全記海鮮菜館

營業中

休息中

7/12是外子的生日及我倆結婚1週年紀念日,決定入西頁食海鮮慶祝,這間是我在開飯啦找到的,評價不錯,所以直接了當的走入這間舖,當時很少人,可能我們早吧,看過在街上接過的傳單,邊有個2人套餐$348 可10選4個海鮮,另茶介全免,便要了.1)芝士焗龍蝦伊面底-很細碟,約有10-12件(麻雀size), 但其中6件是骨來的,伊面很少,芝士汁不久味.2)清蒸海上鮮(姜蔥蒸倉魚)-細條,蒸得太老,肉鞋,沒鮮味,是街市買$20條的貨色,鼓汁沒味.3)白灼兩眼跳螺-約10隻,跟甜醬食,我跟外子都不喜歡,沒鮮味,滑"sa sa"的.4)鼓椒抄蜆-約30多隻,但有肉食的只有約20隻,肉很小,有沙,不太新鮮,最失敗的是個鼓椒汁,杰撻撻,完全唔掂.5)蒜容抄西蘭花-ok (套餐包的)6)椒鹽巨型瀨尿蝦-額外叫的,3隻,很新鮮,炸得很脆,但不夠椒鹽味(連加工費$350,很貴,不直)7)糖水-紅豆沙(送的)-水還水,渣還渣,吃了1啖已經放棄, 無味的,送的還想如何!sevice開頭不錯的,會自動加茶,跟單快,但食到最後,好像想快點趕我們走似的,因門外已經有很多人等位,我從totlet出來,外子已經埋了單,連都

6號一行四人去全記，其實有一點想去滿記，但佢d水江放出來，好吸引，終於都去食了這間，好多人話d服務不好，一般la，不過真係要叫先換碟，可能多人，冇法，入正題，叫左你地話好好食墨魚兩食，但係我覺冇咩特別，食唔完，之後有海x，好鮮，好~!有chess lobster，可以，但一定要熱時食，如果不是便變了糊仔一樣，椒鹽"獺liu"蝦，都幾好，不會太濃，士椒聖子，又好wow，冇沙wow，最差係豆苗，點解可以禁干又細碟，我是一個豆苗怪，一個人可以食幾斤，但係我對住佢只是食了一半，但其實也可以吧，有點貴，2260落樓

先揀海鮮, 揀左大魚, 大蝦, 蟶子皇, 象拔蚌, 鮑魚,花螺, 龍蝦, 花螺: 豉油皇大蝦, 好野味 象拔蚌做刺身好鮮甜, 爽口, 清蒸鮑魚, d鮑魚都幾大隻, 厚肉' 豉椒炒蟶子皇, 啖啖肉, 又無沙, 好味上湯焗龍蝦伊麵底, 好味, 辣酒煮花螺, 酒味好重, 食落好辣, 但都好味魚都係兩食, 炒球炆骨, 炆骨好味, 炆骨外層仲有少少脆, 好香口野味GOOD GOOD GOOD!!!

星期四晚去了西貢食晚飯，揀咗全記。四個人點咗三款海鮮，包括椒鹽瀨尿蝦、蒜蓉粉絲蒸元貝、椒鹽墨魚，另外仲有菠蘿生炒骨及鼎湖上素。菠蘿生炒骨及鼎湖上素先上枱，味道合格。跟住係鹽瀨尿蝦，ok啦...首先係蒜蓉粉絲蒸元貝，粉絲'林bag bag'、元貝蒸到過火、豉油唔夠味...實在係利害，食咁耐海鮮都未食過咁差的蒸元貝。最後係椒鹽墨魚，墨魚被切成薄片(點解會切到咁薄o架?!?)及炸，完全食唔到墨魚鮮味...嘥料...估唔到咁大間海鮮飯店，整海鮮水準係咁... >.<

昨晚與朋友來此吃海鮮，十多人叫了...芝士龍蝦--一般，D汁OK但龍蝦不夠鮮白灼蝦--冇食扇貝--好大隻，都不錯椒鹽賴尿蝦--呢個最好味，好咸好脆蜆--細隻到呢炒飯--冇特別炒米粉--也冇特別每人二百幾，不太抵呢度服務認真麻麻，有個侍應整污左我朋友件衫，竟一句對不起也沒有...這晚吃得開心，都比個OK佢啦但心想西頁應還有其他更好的海鮮吧

1. 椒鹽瀨尿蝦：味道太濃,有如食熱浪薯片2. 羌葱炒蟹：味道一般, 太普通3. 上湯龍蝦：開邊龍蝦仔, 份量少4. 清蒸海上鮮: 竟然是一條無鮮味的倉魚5. 粉絲蒸瑤柱: 好靱, 細細粒.總括來說, 同一般酒家分別不大，無需咁遠入西貢食!

國慶日一家4口到此一逰，成興而來，失望而回。我們點了四人餐及一些點心、籠仔飯四人餐1. 上湯龍蝦：上湯"獻"好似漿糊般杰2. 椒鹽瀨尿蝦：油膩+油膩3. 羌葱炒蟹：微溫，味道一般4. 白灼跳螺：大約15粒左右，有1/3唔熟，螺肉完全"掘"唔到5. 蝦醫炒通菜：油膩6. 蒸鮑魚仔：可以(按上菜次序)籠仔飯：很多人order, 但味道一般食物質數一般，服務令人歎息。我們食至中途，侍應奉上一條蒸魚。當我們告之四人餐尚未上桌應該是蒸鮑魚仔，那侍應哥哥一臉迷茫，不發一言將魚拿走。我們當時不以為然，但15分鐘後鮑魚仔依然無影無踪。我們唯有請另一位侍應幫忙跟進，但10分鐘後只見這侍應收拾細軟下班。無奈地，我們只有再請另一位侍應跟進，她對我們說：我而家忙緊，要遲一點。10分鐘後她再來，我們將情形再說一次，她答應跟進。5分鐘後她告訴我們那侍應哥哥忘記通知廚房，所以漏單，我們要再等5分鐘。唉，唯有再等。5分鐘後，鮑魚仔當然未到，那侍應主動走來，告訴我們再等5分鐘後就應該有。我們已經等到發呆，但因為套餐唔可以取消退錢。當我們一肚子氣時，侍應主動再次出現，要求我們先結帳!?!?!?!?! 有冇攪錯!?!?!?

呢間鋪d 龍蝦伊麵好唔掂，龍蝦唔新鮮~ 個汁又唔得~ 其他野都好普通~ 食大x 檔好過~

昨日叫了四人餐六人食(依相次序)：－－（一）白灼蝦：好鮮甜，又爽口；（二）羌葱炒蟹：五個自選餐之中，最正係佢，蟹係要同葱一齊食先達到最佳效果；（三）上湯龍蝦(伊麵底)：龍蝦好有海水味，我鍾意；（四）蒸帶子：味道幾好，可惜蒸得熟過頭，好靱；（五）椒鹽瀨尿蝦：味道香，可惜勁油膩，全晚敗筆之作；（六）蝦醫炒通菜：佢話送，但相信都計埋入個餐入面，但炒得幾好味。Anyway, 西貢食海鮮都係被人"lert" 水o架喇~~~

其實想寫回一年前去食的經驗請諒差不多一年一聚的朋友記原本想打golf不過最後嫌遠都係近近地去食海鮮本來係海徬街咁多間全記滿記都唔知食邊間好(其實我以前在西貢讀書日日出海傍食不過都唔知邊間好食d)咁見到全記咁多間明星去就試下啦一上樓梯就見好多明星相上成兩層成去間無景枱環境一般般啦都無所謂啦叫左4人餐除開每人都$200唔算平不過真係好食首先出炒蟹因為自己敏感唔食不過見佢地食唔停仲爭住食我個份應該好正之後炒蜆我可以食好好味幾辣下仲有d唔記得的菜最後到芝士龍蝦冒險食了兩口幾香的芝士味道而且龍蝦份量幾大基本上所有菜色都唔會唔夠食整體而言味道都好食而且老友聚舊夠開心價錢係幾貴但值得相比之下去滿記就唔係好抵最後發覺呢全記非常非常旺去了廁所時見到4層所有枱都滿坐無虛席老闆3兄弟應該好發達

昨天因事與太太下午入了西貢, 便打算順道在西貢吃海鮮。又再次在這裡找一些食評, 但鑑於上一次長洲那不知所謂的”海龍王”中招一役後, 對這裡的食評抱更小心的態度。看了食評後, 再找一些其他資料, 友人的經驗等, 決定會以全記為首選。七時到了海旁食肆區, 一路向全記走, 一路收傳單, 先經過新店, 發覺似乎大豪華了, 故選舊店。第一次來這裡吃, 太太決定先以套餐為試點。二人套餐都將多選擇, 海鮮八選四, 再有炒菜一碟及糖水或生果, HK$348全包。海鮮選了芝士龍蝦伊麵底, 白灼海蝦, 蒸魚及薑蔥蟹; 炒菜要了薑汁炒芥蘭。我們到的時候時間早, 上了三樓, 當時只得我們一枱, 以為是星期一, 生意會較淡, 落單後的海鮮很快出菜。但原來只是我們來早了一些, 很快就全層都坐滿。食物方面很好, 味道及份量方面都令人滿意, 只是龍蝦方面稍嫌過了一些火候。走的時候見到老細, 十分主動問我們意見, 殷勤有禮, 唔怪得個個伙計都服務態度很好。

last sunday來西貢食海鮮,go to全記,成日都見佢上電視,食聖子,椒鹽瀨尿蝦,芝士焗龍蝦and stame fish等都很好味,多人食會"低",地方算乾乾凈淨。

西貢落湯雞之旅第三站。雨實在太大，o係無心情揀食肆之下走左入全記。裝修十分靚，侍應禮貌周到，第一印象唔錯。菜單有中英日對照，明顯係做遊客生意。男友唔想散叫，所以叫左二人餐($348)，選四樣菜，送時菜＋糖水。海鮮四款如下：清湯龍蝦伊麵底－龍蝦好細隻，肉質唔彈牙，頗失望炒蜆－蜆肉鮮甜，呢碟食得最多清蒸海上鮮－唔識睇係咩魚，但細細條，尚算可以鮑魚仔四隻－恕我唔識食貴野，唔明鮑魚有咩咁好食，但好彈牙就係真既。全場最大碟係碟蝦醬炒通菜，兩個人都食唔哂。糖水係薏米糖冬瓜，清甜唔錯。服務非常殷勤，不停換碟。食物份量總計其實唔少，食得非常飽，但每樣都細細份，我估如果多ｄ人食，叫大隻ｄ既龍蝦、魚，味道會好好多。走果時大既七點九，門外大山人海，反而旁邊幾間酒家就努力拉客，差咁遠既…

尋晚(母親節)於西貢「全記」(舊店)之不快事1. 等位果陣已經亂,個帶位阿姐仲發晒脾氣,叫人「你唔好再煩我啦!!!!!」雖然人地真係煩左d,但佢\地本身真係一d系統都無,又無清楚指示話俾人知究竟叫到幾多號等等。我地book左7:30pm, 7:20pm去到,通知左阿姐,都要8:15pm先有得入坐。2.等位時我外父係度揀海鮮,叫左個蘇媚前半條,點知有個阿叔同幫我地take order o既阿姐講:「三十三蚊喎,佢\(指我外父)知唔知架?」嘩, 係唔係話我地食唔起?3.等位時已經落晒order,以為會好快有得食。無錯,頭兩味雞腳同埋蝦係好快到,之後果d就要等成兩三個字先至有一味「食送」,d蝦仲要係唔熱o既。4.五個白飯兩個瀨粉,等左七個字都仲未黎齊,居然話唔夠飯,尾後等多五分鐘度黎多兩個白飯,個waiter同我地講:「仲熱架~」唔知又係咩意思。5.同晚隔離「木台」有人叫左五斤龍蝦,點知上菜時碟龍蝦得果幾舊,同waiter嘈左一輪。6.同晚另一張「木台」又有人投訴,話叫左兩隻蟹,點知上菜時得三隻鉗,仲要無左半邊身,真係詭都要詭得有技巧d呀, 大佬。7.d「食送」上得好慢,咁樣食一d都唔飽肚。

上星期,我的小妹妹在澳門瀛了老虎機. 今晚她大宴家人,一於到西貢食海鮮啦,平時好少機會山長水遠走入黎. 見全記口碑不差, 於是試一試啦. 三日前致電訂位,準時去到即刻有枱,不用吹風呆等.是夜一行十個大人, 四個小孩. 先叫了小食頂住.1) 沙薑雞腳; 傳聞好食,試過亦不錯.2) 嫲辣鴨舌; 表面太辣,但好送啤酒.3) 貴妃雞; 不肥不瘦,好味. 4) 風沙雞球; 驚喜之作,一定要試,只售$28.5) "差"燒一碟; 燒鵝賣晒所以叫了這個,"差"燒唔入味,有點"鞋",始終燒味檔的好味好多.6) 椒鹽鮮魷; 魷魚肉有點"lum",但很香口.海鮮進場~~6) 蒜蓉粉絲蒸扇貝($18隻, 一人一隻),不是巨型扇貝,味道一般,所以價錢亦很平,大排檔之作.7) 白焯跳螺($48一斤, 2斤多),唔係度度街市有的賣,特意叫俾家人試試,鮮甜.8) 椒鹽瀨尿蝦($16兩, 4大隻), 選了兩隻有羔,兩隻冇羔,碎件上,香脆可口,連殼都可以食埋.9) 白焯大尾魷($9兩, 2斤多), 一個字"鮮",配上日本芥辣+豉酒,放凍了味道更鮮,更爽.10) 蒸花鷹班(特價$14兩, 2斤多) 本想叫兩條斤頭石班,因為