元祖沾麵專門店 (已結業)

Lunch黎講，厚福街真係首選，多野揀多野食，今次就係同同事選擇食呢間，店面細細但永遠都勁多人排隊既呢間，今次終於有機會。lunch menu有四款選擇，但我同同事都沒order到lunch menu，而係點了鋪頭最出名既龍蝦沾麵，等了一會新鮮滾熱辣既龍蝦汁上檯，熱到好似熔岩咁，而且香到你唔信，麵就好彈牙，第一啖我正係試了個sauce,龍蝦味好濃好好食，好食到麵食到一半，汁已經食晒咁制，同事唔提我既話麵唔知道原來有得無限添加龍蝦汁，一聽到就立即order多一個汁，真係好食到不得了！

夜晚同朋友想去食拉麵食， 見厚福街有兩間拉麵店都多人，天口熱想食沾麵就最後揀咗呢間。我哋叫咗兩個外賣沾麵（1）芝士海膽沾麵 （ 門外標價$99）（2）元祖龍蝦沾麵（ 門外標價$99）點知最尾收咗我地$108同$145。。。問sales點解會貴咗，佢同我哋講因為門外餐牌未更換。聽到都火滾，就算係旺店都唔可以咁做生意講翻嘢食一樣另人失望😞海膽湯完全冇海膽味 芝士味就濃嘅不過似平時d芝士撈麵 冇咩特別 係裡面有幾塊瘦肉粒 叉燒又乾又多渣 溏心蛋老左d不過味道都ok嘅算唔錯龍蝦湯麻麻 普通貨色 唔值呢個價錢結論，只食一次唔會再食😩

呢間沾麵老店一直係尖沙咀屹立不倒，雖然鋪面唔大，但一路都儲咗好多粉絲，大大碗，大食人有福了！濃厚豚骨叉燒拉麵$88，豚肉大大件，一碗足足有4件，每件燒到外層微微焦脆，入口半溶狀態！麵質彈牙偏粗身，份量十足，同區食物嚟講呢度絕對性價比高！特製八代海赤老沾麵$99，一碗麵再加一碗用熱鍋呈上嘅湯底，大量海赤老係面，非常足料！上菜時仲熱辣辣，湯底會比較杰身，麵底好掛湯，濃郁嘅海赤老湯底配埋拉麵一齊食中和返當中嘅油膩感！每碗麵都附有半隻流心蛋，少量筍同香蔥～值得一提嘅係呢度嘅款式唔少，仲可以加錢配新鮮海膽，價錢都唔會好貴架！

🍜特製八代海赤海老沾麵💰$98😈成條厚福街都係小店💛基本上唔使驚要排死一間隊😎呢間元祖沾麵最岀名就係沾麵所以就試一試呢個特製八代海赤海老沾麵🍜佢個湯好濃好濃仲好多櫻花蝦同豚肉🤔個底仲有幾舊豬腩肉仔幾好咬口😬而個沾麵個麵底都好彈牙唔會太硬身同埋重口味既我幾鍾意佢個湯底咁濃郁😬點落個湯到好好食同埋佢呢個沾麵湯係可以免費添🍛元祖鰻魚芝士蛋包飯💰$129😈而🐻小編就怕唔飽就試下佢個元祖鰻魚芝士蛋包飯🤤OMFG個蛋包飯成個碟咁條鰻魚仲好大條滿滿既醬汁Mix落個飯真係好好食💛不過真係太多飯🤣所以都食剩左少少🥟自家煎餃💰$39😈煎餃子一共有5隻😬但我就覺得正正常常

/ /黃店之選 — 蟹皇沾麵🤩次次經過呢間都超長龍，今日特登早少少過嚟，都等咗一陣！好開心今日終於試到啦( ´▽｀)成間店舖都貼滿左為香港打氣嘅字句見到真係好有感觸！之前一直都好想試呢度嘅蟹皇沾麵，好少地方有得食！於是就叫咗呢兩個麵！極上芝士蟹皇沾麵呢個湯底超濃芝士味，超creamy!仲有海膽係芝士湯上面，好幸福麵質好彈牙煙韌，仲好掛湯燒蟹蓋撈住嚟食，特別鮮甜😝豚肉魚介拉麵湯底好濃郁，唔會好腥仲有三至四塊豚肉，肉質好淋仲配埋半熟溏心蛋🍳

黎到尖沙咀，試一試呢間出名既日本沾麵同拉麵都咁出色既店。一入到黎，店員十分有青春活力，好有禮貌。牆身貼滿哂為香港打氣嘅memo紙，遠睇一望覺得店內充實香港人既熱血，食野都開心d。極上Raclette芝士龍蝦沾麵 168蚊超滾熱既沾麵濃湯，香噴噴，聞到都食指大動。將d拉麵沾落d汁果到，非常好食，汁入面仲會有d大大舊既龍蝦肉。大大隻既開邊燒龍蝦，好多龍蝦肉，芝士味亦好香。黑蒜豚骨叉燒拉麵 88蚊湯底好香既黑蒜味，超級濃既湯底，我個人非常鐘意，而且叉燒亦好多好味。

麵質口感差，味道完全冇日本麵味道，沾麵湯底完全不是湯，只是用生粉做出來的献汁。地方環境差，有味，冷氣直吹到頭暈，價錢貴，收茶錢，只收現金，唯一好是大大碗，但好努力也只吃了三分一，實在難吃。

兩個沾麵湯底上枱時都bubububu ~ 好活躍嘅火山🌋😂極上芝士海膽沾麵 跟 原板海膽芝士湯本身撈左海膽（可惜我食到最尾先睇到⋯）同埋有啲雞肉/豬肉咁。豚肉魚介沾麵感覺就less sticky and heavy 兩個湯底互換taste下都算幾好。兩個麵都有4塊豚肉左右，灸燒過豚肉嘅邊😋 薄薄地，都好嘅。麵條係有pasta geh Al dente Level 。份量都細，食到最尾係會有啲飽⋯ 兩杯綠茶🍵都幾重要，為濃味嘅沾麵帶嚟咗balance

今日第一次食沾麵，感覺好得特別，沾麵同拉麵唔同既係湯同麵會分開，食時先夾起麵放入湯，等每條麵都沾滿湯就食得。而沾麵的麵一般煮完會先過一過 “冷河”，令麵質更爽滑更有口感，食既時候會更加彈牙。呢間沾麵坐位設計都好似日本既拉麵店，有一部份係排排坐既，而且裝修都好有日本風格。一入坐枱面上面已經放左一包紙巾，真係好貼心呢!今日同朋友分別叫左2款唔同口味既沾麵，一款係芝士蟹皇，另一款係豚肉魚介，2款湯都各有特色，都好好味。而每碗沾麵都有日式义燒、荀同溫泉玉子。極上芝士蟹皇沾麵 : 愛好芝士的一定會好鍾意呢款湯，芝士味非常濃郁，再加上用蟹羔烹煮，芝士味中帶有鮮蟹味。再配一個芝士焗松葉蟹蓋伴飛魚子 : 蟹肉蟹羔上面仲舖左一層滿滿既芝士，本身已經好香濃美味，加埋飛魚子就仲正!豚肉魚介沾麵 : 呢款湯味道都好濃郁，每一啖都充滿魚既鮮味同肉類既甜味，加上煙韌彈牙既麵，同半肥瘦日式义燒，好快就清哂成碗麵!

第一次食有鮑魚及龍蝦湯的海鮮沾滿，真係好味道，鮑魚彈牙又大隻，再配埋濃郁的龍蝦湯真係好好配搭，湯濃郁又唔會油膩及咸，仲跟埋石鍋上夠哂耐熱，唔使因沾得麵多，個湯好快凍。仲要將鮑魚浸喺個湯入面，後食，更加又熱煙韌彈牙。多款味道的波子汽水，跟餐亦有特價，原個日本的冷番茄，都係好食之選，加咗d好味酸汁，入口啖啖肉，今次能夠食到好味的日本沾麵，非常滿足。店内的員工服務態度好，很有禮貌。餐廳上又有乾濕 Tissue （無料）免費供應，很精美

🍜元祖沾麵專門店✨• 今次嚟到位於尖沙咀厚福街嘅元祖沾麵專門店 以前食過元祖龍蝦沾麵 以新式料理角度嚟講都幾特別🤪同埋出面搵唔到！！於是今次決定試吓其他款式✨————————————————❶ 極上芝士蟹皇沾麵 $148有驚喜！估唔到係招牌菜🙀最出色係日式叉燒！應該經過炙燒 所以有啲燒過嘅香🥳湯底用石鍋上 一嚟到熱辣辣 好吸引🥰但湯底好快就冇咁熱 食入口就唔洗驚會焫親個嘴仔🤣🤣仲有跟個芝士蟹蓋✨撈埋啲麵食都唔錯 蟹皇好重海鮮味🥺所以我有落少少青檸中和下🥺勝在份量都幾多🤩食完好滿足🥰🤰🏼❷ 黑蒜豚骨叉燒拉麵 $88一飲個湯底就覺得有種熟悉嘅味道👻好似細細個食味千拉麵同埋似出前一丁黑蒜油豬骨湯味！！！係一模一樣😚日式叉燒有四大塊 份量夠多 肥瘦都均勻 😋食完唔會餓 男仔都夠食！😙服務方面 店員好似幾有禮貌 會主動行過嚟問洗唔洗收住啲野 原先以為只係拎走我食完嘅拉麵🥺唔知係咪都要就收鋪啦🙀嗰陣冇留意 原來都就黎10點了🤣唔知係唔係太有效率啦！🤣好快好順手咁就收埋埋我地未食完嘅半碗沾麵😶‍🌫️🤣完全係拉麵價錢 但比澳牛更出色嘅待遇🤣🤣😼而環境方面 座位都算闊落😼坐得都算舒服 但係希望冷氣機滴水嘅

自從係日本食過沾麵之後就一直念念不忘，大大碗既麵條🙌加上唔同嘅湯底真係好吸引呀！今日就約咗個friend嚟到好多嘢食既厚福街搵食..一入到呢間好有日本風格既「元祖拉麵」店員先上兩杯熱辣辣綠茶🍵值得一提呢度有獨立位可以享用各款沾麵！極上芝士蟹皇沾麵 $148呢度為左保持湯汁熱度以石窩滾熱辣上枱🤗一上枱已經聞到湯底好香😍係我鍾情既蟹🦀裡面仲有蟹肉加上紋到好淋既豬軟骨🐷另上既芝士🧀蟹膏蓋可以比我一啖蟹膏一啖麵😋食到我好滿足🤤豚肉魚介沾麵 $89沾麵使用較為煙韌的粗麵🤩口感很有咬口、配超熱的沾湯好掛麵🐟魚介味好突出既湯頭好濃😋我覺得鹹度、濃郁度對我來說啱啱好👍而且湯頭裡還有附兩豬軟骨夠淋又入味😜整體我覺得唔錯！兩個麵都有4️⃣片肥瘦適中既豚肉片🐷及半隻流心溫泉蛋🥚拉麵分量麵好足夠😎食到我地兩個捧住肚走‼️‼️

•濃厚豚骨湯拉麵• $59今次正呀呢個！湯好有豚骨味！！！個湯底係正既！好濃呀真係！飲曬呀！！！痴線🤣🤣🤣🤣拉麵既量算多！都可以！！但個兩塊叉燒 細舊左小小囉🥲🥲🥲但個兩塊叉燒 又煮得好香 又係好食過大塊既！如果多一塊/大塊小小 咁就prefect喇😆😆😆鋪頭唔算好大！所以繁忙時間都多多地人既！Ps 今次唔伏(●’◡’●)ﾉ 仲係lunch時間食到 仲有波子汽水飲😆正！波子汽水仲有好多味揀 唔使加錢🥰🥰🥰🥰因為係lunch時間食！

👧🏻Wodafoodie in Tsim Sha Tsui呢間沾麵不嬲都好出名，有成廿種選擇，芝士海膽、鮑魚龍蝦、黑松露芝士帆立貝、芝士龍蝦⋯⋯等全部都好名貴🤤睇到餐牌真係口水都流曬出黎！✨🦀極上芝士蟹皇沾麵 （普通180g）$148沾麵個湯用石鍋上，芝士海膽濃湯一路滾呀滾，超級熱辣辣🔥勁吸引🤤🤤海膽因為熱辣辣既石鍋會變左一粒粒好似蟹膏咁，湯入面仲有少少䐁肉粒，當你將每條麵都沾滿呢個芝士濃湯，連帶入面既海膽放入口，真係極邪惡😆～勁！好！食！🥰🥰🧀🦀芝士蟹蓋入面有海量蟹膏，加埋飛魚子落個芝士濃湯到，超惹味！真心勁正呀～！！😋😋😋❤️對我黎講普通麵量都好夠食，仲有4大片油脂分佈平均既叉燒同半粒溏心蛋，真係超級飽同滿足！🥰店員話如果個湯唔夠仲可以叫佢加架😍真係好鬼鍾意呢間沾麵既湯底，可能我本身鍾意芝士，比起出面淨係得豬骨熬成既油膩湯底，我更願意將我既quota俾芝士😆😆真心大推呢間沾麵🥰😋📍 元祖沾麵專門店 (尖沙咀)尖沙咀厚福街5-6號多富閣地下5號舖

元祖沾麵本身係TST已經小有名氣，加上發現佢係黃店，一於帶BB嚟懲罰佢XDDD成個牆身都係MEMO，唔知遲啲仲會唔會有⋯⋯所以大家好快啲去了。極上芝士蟹皇沾麵一上枱即刻滿足眼求，熱辣辣「傑TATTAT」，未試都知好濃郁。麵質係我鍾意嘅硬身，每啖麵都沾到芝士蟹皇，夠哂咸香惹味，用哂啲湯仲可以叫職員FILL，所以大大啖沾同食都唔怕。豚骨叉燒拉麵係湯麵嚟嘅，一間好食嘅沾麵相信湯拉麵都唔錯，果然無令我哋失望，湯麵比較淋身，湯底濃郁。每款麵都有4大塊叉燒、糖心蛋、筍，所有配料十分用心！