元朗正記茶餐廳 (已結業)

我第一次寫食評,但係估唔到要寫D好野......我前日放工,去果到食飯,果到都幾多人下,我一睇個餐單,就有好多樣菜色在我眼前,價錢都普通,我就叫左豉汁蒸(烏)頭,炸chicken wings,簡直就Very Good!!果到D服務態度都唔錯,我都有D驚訝~~總之,一句到尾,只得一個字....好....

我第二次去果到食野,果時D食物唔係太好,但今次去就唔同,我食番上次既野,味道好左,唔會咁淡,腸粉既入面多左D餡,總之好味過上次~服務:上次D員工係唔會理食完左既桌上的食物,但依家唔同la,好左DD,幾親切!!價錢:都幾平吓,值得一食~

味道:這裡既食物都唔錯,容易入口,唔會咁大件,我D家人都食得好滋味!牛肉粥D牛肉細,老人家同小朋友食得易D,唔會怕(勤\)親,真係細心~我去打bin爐時,有好多好野食,價錢都適中,唔係好expensive!服務:我去果次都幾多人,員工係少,但係佢地都好努力做野,見到都值得食下. 環境:唔錯,幸好這裡既座位多,如果唔係,我就冇得食咁好味既野~ 乾淨:這裡都幾乾淨,係有時就亂左D,但都有人清潔~

首先services差, 我入門口之後都無人問我幾多位呆站左一陣之後都係自己搵個位坐低叫左一個生炒骨小菜晚餐$38送一碗無咩味的中式湯+ 白飯一碗生炒骨食落一d都唔熱, 凍冰冰, 粉又多, 又唔好食連基本的生炒骨都造成咁, 相信以後唔會再幫趁真係去大快活好過

第一次星期日去食lunch，d價錢唔係特別平，但d侍應唔會主動執枱之餘亦唔多願意同你落單! 隔離枱個男人仲慘，件白裇衫俾個侍應倒咗d野落去...個侍應又態度差，結果俾個男人同友人投訴，不過好似冇咩用!另一次星期日晚一家人諗住食晚飯，附近全部爆滿，局住去多一次。嗰度要自己搵位嘅，因為7點幾，好多枱啱啱開始食，有個侍應望一望之後叫我哋去一張就食完又冇人等緊嘅卡位等，我同男朋友咪行埋去嗰張卡位等囉。冇幾耐有個師奶突然走埋嚟我後面細細聲話佢等緊嗰張枱喎，因為我哋企埋去嗰陣根本冇人等緊嗰張枱，我梗係冇理佢啦。點知嗰張枱d人企起身走嗰陣個師奶走埋去搵一個冇著制服(懷疑係老闆?) 嘅女人度講野，跟住個女人就走埋嚟話個師奶佢地訂咗枱!!!我哋當場啞咗...咁都得??!!個女人仲要唔俾我哋坐低喎，跟住唔理我哋!超冇禮貌，擺明趕客!我哋同佢講道理，話佢有伙計叫我哋去嗰張卡位等，佢要我哋指出個侍應之餘仲大大聲話"咁你想點吖?咁你想點吖?" 仲惡過你!凶完你先悔氣話"你幾位?我依家幫你安排!"咁嘅情況，唔係仲食你間野呀!如果呢度服務可以自己打分數，佢一定負分!

去2次, 肚瀉足2日(每次計) 實在太差.

呢間野總共去左2次,如下:First Time:某日同屋企人落街揾晚飯食,見到開左間新野就去做白老鼠,果然中招!!顧名思義佢話係粥店就梗係試吓佢D粥啦,咁我們就叫左碗及第粥同埋滑牛粥...嘩,一食落去d粥稀到水咁,個d滑牛就冇味又細塊!跟住叫左隻乳鴿食,成$3x蚊, 諗住有驚喜,點知真係有驚+"豈"係豈有此理!!食到有少少臭鴿味,而且望落去好D肉好dry咁!!Second Time: 原先我唔諗住有下一次,不過我記得上次冇試過D小菜,一心諗住廚房d抄野會好d,結果...我同個friend係打完波就落黎試下D晚飯小菜,叫左碟鹽焗鷄同魚香茄子煲,結果我唔識形容,祇能如標題所講:"極差", totally disappointed !!!In conclusion, i will definitely go the third time to this restaurant!!!

某日(幾個月前)同老婆,仔三個人去食早餐,都唔知佢轉手, 因為前身的鮮茄通粉好正, 但都一場來到, 諗著試下啦, 結果衰.三個人叫一份三文治, 一碗粥, 一碗雞扒面.三文治塊面包紙咁薄(冇誇張, 因為後面都詐形),粥又太"Hei", 雞扒又細塊而面又唔好食. 所以之後冇再去.

今日试他们的粥品，因为上次见到很多人食。叫了：皮蛋牛肉粥牛肉肠粉牛肉粥有好多味精，肠粉仅得2条，食完好口喝。装修后，地方好了，但食品就差了很多。

心唸呢間舖由元朗出到o黎將軍澳開分店, 又裝修得幾骨子, 總好過之前嗰間啩. 結果一次就夠喇, 無下次. 兩個人叫咗:炒麵: 一o黎到第一個反應係份量少, 食一啖發覺d麵凍, 又勁重鹼水, 食完成個口一陣怪味, 卒之食咗兩啖就放棄. 牛肉腸粉: 兩條腸粉d牛肉加埋都無一個茶樓d山竹牛肉球咁多, 粉厚多油, 好彩d粉都尚算滑. 炸兩: 油炸鬼有d淋, 所以有d煙韌. 鮮牛肉粥: 牛肉似瘦肉, 唔似平時食嗰d鮮嫩有血色, 唔算韌但無肉味. 艇仔粥: 豬皮大量豬毛附送! 材料無味. 兩個粥都係水還水, 米還米, d米就變咗米碎, 完全唔係人哋煲到好"綿"嗰種. 但又唔係潮州粥咁大大粒飯, 食完唔飽都唔夠膽再叫其他嘢食. 至於地方嘈,無服務都唔夠d嘢唔好食咁緊要. 一個字: 渣.

和朋友在2日內食過以下食物ay 1: 碎牛粥, 皮蛋瘦肉粥, 叉燒腸, 牛肉腸(共$52)Day 2: 西多士珍寶腸, 餐肉火腿一丁下午茶餐(共$40)味道粥好爛,d米溶晒好難食, 而且份量少.碎牛d牛肉好似蟻咁細粒, 無口感.腸粉d皮好厚,牛肉無味, 豉油得個甜字. 西多士得1片好細既方包整, 蛋漿超厚得陣油益味.環境:惡劣!座位多左, 但變相好迫夾, d伙記傳菜時成日碰到食客同埋自己人. 收銀櫃設在水吧旁(在餐廳好入的位置), 食完埋單又要走番入去, 塞實條路, 我Day 2仲見到坐近門日既食客走數添,呢個設計簡直係敗筆!!抵食:份量比一般茶餐廳細, 會覺得唔夠食,但收一樣既價錢, 唔抵.乾淨:同環境一樣咁惡劣!!!地下超多垃圾, 而且餸汁漬一撻撻, 似足10日無拖地,完全唔似新開張. 咁都不特止, 仲要用完既碗碟隨地放(見圖)張相是Day2在近門口的卡位附近影的,唔好以為我偷左入後欄影,d情況已經好d, 碗碟起碼有個兜裝住. Day1直情係無個兜的).服務:差!!伙記已經唔夠,好多伙記仲"時運高",見到有客唔會幫人搵位,見到有人遞手會當見唔到.當d客食完晒嘢走左之後,唔會有人執走