元朗正記茶餐廳 (已結業)

依幾日凍左好多，就挑起左條煲仔飯引，睇過屋企附近只有正記同大型商場有間餐廳有煲仔飯食。本來都想試下商場果間，點知8點去到都要等20 張台。人愈大愈唔想排隊，所以就轉戰正記！第一次黎正記，比想像中乾淨同埋大。去到即刻有張卡位～又唔洗搭台，坐得好舒服坐低即刻叫煲仔飯，因為講明要等30 分鐘我同老公兩個人叫左鳳爪排骨煲仔飯，北菇滑雞煲仔飯加臘腸，仲加左碟芥蘭。一陣就黎左碟芥蘭，都好乾淨，未有飯黎已經食晒碟菜等左25 分鐘，熱辣辣既煲仔飯終於黎喇！寶係出晒煙鳳爪排骨煲仔飯 - 排骨好入味好惹味，但鳳爪略為煮耐左少少，但整體都好好味北菇滑雞煲仔飯加臘腸 - 雞真係好滑，但骨比較多，我都係比較喜歡啖啖肉加左臘腸真係更惹味～飯都食多幾啖呀總括黎講，正記已經可以幫我止下煲仔飯引～下次再想食煲仔飯果陣，都會再諗起正記

夜麻麻，入將軍澳探朋友，走人時冇嘢食，去咗元朗正記食嘢，間嘢喺將軍澳，唔喺元朗嘅。睇Openrice，嘩勁劣評，唔知乜事。以前佢有隻舊宵夜，豉椒排骨蒸河粉，勁好食，又惹味田，成日食，50蚊左右有凍飲，抵到爆。今次夜麻麻，成點，突然想食西多，再飲個兒童鴦鴛，阿華田加好立克。個西多，冇大家樂咁工業，好味喎，夜麻麻有新鮮炸嘅西多食，好感動。兒童鴛鴦，幾好味，有奶嘢機會。如果再入將軍澳，夜嘛嘛，一定食元朗正記，因為得佢有開。

呢間茶餐廳食品都幾多元化，粥粉麪粉樣樣有，聽聞這裡既湯河出名，叫了一客牛肚湯河配凍奶茶。轉眼熱辣辣牛肚湯河奉上，牛肚香而腍滑，配上特製豉味辣醬，可口非常，河粉幼滑，份量亦十足，值得一讚。

又再光顾这间餐厅，今次专诚来试驰名煲仔钣。晚上七时许已迫满人，好不容易才找到座位，叫了腊味和北菇蒸鸡煲仔钣，要三十分钟才做好。香味扑鼻，钣焦香脆可口，餸料肉汁丰富，份量十足，果然名不虚传。

行過路過不要錯過，正值午飯時間，到處人頭湧湧，乍看正記坐無虛席，耐心等一下就有位子了。午餐選擇多，我們仨沒多看，就點了三份蒸的菜式 分別是蒸腩片、蒸水蛋和蒸肉餅。三款都各有特色，蒸腩片惹味，水蛋嫩滑，肉餅足料。正記，果然正！

今日胃口唔係咁好,老公提意去正記食碗粉,我就叫咗碗雲吞麵,老公要咗碟排骨炒河,排骨炒河粉幾好食,但我碗雲吞麵就差咗少少,d蝦唔彈牙,麵及湯底一般,比一x館差很遠,價錢一樣,原本胃口唔好,食咗一半都唔想食

當一枝公去食野嘅時候真係好鐘意去茶記食野，事關係茶記會布好多志同道俠嘅一枝公隊友。雖然間餐廳叫元朗正記，但間餐廳其實係將軍澳嘅XD。起身有D遲，所以叫左個楊州炒飯($50)，頂左早餐加午餐。茶餐廳一向效率快，我個炒飯話咁快就上檯，呢個炒飯用左椰菜、叉燒、蝦仁、蛋同蔥花去炒，D飯炒得好乾身，D料都落得足嘅，少少泛油光，而調味咸度適中，係有鑊氣之作。奶茶見佢個色咁濃就知佢立頓茶包落得夠哂多，茶香味夠，唔錯嫁啦。 呢個價位食到個炒野，仲可以任坐唔嬲，算係抵食，同算係咁啦！

成日好夜返到坑口都冇咩野好食，所以成日都會去正記食呢個宵夜餐，$43真係算係咁。一個辛辣麵+炒蛋+蒜香多士+雞扒，凍飲加$3，好合理，好抵食，仲要唔差😂真係要偷笑...千祈咪加價呀！加價我唔幫襯嫁！！🗣🗣🗣

今天去將軍澳坑口辦事，因爲趕時間，又夠鐘醫肚，就近去了新寶城那家正記茶餐室午膳，睇下係咪咁正先、入去坐落，見地方大，坐位多，但是中午放工时候，坐下坐下就越來越多人了，要搭枱！以從事工程或建築行業人仕居多！餐牌上有很多選擇，點了個南瓜鼓汁排骨飯！份量夠，而且有例湍湯和一杯熱飲包括在內，$46算抵食！份量：足夠。味道；普普通通啦，南瓜排骨是一早整好的，也不夠熱。例湯好行貨，唔得！叫咗杯熱檸茶如圖；冇乜茶味，也冇乜檸檬的香味！服務員也很求其，有改善空間！

今晚我們喺將軍澳附近探完朋友之後，去咗銀澳路「元朗正記茶餐廳」食晚飯！我們叫咗鳳爪排骨煲仔飯、梅菜肉餅煲仔飯、臘味鴛鴦腸煲仔飯同北菇滑鷄煲仔飯，全部都有好焦香惹味嘅飯焦香味！但鳳爪就唔係好入味，而且煮到過晒火，所以質感極之「粗嚡」同腍身！排骨嘅肉質都幾爽滑！梅菜嘅味道都幾香甜，但肉餅嘅肉質就唔算係好新鮮，而且仲有啲「霉」嘅感覺！臘肉嘅脂肪相當多，所以感覺超級油膩，至於膶腸同臘腸雖然都幾芳香，但食落嘅質感就非常硬實，要好艱難先可以咬得開！滑鷄嘅肉質都算幾軟滑，但一啲鮮味都無，祇淋上啲豉油一齊食，先可以叫做有啲啲味！

成日幫襯佢嘅原因係因為佢開到好夜，夜晚附近都冇乜特別嘢好食，所以保守啲都係揀返間茶餐廳食架啦，今次叫咗個特製熱狗，個醬唔止係沙律醬咁簡單，佢加左啲芥末係入面，但係太重手啦🤮🤮🤮我食到流晒眼水～好鬼死攻鼻啊大佬🤧建議可以芥末落得唔好咁重手😂我下次真係唔敢再叫～🤣🤣依家先知道原來自己咁冇膽，要做冇膽匪類😂😂😂哇哈哈哈..........................（不斷有回音）另外仲叫咗個牛肚豬肉丸米粉，個湯唔夠腩汁，夠味唔夠香，分量足夠，食得飽一個肥仔☺️然後最尾其實都有講一句，我覺得都幾好食😂😂😂😂

禮拜日，啱啱去完醫院探完病之後一家人過嚟食嘢, 一家七個人一張大枱好正常。 點知個經理黑曬面， 話有位就坐。ok 我忍你。 叫佢介紹啲菜，佢話自己睇相。ok 都我忍你。 點知沙拉豬排係凍嘅， 沙薑雞 竟然係有湯， 海味雜菜煲啲菜只有 菜梗 綠葉都冇。 態度差到冇朋友。 一間餐廳就算服務差啲嘢食好食我都可以原諒，但係呢一間樣樣都唔得仲串七七，我真係無法原諒。 我喺對面住左十幾年，第一次過嚟，冇下次。 絕對blacklist😤😤😤

六至七年前光顧，來個例湯，竟然附送食物保鲜纸一小撮，要求服務員更換凍飲一杯，卻惹來黑面一張，還說: 例湯是送的，你飲唔飲唔關人事，要換我只可換湯而唔係改凍飲。呢D服務態度我真的接受唔倒囉。今日重遊舊地，員工已面目全非，服務。向侍應生點了兩個下午茶，炸雞腿配牛油方飽和炸雞腿配薯條。雞腿皮脆香口，用了黑胡椒，不太辣，薯條炸出來不油腻又不乾身，熱騰騰的。配上兩杯餐飲，埋單都是8O元有找，都尚可接受。不知何解，食客比以往少了

十點當間間鋪頭都打烊， 正記茶餐廳就係夜貓既選擇! 本身諗住開得24 小時既餐廳， 質素應該會差d,點知呢間都幾好味！今日食左個牛腩麵， 比左兩夠牛筋，平時都都唔鐘意牛筋，但呢到既牛筋好入味好好味☺️☺️牛腩麵有小小辣 但係真係好入味，好香。 但奶茶尼講，有d水，未去到茶餐廳奶茶既水平，落小d冰會好飲d.

一間餐廳嘅standard要睇邊一個員工/食物？ 最差定係最好嗰個？要睇最差嗰個。 因為最差果個你都留佢喺度/容許佢比客人食，呢個咪就係你嘅standard!全部人都黑口黑面真係唔知做乜 咁辛苦點解唔辭職呢？ 做乜要勉強辛苦自己？！食物方面叫左個最普通的'涼瓜火腩飯 '以下有三張圖可以睇下佢菜單上面嘅相同實際嘅相一碟係炒好曬好靚，一碟係水汪汪全部烚出嚟最尾就係佢嘅份量，得五嚿肉$49。( 唔會叫佢做火腩因為火腩冇可能咁瘦)好唔明， 其實大家對食物嘅要求係咪咁低？！助長咗呢一類咁差嘅餐廳，繼續提供負能量畀大家其實同區有其他更加好嘅選擇唔使 畀面色你睇 環境乾淨企理食物質素 貫徹到底。唔好怨而家週街都係集團式經營，做得好嘅小店冇人支持，做得差嘅大排長龍。