允升甜品

營業中

休息中

難得入長洲玩半天, 所以我地真係咩都要去試啦...雖然都食到好完滿既晚餐,但我地都要去食埋甜品先坐船走人.我叫左個什果綠茶水晶涼粉; 老闆就叫左芒果奶凍...2樣都好好味..我覺得我叫既就比較有特色好似係出面未試過..佢d涼粉係綠茶味真係幾特別...加埋d水果雪糕真係好yummy, 友人話佢個奶凍都好正又唔會太甜配埋d芒果粒就岩岩好.雖然此店D食物好好, 但服務真係超差.所以我有機會再入長洲都唔會再去.食完甜品岩岩好..上船回家

我地六個為食既少年好耐都冇入過長洲 la....所以我地今次入黎要搵齊晒所有有好野食既舖頭一次過試晒佢!入到去允升....一坐低就聞到好大陣芒果味...我地即刻攞個menu揀d openrice推介過既野食...我地揀左芒果糯米糍...d芒果肉好大粒....我估個芒果都相當大個....糯米糍夾埋d芒果好好味....同其他食開既地方唔同....呢度d芒果肉係好實既...唔會一咬就林同散開...正!之後就係三色芒果腸粉....三隻味分別係芝麻, 綠茶同埋椰汁.....呢個我地覺得只係芝麻味既腸粉皮係有d味之外...其餘果d都係一般...同埋條腸粉一夾既話就會令到皮同芒果肉分開....跟本就唔可以一齊食...冇左腸粉既意義....我地覺得唔太好食...自己叫左個芒果沙冰...好好飲...芒果味好濃....唯一唔好就係佢d冰搞得唔溶....可能整既時間好倉卒...另外仲有大菜糕....味道一般....冇乜特別....大菜糕同芒果其實唔夾...好似分開左兩樣野黎食咁...最後有個雪糕西米沙冰....都幾好飲....同埋個雪糕球既味杯杯都唔同...第一杯係雲呢嗱...第二杯就係芒果味...有芒果味

一心諗住要試芒果糯米糍, 第一日嚟就賣晒, 第二日竟然休息囉最後試咗個芒果黑珍珠大菜糕味道ok啦, 夏天食都幾啱胃口o既, 同埋夠平, $7 杯, 市區應該食唔到但啲芒果其實幾酸, 搞到我有少少懷疑佢啲芒果糯米糍係咪真係咁好食

知道允升最出名係芒果甜品,,身為芒果迷點可以唔試?叫左最多人食的芒果芝麻腸粉和芒果糯米滋,,食後反而覺得好失望...因為覺得佢地的口感唔係好match,,先說芒果芝麻腸粉,,冇錯佢係有芒果肉,,但食落個兩樣野係分開....芒果肉有芒果肉食,,腸粉有腸粉食咁....之後係個芒果糯米滋,,都係個句,,兩樣野係分開的...唔知轉用有芒果肉的芒果茸會唔會好D呢?而且唔知係咪用時下的芒果做,,食落去有D酸....下次會係當做的芒果季黎試好D...食完之後,,反而對佢D蕃薯糖水有興趣多D....

允升甜品既芒果糯米糍出晒名,,我地當然再試啦;P芒果糯米糍 ($6@) (前) 大舊果肉多汁,,皮煙韌=99楊枝甘露 ($13) (後) 夠凍,,濃郁芒果味,,如果多啲柚子肉更好;PP男友就好滿意X))

以為尋日落完雨今日會天陰陰點知天氣超熱一舊雲都無熱到身水身汗去長洲都係為左搵食同行下首先去呢間甜品店試下出名既芒果糯米磁 6蚊粒物有所值果然 糯米好菸un 芒果大大粒雜果涼粉($15) 普普通通無咩特別

芒果沙冰︰無芒果味，就連甜味都欠奉，要自己加糖水，好..好..好差呀！ 芒果糯米糍︰大大粒，內裡既芒果好好味，正！ 糖不甩︰普普通通！

芒果芝麻腸粉:真係第一次食,個腸粉味比較淡,但內裏既芒果好甜好好味Y雜果西米露: D雜果切得好大塊架,超底食呢~~

上年去長洲既時候已經黎過呢間一次嫁喇~覺得幾好食所以今次點都要去食多次!我地叫左個芒果糯米茲好大粒好好食!!!之後叫左茶葉蛋好抵食~~~三蚊一隻咋!而且好入味一定要食!朋友叫左芒果大菜糕試左一啖~幾特別,幾好食~我要左蕃薯糖水小丸子d丸子好好食~不過太多喇...食到好飽...仲有叫左個芝麻豆花呢個就一般啦~冇咩話好唔好食...******食曬先記得影相...

父親節到老遠來到長洲吃個海鮮餐，之後當然不會錯過來允升吃甜品。此店店面小小，僅能容下廿位客人左右；但這裡馳名的芒果糯米滋卻賣得街知巷聞，不論是本地街坊，或是來遊玩的，也不會錯過到此品嘗一下。我們知道此店的芒果糯米滋好賣，為免撲空，所以特於晚飯前先來預訂多盒外賣。飯後來到，依然人山人海，我們要好等一會才能入座。如我們所料，芒果糯米滋早已沽清，我們唯有點了其他款式甜品，再拿了其中一盒外賣糯米滋出來品嘗哩。 芒果糯米滋：果然名不虛傳，「漲卜卜」的糯米滋包著滿滿新鮮芒果肉，切開三塊來吃，也不能一啖吞下。每個糯米滋只售 $6，推介之作！！ 芝麻芒果腸粉：芝麻腸粉夠香夠滑，薄薄的包著份量十足的芒果粒；如多付 $3 可另外芒果汁，會更美味。 芒果沙冰：天氣酷熱，忍不及點了杯芒果沙冰。沙冰芒果味十足，非常消暑清涼。 我們各人還分別點了其他甜品，但小弟沒有逐一品嘗，故不能亂給評語吧。整體來說，說了十次也只是說不能錯過芒果糯米滋，我們每人外賣至少一打離開哩！ 註：如果像我們把外賣的糯米滋拿出來吃，記緊要留神店員沒有把它計在帳單內。

叫左芒果糯米滋, 糖不甩同埋一個黑白芒果腸粉(有好多芒果汁)最好味係個糯米滋~大大舊芒果係入面!仲要只係$6/件不過唔知係咪因為果日好熱呢~入面既冷氣真係好冷......

好味好味好味!!!芒果燸米滋 - 大粒,甜芒果腸粉+芒果汁 - 幾特別, 好味, 想飲埋d芒果汁佢添茶葉蛋 - 好味

同朋友幾經波折...終於搵到允升甜品...間鋪係一條冇咩人既街...都幾難搵下 芒果糯米糍: 糯米糍煙煙韌韌 仲有好好好大粒芒果..正正正 芝麻芒果腸粉: 又係大大粒既芒果 芝麻腸粉做得不錯..又薄又滑但兩者既味道似乎唔太夾...同朋友食食下..就拆開....芒還芒...粉還粉咁食 芒果水晶涼粉: 芒果都係好好味...水晶涼粉好好咬 正!!唔駛諗啦.....下次黎長洲一定會再食!!!!

食左芒果糯米糍同芒果腸粉但D態度真係唔好今次去幾間鋪頭D人都好唔掂芒果腸粉+$3有芒果汁我覺得唔抵所以冇要個老板就同D伙計講要芒果汁但我地明明講左唔要之後大聲話唔要芒果汁佢先聽到好似想屈我地D野黎左冇得改今.......芒果糯米糍好正成舊芒果係到又甜但價錢就貴左D $6一個芒果腸粉同MK一間甜品鋪差唔多都係好食下次應該會再黎

去長洲2日都好似去左5次允升!一無野做就去允升食糖水不過真係幾好味尤其係d糯米chi好大粒芒果香港好少有嫁所以走之前都買左6粒回家食~~~好好味我家人都話!下次黎都會再食