元祖沾麵專門店 (已結業)

⿻⿻ 元 祖 沾 麵 𓏲𓏱𓏭𓏭已想試呢間厚福街嘅沾麵店好耐 不過基本上正餐時間去都會見到超長龍 今次晏啲去終於食到 (๑˃͈꒵˂͈๑)Menu款式好多 海膽、龍蝦、黑松露、鮑魚 超多沾麵店罕見嘅極豪華食材 最後試咗極上芝士蟹黃沾麵同豚肉魚介沾麵 極上芝士蟹黃沾麵係芝士海膽沾麵湯加芝士燒蟹蓋 個湯顏色已經好吸引 上枱嘅時候啲湯仲滾緊 芝士味超級濃 入面有唔少海膽所以幾有鮮味 麵底份量好多 口感唔會太淋有咬口 叉燒都唔錯 燒到有陣炙火香味肉質亦唔柴燒蟹蓋都係熱辣辣咁上 蟹膏好鮮味 配上一層拉絲芝士更加正一個超邪惡超豐盛另一個就食返清淡啲嘅豚肉魚介沾麵 魚介湯味道夠濃 入面嘅豚肉份量意外地好多 麵底一樣好有咬口 𓏲𓏱𓏭𓏭極上芝士蟹皇沾麵 $148豚肉魚介沾麵 $89

以為咁多人讚好一心來試下~第一感覺已好差職員冇禮貌~明明入面有吉台又唔係要清潔要係門口等左10 分鐘先入得出面又有蚊咬~好啦入到去d位又窄又細都算台邊痴住d蟹子冇人抹的愈坐愈痕個焗蟹蓋不知所謂， 芝士厚到硬入面仲可以稀過水，請問點焗的呢？真心大家樂肉醬意粉上的芝士好味過它貴得來唔好食~服務同環境又差先最慘未試過間所謂日本餐廳可以咁污糟，真心衰過大排檔沾麵普通同湯底普通冇特別~亦唔出色仲要賣$148...

第一次食沾麵🍜感覺同拉麵類同~只係換了湯底另上同埋麵的質感係烏冬同拉麵的中間Order左極上蟹皇芝士沾麵~味道ok, 蟹皇湯係石鍋上的所以由落單到上台大約需時20分鐘<<芝士焗蟹蓋>>但唔知點解焗完蟹蓋內係水汪汪的~味道偏甜。。。。。。湯底可以無限fill~不過其實連麵食左1/3已經好飽了~所以沒有再追加。。。建議餐廳可叫員工介紹如何食沾麵/張貼沾麵食飯的介紹餐廳有d 細位置唔多~如想食最好早d拿位

尖沙咀有驚喜石鍋沾麵，雖然店舖細小，但配套很好，有準備無料紙巾、濕紙巾，唔需要額外俾錢買，而且每個座位下面都有空間放自己個袋 極上芝士蟹皇沾麵🦀好有驚喜的流心芝士鍋，熱辣辣嘅芝士入面有好多蟹肉，沾麵有叉燒、溏心蛋、筍、木耳絲等，麵質爽口，沾上濃郁流心芝士醬，真係好美味😋 薄切叉燒外面輕輕燒香，更加好味 終極蟹皇版～仲有蟹蓋同蟹子蟹蓋仲有好多蟹膏 濃厚豚骨叉燒拉麵🍜幼身爽口既拉麵，特別餚製嘅豬骨湯底好濃郁，而且同樣有叉燒、溏心蛋、筍、木耳絲等

尖沙咀厚福街有好多食肆，之前見到呢間高人氣嘅沾麵專門店成日都要等位，嗰日比較早唔使排隊所以決定試吓。之前喺日本食過非常美味嘅豚肉魚介沾麵，所以今次揀返同一口味。呢度嘅湯汁都非常濃郁，帶少少油脂入口creamy，加入魚介粉令湯汁更加鮮味。湯汁用石鍋上可以保持溫度，唔驚豚肉湯汁凍左會變得油膩。叉燒比食開嘅厚身少少，微微火灼過，咬落爽而不膩。沾麵比一般拉麵粗身，軟硬度適中，口感Q彈亦十分掛汁，不過食到最後會口渴，覺得味道有點鹹，屬於重口味之選。

首先 環境好逼 坐得好唔舒服店員嘅服務亦非常一般其次 綠茶同紙巾都要另外收費Cap水cap到盡未見過拉麵店要收茶錢個麵上枱時已經痴住一舊舊唔係好夾得起 懷疑擺咗好耐個湯汁就好濃味食食下會好濟不過個湯入面嘅肉嘅幾腍幾好食黑松露片完全冇香味 而且得兩細片 好孤寒海膽亦唔鮮甜中曬伏 唔明點解咁多人排隊

麵～又係麵～究竟NANA係有幾鍾意食麵🤣呢間元祖沾麵其實NANA都食過幾次 每次都會見到好多人呢 證明呢間沾麵都有一定的實力哈哈！而且佢湯可以任加 食完仲可以加木魚湯清下味蕾 最特別既係 佢地會係你落單後比個漏斗計時器你 上面寫住：若超過20分鐘都未有食物 全單即享9折🤣✨（但今次都係準時到 所以9折冇緣哈哈哈-特製赤蝦沾麵 $99雖然係呢間沾麵店食過幾次 但幾乎次次都會叫龍蝦/豚肉魚介湯🐟所以都未試過呢個赤蝦湯🦐咁就首先講下個湯啦！一放落枱已好大陣赤蝦味 聞落同龍蝦湯差唔多 但食落的確比龍蝦湯淡！但整體來講都夠鮮味 湯入面都有數粒肉粒 進一步增加湯的鮮味！湯用石鍋上 所以十分夠熱 但就有點黏底！而且凍得好快 再加上沾麵本身凍上 導致食落少左熱辣辣既感覺🧊麵食方面 肉有3塊有炙燒既味道 尚算惹味😽配料有：紫菜、半隻流心蛋、荀、青檸🫒不得不承認 青檸令到沾麵的味道層次上升 而且更開胃😋麵質軟硬適中 唔會太過黏口 亦夠彈性！麵條掛湯能力足夠 合格成為沾麵的麵底😎-整體來講沾麵、沾面湯底都不錯！絕對可以成為想食沾麵時的選擇✨服務態度又不錯：會不斷加茶（因為要收$5🙂）、想加沾麵湯時反應也很快

上網見到呢間拉麵店評價非常高咁樣去到尖沙咀就諗住去試一試啦！去到又冇乜人喎唔使排隊即刻入去就得啦落咗單會俾個沙漏你擺喺枱面如果過咗時間就會有九折但係好快就已經上麵啦！豚骨拉麵🍜湯底一啲都唔濃郁又唔香糖心蛋係冇醬油香味嘅冇乜味嘅叉燒合格湯麵係用幼麵 但係整體來講我覺得唔好食龍蝦湯沾麵個湯上到嚟竟然係凍嘅剩係得個兜係熱啲汁又腥又凍加埋啲面一齊真係好難食間鋪好熱好窄好迫而且店員啲態度真係唔要求要好好但係基本禮貌都冇都唔明點解食評會咁高總之食物質素差環境唔好又冇禮貌永遠都唔會再幫襯

半年前食過佢地嘅普通沾麵 覺得唔錯幾好食 可以回購 勁鍾意食日本嘢+海膽嘅我 當然要試下佢地咁有特色嘅沾麵😜🌟 極上芝士海膽沾麵 🌟芝士好濃❣️沾麵汁入面仲有少少海膽 食落好多層次 超豐富🥰麵質正常硬度 冇特別評價但份量唔少 女仔未必食得晒🙊至於我最期待嘅海膽 外表麻麻 但味道鮮甜🤣我期望係望落橙色嘅新鮮海膽 好似openrice啲食評咁🤭但實際係啡色 排得唔太整齊嘅海膽😅對佢嘅外表有啲失望點知食落一啲都唔腥 仲幾鮮甜 突然有返驚喜😂最後想讚下佢地嘅服務😆每張枱都有獨立包裝紙巾 非常整潔一啲都唔吝嗇 用唔晒成包紙巾 仲可以拎走係個貼心嘅服務💜

尖沙咀厚福街有幾間黃店一向都好多人排隊，難得今日同朋友想早啲食晚餐，就決定黎試下呢間元祖沾麵!!店入面位唔算多，同埋無諗過就算早食飯，都已經有好多人係入面食緊!!去到坐低打開menu，可以選擇的食物都算多!!今次我地就點了以下:極上芝士蟹皇沾麵佢有三隻湯底俾你揀，包括有赤海老，龍蝦及芝士海膽! 今次就揀左赤海老!所有沾麵既湯都可以免費加湯!但對我黎講都淨係飲到一半既湯就已經好飽!!佢個湯飲一啖都已經好有濃烈既蝦味，唔會太咸，之後再將啲麵沾上個湯度，個蝦味即刻出返哂黎~湯入面除左有海膽，原來都仲有幾塊腩肉架!! 配上海膽令到個湯味更加鮮甜!而沾麵上面則有炙燒叉燒，溏心蛋，荀同紫菜當然唔少得既係熱辣辣既焗芝士蟹膏!!滿滿新鮮既海膽被濃厚的芝士包圍，真係超好食!!黑蒜豚骨叉燒拉麵一開始就飲左個頭啖湯先，個湯味飲得出有黑蒜，但唔算太濃烈!!而叉燒分量都好多!!

星期六都係出動食好西既時候😌 尖沙咀厚福街真係好多野食 呢間睇到個樣真係好吸引😍💛元祖沾麵專門店💛咁我同朋友都唔想等位所以就約咗3點去食😌 呢啲時間諗住少啲人食 點知原來唔係 不過都好彩唔使等位就入得😌因為我鍾意食海膽所以就叫咗 💛極上芝士海膽沾麵(原板海膽) $178 店員拎到過黎果陣真係有啲震撼🤩 個湯用石鍋裝住 拎到嚟面前嘅時候仲係新鮮滾熱辣 湯面起晒泡泡👍🏻 影埋相等咗一陣攤一攤就開始食啦🤤個湯有海膽有芝士仲有幾嚿肉 好濃好香 同埋佢好傑身令到食沾麵嘅時候啲湯會掛起個面上 真係好正🤤 海膽正常 叉燒嘅表面係用火槍燒過好香☺️朋友就叫左💛元祖終極龍蝦沾麵$158個湯好香龍蝦味 有唔少肉起湯入面 佢冇芝士湯禁傑身所以都冇禁漏👍🏻食到一半個湯涼左 就叫店員加湯同埋整返熱 都係熱辣辣咁食係最好味😋👍🏻同埋佢既沾麵好多 所以果日食完都冇食晚飯😆

極上芝士蟹皇沾麵 180克麵 $148濃厚豚骨叉燒拉麵 $79長期門口都要排隊,今次早食飯唔洗排咁耐沾麵好多食法,今次試下呢款先!先上拉麵,份量超豐富半隻蛋,大量配料,叉燒都有幾片叉燒燒過再上 食落幾肥美,,配埋濃郁既湯底 湯色奶白,濃香麵條夠掛湯,筍又多極上芝士蟹皇沾麵一上菜已經聞得濃郁蟹芝味食落極上濃厚芝味杰身,麵條仲沾滿濃郁湯汁麵身彈牙,配埋濃味沾湯芝士封住個蟹蓋,下面係大量蟹膏芝士加蟹膏,呢個組合真係好誇張芝蟹沾麵汁濃,食落偏重如果你喜歡濃重系,可以來

今天在尖沙咀處理完一些公事，太太來接我時已差不多九點，便來到厚福街的這家拉麵店，打算食一頓簡單的晚餐位置：在厚福街中間位置的一家小店，地點及交通均非常方便，我們從彌敦道行路過去才3分鐘環境：餐廳用上日式拉麵店裝修，地方精緻，一邊是面向牆的座位，而另一邊是二人的高枱位，座位不少服務：侍應會奉上熱茶，由於所有食物即叫即做，因此等候時間有點長，但侍應們都很有禮貌，上菜時會不斷說「唔好意思」，還會叮囑小心食物太熱之類食物：餐廳主打拉麵及沾麵，湯底即叫即做是餐廳宗旨，所以比坊間一些拉麵店出色黑蒜豚骨叉燒拉麵 $98用黑蒜及豚骨淆製而成的湯底，非常鮮甜及香濃，感覺不到一點味精，較為真材實料日式叉燒有三片，厚薄肥瘦適中，既軟滑亦有豬肉香；筍乾、木耳新鮮爽口；半邊流心雞蛋鮮甜可口；拉麵不軟不硬很順口極上芝士蟹皇沾麵 $148這是店家招牌菜之一，包含了以下三樣：叉燒沾麵～同樣有三片肥瘦適中的日式叉燒、筍乾、木耳、海苔及半邊流心蛋，而麵質煙韌，很適合用作沾麵蟹膏芝士濃湯～非常香濃，芝士味重，湯內更有些許豚肉粒及蟹膏，上枱時還在沸騰，很吸引芝士焗松葉蟹蓋伴飛魚子～令人驚喜的是芝士焗放有大量蟹膏的松葉蟹蓋，充

今日在尖沙咀睇完戲後，到了厚福街食晚飯，選了這間超有人氣嘅拉麵店。入到餐廳後，見到餐廳啲位都坐滿晒人。Order左食物之後侍應會擺一個沙漏，如果20分鐘後食物還沒有送到的話，就會全單九折。不過，我哋嘅食物當然很快送到啦。極上芝士蟹皇都沾麵（$148）賣相好吸引，好豐富。我哋叫了普通份量的麵， 180g，上面鋪咗叉燒，好多嘅筍同埋溏心蛋。當然唔少得主角極上芝士湯同埋蟹黃啦。芝士湯在石鍋入邊熱騰騰，芝士湯入邊仲有大量嘅海膽同埋雞肉。蟹黃係放在蟹蓋入邊，鋪上厚厚嘅芝士，非常邪惡，入面係海量嘅蟹膏，蟹黃新鮮鮮甜，將爽脆嘅蟹籽混入其中，口感更豐富。將煙韌拉麵沾上濃厚芝士及鮮味海膽湯，再放上蟹黃及蟹籽，一齊放進口裏，簡直非常邪惡。鍾意食蟹膏嘅朋友一定唔可以錯過。黑蒜豚骨叉燒拉麵（$98）這款拉麵材料同樣豐富除了叉燒，筍糖心蛋愛還有大量嘅木耳絲。黑蒜豚骨湯味道不是那種很濃郁的豚骨味道，但是黑蒜油提味，味道恰到好處，感覺很易入口，不會膩，拉麵亦掛湯。叉燒係薄切，半肥瘦，入口即溶，而糖心蛋正常發揮。總括而言，d餐我哋都好滿足，呢度嘅拉麵都好有份量，基本上叫一碗已經好足夠，一定食得飽。

尖沙咀呢條街都算多黃店，但係門口已經望到呢間拉麵鋪入面全部都係連儂牆咁當然要試一試。一睇Menu就心諗有選擇恐懼症嘅人千祈唔好入嚟因為當你諗到第一樣嘅時候你又會比第二樣嘢吸引，價錢由70幾蚊到三百幾蚊都有🤪🍜豚肉魚介沾麵-Hkd89每次食第一次我都會揀最原味嘅嘢去試，一上枱前面湯底已經好滾好熱上面加咗唔少嘅魚介粉，雖然係沾麵但係撈完湯之後味道都幾濃，加咗青檸減少咸味令到整體味道更加豐富，食頭幾啖都冇乜事但食多兩啖發現底下嘅麵已經冇乜彈性，而且嗰三塊叉燒係放咗喺碗上邊用火槍燒一燒，所以重疊嘅位置根本冇燒過而且叉燒切得好薄，完全冇口感。食到一半，我就加咗湯，多數出邊拉麵鋪加湯都會加清淡少少嘅昆布湯，咁你就可以飲晒成碗湯好似拉麵咁，但係佢哋呢度加湯同啱啱前面嘅湯底好似差唔多一樣咁濃所以由頭食到尾味道都真係偏重。🧀芝士海膽沾麵-Hkd112佢海膽都有分三個價錢，而呢個係最平嘅，湯底顏色好黃，而且芝士味好重好Creamy，感覺上有啲似飲芝士忌廉湯嘅味道，所以佢都佢個汁都幾掛麵，食到底或者刮到底都會有少少海膽碎😂如果整返來講我覺得佢未到又未去到好出色，或者我自己本身有幾間覺得比較好食嘅拉麵沾麵鋪，