元朗正記茶餐廳 (已結業)

因為住在附近, 經常會來幫襯.裝修後.. 未知是否轉手了.慣常的樓面大部分都變了, 不止樣子變了, 連面口都變了.. 每次也有點買爛受的感覺.食物還是老樣子, 但多了選擇.就所見的, 生意少了, 容易找位子, 哈哈, 好事.來填肚的, 也是好選擇吧.但還是改善一下那些面口好一點. 食客不是要你們賣笑, 只想有正常的服務態度而已.

天氣開始涼, 女朋友好想食煲仔飯, 又唔想落街, 唯有落街睇下有無得外賣, 點知真係有!只要每個煲加10蚊按金, 食完拿返去還煲就可以退返, 非常好的服務!後來叫左個排骨加蠟腸 同 鹹蛋肉餅. 等左30分鐘, 老闆用厚厚報紙包住個煲以防熱力整爛個膠袋, 再用紙杯倒入鼓油.返到屋企打開個蓋, 香噴噴的煲仔飯味, 倒入鼓油局一陣食得~份量超多, 可以3個人食都得!可以在屋企睇住自己的喜歡的電影, 舒舒服服咁食飯, 真係好正!!

星期六要返工，諗住食個大早餐才上班，點知遇上奇差的態度。以往食呢間都遇上這待應，攞多杯水都唔願。今天叫餐時，因為身體原因，千叮萬囑要熟蛋。佢無回應，最後隻蛋唔熟，我有禮貌請一名女待應整熟D。換來極無禮大大聲的説：「滑蛋係咁架啦」。落單待應也來幫口。我說：「為什麼你在落單時唔話我知！」佢地已經心虛唔踩我行走左。於是我唔同佢嘈。但呢間會永遠bad list 。不過我又發現，呢間野劣評極多，發現自己只是其中一個遭遇。

雖然第一次寫食評，雖然吾關食事，但真係要講下，尤其收銀短頭髮個牙姐真係好無禮貌，黑口黑面，前世欠左佢甘，好似成個世界欠左個牙姐甘，我都係做服務行業，我都已經好好聲氣，講灑吾好意思，吾該，都係甘無禮貌，好似吾休無生意甘，做老闆既真係要話下d員工，都吾明點解會請d甘差既員工，如果有電話可以打去投訴，我一定第一個打去投訴，我睇反d食評個收銀牙姐都吾係第一次得罪d客，真係貼錢買難受，吾想白白受氣真係吾好去，

今晚屋企無飯食，同家人附近搵餐廳醫肚，食茶記本身都無打算影相寫食評 ，但真係差到咁，唔寫唔得。呢間元朗正記剛裝修完，其實都無咩整過，係感覺乾淨左，但侍應明顯請少左，舉手成個字，個個扮睇你唔到，我地分別叫左時菜牛肉炒麵同排骨炒麵。等左兩個字到幾乎一齊到，驟眼望落去，好似炒得幾靚咁，炸得幾脆咁，點知一食落，瀨野，點解有梘水味架，炸脆左嘅麵係超硬，好明顯係用左平時湯麵嘅梘水麵當作旦麵黎炒，排骨同牛肉係雪藏野用大量鬆肉粉，霉嘅，真係太差，以後唔再黎

食物水準，就係普通茶餐廳。唔可以叫有水準，只可以話肚餓有野唔難食既野填肚。態度極差，特別係收銀個位阿婆，又大聲吆喝，黑面黑足全場，好似前世欠左佢咁。唔想白白受氣，就唔好去呢間正記

星期六無目的週圍去逛，不自覺由九能坐車來到將軍澳新寶城，由於肚餓原故，就近馬路邊看到這間正記，打量了門口餐牌一陣，便决定入去試試。這餐廳座位都算多，坐得都舒服，侍應招呼都okay。差不多3點，便叫了兩個下午茶，吉列豬扒加半份西多和魚片頭河加炸魚皮，合共$76元，價錢可以，食物味道其實又不太差，最欣賞是這店的炸魚皮，炸得非常鬆酥可口，放一片炸魚皮落湯底浸下，居然可聽到很清脆好像滾油炸蝦片的聲音，咬落很脆很脆。至於豬扒、西多士和魚片頭河就跟一般茶餐廳差不多，不過不失。心形豬扒呀炸魚皮好食

原來食個早餐都要睇食評嘅簡直不知所謂，呢間叫元朗正記我諗住食早餐，唔會衰得去邊呀本身都唔係平，我叫左個早餐d,榨菜雞絲米配火腿煎蛋 牛油方包，d蛋係涷到入心既，衰過大x樂10倍，榨菜雞絲係得2條雞絲全部榨菜既，牛油方包係吹到乾晒既，食左一半已無食，走去收錢埋單個呀姐木無表情甘，再望一望個水吧位置，原來佢地做定10碟火腿煎蛋放定係度，唔涷就奇啦，呢d甘既餐廳，早餐都可以差到甘，唔會再去，絕不推介各位!

其實係因為媽媽鍾意食呢度嘅雲吞麵，所以先至嚟到食早餐。而我就不嬲喜歡食豬手，所以就叫咗豬手米線。呢度個豬手其實都幾好食嘅，滷得好入味。不過最大既敗筆係有啲豬手毛無刮乾淨。係度食嘢我都知自己唔應該要求好多嘅，但係呢個真係會有啲扣分。而且豬手如果可以再林啲，我覺得就更好啦！呢到係煙煙韌韌既豬手，唔太係我杯茶。 米線都ok, 好滑同煮得林個菜都幾新鮮，媽媽話芥蘭而家當造喎，可能因為咁，所以我覺得個菜都幾好味！冇渣。

一個人食飯，食咩無所謂，最緊要唔使等位！今日打八號風球的正記照常營業，一向知呢間食店多人幫襯，原因之一是非常方便駕車人士。正值午餐時份，一枱接一枱客，生意非常好。不過眼見侍應在執拾我枱之前食客留底的用具時，把枱上用過的牙籤，飯粒，只是用枱布一掃著地，睇見我眼都凸埋！至於食物，這裡的LUNCH MENU有3至4張，很多選擇！我點了一個茶餐廳常菜：豬排蛋意粉想不到很大碟！豬排很大塊！！不過食落中招。。。這個是什麼汁的味道？不是燒汁，茄汁的味道，總知見到呢個色水的汁，無諗過會有少少苦的味道，超奇怪！因為個汁已經佔了食物的很大面積，基本上每一啖食入口的都有怪味。我未試過食一個餐，可以食到一半已經食唔落這個餐另送湯和熱飲一杯。坦白說，個湯除了食水似湯之外，跟飲水是沒什麼分別。意思是個湯非常淡，飲不到湯的味道，似飲有色的水多點幸好熱華田不過不失，唔係濃，但唔會太淡。飲完，拍拍PAT PAT趕快離開，多謝４４元。

食物不知所謂，叫海南雞完全食得出用微波爐叮熱，隔夜到終極，冇野食都唔會再黎食！連醬都可以難食，薑蓉變色，飯有怪味！仲有個西冷扒，鐵板都可以唔熱，更加唔好話有冇肉味！

自從將軍澳一帶被封為空中之城，坑口入面商場林立，但有時夜媽媽想食餐正常啲既愈來愈難搵，就連地舖茶餐廳好多都係10點零11點cut單元朗正記但就開係將軍澳坑口果度佢反而打正旗號有宵夜餐由夜晚10點半開始，有粉麵飯，野飲半價。除左宵夜餐，其他仲有好多選擇。雖然叫餐，但價錢其實同普通炒粉麵差不多價錢，又唔係免費包野飲，所以其他選擇都唔錯四川口水雞，絲苗白飯，例湯（食完先發覺由頭到尾無比例湯我）另配 凍奶茶 hk45+hk9口水雞份量普通，全雞翼部分，切得麻麻，因為食到碎骨。但個口水汁調得好好，餸飯一流，酸同辣都有齊。配料有花生，仲有粒粒既菜舖，腌得好好味，同個汁好夾又爽口，開胃醒神。雞肉煮得幾好，滑身唔鞋，切既size算正常，如果唔係幾舊都有碎骨會更好。飯量算多，大概正常飯碗有一碗半飯，宵夜食會飽到瞓唔著，不過我好肚餓全部食哂凍奶茶，份量正常，用碎冰，夠凍，茶味無咩得別，奶既份量算正常，唔算太甜。用黎餸個辣口既口水雞非常唔錯總括，食物質素可以，份量足夠。價錢唔算平，但周圍無咩宵夜食，呢度算坐得舒服，夠大都可以彌補。我個人幾介懷餐廳出少左個例湯，雖然我叫完都唔記得亦無催，但出齊單係餐廳既基本責

這間「元朗正記茶餐廳」午市店內人頭湧湧, 估計唔差得去邊, 又有張吉的卡位。在沒有參考openrice的食評下, 怱怱走入去。店內地方大, 放滿枱, 又有電視, 一貫街坊茶餐廳的格局。等左好耐先有人清理枱面, 環境及衛生情況只是一般。服務更加無。午市沒有小菜, 只有炒粉麵飯及2款常餐。豬排炒蛋併叉燒米線$43叉燒米線個湯好油, 米線太淋, 叉燒可以。豬排半煎炸所以表面香口, 肉質不嚡口, 略嫌太多脂肪。炒蛋有强烈的牛油香味, 味道不過不失。肉絲炒麵$44 // 肉無味、芡汁無味、麵鹼水味强烈。好耐無食個咁差的炒面, 食左幾啖放底筷子想走人!有個冬瓜例湯, 味道不過不失, 總比個炒麵好味。好耐都冇食過今難食嘅茶餐廳。要俾個咸面!

本來都成日幫襯正記，因為喺屋企附近嘢食又比較多選擇。果日叫外賣自取，去到都未出聲個收銀阿姐態度好差咁問我：你張單咧！（佢以為我堂食埋單）我指住我個外賣話我係果個，唔知邊度得罪佢，佢好兇咁走過去搣咗黐住外賣果張單出嚟，跟住找錢又大聲拍喺個碟度俾我，之後我行出間鋪佢全程都啤實我！我係嚟你鋪頭消費唔係搵氣受，我以後都唔會再去俾錢佢賺！而且我相信果個肥婆同樓下果位客人講嘅係同一個，即係唔係佢果日心情唔靚，而係佢一直都係咁rude!

小弟對食冇乜要求, 隨便食乜都會滿足, 但今晚呢餐確實令我罕有地覺得好反感, 要上黎發表一下!!背景:由於係零晨時份, 附近除左麥當當同呢間茶餐廳之外, 就冇餐廳開; 而之前未食過呢間, 見人又唔多, 所以, 抱住一試既心態入去, 隨隨便便食D野就走點餐:嗌左個海南文昌雞飯, $43, 送例湯, 問伙計哥哥, 可唔可以要雞胸, 佢話冇得揀。冇問題, 咁夜都有得揀我會好欣賞佢地, 反正都只係打算求其食D野返屋企訓覺上餐:先黎一碗湯, 哇, 飲左兩啖, 咸到你味蕾醒覺!! 入面其實見到既只有一塊豬骨同埋幾粒南北杏, 令人思疑你洗唔洗落咁重味精!! 同埋人都唔多, 你水都唔拎杯黎...不過算, 冇所謂, 最多陣間齋啃唔飲湯...當個海南雞飯黎到, 我就真係視覺上都已經飽左!! 你有冇搞錯... 真係咁樣都可以拎出黎嗎??? 我差D以為係上手食剩你加返D薑蓉就拎返出黎!!! 實在太恐怖!!! 雖然其實食落去又唔係話真係真係咁差勁, 都係熟既雞囉, 但係你可唔可以斬得好少少呢? D雞中左化骨綿掌咁又碎又甩皮甩骨咁... 真係望到都飽架喎!!! 我相信大家望到D相(只係拎過舊青瓜放響飯度, D雞上