元朗正記茶餐廳 (已結業)

每次晚飯宵夜諗唔到食咩就會黎正記hahahahaha 老實講 佢又真係keep住個水準架wo食過咁多次都冇失望呢度d野又多款式揀 又大碟今晚叫左兩個晚餐加碟油菜晚餐會包湯同白飯飲品半價講返今晚個晚餐先叫左個沙嗲肥牛粉絲煲大大煲 滿滿的 真係好多料金菇同肥牛都好多 冇呃秤好入味 食落入唔會太濃太杰食完唔會勁口乾果種肥牛唔會un...至於椒鹽鮮魷都好出色外皮炸得好脆鮮魷唔會un 好易咬配埋滿滿既炸蒜 真係勁香口呀再加$15 配個油菜 都好大碟 菜心唔會老今次仲叫咗杯利賓納蘆薈冰味道都幾好不過支飲筒太幼啜唔到啲蘆薈成日塞住支飲筒

Mandy之前已經講過，我平時晚餐諗唔到食咩都會去呢間位於將軍澳既「元朗正記茶餐廳」解決！因為貪佢方便近我，二黎食物種類多又有質素保證！上次我有介紹過煲仔飯，今次，我依然係有叫煲仔飯！但首先想重點介紹下個咖哩先！我係第一次係到點咖哩！🌟咖哩雞扒飯 $56呢個係套餐，會免費跟一個例湯。我好中意佢既咖哩汁煮得夠稠，唔會好辣！仲好香～不過略嫌雞扒就唔夠新鮮，有食到少許雪藏味，呢個扣分！但個咖哩汁可以再食🌟土魷肉餅煲仔飯 $66凡煲仔飯大概等30分鐘，如果要食，一坐低好快點落單。食咁多次都覺得好食，有飯焦，鼓油汁又香香甜甜。跟餐加$14仲有菜，今晚叫左個西生菜，好大塊好新鮮！下次再去就食小菜先！😹

夜晚我哋一行五個人去咗坑口正記食晚飯帶咗鹹魚雞粒豆腐煲、鳳爪排骨煲仔飯、椒鹽九肚魚、菜心、古法蒸倉魚。鹹魚雞粒豆腐煲啲鹹魚消失左之外，其他所有嘢都非常推薦因為九肚魚好滑炸得又夠脆，魚又大條，魚汁撈飯正。

這家茶餐廳周不時也會吃，今夜到訪人流非常多。大概是因為食物質素不差，價錢亦合理。有見天氣寒冷，就是吃煲仔飯的好時機。這家有提供5-6款的煲仔飯。今夜就點了 土魷肉餅煲仔飯和豆鼓排骨煲仔飯，兩份份量都大！而且好足料，熱騰騰，加上鼓油超好吃！只不過等待時間有點久，約25-30分鐘左右。很餓的人，要先吃一點東西墊肚吧！肉餅有得選土魷、蛋黃或梅菜，三款其實都試過，覺得土魷係最鮮味！最正還點了芥蘭，好新鮮爽口大棵的芥蘭，跟煲仔飯餐只需加14元。挺不錯的！

呢間茶餐廳之前嚟過兩次，一次食炒粉麵，一次食小菜，炒粉麵我覺得唔錯，小菜就麻麻。今次嚟係食早餐，有中式粉麵又有西式早餐，可以招呼我哋呢啲麻煩人。餐廳好大，四周嘅卡座圍靠住落地玻離，中間亦有兩排，都幾乾淨。一坐低職員好快行過嚟問食咩，每人秒速睇完落埋單。除咗款式有唔同種類可以迎合到更多人，服務方面都係茶餐廳服務，早餐價錢算平，所以我覺得早餐整體係幾好。外牆有舊香港照，我覺得都係一個特色。魚柳配茄汁豆，火腿嫩滑炒蛋及香烤蒜茸厚多士，魚柳香脆唔乾，蛋無炒得過老，多士都好香，幾好。金牌沙嗲牛肉即食麵配嫩滑炒蛋及香烤蒜茸厚多士，呢款麻麻，大光麵就當然一般啦，沙嗲牛肉都唔好味。馳名豬扒(+$3烏冬)配香烤蒜茸厚多士，豬扒都幾大塊算厚，無醃到太鬆軟無晒肉味，仲有豬肉嘅口感，湯底都正常，Ok嘅。鮮蝦雲吞拼柱侯牛腩河，雖然同正統嘅中式粉麵舖有啲差距，但有驚喜位，牛腩係連牛筋，雲吞都好多蝦，幾爽口，湯底有啲濃，我覺得唔錯㗎。跟餐飲品：熱飲唔使加錢，凍飲加$3。

早餐時段坐咗好耐遞咗兩次手先有人應機！叫咗個沙牛麵要爽麵！到檯啲麵發脹晒！同埋無乜味！本人都唔鍾意食咸都覺佢無味！牛肉似醃得太耐咬落好散！重申唔係滑口似醃得太耐肉質霉果種！多士上檯都唔係熱當然佢嘅炒滑蛋都係最正常係佢果杯凍檸茶！仲有某個男人著恤衫似經理嘅態度唔多好！佢係幫隔離檯個亞姐落單亞姐：b餐要麵經理：本身係麵！！你唔好講咁多！你講飲咩？之後個經理係我隔離行過一路口up up話個亞姐「唔識落單就唔好嚟食嘢」大家可以諗諗試唔試

將軍澳真係乜都收得好早。。。。正記算係性價比高，質素好的深宵食堂喇！叫左兩個dishes，連飯　兩條友 $180內埋單，都算係咁ＸＤＤＤＤＤ去正記食宵，食粉麵就真係蝕底左少少。一定一定要食佢既炒食送。無論幾夜，C FU 都一定係即叫即炒，好有獲氣架！有冷氣嘆的茶記，但有大排檔的獲條同風味。正：）

真心超級超級超級難食塊豬扒得個大字，味道差到爆，一定無回頭完全唔明白同元朗有啲咩關係？所謂嘅元朗正記同埋大大豬扒，當時我同老公一人點左一份，一嚟到嗰啲嘢已經嚇死，因為普通到你唔信，同埋當時我同老公去食宵夜，無論係杯嘢飲為定係d嘢食，都係超級難食同難飲，啲人做嘢又hea，總之唔會再幫襯。建議大家都唔好再去，真心講，即使冇嘢食，都唔會再食。冇任何野超可以推介，超離譜地難食，唔明點解仲有人幫襯，一啲都唔識得尊重食物。

為何深夜總試餓？！11點幾餓起上黎，又懶到唔想喺屋企煮頹面，就一定係落我的宵夜飯堂正記！尼到唔止選擇多，而且經過上次裝修完之野，坐得唔止舒服左，而且野食都好味左！爆like 尼到嘅牛肚河，幾乎10次有8次宵夜都係食佢，牛肚係靚嘅金錢肚，索晒啲腩汁加上香濃湯底，一啖湯一啖河粉一啖牛肚，真係好滿足！老公叫左個五香肉丁炒飯，炒得好夠穫氣，再加上本身五香肉丁都已經係樣超惹味嘅邪惡美食，最後梗係All Clear!!!!辛苦搵錢志在食，減肥都係唯有望埋一邊先！😂😂😂

食早餐，問侍應攞張餐紙，都要俾人問侯老母，而家啲後生仔真係無家教，個侍應大蓋20歲出頭，面青青，可能有吸毒習慣，但點解正記仲要請啲咁無質素既人呢，簡直不知所謂，對老人家呼呼喝喝。打開門做生意請到呢啲垃圾，真係不知所謂

好多時放假不想煮飯，最容易想到的便是茶餐廳，因為多選擇，而且價錢實惠。將軍澳「元朗正記」，位置適中，闊落、座位也不少，更有很多梳化卡座供選擇。咸魚雞粒炒飯，粒粒分明，炒飯好味，不太油膩，但吃不到鹹魚味道。沙嗲牛柳絲炒河，沙嗲味濃而不太辣，多汁惹味。牛肉夠滑咖哩雞扒飯，送例湯配白飯。份量很足夠，咖哩味很濃，不太辣 ，一大盤，送白飯一流 。咖哩雞塊椒鹽豬扒飯，豬扒炸得甘香入味鬆軟，賣相也不錯，碟頭飯之選。惹味的椒鹽豬扒所以話茶餐廳是平民飯堂，因為價錢實惠、選擇多，抵吃!

講到將軍澳坑口嘅元朗正記茶餐廳，除左魚蛋粉和牛肚河好食之外，還有其多元化嘅午市套餐，既有炒粉麪，還多款蒸餸白飯，最吸引就係章魚蒸肉餅，份量十足，真係成吋厚，肉餅軟熟兼具章魚粒，真係肯定夠好食夾大件。

舊地重遊， 看見這半新不舊的館子。 即管坐下，試試。點了一碗魚蛋麵來試真璋。 數分鐘後，端來了一碗有四粒魚蛋，四塊魚片的魚蛋麵。 現在還奉行這標準的粉麵店已不多， 難得這裏還有這份堅持。先喝一口湯，味道很好， 不含太多味精。 再吃一粒白雪雪節魚蛋。 喜出望外， 爽口又有魚味， 這種魚蛋水準，真的很難找。 再咬下去， 有一小粒， 如芝麻大般的魚骨。 這小小的魚骨， 並不足以啃親， 卻足以証明它本來真的是一條魚來的。 再吃一口麵， 彈牙沒梘水味。 最失敗的， 可算是魚片， 它本應是跟魚蛋一樣令人口味的， 可惜師傅刀功太好， 把它切得太薄， 失色了。真正魚蛋麵的味道， 早已在味蕾中消失，在這裏， 可以把她在回憶中呼喚回來。

正記係我同男朋友經常去既餐廳可以稱得上係我地既飯堂 而且佢收得夜 岩哂我地呢啲夜鬼天寒地凍 我地就鼠左去食煲仔飯鳳爪排骨同臘味煲仔飯😍排骨好夠多 2個煲仔飯都好多飯焦 好正阿😍但臘味份量比較少

元朗正記一直是將軍澳人的深宵食堂, 因為只得佢開到凌晨三點! 半夜肚餓又唔知食乜好, 呢度有齊小菜套餐, 粥粉麵飯, 算係好方便的, 所以久唔久都會來!例牌要飲的凍檸茶。招牌河粉一向都好味!來一碗牛筋河走青, 牛筋又淋又滑, 很入味, 份量也很多!肉絲炒麵也很足料, 都幾大碟。麵是炸過的, 卜卜脆, 混合肉絲同芽菜韮王冬菇絲一起吃, 撈埋個汁, 真係唔錯的。D 麵有 D 淋也有 D 脆, 吃起來相當有口感, 層次豐富, 連同辣椒醬同紅色浙醋拌來吃, 很滿足。最緊要係食到最尾, 碟底無油。雖然麵仍然是炸過的, 但感覺上沒有太大的罪惡感, 哈哈。