元朗正記茶餐廳 (已結業)

2月6日（星期六）晚，是晚女友來我家吃晚飯，因家父不想煮飯，主動提出來這裡吃晚飯。原來此店近日成為父母的新飯堂，皆因家父覺得這間茶記除了一般茶記應有的炒粉麵飯、小菜、港式西餐外，還有粥品和腸粉等，冬天時更有煲仔飯和羊腩煲等供應，而且不收加一，和我家又祇是一條馬路之隔，甚得家父歡心。我們約七時左右到，女友因為從中環趕過來要遲些許，所以先叫父母先點一個北菇滑雞煲仔飯（因為制作需時），待我接女友來到後再商量吃甚麼。因為家父愛吃魚，就一於試試這兒的芥菜魚頭鍋，此鍋還可點配生料，之後追加一碟烏冬和滑牛肉。芥菜魚頭鍋湯底味道略淡，芥菜份量不少，魚頭當然祇得一個，給家父和家母瓜分了；之前試過吃肥牛，質素比超市賣的還要差，所以今次試滑牛肉，滑牛肉是用生滾粥的牛肉片，色澤淡紅而肉質頗韌，烏冬當然是買來貨，沒有特別。感覺上我覺得上一次來吃較好，因為我可以吃著羊腩煲，還可以點生料打邊爐，更有煲仔飯吃，真的是一次過滿足了三個願望。講起煲仔飯，這次的北菇滑雞煲仔飯就很一般，滑雞肉質尚算滑，北菇祇得兩、三片，煲仔飯的煲頗大個，但飯就祇有一半，飯粒分明軟綿，然而飯焦不算多。晚飯期間，我們還叫了兩碟炸兩和白粥一碗，最

亞b以為我睇富貴門大結局,唔陪佢其實我已經靜雞雞買左宵夜比佢有及第粥,叉燒腸,凍檸茶同炸中翼及第粥非常足料豬潤勁多叉燒腸都唔錯不過d皮好厚雞wings有5隻又脆又夠味亞b最鍾意個lemon tea平時亞b只愛奶茶但去到正記一定飲lemon tea你就知佢有幾正la~

10月31日（星期六）下午，女友來我家找我，因大家也未吃過午飯，於是就來這裡吃下午茶。最初女友以為是一般茶記，便集中看茶餐，到我告知這裡兼賣粥品腸粉，頓時雙眼放光並說要吃粥和腸粉。我提議火鴨絲腸和菜心牛肉腸二擇其一，女友說兩款都要，也好，至於粥品就試試泥“魚孟”粥。火鴨絲腸的火鴨夠濃味，反而菜心牛肉腸就很一般，把菜心切碎再混入牛肉中，相信創意比味道更重要；不過兩款腸粉也是即拉的，口感軟滑，豉油味道適中，尚可。泥“魚孟”粥原來像一般生滾粥一樣，粥內約有六、七尾細小的泥“魚孟”，魚肉尚算幼滑而粥底香綿，但兩者在味道上是零交流，好像是剛巧幾條魚跳進粥內而已。因為我倆皆要和雙方的親戚吃晚飯，所以沒有一起吃晚飯，誰不知原來是晚家父竟然提議來這裡吃晚飯，結果一日內我來了兩次！

海下灣沒想像中美, 但因正值潮退所以不諳水性的我也可以在海中行得很出, 第一次見手臂般大的海參, 又有各式的小魚兒, 心情很是興奮, 希望人們會注意保育意識, 等下年再來時能給我看到最美的你當大家還在七嘴八舌討論吃什麼時, 其實大家已累死了, 就這樣去朋友家中吃個外賣, 看看電視談談話, 又是一個休閒晚上斑腩豆腐煲 - 本來是叫支竹豆腐煲的, 但送到來卻變了豆腐, 雖然豆腐我也愛吃, 但支竹依然是個人首選. 豆腐一般, 唔算好滑, 魚柳炸粉不厚, 每件皆啖啖肉的, 但可惜食味過於輕清海鮮雜菜煲 - 海鮮不算多, 但勝在夠清, 味道穩陣川椒雞 - 雞件肉質好腍好滑, 味道小辣但卻很醒胃, 十分惹味焗牛仔骨 - 用錫紙的包上, 沒什麼醬汁, 比較乾身, 內裡除了牛仔骨外, 還有大量的芹菜和蔥段, 雖然如此但卻沒有應有的香氣, 牛仔骨雖多, 但卻不入味同場加映朋友在美食博覽買回來的蟹, 辛苦晒

真係差得無人有先講味道,佢 D 野無味到奇特叫左份炒蜆, 佢真係可以炒到蜆味都無埋,沙爹金姑肥牛, 個汁真係好似水咁,椒鹽鮮魷佢自動走椒鹽...中式牛柳汁又係'希'到傻....金銀蛋浸莧菜係有肥皂水味的....另外好過份的係個份量炒蜆好少, 不過 $28 我算沙爹金姑肥牛$48 ->4片肥牛, 得半煲野椒鹽鮮魷$54正常少少->都係少中式牛柳$48真係過份, 得三塊, 五個人都唔知點分....金銀蛋浸莧菜 $42 係比較多, 不過有肥皂水味都真係食唔落...唔會再有機會, 絕對唔得

吾明d人點解覺得好食, 打正照牌叫正記粥店, 唸住d粥一定好食啦, 食完就慘啦, 口喝到死, 落咁多味精緊係好食啦, d腸粉都算ok, d公仔面好難食, 食落不似大光面, 不知什麼東東, 環境又坐得不舒服, couner 位, 坐落去好窄, 肥人一坐吾入, conner 的 椅又是木的坐得耐pat pat 都痛, D人態度又差, 無樣好, 食過1-2次, 以後都不會去食

今晚7:43pm致電叫外賣, 送貨地點係茶餐廳行過2座(都在新寶城內), 我只係叫左最普通的"西式四寶飯", 所謂西式四寶飯, 即係將煎蛋, 腸仔, 火腿加餐肉鋪在一殼白飯上(跟豉油汁), 呢個四寶飯入面既餸, 全部可以講係已經煮定, 只係搵人負責"執碼"淋汁就送得外賣.但我足足等左45分鐘都等唔到. 我第一次打去追order是8:14pm, 佢地話剛送出左, 叫我等等. 到左8:28pm仲未收到, 真係佛都有火, 我再打落去問點解仲未有. 個姐姐仲話"出左喇喎, 你個order送x座4x樓x室嘛 , 你再等多2分鐘好唔好? 我幫你打去問個外賣仔咩事". 我唔想再同佢周旋, 因為實在太肚餓, 叫佢地取消order!我以後唔會再幫襯佢地, 就算餓死都唔會! 真係嬲到好想喊!

上禮拜日, 同6位朋友夜晚去食煲仔飯, 一人叫左一個, 等左一個鐘有多全部都未來. 問個亞姐, 亞姐話要等半個鐘, 我地話已經等左個幾鐘喇. 之後再等多成3個字先陸續有煲仔飯上, 仲要孤寒到唔係一人一碗仔豉油, 而係2-3人先有一小碗, 但佢話唔夠就出聲.好喇, 倒左豉油落煲仔內焗一陣, 食果陣d餸無味, 飯又唔夠乾, 所謂飯焦應該係太多order趕唔切煮, 用猛火迫到佢燶晒, 個底係全黑色既飯焦. D豉油又無味, 唔咸亦都唔甜, 唔明點解佢地要加一浸油在豉油內(從來食煲仔飯都未見過咁), 唔知係咪拎d腸粉豉油俾我地就算, 所以咁多油.另外, 環境都幾差, 好多檯無人執, 太忙喇d侍應最後既comment係建議佢地認真檢討下, 係咪真係應付到咁多order先好賣煲仔飯(已經有8個爐頭煮, 但每煲閒閒地都要4-5個字先煮起啦), 要人等個幾鐘先有得食好差囉.

16/11 3個人來食晚飯叫左:1) 二人套餐: 包括咕嚕魚柳, 沙薑雞, 生菜, 中湯二客, 飲品二杯~ ($118)d咕嚕汁好淡.冇味~ 沙薑雞一般啦~ 生菜好油. d中湯好味精~ 總括黎講.d小菜唔係咁好味~ 下次會試下d粥會唔會好d~2) 炸兩~ ($11)ok~ 不過唔知點解d豉油好黑.好似老抽咁~

有一段時間沒有來吃飯了﹐是日午飯時間﹐想節儉一點﹐就來這裡。點了個蠔仔粥﹐蠔仔好多﹐湯底好香﹐甜咸適中﹐好美味﹐肉碎好有咬口﹐配上蠔仔和小量的香菜﹐好好口感。另外點了個肉片粥﹐今次粥身唔夠咸﹐好淡味﹐不過肉片夠新鮮﹐好滑﹐豬肉夠嫩口。

想吃D清淡D噶野﹐於是來呢間我覺得D粥煮得最靚的粥鋪。小白點了枝竹羊腩褒﹐枝竹好入味﹐羊腩好有肉感﹐好香羊味﹐吾騷。我點了咸瘦肉粥﹐咸瘦肉好多﹐好正﹐有肉味﹐咸咸都帶出粥都香味。吃飯中途﹐見到李龍兒來賣外賣﹐看來她都覺得好喔﹐如果唔係都唔會等甘耐都制啦。

我不知道其他菜如何﹐不過我點的菜就真係好好味。今日我第一次落來呢間餐廳吃飯﹐如常點了碗肉片粥﹐肉片好新鮮﹐好滑﹐無豬味﹐但好香﹐有肉味﹔粥係新鮮煲的﹐好米花。小白吃的係蠔仔肉碎粥﹐蠔仔好滑﹐夠新鮮﹐肉碎好夠料﹐粥底好好味﹐配上中芹﹐和蔥花﹐好香。

其實我從來都未去過餐廳的鋪頭吃過﹐聽朋友說裡面的餐廳服務員態度好麻麻﹐點左菜好耐都唔上﹐成日要催先得。不過我次次都係吃外賣﹐所以門市的野就唔知道啦今次﹐我叫了個豬腸肉片粥﹐呢過粥我成日都吃的﹐品質如一。粥係新鮮用米煲的﹐所以看到米顆化開的“棉”﹐(唔像有D鋪頭﹐貪方便﹐係用磨成粉的米粉溝開水﹐好像BB糊仔)﹔豬腸粉好新鮮﹐有“趙”口﹐而且好乾淨﹐要知道豬腸如果唔乾淨係好難吃的﹐而且會好唔衛生的﹔肉片都值得一贊﹐新鮮薄切﹐好有肉感﹐好滑﹐唔韌。

我住左tko一輪. 食了這一間茶記幾次... 但真的不會再有下次...論食物, 粥是不錯,而且tko無乜粥店... 其他的(如炒粉面飯) 真的很普通, 只是一間普通茶記 ... 但價錢就幾貴... 比隔離個幾間仲要貴幾蚊.... 地方又唔係十分乾淨...而且他們的服務真係一般...我試過幾次漏單... 等二十幾分鐘d野都唔黎... 問完先知佢寫錯枱號. 或者比左第二枱.........

早午晚餐都食過。全能茶餐廳，係無湯粉麵，不過檔粥相當掂。早餐選擇多，個麵湯底差，雪菜乾，不過叫沙爹或轉一丁就可以，炒蛋好，唔太老。效率好高，快得好緊要，一樣即製熱辣辣。粥相當掂，不過最掂係佢地既即叫即拉腸粉，炸兩，叉腸，牛腸，全部都不例外，即叫即拉實好味之餘，個豉油調得好靚。炸兩一孖一齊包，特別。叉腸叉燒有細切，酒樓級手功。另炒麵都好，有大排檔風味。午市試過炒貴刁同咖哩。咖哩唔得，不過貴刁好得，有蝦，鹹辣平衡好，唔太肥，大碟，多河粉，無話啖啖都係洋蔥芽菜，抵食。晚市試過小菜，有師父功夫，唔係亂來。椒鹽鮮魷，炸豆腐都做得好好，細碟d，叫埋啤酒，享受一流。薑魚腩煲，又係水準之作。花枝片西蘭花，花枝片未食過有人比咁多，跟足有蝦糕醬。最頂癮夜市都一樣有得食即拉腸粉。食完非常滿足。服務方面，ok，侍應算主動有效率，比較斯文，唔係核突麻甩佬或者飛仔。坑口食市唔係少，不過好既就真係好少，茶餐廳水準參差，暫時呢間最好。