允升甜品

營業中

休息中

芒果糯米糍$6/粒, 好大粒芒果肉, 好好味!榴槤糯米糍$6/粒, size比芒果細粒, 新鮮榴槤肉, 正!凍南瓜露$11/碗, 照片有好多南瓜粒, 現實就只有幾粒粟米粒, 味道OK!

中秋入了長洲 ~ 第一天 DINNER 後到了此店 !愛上了芒果糯米磁, 跟男友說明天中午走時要黎買多幾件 ~芒果糯米磁~ $6@ 必食 男友說 芒果應該係泰國入口 ! 先會咁甜... 我地第2天黎幫襯時聽到有人買了2打回新加坡 !!!芒果腸粉 $16 (((必必必食))) 一句到尾, 唔食後悔 ! 雖然賣相麻麻 ~ 但灰色果隻食到少少芝麻味, (我本身唔 LIKE芝麻 都覺 OK)芒果西米露~相比上面2款, 失色了 !芒果汁的晶晶粒 呢個點錯左 , 誤以為有 芒果肉, 原來冇 ! 如果有機會, 我黎長洲一定要黎返呢度 ~ 都有少少難搵, 因我渡假 HOUSE 近碼頭的 !

成日睇openrice見各位食家都會入長洲覓食'自己都想去好耐'今次長洲之旅未夠完美皆因拜會不到以心太軟見稱的*師妹'不過俾我地搵到另一人氣甜品店-允升甜品'店舖不是太大'我們到達時全院滿座'等了好一會才有位'店內貼滿了各式各樣甜品的相'基本上不用看menu'指手劃腳便可以了'我們點了:雜果大珍珠....比想像中要小'雜果和大珍珠的比例是2:3'個人認為雜果不夠多但勝在夠新鮮'大珍珠不是彈牙的台式珍珠而是大粒板的西米'口感粉粉的'在炎熱天氣下這是清新之選.雜果透明涼粉....都是比較細碗'這碗雜果比例更低'下了椰子汁和花奶'清新感覺多了份膩感'但整體味道不錯'價錢相對便宜唯一美中不足的是芒果汁要加3大元''

去完東灘踩下踩下又回到允升因為口渴和熱的關係, 所以入去睇下有咩野可以解暑見到有沙冰, 就買了杯哈蜜瓜沙冰($15)見到個時個女店員包緊榴槤糯米?!?!勁好奇?! 一舊舊的榴槤肉呀! 見到好想試, 不過因為之前先食過榴槤至尊所以留待下次吧 (心裡其實仲想試的, 安慰自己說)哈蜜瓜沙冰: 飲下去超冰涼! 炎炎夏日, 爽啊!!!飲到哈蜜瓜味不過稍嫌落糖水過量少許, 甜了點$15~都ok大杯gei, 最緊要真係超冰涼!!!!

和親愛的及如如一行三人到長洲行下, 當作如如的生日禮物因為陽光普照, 熱得好不厲害!所以行了一會已經頂唔順, 咁行行下轉角見到允升甜品, 印象中係OR都幾有好評所以入來歇歇吃個甜品咁熱緊係食冰凍甜品啦, 這裡的menu好user-friendly全部都圖文並茂, 我地要了芒果糯米, 芒果腸粉同榴槤至尊一度等一度睇住個女店員一拿一拉一放一包, 就成為一個芒果糯米!果然係幾大個呢! 分開佢, 成大舊芒果肉! 皮薄薄地煙un加埋芒果甜! 如如也忍唔住錄低這個芒果糯米的誕生呢! 芒果腸粉係用海藻粉和芝麻粉包住芒果加$3有濃濃的芒果蓉, 兩隻粉好清爽的感覺, 同糯米相反最後榴槤至尊, 榴槤幾靚幾香, 連隔離檯聞到都望過來可惜嫌榴槤肉少了點, 同埋個椰汁唔夠濃, 淡了點不過個大珍珠, 黑珍珠和海藻海涼粉的配合都幾得意本來見到d雪糕甜品都心郁郁, 仲想叫多d, 不過俾親愛的阻止了續…

cheung chau 尾站!蜜瓜沙冰$15, 好冰凍,但係蜜瓜味唔係好夠~不過都好解渴!什果大西米$19, so so啦, 唔夠汁~芒果糯米糍$6/粒, 真係好大舊! 舊mango都好甜!所以同朋友外賣9粒返去同家人分享~

天氣難料的七月, 難得好天的星期日, 就得去活動活動~~晚飯過後, 還是只有丁點海風, 十分悶熱, 不吃甜品真是對不起自己~點了一個雜果楊枝甘露, 嗯, 我也知道有點奇特, 不過既想吃水果, 又想吃楊枝甘露, 沒辦法了~雜果楊枝甘露賣相有點粗枝大葉, 一貫家庭式甜品的賣相, 跟連鎖店的截然不同~水果當中, 芒果跟西瓜是一樣多的, 另外也有一至兩粒的哈密瓜跟蜜瓜~ 芒果帶點酸~撇除水果的楊枝甘露, 西米甚多, 芒果味淡淡的, 柚肉也不多~分析完畢, 還是開開心心吃了, 因為想吃甜的, 冰凍的, 這裡都滿足了, 涼快得很, 此時此刻味道不必深究!~

今 次 入 長 洲 前 ， 特 登 做 好 曬 資 料 ， 搵 下 有 咩 好 食 ， 見 好 多 人 都 大 讚 允 升 就 專 程 去 試 下 。 第 一 日 ， 搵 左 好 耐 都 搵 唔 到 間 野 起 邊 ，熱 辣 辣 要 搵 路 又 真 係 好 辛 苦 ， 一 見 到 間 野 就 即 刻 坐 低 睇 下 有 咩 好 食 ， 本 memu 圖 文 並 茂 ， 不 錯 :] 之 後 ， 叫 左 個 芒 果 布 甸 ， 芒 果 糯 米 糍 ，芋 頭 糖 水 同 喳 咋 。 個 芒 果 布 甸 雖 然 係 有 好 多 芒 果 ， 但 啲 芒 果 好 酸 ， 可 能 雪 得 耐 掛 。 芒 果 糯 米 糍 個 皮 真 係 好 鬼 正 ， 入 面 舊 芒 果 勁 大 舊 ， 很 讚 。 芋 頭 糖 水 就 好 重 芋 頭 味 。喳 咋 就 不 過 不 失 啦。 第 二 日 ， 熟 左 路 之 後 ， 諗 住 試 埋 附 近 間 開 心 甜 品 屋 ， 點 知 佢 休 息 ， 唯 有 去 番 允 升 啦 。今 次 叫 左 芋 頭

叫左楊枝金露又唔凍，又唔甜，又無芒果味，真係叫錯左另外叫左鴛鴦芒果腸粉加芒果汁白色：呢個就好d啦，因為個皮係應該用椰汁做，幾香幾滑，入面舊芒果都甜，又大舊綠色：應該係海藻，第一啖有d怪，因為真係好有海草味，食落又好d加芒果汁幾好，因為芒果汁好濃大家千祈唔好期望太高

在長洲兩日一夜渡假, 當然要一試這人氣甜品, 分兩日食左兩次第一晚食左芒果糯米糍, 榴槤紫米露, 見有好多人order 榴槤糯米糍但已賣晒; 于是第二日一早再去食左芝麻芒果腸粉; 另外要左芒果沙冰, 榴槤糯米糍, 重睇見佢地不停制做緊芒果糯米糍 因為重要食師妹所以只可以試幾種出名的; 總括都好滿意, 因為價錢真係比出面平, 同時係新鮮人手制做; 下次一定再來朋友如果想試必食芒果糯米糍, 榴槤糯米糍, 其他甜品同出面差不多, 可以不試(因為食糯米糍幾飽架)

尋日係特別節日, 所以入咗長洲行吓食海鮮! 雖然天氣熱d, 但原來長洲都有幾多好嘢食... 食咗兩轉大大粒魚蛋 (正到爆!!), 跟手喺食seafood前行過呢間甜品鋪, 老公話上次入黎camp時食過佢個芒果糯米慈話正!! 聽到糯米慈, 初初都怕會濟住驚食唔落海鮮, 但見佢難得推介, 飽飽哋都食粒啦!! 六蚊粒, 大大粒, 一大啖咬落去, 都只係咬得三分一粒!! 嘩, 嗰一啖嘅感覺, 記到而家住好回味, 正到爆, 真係正到爆晒燈!! 首先個糯米皮, 好軟好唸又唔會話好厚, 仲緊要唔係佢一d都唔甜, 食到好香嘅糯米粉味!! 包住嗰大大舊嘅芒果, 嘩, 真係不得了到爆!! 一路食真係忍唔住一路不停叫, 超勁爆好味, 超勁爆正... 講到老公都不停話 "夠喇!!" 結果忍唔住食埋老公嗰半舊... hoho... 食完海鮮後買多七粒外賣, 喺船度見d seafood落咗少少格, 忍唔住又食多粒...hoho!!

因為看到食評，所以到長洲玩時，專登到這間店吃糖水。晚飯後因太飽，所以來這裡買了外賣返酒店吃，一嘗後，真的有超失望的感覺~我們買了：紅豆涼粉：涼粉硬硬的，紅豆糖水不夠甜，各有各味道芒果汁三色河粉：有三隻分別椰汁、綠茶及芝麻味道的河粉，質感偏硬，不甜，吃下不像甜點，除椰汁味的可吃得下外，其他兩種味的味道怪怪，最後要放棄它芒果糯米滋：內有大大件的芒果果肉，鮮甜，但皮太厚，最後只吃了那件芒果而已吃完之後，感覺到深深被食評騙到了，深水埗區的廉價糖水鋪比他好味多倍。已發誓不會再去，亦希望大家不要被騙啊！

上週末到長洲踏單車, 同行有一位朋友是長洲原居民, 她極力推介到允升吃甜品.首先點了大家都讚的芒果糯米糍 ($6). 糯米糍皮煙韌, 裡面的芒果啖啖肉, 又甜, 果然名不虛傳!由於太口渴, 我這個芒果愛好者又叫了一杯芒果沙冰 ($15), 入口不錯.另外大家又叫了花生紫皮糯米糍 ($3). 紫皮又香, 裡面的花生蓉勁多, 非常抵吃! 記得不要太大口地吃啊!!下次到長洲一定要再encore!

我唔知呢間野出唔出名, 經過見到無乜人, 已經11點就是但食啦, 想食D熱野,合桃胡又無,唯有叫薑汁撞奶啦, 夜有個小弟弟係度整甜品, 店面坐緊果個好似係老細。夜晚無乜人, 所以我男友走左入廚房睇小弟弟整撞奶都無人理~幾好手勢呀~一陣就整好~眼見咁易我都想返屋企試下整！碗奶就OK啦, 用維記牛奶, 都係奶味加薑味咁,夠新鮮夠熱所以幾好味。男友叫左個類似雜果西米的東西, 我試左一啖, D汁不太濃, 好普通, 大粒的西米太腍, 不夠彈牙, 不過$16想要D咩呀, 人地彩虹甜品要成廿幾蚊碗喎~

2008-05-24深夜來到長洲與幾位好友一聚前，與一同事來到這間薄有名聲的甜品店輕鬆一下，要了個雪糕西米露。不過，個人覺得這個配搭不是太夾。