儷廊咖啡室 (裝修中)

嘩, 估唔到酒店細細地方咁大, 而且食物款式又幾多喎, 所以每度試少少都飽晒 冷盆Salad我就喜歡多沙津汁俾我選擇, 由其係個”芒果香草青檸汁. 刺身/壽司/龍蝦仔也不錯, 但係就無生蠔 熱盆有我喜歡的羊扒但唔夠蘇, 還好地d香草味都令我食咗幾件 而另一樣要推介就係d湯呀, 除咗有6款味仲係即叫即煲熱辣辣(好多料), 其餘還有牛扒/炒蟹/串燒/天婦羅(炸漿不算厚又不油) Sabu Sabu/麻辣翡翠螺 而甜品則普通d, 還好有個梳乎厘同自製walffe做甜品 雖然收碟就慢咗d但以這個價錢來說, 整體都令人滿意

見有張渣打馬拉松送既COUPON. 就揀左富豪東方既BUFFET食.有個西蘭花忌廉湯. 初初飲落陣味酸酸地覺得怪.但飲飲下有覺得幾好味.刺身我覺得係正的. 有三文魚. 劍魚. 吞拿同八爪魚.三文魚同劍魚都幾正. 有o趙口. 但八爪魚陣味就有少少唔新鮮咁.青口都正丫. 食落都覺得新鮮.我覺得最值得係D野食幾多元化. 同埋幾有新意.有得自己整刨冰. 有得自己整格仔餅. 有得自己揀材料既關東煮.雖然個關東煮係淡左D. 但我覺得唔係佢唔好食.只係我平時食慣D野比較濃味左少少姐.添野都添得好快. D雪糕冇左一陣姐. 就好快會REFILL.整體黎講. 5個人去. 5個都食得好飽咁走.埋單有COUPON 55折再加一都係每人$180.個人認為. 物超所值!!

星期五晚約左同事響呢處食飯, 仲係好耐都無食過嘅Buffet, 對上一次已經係2年前, 好似都係富豪酒店, 不過係九龍果間。印象中上次都係一般, 所以今次唔係咁期望。去到見倒Buffet選擇唔算少; 但又未至於超豐富, 不過不失啦, 基本野齊全。由於佢地做緊海鮮主題, 所以集中呢方面為主: 蝦塔d蝦望落細-中size, 賣相平平無奇, 點知一入口......哇! 好鮮甜喎! 食多一隻試真d先......都一樣咁甜喎, 連隨掃一碟返枱, 阿爸教得無錯, 食蝦唔好貪大件, 啱Size果d先最鮮, 果然係有根據。我d同事配埋個泰式酸辣汁, 食到差d算埋手指, 我試過都好Yummy!!青口有開邊同全殼兩種, 我鍾意全殼, 需然一般會比開邊細隻, 但肉質又係會比較鮮!!煙肉唔係我首選, 但見佢有煙金槍魚, 又去試下.....又一次驚喜, 肉質細軟, 有魚味, 外皮黑椒辣味提升左魚肉嘅甘味, 唔該又係一碟埋枱。跟手兩-三輪海鮮之後已經半飽, 轉食熱盆。試左個牛肉卷, 味道合格 , 肉質軟滑, 唔錯唔錯。試埋個燒牛仔肉.....哇!!好耐未食過咁細嫩嘅牛仔肉，講真，有好多酒店整到好似柴頭咁，但今次真

有同事比左張 $1 coupon 我, 原來15號就到期, 所以上星期六就諗住book 星期日, 點知打去話full 左, 所以就尋日過去試下. 尋晚7.00pm到左一座低, 就覺得環境好似餐廳, 好多人. 感覺唔好. 行出去睇下有乜食, 就更覺無乜選擇, 唔吸引, 仲有點失望添.日式海鮮天婦羅 --- 無海鮮, 只有青椒, 芋頭… 有好多人排隊, 但每次炸數量都不多, 所以要等好耐. 海鮮冷盤 -- 以蝦為主, 青口, 扇貝, 連蟹都無 , 唉 … 居酒屋串燒 -- 得牛肉串, 味道都可以, 但無其他選擇囉 .. 雜錦壽司魚生 -- 三文魚 ok焗梳乎里 -- 超甜 總括來說一般, 雖然有coupon 但都覺得不值. 不會再試了.

阿媽俾左張$1 COUPON 我，一人去加多$1可變兩人，於是book 左尋晚同老公撐檯腳先講打電話去BOOK 位，餐廳直線電話無一次有人聽，一係就唔通，但打去酒店總機再轉上去就好快接到，唔知係咪咁忙或者有記認直線就唔聽電話！？我BOOK 左六點半，但六點一就去到了，坐左一陣去轉洗手間，已經多左好多人，未夠六點半D counter 就比人排隊拎野喇....首先最多人，就係魚生檯，條龍長到呢~~~~~~~ 但我地無試因為唔係咁好，所以留肚食第二樣。。。冷盤：蝦，幾大隻，又新鮮；瀨尿蝦，比較細，無乜肉食，但都算鮮甜；扇貝，比較淡；長腳蟹，數量唔多，好辛苦先搶到返黎，好鮮甜；青口，好新鮮，好味；龍蝦仔就無食喇..沙律：我地無試自助沙律吧，只食左預先拌好果d，我同老公都鍾意有個海鮮意粉沙律，同有個都幾辣ge沙律(佢無名牌，我估係泰式啦...)老公仲encore添沙鍋翅，好長龍，師傅煮唔切，排隊比較亂。。。有四種味，我地試左馬來亞鯊魚骨湯底、木瓜椰子蟹湯底、鮑魚雞湯底，無試上海酸辣湯底。最好食係鯊魚骨湯呀，椰子湯就好有椰子味，鮑魚湯底唔見有鮑魚。每碗都有一小舊翅係底，同埋勁多銀芽啊。。。熱葷，羊

上網登記左張coupon，因為想幫daddy慶祝生日，用張coupon可獲免費送1磅生日蛋糕，而且我地星期日去食，仲有6折優惠，於是全家5人同埋未婚妻一齊去食下buffet。今期做海鮮主題，魚生都係salmon, tuna, octopus咁，唔需要排好長龍。冷盤有各式蔬菜、沙律、少量ham。主角海鮮bar，有龍蝦仔、熟蝦、瀨尿蝦、長腳蟹、青口。不過對於唔好海鮮既弟弟，唔多岩食。我地幾個就食左幾round。特色推介，即滾砂窩碗仔翅，有6款湯底，有辣有唔辣。試左最普通既雞湯底，勁多芽菜，有其他配料，魚翅係一舊舊，並非一條條針個d。另外又試埋冬蔭公湯底，唔覺辣，其他可以話好淡。天婦羅corner，由一位講英文的廚師負責，兼提供燒牛肉，無食到牛肉。天婦羅都係炸蔬菜，唔見有炸蝦。不過最正就係，發現到有煎鵝肝呀!!!一人份量竟然係2舊，我地應該係岩岩發現既人，因為竟然無人order，好快食得到。熱盤唔多，印度curry連薄餅、龍蝦伊面、蒜蓉蒸帶子、炒蟹、龍利柳、紅花粉炒飯等。中式即炒corner，縮埋一角的廚房，有唔少有鑊氣即炒美食，例黑椒牛仔骨、辣酒煮花螺、避風塘炒蟹.....仲有魚蛋粉之類既

係standard見到有張coupon，即管來一試啦...第一次黎呢到食buffet，又ok喎...裝修好新好靚，食物款式都算多.最好味係個燒牛肉，我食左３片，真係好正！另外甜品亦係另一推介,必試梳乎里...出面食親都幾十蚊個...呢到可以食過夠...HEHE

一向對富豪冇好感,但要就屋企人,冇計主埸新裝OK.服務一般人手唔夠.食物多了很多選擇即炒避風塘炒螺,美國燒牛肉好味,煲仔翅即場煲有幾個唔同湯底有真翅.魚生三文魚新鮮好正，青口,凍蝦,長腳蟹等OK.甜品多藍苺芝士餅,即焗疏乎喱 正估唔到富豪有好嘢,今餐我都很滿意

今個星期日係媽咪生日，媽咪想食BUffet，家姐話有折就去試吓，去之前已經驚驚地，話哂都係富豪酒店，但今次絕對有驚喜。先講場地可能新裝修感覺Ok舒服，唯一張椅有少少吊腳。食物：冷盤魚生新鮮，有長腳蟹等，但值得一提係個凍虾池，比我見到有虎虾，可能少食布菲印象中係第一次，唔…好味。熱食見佢有好多Showcooking，有煲仔翅六種選擇Ok多翅，有個即炒檔可柯打炒蟹辣酒螺等，最好食係燒牛肉同即煎鵝肝，其他有羊扒、咖喱都Ok。到我至愛甜品有藍莓芝士蛋糕、木糠布甸、蕉糖焞蛋、即焗梳乎厘都係我中意食及我勁中意Dxxxs雪糕，有個幾好玩自助刨冰。整體上這次布菲絕對有驚喜，會再去。

好耐之前幫襯過,對佢印象麻麻,友人話見報紙宣傳係從新裝修,又係海鮮主打,兼且有優惠價,姑且又跟隊試試....先講環境,係新裝修過,不過好一般好簡陋,檯排得有多又迫,尤其D新椅,款好娘兼坐得唔舒服,可能同檯既高度唔夾,所謂梳化位又太低,要吊起手黎食野,有腰骨同關節痛既朋友要注意了,同埋有搶食情況服務亦好一般,可能人手唔夠同係新人啦,執碟好慢,水亦加得好慢,好多時我地都係自己清碟食物沙律材料一般,不過擺放位置位於門口位,氣溫比較熱,而且都幾多烏蠅,同埋試想下沙律材料同醬汁都暖既,你話好唔好喇海鮮吧有藍青口,青口,凍蝦,冇咩肉既龍蝦仔,同兩款長腳蟹(當然唔係阿拉斯加啦)除左凍蝦同長腳蟹個鉗,其他都麻麻,好淡,冇咩鮮味刺生吧有三文魚,吞拿,立魚,八爪魚,亦都係冇咩味壽司硬掘掘,同埋一出就好快比人攪到亂晒,睇見到唔想食熱盤有所謂既翅,我朋友第一次試以為係湯,因入面咩都冇,經後尾了解後佢話應該有翅,不過其實係魚唇,D湯味道又怪怪,雖有六款湯,但味道同個湯名不符,不試也罷即灼粉麵,材料一般丸呀咁,不過個湯就勁油,味道亦係麻麻羊扒同牛扒相比其他叫做過得去另外炒龍蝦就真係把鬼,全部頭頭尾尾,搵到有肉食D

今日去試裝修後既ＣＡＦＥ　ＮＥＯ，食物同之前係差不多完全一樣，刺身都係三文魚,吞拿魚,鯛魚等,熱盤有牛柳,龍蝦球,,干燒伊面,鮑汁時菜等,天婦羅,燒牛肉,鐵板燒,鵝肝都有,同之前一樣,不同既係已經無左任飲呢枝歌仔，要比＄２８（果汁），＄３０（啤酒），多左煲仔翅,仲有6個湯底比你㨂,(鮑魚雞,沙魚骨等,真係有幾條翅的)味道都算OK,不過真係要試佢既好好味既牛丸，超好味呀!!!!!＄３１８有優惠劵埋單＄２２３／人，e個價錢加上d食物,算抵～

媽咪生日, 在openrice找到優惠自助餐, 見到富豪呢間有6拆 , 仲係剛裝修黎,咁就訂位試吓啦新裝修後, 環境布局跟以前差不多, 只是甜品區轉了新位置, 多了個即點即煮檔刺身 : 有4款 (三文, 吞拿, 立魚, 八爪魚) 未道較淡, 尚算新鮮. 還有多款壽司 凍食海鮮 : (青口, 藍青口, 龍蝦仔, 蝦, 長腳蟹, 瀨尿蝦) 龍蝦仔好多膏, 正! 熱葷 : 多款選擇, 看得出菜式落過心機.... 羊架正到要添食湯 : 多款即場煮熱給你 (好細心) 沙津吧 : 可以啦甜品 : 比未裝修之前好得多, 款式多擺切靚, 味道買相都滿意 ... 藍苺芝士餅, 正!今餐我們都很滿意

點樣值$348呀!泠盤可接受,因有很多刺身和壽司,食物尚新鮮多款,但熱葷就不用提由頭多尾都係個八盤普通野,食晒都唔轉款一味淨加環境普通凳唔好坐,洗手間勁污租衰個荼記應該唔會再去

坐得舒服，食物款式多。三文魚刺生: 新鮮其他：八爪魚 (一般) 、吞拿、立魚 (冇食) 翅：有六款湯底 ，最愛鯊魚骨湯﹐翅不要期望很多。但一煲煲即場幫你煲 ﹐ 有誠意。天婦羅即炒攤位: 如青衣、菜、螺等凍海鮮：龍蝦仔(冇肉食) 蝦、CRAB FOOT (OK 好味)其他：煙三文魚、釀火退、沙律、冷面、壽司甜品：疏乎里、焦糖布丁、dryers　 ice－ｃｒｅａｍ很過ｔｓｔ的一些ｈｏｔｅｌｓ．．．名不符實。

一家三口，遠道而來，試試。感覺相當唔錯，以前係園林咖啡廳，名字變了。價錢貴了少少，食物多了很多選擇，而且亦十分新鮮。味道亦好。估唔到有頂級美國西冷牛排食。仲有即炒大牌檔風味小炒，好似避風塘蟹和螺。師傅有心機。炒得好味不能不試個魚翅，有幾個唔同湯底。very good.其他，例如魚生，壽司，冷盤，都好正。甜品多到你唔信，一定試唔篩。好個尖沙咀的hotel 多多聲。呢排小人，新場未有知，要食趁快喇。