餃，我朋友話幾好食，另一個係甜品，佢係外型似荔枝，不過入面係奶黃點心方面我哋叫咗好多唔同款，比較推薦嘅有燒賣，有一大隻蝦喺上面，而且非常之爽脆，另外叫咗牛肝菌腐皮卷，牛肝菌炒得好入味，腐皮卷亦都好娶脆唔會太油，小籠包個外貌雖然唔係好吸引，但係咬落去係皮薄而且好多湯汁，係好味嘅，龍蝦湯泡飯就一般，個湯有啲太鹹素菜有一個叫做百合炒蘆筍，有鑊氣，而且調味適中，係清爽嘅選擇叫咗兩款唔同嘅腸粉，分別有米網腸同埋帶子腸，自己就覺得帶子腸好食啲，因為米網腸冇乜餡，帶子腸就一條有兩粒帶子整體嚟講覺得呢度嘅食物質素唔錯，選擇亦都好多，價錢喺海港成為講唔算太貴

今晚非常失望食咗一條紅瓜子蒸魚，價錢係$1388 所謂海鮮餐，一條唔新鮮和D肉係梅的十四兩所謂海鮮和一碟高湯芥蘭。最令我😱訝係咁細嘅魚都可以蒸唔熟。 專業的waitress回答再蒸熟D，D肉會鞋!! 其他餸菜的味道一般，都係例牌的美心出品! 另一個餸鮮花椒辣子雞真令我大開眼界，辣椒當鮮花椒，雞軟骨當雞賣，又一傑作！ 埋單計數$2151.60！ 真懷念之前的China Txxx, 同一樣的位置 ,但不同的味道和服務! 早知去翠X食也一樣，但不一樣的價錢。 又上咗一課！

818 The Seafood is a Cantonese restaurant that focuses the use of seafood in their menu and features a wide array of creative Chinese dishes. We tried out this spot to see what their dim sum was all about! 🥢 Pic 1️⃣: 塘泮高湯金魚餃 / 𝗦𝗵𝗿𝗶𝗺𝗽 𝗮𝗻𝗱 𝗦𝗰𝗮𝗹𝗹𝗼𝗽 𝗗𝘂𝗺𝗽𝗹𝗶𝗻𝗴 𝗶𝗻 𝘀𝗼𝘂𝗽 - $58 hkd 🐠 — Love ordering this whenever I see this on the menu as I love seeing how differently each chef prepares this and how delicate their plating is. The shrimp and scallop dumplings were actually delicious, as the filling was well

平日下午飯，漏單不特止又錯食物！所謂的黑椒燒鵝全是肥油肥膏！同經理反映點知無反應！一個字：差！價錢貴一點都不值！環境麻麻可能都人飲茶。員工經常用粗口溝通！無下次！

🥳通常聚會都係要地點方便，坐得舒適的地方，尖沙咀永遠都係不二之選🤗…這裡環境不錯，都係望維港海景，地方寬敞，揉合中菜，海鮮🦞，及日式刺身的fusion 菜，有點特色裝修有氣派，餐具擺設帶點高雅，印象分都加了不少🤩🐷五花腩黑叉燒 ～ 厚切叉燒，肥瘦均勻，口感軟腍腍，一點也不靭，好似黑豚肉蒜味脆皮吊炸雞🍗～ 皮炸得好香脆，入口都係脆卜卜，賣相不俗，味道不錯香酥花蜆鴛窵脆皮河粉 ～ 好想試呢款河粉，標明脆皮，相當特別，表面個層係炸的，好脆口，底下一層係有打芡汁的，令河粉好入味，個芡汁不錯👍🏻🍄野菌蔥爆牛柳粒 ～ 厚切牛柳粒，好香噴噴，但牛柳粒有啲難𡁻，可能過熟，有啲靭🧄黑金蒜粉絲蒸蟶子 ～ 每人一份的，長型小碟作器皿，啱啱好，蟶子已切成小塊，好易入口，可以食得好斯文，唔駛張口大咬😜🥬🥒🍲雙蔬手工魚腐煲 ～魚腐好大粒，好似長洲大魚蛋咁大粒，軟綿綿，又有兩款菜🥬🥒，啲湯好清甜，幾好飲🥣

店員主動安排我們坐窗邊位，面對維港。不過其實唔喺好靚。因為餐廳位置不高。餐具好靚擺放整齊我們六人安排坐了一張八人的枱，之後店員幫我哋收起兩位餐具。問了我們收那兩套餐具，結果收了另外兩套，店員好有禮貌，但係就發緊夢。黃金炸魚皮勁脆，但都幾辣椒鹽魷魚鬚新鮮炸起好好味黑胡椒大肉蟹，我自己覺得胡椒味太重，完全沒有蟹肉的鮮味。但是朋友們都覺得跟新加坡吃的味道好接近，好喜歡。星洲大肉蟹是我今晚最欣賞的菜式。咖哩好香濃，唔會太辣，不過蟹味也是欠奉。百合珍菌炒蘆筍，菌好爽口，整碟味道好好，好清新。煙燻片皮鴨，熱食嘅時候好味。但一涼了就麻麻地了。隻鴨好多肉，切開後的肉都好入味。煙燻片皮鴨配料這個薄餅餐牌冇的，要問店員，店員會在隔離泰國餐廳幫你order過來。不過是海鮮價，兩次order分別收不同價錢。菜遠牛肝菌豆腐，素菜菜色都做得幾出色。又一個服務問題，枱唔夠位放餸，店自己同自己講將兩碟合拼，便倒埋一碟。冇問過我們呢!唔同味喎!再另加一個服務問題，收碟時倒到我一手汁。總括，座位好舒適。員工有禮，但好論盡。食物中上。

環境好靚好High Class，望住個海食飯真係好正好爽枱布每張都車上自己品牌，非常用心設計碟碗杯都印上好靚嘅花，我嘅係魚，另一套又係另一款花嘅餐具椒鹽魷魚鬚 $ 88份量幾多，炸得夠脆，不過椒鹽味零，唔知係咪師傅唔記得落。。。。蝦乾啫啫時蔬 $ 148啫啫原來係鹹魚茸炒，加埋蝦乾非常香濃好味，不過味道偏重偏濃，鹹咗啲😅生菜新鮮爽脆煙燻片皮鴨 $ 598先原隻上枱影相打卡，再由樓面同事片皮起肉，刀功了得，鴨皮唔會帶有肉，真係皮肉分離，分兩碟上不過嬤嬤皮質地一般，比較易爛，要相當小心去拆醬料唔馬虎，海鮮醬、砂糖、泰式辣汁、哈蜜瓜條、青瓜條同京蔥絲皮脆，不過香氣唔夠肉切完依然粉嫩，煙燻味入晒，做得相當好肉質唔柴，好似用慢煮處理過一樣食物質素中上，但未去到高，價位反而都去到幾高，呢間大半係食環境。服務一般，因為帶位入座後都要等一段時間先有人問茶水但係眼見仲有吉枱，有啲已經上菜一半，而人手都充足。

屋企人生日飯點名要食中餐咁啱又見到朋友social media食呢間又有靚景又位處尖沙咀咁方便好啦就等我試下先🤡我哋叫左好幾個頭盤因為我個人真係覺得頭盤吸引啲😆🥢老醋海哲頭 $128對鐘意呷醋嘅我黎講醋味唔夠不過海哲頭爽口又大件都唔錯🥢七味鹽香脆豆腐 $58豆腐唔夠脆入面又唔夠熱麻麻地🥢椒鹽魷魚鬚 $88炸得幾脆粉漿唔算太厚唔錯🥢黃金炸魚皮 $68蛋黃夠多又炸得脆無得輸👍🏻🥢金勾蝦乾啫啫時蔬 $148我哋揀咗菜心因為我哋叫得太多炸嘢所以呢碟菜好快就食晒不過略嫌咸左d🥢酥脆蠔仔餅 $108蠔仔餅性價比好高以小食黎講佢好大碟蠔仔一d都唔吝嗇炸得又夠酥脆👍🏻👍🏻👍🏻🥢荔枝甜醋鎮江骨 $168入味軟稔骨肉一食就分離不過6條骨入面有2條無肉食咁滯有d扣分👎🏻🥢九年百合珍菌炒蘆筍 $168原本係想叫第二個菜然後點乜無乜有d嬲之下問佢邊個有就求其叫左呢個不過不失啦🥢48小時熟成煙熏片皮鴨 $598今日嘅重點🍽️未切之前有拎比我哋睇賣相真係幾靚仔皮片得夠薄重會切埋d肉同2隻脾比我哋，加分👍🏻配料有蜜瓜同青瓜仲有3種醬汁不過冷氣太凍個鴨好快凍左變到好蘇有d扣分我哋其實仲想食鹽燒魚不過佢餐牌嘅都話無🙅🏻‍♀️