影片
以上資料只供參考, 請與餐廳確認詳情
芒果糯米糍 🥭$17長洲芒果糯米糍，外層包裹著Q彈嘅糯米皮，柔軟滑順，內裡填滿新鮮嘅芒果果肉，香甜可口，行到熱辣辣🥵食返個凍冰冰嘅芒果糯米糍都係一個消暑嘅選擇，但係可能小編要求太高，有啲啲覺得太甜，食一個就夠。鴛鴦芒果腸粉 $33細膩嘅腸粉皮滑溜溜，包裹住新鮮切片嘅芒果，帶有自然嘅甜味，黑色係芝麻味嘅腸粉皮，食落係有淡淡嘅芝麻味，但係小編覺得比芒果搶走咗個味道。佢哋有人頭最低消費$15 ，糯米糍係唔計算在內，另外唔收八達通，記得要帶現金或者支付寶俾錢，要留意一下
繼續閱讀
這道甜品的顏色鮮豔，熱帶風味濃郁。香甜的芒果搭配Q彈的西米，下面仲有斑蘭果凍，口感層次豐富，令人愉悅。旁邊的紫米芒果麻糬餅表面粉滑，內餡香甜，咬下去有種滿足感。整體來說，這是一份既清新又美味的甜品，適合在炎熱的日子享用。來長州必吃
繼續閱讀
去到長洲行到咁上下, 找間小店坐低食個甜品, 甜品款式不花考, 味道唔錯 食物 : 芒果凍奶 $30 ~芒果新鮮幾甜, 奶凍香滑, 味道幾好 雪糕三色河粉 $32 ~ 雪糕是雲呢拿味, 三色河粉幾特別, 都幾香滑, 味道OK 環境 : 小店座位不多, 可能要等下位 服務 : 職員有禮貌 費用 : $62
繼續閱讀
以前允升嘅芒果糯米糍又香又甜，但最近一次再試，實在令人大失所望！年初四去長洲玩，見碼頭附近有人現包芒果糯米糍售賣，芒果塊望落顏色深黃，十分吸引，回程時便想買回家品嘗。心想允升係長洲元祖芒果糯米糍店，品質應該更有保證，所以便行遠啲都去允升花了百幾蚊外買咗1個榴槤糯米糍7個芒果糯米糍。榴槤糯米糍還可以，芒果糯米糍一咬極酸，芒果顏色淺黃，根本未夠熟，7個都是這樣，當中兩個仲有異味，過過哋咁，最後全部咬咗一啖就食唔落去，全部掉晒！作為老字號，保持品質最重要，芒果劏開就知道熟唔熟，唔得嘅仲要夾硬賣比人，咁樣做生意仲點會再有回頭客？一次開開心心嘅旅程就比啲品質咁差嘅芒果糯米糍破壞哂😤
繼續閱讀
允升甜品：長洲糯米糍 + 薑撞奶，懷舊甜品新體驗！今次喺允升甜品試咗兩款必點嘅招牌：長洲糯米糍同薑撞奶，完美演繹傳統手工甜品嘅魅力。今次終於試咗榴槤糯米糍，果然無負所望，真係令人一試難忘！外層嘅糯米皮煙韌柔軟，彈牙又唔會黏牙，薄得嚟啱啱好，完全凸顯咗內餡嘅濃郁榴槤香味。餡料用嘅係新鮮榴槤肉，香氣馥郁撲鼻，甜中帶少少獨特嘅果酸味，完全保留咗榴槤果肉嘅原汁原味。每一口都感受到啲榴槤肉溶喺口中嘅濃滑！薑撞奶就係另一個驚喜，暖胃又暖心。啖啖都有濃濃薑味，辣勁啱啱好，撞出嘅奶凍口感細滑，甜度適中，完美中和咗薑嘅辛辣，特別適合冬天享用，飲完整個人都暖晒。允省甜品嘅懷舊風味加上認真手工，真係值得一試！無論你係甜品控，定係想搵返童年回憶，呢度都係唔會令人失望嘅地方。✨
繼續閱讀