影片
更多
2009-08-20
13 瀏覽
好耐之前幫襯過,對佢印象麻麻,友人話見報紙宣傳係從新裝修,又係海鮮主打,兼且有優惠價,姑且又跟隊試試....先講環境,係新裝修過,不過好一般好簡陋,檯排得有多又迫,尤其D新椅,款好娘兼坐得唔舒服,可能同檯既高度唔夾,所謂梳化位又太低,要吊起手黎食野,有腰骨同關節痛既朋友要注意了,同埋有搶食情況服務亦好一般,可能人手唔夠同係新人啦,執碟好慢,水亦加得好慢,好多時我地都係自己清碟食物沙律材料一般,不過擺放位置位於門口位,氣溫比較熱,而且都幾多烏蠅,同埋試想下沙律材料同醬汁都暖既,你話好唔好喇海鮮吧有藍青口,青口,凍蝦,冇咩肉既龍蝦仔,同兩款長腳蟹(當然唔係阿拉斯加啦)除左凍蝦同長腳蟹個鉗,其他都麻麻,好淡,冇咩鮮味刺生吧有三文魚,吞拿,立魚,八爪魚,亦都係冇咩味壽司硬掘掘,同埋一出就好快比人攪到亂晒,睇見到唔想食熱盤有所謂既翅,我朋友第一次試以為係湯,因入面咩都冇,經後尾了解後佢話應該有翅,不過其實係魚唇,D湯味道又怪怪,雖有六款湯,但味道同個湯名不符,不試也罷即灼粉麵,材料一般丸呀咁,不過個湯就勁油,味道亦係麻麻羊扒同牛扒相比其他叫做過得去另外炒龍蝦就真係把鬼,全部頭頭尾尾,搵到有肉食D
先講環境,係新裝修過,不過好一般好簡陋,檯排得有多又迫,尤其D新椅,款好娘兼坐得唔舒服,可能同檯既高度唔夾,所謂梳化位又太低,要吊起手黎食野,有腰骨同關節痛既朋友要注意了,同埋有搶食情況
服務亦好一般,可能人手唔夠同係新人啦,執碟好慢,水亦加得好慢,好多時我地都係自己清碟
食物
沙律材料一般,不過擺放位置位於門口位,氣溫比較熱,而且都幾多烏蠅,同埋試想下沙律材料同醬汁都暖既,你話好唔好喇
海鮮吧有藍青口,青口,凍蝦,冇咩肉既龍蝦仔,同兩款長腳蟹(當然唔係阿拉斯加啦)除左凍蝦同長腳蟹個鉗,其他都麻麻,好淡,冇咩鮮味
刺生吧有三文魚,吞拿,立魚,八爪魚,亦都係冇咩味
壽司硬掘掘,同埋一出就好快比人攪到亂晒,睇見到唔想食
熱盤
有所謂既翅,我朋友第一次試以為係湯,因入面咩都冇,經後尾了解後佢話應該有翅,不過其實係魚唇,D湯味道又怪怪,雖有六款湯,但味道同個湯名不符,不試也罷
即灼粉麵,材料一般丸呀咁,不過個湯就勁油,味道亦係麻麻
羊扒同牛扒相比其他叫做過得去
另外炒龍蝦就真係把鬼,全部頭頭尾尾,搵到有肉食D肉都乾硬,就算炒波士頓龍蝦個鉗D肉都係硬既
至於其他熱盤都係行貨,煎魚柳呀,牛肉卷呀(冇金菇架係用蔥),串燒呀咁.....
天婦羅什菜全部一早炸定,林既
甜品
亦係大路野,芝士餅鬆散味淡,意大利芝士餅酒太多,只食到酒味兼好濕,有即焗疏乎喱同自己整既格仔餅,雪糕係D字頭雪糕,有六款味道
餐茶係自己沖既,不過只得熱,凍飲要加錢,酒店居然玩茶餐廳格調,凍飲要加錢,好野
總結雖然有優惠只係$240左右一位,但倒不加多少少食D有級數既好過,話晒食落自己個肚嘛
呢度我覺得半桶水咁,要平既客會嫌呢度貴,有要求既亦唔會揀呢度食,我試過一次都夠喇
張貼