影片
更多
2010-02-04
星期五晚約左同事響呢處食飯, 仲係好耐都無食過嘅Buffet, 對上一次已經係2年前, 好似都係富豪酒店, 不過係九龍果間。印象中上次都係一般, 所以今次唔係咁期望。去到見倒Buffet選擇唔算少; 但又未至於超豐富, 不過不失啦, 基本野齊全。由於佢地做緊海鮮主題, 所以集中呢方面為主: 蝦塔d蝦望落細-中size, 賣相平平無奇, 點知一入口......哇! 好鮮甜喎! 食多一隻試真d先......都一樣咁甜喎, 連隨掃一碟返枱, 阿爸教得無錯, 食蝦唔好貪大件, 啱Size果d先最鮮, 果然係有根據。我d同事配埋個泰式酸辣汁, 食到差d算埋手指, 我試過都好Yummy!!青口有開邊同全殼兩種, 我鍾意全殼, 需然一般會比開邊細隻, 但肉質又係會比較鮮!!煙肉唔係我首選, 但見佢有煙金槍魚, 又去試下.....又一次驚喜, 肉質細軟, 有魚味, 外皮黑椒辣味提升左魚肉嘅甘味, 唔該又係一碟埋枱。跟手兩-三輪海鮮之後已經半飽, 轉食熱盆。試左個牛肉卷, 味道合格 , 肉質軟滑, 唔錯唔錯。試埋個燒牛仔肉.....哇!!好耐未食過咁細嫩嘅牛仔肉，講真，有好多酒店整到好似柴頭咁，但今次真
去到見倒Buffet選擇唔算少; 但又未至於超豐富, 不過不失啦, 基本野齊全。由於佢地做緊海鮮主題, 所以集中呢方面為主:
蝦塔d蝦望落細-中size, 賣相平平無奇, 點知一入口......哇! 好鮮甜喎! 食多一隻試真d先......都一樣咁甜喎, 連隨掃一碟返枱, 阿爸教得無錯, 食蝦唔好貪大件, 啱Size果d先最鮮, 果然係有根據。我d同事配埋個泰式酸辣汁, 食到差d算埋手指, 我試過都好Yummy!!
青口有開邊同全殼兩種, 我鍾意全殼, 需然一般會比開邊細隻, 但肉質又係會比較鮮!!
煙肉唔係我首選, 但見佢有煙金槍魚, 又去試下.....又一次驚喜, 肉質細軟, 有魚味, 外皮黑椒辣味提升左魚肉嘅甘味, 唔該又係一碟埋枱。
跟手兩-三輪海鮮之後已經半飽, 轉食熱盆。試左個牛肉卷, 味道合格 , 肉質軟滑, 唔錯唔錯。試埋個燒牛仔肉.....哇!!好耐未食過咁細嫩嘅牛仔肉，講真，有好多酒店整到好似柴頭咁，但今次真係驚喜中嘅驚喜，居然可以有肉味、肉質剛剛熟, 帶d粉紅色又有香氣......回味!
最後食甜品, 自己一向對甜食興趣唔大, 不過見到有好多選擇, 同事又鐘意食, 所以用分件方法試曬。其中個人最鐘意個皇室朱古力紅莓同綠茶蛋糕, 前者朱古力味豐厚; 後者清新唔太甜, 正好係一個強烈對比。其他亦好味道, 但我稍覺得偏甜.......總括而言, 喜愛甜品人士應該唔會失望。
張貼